This document is an excerpt from the EUR-Lex website
Document 32011R0520
Commission Regulation (EU) No 520/2011 of 25 May 2011 amending Annexes II and III to Regulation (EC) No 396/2005 of the European Parliament and of the Council as regards maximum residue levels for benalaxyl, boscalid, buprofezin, carbofuran, carbosulfan, cypermethrin, fluopicolide, hexythiazox, indoxacarb, metaflumizone, methoxyfenozide, paraquat, prochloraz, spirodiclofen, prothioconazole and zoxamide in or on certain products Text with EEA relevance
Regolament tal-Kummissjoni (UE) Nru 520/2011 tal- 25 ta’ Mejju 2011 li jemenda l-Annessi II u III tar-Regolament (KE) Nru 396/2005 tal-Parlament Ewropew u tal-Kunsill dwar il-livelli massimi tar-residwi għal benalassil, boskalid, buprofeżin, karbofuran, karbosulfan, ċipermetrina, fluwopikolid, eżatijażoss, indossakarb, metaflumiżon, metossifenożid, parakkwat, prokloraż, spirodiklofen, protijokonażol u żossammid fi jew fuq ċerti prodotti Test b’relevanza għaż-ŻEE
Regolament tal-Kummissjoni (UE) Nru 520/2011 tal- 25 ta’ Mejju 2011 li jemenda l-Annessi II u III tar-Regolament (KE) Nru 396/2005 tal-Parlament Ewropew u tal-Kunsill dwar il-livelli massimi tar-residwi għal benalassil, boskalid, buprofeżin, karbofuran, karbosulfan, ċipermetrina, fluwopikolid, eżatijażoss, indossakarb, metaflumiżon, metossifenożid, parakkwat, prokloraż, spirodiklofen, protijokonażol u żossammid fi jew fuq ċerti prodotti Test b’relevanza għaż-ŻEE
ĠU L 140, 27.5.2011, p. 2–47
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
In force
27.5.2011 |
MT |
Il-Ġurnal Uffiċjali tal-Unjoni Ewropea |
L 140/2 |
REGOLAMENT TAL-KUMMISSJONI (UE) Nru 520/2011
tal-25 ta’ Mejju 2011
li jemenda l-Annessi II u III tar-Regolament (KE) Nru 396/2005 tal-Parlament Ewropew u tal-Kunsill dwar il-livelli massimi tar-residwi għal benalassil, boskalid, buprofeżin, karbofuran, karbosulfan, ċipermetrina, fluwopikolid, eżatijażoss, indossakarb, metaflumiżon, metossifenożid, parakkwat, prokloraż, spirodiklofen, protijokonażol u żossammid fi jew fuq ċerti prodotti
(Test b’relevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 396/2005 tal-Parlament Ewropew u tal-Kunsill tat-23 ta' Frar 2005 dwar il-livelli massimi ta' residwu ta' pestiċidi fi jew fuq ikel u għalf li joriġina minn pjanti u annimali u li jemenda d-Direttiva tal-Kunsill 91/414/KEE (1), u b’mod partikolari l-Artikolu 14(1)(a) tiegħu,
Billi:
(1) |
Il-livelli massimi ta’ residwu (MRLs) għal benalassil, karbofuran, karbosulfan, ċipermetrina, indossakarb, metossifenożid, parakkwat, prokloraż u żossammid ġew stabbiliti fl-Anness II u fil-Parti B tal-Anness III tar-Regolament (KE) Nru 396/2005. Għal boskalid, buprofeżin, fluwopikolid, eżatijażoss, metaflumiżon, protijokonażol, u spirodiklofen, l-MRLs kienu stabbiliti f'Parti A tal-Anness III tar-Regolament (KE) Nru 396/2005. |
(2) |
Skont l-Artikoli 6(2) u (4) tar-Regolament (KE) Nru 396/2005 saret applikazzjoni għall-modifikazzjoni tal-MRLs fis-seħħ għall-boskalid f'diversi uċuħ tar-raba'. L-użu awtorizzat tal-boskalid fin-NAFTA (Ftehim Nord-Amerikan għall-Kummerċ Ħieles) iwassal għal residwi ogħla mill-MRLs li hemm fl-Anness III mar-Regolament (KE) Nru 396/2005. Biex ikunu evitati ostakli kummerċjali għall-importazzjoni ta' ċirasa, basal, kurrat, tadam, brunġiel, ħjar, bettieħ, brokkli, kaboċċi, ħabaq, fażola niexfa, piżelli niexfa, żerriegħa tal-ġirasol u żerriegħa tar-rapa, hemm bżonn ta' MRLs ogħla. |
(3) |
Skont l-Artikolu 8 tar-Regolament (KE) Nru 396/2005, dawn l-applikazzjonijiet ġew ivvalutati mill-Istati Membri kkonċernati u r-rapporti ta’ valutazzjoni tressqu lill-Kummissjoni. |
(4) |
L-Awtorità Ewropea dwar is-Sikurezza tal-Ikel, minn hawn 'il quddiem “l-Awtorità”, evalwat l-applikazzjoni u r-rapport ta' evalwazzjoni, u eżaminat b'mod partikolari r-riskji għall-konsumatur u, fejn rilevanti għall-annimali, u tat opinjoni motivata dwar l-MRLs proposti (2). Hija ressqet dawn l-opinjonijiet lill-Kummissjoni u lill-Istati Membri u għamlithom disponibbli għall-pubbliku. |
(5) |
Fl-opinjoni motivata tagħha, l-Awtorità kkonkludiet li l-kundizzjonijiet tagħha kollha dwar id-dejta ġew sodisfatti u li, fuq il-bażi tal-evalwazzjoni tal-istima ta' espożizzjoni tal-konsumatur għal 27 grupp speċifiku ta' konsumaturi Ewropej, il-modifiki irrikmandati mill-Awtorità għall-MRLs kienu aċċettabbli mil-lat tas-sikurezza tal-konsumatur. L-Awtorità qieset l-aktar tagħrif riċenti dwar il-karatteristiċi tossikoloġiċi tas-sustanzi. La l-espożizzjoni tul il-ħajja għal dawn is-sustanzi permezz tal-konsum tal-prodotti kollha tal-ikel li jista' jkun fihom dawn is-sustanzi, u lanqas l-espożizzjoni fil-medda qasira ta' żmien minħabba l-konsum estrem tal-prodotti kkonċernati ma wrew li kien hemm riskju li l-konsum aċċetabbli ta' kuljum (ADI) jew li d-doża ta’ referenza akuta (ARfD) jinqabżu. |
(6) |
Fid-9 ta' Lulju 2010 il-Kummissjoni Codex Alimentarius (CAC) adottat il-limiti tal-Codex (CXLs) għal benalassil, boskalid, buprofeżin, karbofuran, karbosulfan, ċipermetrina, fluwopikolid, eżatijażoss, indossakarb, metaflumiżon, metossifenożid, parakkwat, prokloraż, spirodiklofen, protijokonażol u żossammid. Dawn is-CXLs għandhom jiddaħħlu fir-Regolament (KE) Nru 396/2005 bħala MRLs, bl-eċċezzjoni ta' dawk is-CXLs li mhumiex sikuri għal grupp ta' konsumaturi Ewropej u għal-liema l-Unjoni ppreżentat riżerva għas-CAC (3) ibbażata fuq rapport xjentifiku tal-Awtorità. |
(7) |
Il-modifikazzjonijiet xierqa għall-MRLs, li huma msejsa fuq l-opinjoni motivata tal-Awtorità u b’kunsiderazzjoni għall-fatturi rilevanti tas-suġġett ikkonsidrat, jissodisfaw ir-rekwiżiti tal-Artikolu 14(2)(a)(e) tar-Regolament (KE) Nru 396/2005. |
(8) |
Għaldaqstant, l-Annessi II u III tar-Regolament (KE) Nru 396/2005 għandhom jiġu emendati skont dan. |
(9) |
Il-miżuri stipulati f'dan ir-Regolament huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali u la l-Parlament Ewropew u lanqas il-Kunsill ma opponewhom, |
ADOTTAT DAN IR-REGOLAMENT:
Artikolu 1
L-Annessi II u III mar-Regolament (KE) Nru 396/2005 huma emendati skont l-Anness ma' dan ir-Regolament.
Artikolu 2
Dan ir-Regolament għandu jidħol fis-seħħ l-għada tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, il-25 ta’ Mejju 2011.
Għall-Kummissjoni
Il-President
José Manuel BARROSO
(2) Ir-rapporti xjentifiċi tal-EFSA disponibbli fuq http://www.efsa.europa.eu:
Reasoned opinion of EFSA prepared by the Pesticides Unit (PRAPeR) on the modification of existing MRL for boscalid in various crops , EFSA Journal 2010; 8(9):1780. Ippubblikat: 16 ta' Settembru 2010. Adottat: 12 ta' Settembru 2010.
Rapport Xjentifiku tal-EFSA. Scientific and technical support for preparing a EU position in the 42nd Session of the Codex Committee on Pesticide Residues (CCPR), EFSA Journal 2010; 8(11):1560. Ippubblikat: 26 ta' Novembru 2010. Adottat: 24 ta’ Marzu 2010.
(3) Rapporti tal-Kumitat tal-Codex dwar ir-Residwi tal-Pestiċidi disponibbli fuq: http://www.codexalimentarius.net/web/archives.jsp?year=10
ALINORM 10/33/REP. JOINT FAO/WHO FOOD STANDARDS PROGRAMME CODEX ALIMENTARIUS COMMISSION. Appendiċi II u III. It-33 Taqsima. International Conference Centre, Geneva, Switzerland, 5 - 9 July 2010.
ANNESS
L-Annessi II u III mar-Regolament (KE) Nru 396/2005 għandhom jiġu emendati kif ġej:
(1) |
Fl-Anness II il-kolonni għal benalassil, karbofuran, karbosulfan, ċipermetrina, indossakarb, metossifenożid, parakkwat, prokloraż u żossammid jinbidlu b'dan li ġej: “Residwi ta' pestiċidi u livelli massimi ta' residwi (mg/kg)
|
(2) |
Fil-Parti A tal-Anness III, il-kolonni għal boskalid, buprofeżin, fluwopikolid, eżatijażoss, metaflumiżon, protjokonażol spirodiklofen, jinbidlu b'dan li ġej: “Residwi ta' pestiċidi u livelli massimi ta' residwi (mg/kg)
|
(3) |
Fil-parti B tal-Anness III, il-kolonni għal ċipermetrina, indossakarb, u metossifenożid jinbidlu b'dan li ġej: “Residwi ta' pestiċidi u livelli massimi ta' residwi (mg/kg)
|
(1) Għal-lista sħiħa ta' prodotti ta' oriġini mill-pjanti u l-annimali li l-MRLs japplikaw għalihom, għandha ssir referenza għall-Anness I.
(*) Jindika limitu iktar baxx ta' determinazzjoni analitika
(**) Kombinazzjoni ta' pestiċida-kodiċi li għalihom japplika l-MRL stabbilit fl-Annex III Parti B.
(F) |
= |
Soluble tax-xaħam” |
(2) Għal-lista sħiħa ta' prodotti ta' oriġini mill-pjanti u l-annimali li l-MRLs japplikaw għalihom, għandha ssir referenza għall-Anness I.
(***) Jindika limitu iktar baxx ta' determinazzjoni analitika
(F)= Soluble tax-xaħam
(R)= Id-definizzjoni ta' residwu tvarja għall-kombinazzjonijiet pestiċida-numru tal-kodiċi li ġejjin:
Boscalid - kodiċi 1000000: Boscalid u M 510F01 inklużi l-konjugati tiegħu
Protijokonażol - kodiċi 1000000: It-total ta' protijokonażol-destijo u l-konjugat ta’ glukuronid tiegħu, espress bħala protijokonażoldestijo.”
(3) Għal-lista sħiħa ta' prodotti ta' oriġini mill-pjanti u l-annimali li l-MRLs japplikaw għalihom, għandha ssir referenza għall-Anness I.
(****) Jindika limitu iktar baxx ta' determinazzjoni analitika
(F) |
= |
Soluble tax-xaħam” |