EUR-Lex Access to European Union law
This document is an excerpt from the EUR-Lex website
Document 32011R0185
Commission Regulation (EU) No 185/2011 of 25 February 2011 amending Council Regulation (EC) No 499/96 as regards tariff quotas of the Union for certain fish and fishery products and live horses originating in Iceland
Regolament tal-Kummissjoni (UE) Nru 185/2011 tal- 25 ta’ Frar 2011 li jemenda r-Regolament tal-Kunsill (KE) Nru 499/96 f’dak li jirrigwarda l-kwoti tat-tariffi tal-Unjoni għal ċerti prodotti tal-ħut u tas-sajd u ta’ żwiemel ħajjin li joriġinaw fl-Islanda
Regolament tal-Kummissjoni (UE) Nru 185/2011 tal- 25 ta’ Frar 2011 li jemenda r-Regolament tal-Kunsill (KE) Nru 499/96 f’dak li jirrigwarda l-kwoti tat-tariffi tal-Unjoni għal ċerti prodotti tal-ħut u tas-sajd u ta’ żwiemel ħajjin li joriġinaw fl-Islanda
ĠU L 53, 26.2.2011, p. 36–40
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
In force
26.2.2011 |
MT |
Il-Ġurnal Uffiċjali tal-Unjoni Ewropea |
L 53/36 |
REGOLAMENT TAL-KUMMISSJONI (UE) Nru 185/2011
tal-25 ta’ Frar 2011
li jemenda r-Regolament tal-Kunsill (KE) Nru 499/96 f’dak li jirrigwarda l-kwoti tat-tariffi tal-Unjoni għal ċerti prodotti tal-ħut u tas-sajd u ta’ żwiemel ħajjin li joriġinaw fl-Islanda
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KE) Nru 499/96 tad-19 ta’ Marzu 1996 li jintroduċi u li jipprovdi għall-amministrazzjoni tal-kwoti tat-tariffi tal-Komunità għal ċerti prodotti tas-sajd u ta’ żwiemel ħajjin li joriġinaw fl-Islanda (1), u b’mod partikolari l-Artikolu 5(1)(a) u (b) tiegħu,
Billi:
(1) |
Fl-2009, ġew konklużi n-negozjati għal Protokoll Addizzjonali għall-Ftehim bejn il-Komunità Ekonomika Ewropea u r-Repubblika tal-Islanda dwar id-dispożizzjonijiet speċjali applikabbli għall-perjodu mill-2009 sal-2014 għall-importazzjonijiet lejn l-Unjoni Ewropea ta’ ċerti prodotti tal-ħut u tas-sajd, minn hawn ‘il quddiem imsejjaħ “il-Protokoll Addizzjonali”. |
(2) |
L-iffirmar, f’isem l-Unjoni Ewropea, u l-applikazzjoni provviżorja tal-Protokoll Addizzjonali ġew awtorizzati permezz tad-Deċiżjoni tal-Kunsill 2010/674/UE tas-26 ta’ Lulju 2010 dwar l-iffirmar u l-applikazzjoni provviżorja ta’ Ftehim bejn l-Unjoni Ewropea, l-Islanda, il-Liechtenstein u n-Norveġja dwar Mekkaniżmu Finanzjarju taż-ŻEE għall-2009 sal-2014, Ftehim bejn l-Unjoni Ewropea u n-Norveġja dwar Mekkaniżmu Finanzjarju Norveġiż għall-2009 sal-2014, Protokoll Addizzjonali għall-Ftehim bejn il-Komunità Ekonomika Ewropea u l-Islanda dwar dispożizzjonijiet speċjali applikabbli għall-importazzjonijiet lejn l-Unjoni Ewropea ta’ ċerti prodotti tal-ħut u tas-sajd għall-2009 sal-2014 u Protokoll Addizzjonali għall-Ftehim bejn il-Komunità Ekonomika Ewropea u n-Norveġja dwar dispożizzjonijiet speċjali applikabbli għall-importazzjonijiet lejn l-Unjoni Ewropea ta’ ċerti prodotti tal-ħut u tas-sajd għall-2009 sal-2014 (2). |
(3) |
Dan il-Protokoll Addizzjonali jipprovdi għal kwoti tat-tariffi annwali ġodda u mingħajr dazju fuq l-importazzjoni lejn l-Unjoni Ewropea ta’ ċerti prodotti tal-ħut u tas-sajd li joriġinaw fl-Islanda. |
(4) |
Skont il-Protokoll Addizzjonali, il-volumi tal-kwoti tat-tariffi mingħajr dazju għall-ewwel perjodu ta’ 12-il xahar mill-1 ta’ Mejju 2009 sat-30 ta’ April 2010 ser ikunu allokati għat-tieni perjodu tal-kwota tat-tariffa. Barra minn hekk, il-volumi mhux użati tal-kwoti tat-tariffa għal ċerti prodotti għall-perjodu tal-kwota tat-tariffa mill-1 ta’ Marzu 2011 sat-30 ta’ April 2011 għandhom jitmexxew għall-kwoti tat-tariffi korrispondenti għall-perjodu mill-1 ta’ Mejju 2011 sat-30 ta’ April 2012. |
(5) |
Biex jiġu implimentati l-kwoti tat-tariffi pprovduti fil-Protokoll Addizzjonali, jeħtieġ li jiġi emendat ir-Regolament (KE) Nru 499/96. |
(6) |
Jeħtieġ li r-referenza li hemm dal-ħin fir-Regolament (KE) Nru 499/96 għall-prezzijiet liberi fil-fruntiera tinbidel b’referenza għall-valur tad-dazju ddikjarat skont ir-Regolament tal-Kunsill (KE) Nru 104/2000 tas-17 ta’ Diċembru 1999 dwar l-organizzazzjoni komuni tas-swieq fil-prodotti tas-sajd u l-akkwakultura (3), u li jiġi pprovdut li, sabiex wieħed jikkwalifika għall-preferenzi stipulati fil-Protokoll Addizzjonali, dak il-valur irid ikun tal-inqas daqs kwalunkwe prezz ta’ referenza ffissat jew li għandu jiġi ffissat skont l-istess Regolament. |
(7) |
Il-Protokoll 3 tal-Ftehim bejn il-Komunità Ekonomika Ewropea u r-Repubblika tal-Islanda, li jiddefinixxi l-kunċett tal-prodotti tal-oriġini u li jistabbilixxi l-arranġamenti għall-kooperazzjoni amministrattiva, ġie emendat bid-Deċiżjoni Nru 2/2005 tal-Kumitat Konġunt tal-KE u l-Islanda tat-22 ta’ Diċembru 2005 (4). Għalhekk jeħtieġ li jiġi pprovdut espliċitament li l-Protokoll 3 kif emendat fl-2005 għandu japplika. |
(8) |
Fi ħdan il-ftehim fil-forma ta’ Skambju ta’ Ittri bejn il-Komunità Ewropea u r-Repubblika tal-Islanda dwar preferenzi tal-kummerċ addizzjonali fil-prodotti agrikoli li jsiru fuq il-bażi tal-Artikolu 19 tal-Ftehim dwar iż-Żona Ekonomika Ewropea, mehmuż mad-Deċiżjoni tal-Kunsill 2007/138/KE (5), il-kummerċ bilaterali fiż-żwiemel ħajjin ġie lliberalizzat bejn l-Unjoni Ewropea u l-Islanda għal kwantitajiet mhux limitati. Għaldaqstant, il-kwota tat-tariffi stabbilita fl-Anness tar-Regolament (KE) Nru 499/96 għaż-żwiemel ħajjin ma għadhiex meħtieġa. |
(9) |
Għal raġunijiet ta’ ċarezza u sabiex jitqiesu l-emendi tal-Kodiċijiet tan-Nomenklatura Maqgħuda, stabbiliti fir-Regolament tal-Kunsill (KEE) Nru 2658/87 tat-23 ta’ Lulju 1987 dwar in-nomenklatura tat-tariffa u l-istatistika u dwar it-Tariffa Doganali Komuni ta’ Dwana (6), u tas-subdiviżjonijiet tat-Taric, jixraq li jinbidel l-Anness kollu għar-Regolament (KE) Nru 499/96. |
(10) |
Ir-Regolament (KE) Nru 499/96 għalhekk għandu jiġi emendat skont dan. |
(11) |
Skont id-Deċiżjoni 2010/674/UE, il-kwoti tat-tariffi l-ġodda għal ċerti prodotti tal-ħut u s-sajd għandhom japplikaw mill-1 ta’ Marzu 2011. Dan ir-Regolament għandu għalhekk japplika mill-istess data. |
(12) |
Il-miżuri pprovduti f’dan ir-Regolament huma skont l-opinjoni tal-Kumitat tal-Kodiċi Doganali, |
ADOTTAT DAN IR-REGOLAMENT:
Artikolu 1
Ir-Regolament (KE) Nru 499/96 għandu jiġi emendat kif ġej:
(1) |
It-titolu għandu jinbidel b’dan li ġej: “li jintroduċi u li jipprovdi għall-amministrazzjoni tal-kwoti tat-tariffi tal-Unjoni għal ċerti prodotti tal-ħut u tas-sajd li joriġinaw fl-Islanda” |
(2) |
L-Artikolu 1 għandu jinbidel b’dan li ġej: “Artikolu 1 1. Meta l-prodotti li joriġinaw fl-Islanda li huma elenkati fl-Anness jitqiegħdu f’ċirkolazzjoni libera fl-Unjoni Ewropea, għandhom ikunu eliġibbli għal eżenzjoni mid-dazji doganali fi ħdan il-limitu tal-kwoti tat-tariffi, matul il-perjodi u skont id-dispożizzjonijiet stipulati f’dan ir-Regolament. 2. L-importazzjonijiet tal-prodotti tal-ħut u tas-sajd elenkati fl-Anness għandhom jikkwalifikaw għall-kwoti tat-tariffi msemmija fil-paragrafu 1 biss jekk il-valur tad-dazju ddikjarat ikun tal-inqas daqs il-prezz ta’ referenza ffissat, jew li għandu jiġi ffissat, skont l-Artikolu 29 tar-Regolament tal-Kunsill (KE) Nru 104/2000 tas-17 ta’ Diċembru 1999 dwar l-organizzazzjoni komuni tas-swieq fil-prodotti tas-sajd u l-akkwakultura (*). 3. Il-Protokoll 3 tal-Ftehim bejn il-Komunità Ekonomika Ewropea u r-Repubblika tal-Islanda li jiddefinixxi l-kunċett tal-prodotti tal-oriġini u li jistabbilixxi l-arranġamenti għall-kooperazzjoni amministrattiva, kif ġie emendat l-aħħar bid-Deċiżjoni Nru 2/2005 tal-Kumitat Konġunt tal-KE u l-Islanda tat-22 ta’ Diċembru 2005 (**), għandu japplika. 4. Il-benefiċċju tal-kwoti tat-tariffi bin-numri tal-ordni 09.0792 u 09.0812 ma għandux jingħata għal oġġetti ddikjarati li huma għar-rilaxx għaċ-ċirkolazzjoni libera fil-perjodu mill-15 ta’ Frar sal-15 ta’ Ġunju. |
(3) |
Fl-Artikolu 2, it-tieni paragrafu għandu jinbidel b’dan li ġej: “Madankollu, l-Artikolu 308c(2) u (3) tar-Regolament (KEE) Nru 2454/93 ma għandux japplika għall-kwoti tat-tariffi bin-numri tal-ordni 09.0810, 09.0811 u 09.0812.” |
(4) |
L-Artikolu 3 għandu jinbidel b’dan li ġej: “Artikolu 3 Fejn il-kwoti tat-tariffi bin-numri tal-ordni 09.0810, 09.0811 u 09.0812 mhux se jkunu ntużaw kollha għall-perjodu tal-kwota tat-tariffa mill-1 ta’ Marzu 2011 sat-30 ta’ April 2011, il-volum li jifdal għandu jitmexxa għall-kwoti tat-tariffi korrispondenti għall-perjodu mill-1 ta’ Mejju 2011 sat-30 ta’ April 2012. Għal dan l-iskop il-ħruġ mill-kwoti tat-tariffi applikabbli mill-1 ta’ Marzu 2011 sat-30 ta’ April 2011 għandu jieqaf fit-tieni jum ta’ ħidma tal-Kummissjoni wara l-1 ta’ Settembru 2011. Fil-jum ta’ ħidma ta’ wara, il-bilanċi mhux użati ta’ dawn il-kwoti tat-tariffi għandhom isiru disponibbli taħt il-kwota tat-tariffa korrispondenti applikabbli mill-1 ta’ Mejju 2011 sat-30 ta’ April 2012. Mit-tieni jum ta’ ħidma tal-Kummissjoni wara l-1 ta’ Settembru 2011 mhu se jkun possibbli l-ebda ħruġ retroattiv u l-ebda redditu fuq il-kwoti tat-tariffi partikolari applikabbli mill-1 ta’ Marzu 2011 sat-30 ta’ April 2011.” |
(5) |
L-Anness għandu jinbidel bit-test mogħti fl-Anness għal dan ir-Regolament. |
Artikolu 2
Dan ir-Regolament għandu jidħol fis-seħħ fit-tielet jum wara l-pubblikazzjoni tiegħu f’Il-Ġurnal Uffiċjali tal-Unjoni Ewropea.
Għandu japplika mill-1 ta’ Marzu 2011.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, il-25 ta’ Frar 2011.
Għall-Kummissjoni
Il-President
José Manuel BARROSO
(2) ĠU L 291, 9.11.2010, p. 1.
(3) ĠU L 17, 21.1.2000, p. 22.
(4) ĠU L 131, 18.5.2006, p. 1.
(5) ĠU L 61, 28.2.2007, p. 28.
ANNESS
“ANNESS
Minkejja r-regoli għall-interpretazzjoni tan-Nomenklatura Magħquda, il-kliem użat għad-deskrizzjoni tal-prodotti għandu jiġi kkunsidrat biss bħala kliem ta’ valur indikattiv, bl-iskema preferenzjali tkun deċiża, fi ħdan il-kuntest ta’ dan l-Anness, permezz tal-kopertura tal-kodiċi tan-NM kif jeżistu meta jiġi adottat dan ir-Regolament. Fejn kodiċijiet ta’ qabel tan-NM huma indikati, l-iskema preferenzjali għandha tiġi deċiża billi jiġu applikati l-kodiċi tan-NM u d-deskrizzjoni li tikkorrispondi magħhom magħdudin flimkien.
Nru tal-Ordni |
Kodiċi tan-NM |
Subdiviżjoni tat-TARIC |
Deskrizzjoni tal-prodotti |
Perjodu tal-kwota |
Volum tal-kwota (piż nett f'tunnellati sakemm mhux speċifikat mod ieħor) |
Dazju fuq il-kwota (f’%) |
09.0792 |
ex 0303 51 00 |
10 20 |
Aringi tal-ispeċi Clupea harengus jew Clupea pallasii, iffriżati, eskluż il-fwied u l-bajd, għall-manifattura industrijali (1) (1) |
Mill-1.1 sal-31.12 |
950 |
0 |
09.0812 |
0303 51 00 |
|
Aringi tal-ispeċi Clupea harengus jew Clupea pallasii, iffriżati, eskluż il-fwied u l-bajd (1) |
Mill-1.3.2011 sat-30.4.2011 |
1 900 |
0 |
Mill-1.5.2011 sat-30.4.2012 |
950 |
|||||
Mill-1.5.2012 sat-30.4.2013 |
950 |
|||||
Mill-1.5.2013 sat-30.4.2014 |
950 |
|||||
09.0793 |
0302 12 00 0304 19 13 0304 29 13 |
|
Salamun tal-Paċifiku (Oncorhynchus nerka, Oncorhynchus gorbuscha, Oncorhynchus keta, Oncorhynchus tschawytscha, Oncorhynchus kisutch, Oncorhynchus masou u Oncorhynchus rhodurus), salamun tal-Atlantiku (Salmo salar) u salamun tad-Danubju (Hucho hucho) |
Mill-1.1 sal-31.12 |
50 |
0 |
09.0794 |
0302 23 00 |
|
Lingwata (Solea spp.), frisk jew imkessaħ, esklużi l-fletti tal-ħut u laħam ieħor tal-ħut li jaqa’ taħt l-intestatura 0304 |
Mill-1.1 sal-31.12 |
250 |
0 |
0302 29 |
|
Megrim (Lepidorhombus spp.) u ħut ieħor ċatt, frisk jew imkessaħ, esklużi l-fletti tal-ħut u laħam ieħor tal-ħut li jaqa’ taħt l-intestatura 0304 |
||||
ex 0302 69 82 |
10 |
Stokkafixx (Micromesistius poutassou jew Gadus poutassou), frisk jew imkessaħ, esklużi l-fletti tal-ħut u laħam ieħor tal-ħut li jaqa’ taħt l-intestatura 0304 |
||||
0303 32 00 |
|
Barbun tat-tbajja’ (Pleuronectes platessa), iffriżat, esklużi l-fletti tal-ħut u laħam ieħor tal-ħut taħt l-intestatura 0304 |
||||
0303 62 00 0303 79 98 |
|
Toothfish (Dissostichus spp.) u ħut ieħor tal-ilma mielaħ, iffriżat, esklużi l-fletti tal-ħut u laħam ieħor tal-ħut li jaqa’ taħt l-intestatura 0304 |
||||
0304 19 01 0304 19 03 0304 19 18 |
|
Fletti tal-perch tan-Nil (Lates niloticus), tal-pangasius (Pangasius spp.) u ta’ ħut ieħor tal-ilma ħelu, friski jew imkessħin |
||||
0304 19 33 |
|
Fletti tal-pollakkju (Pollachius virens), friski jew imkessħin |
||||
0304 19 35 |
|
Fletti tar-redfish (Sebastes spp.), friski jew imkessħin |
||||
0304 11 10 0304 12 10 |
|
Fletti tal-pixxispad (Xiphias gladius) u tat-toothfish (Dissostichus spp.), friski jew imkessħin |
||||
ex 0304 19 39 |
10 20 60 70 75 80 85 90 |
Fletti ta’ ħut ieħor, minbarra l-aringi u l-kavalli, friski jew imkessħin |
||||
0304 11 90 0304 12 90 0304 19 99 |
|
Laħam ieħor tal-ħut (ikkapuljat jew le), frisk jew imkessaħ |
||||
0304 29 01 0304 29 03 0304 29 05 0304 29 18 |
|
Fletti ffriżati tal-perch tan-Nil (Lates niloticus), tal-pangasius (Pangasius spp.), tat-tilapia (Oreochromis spp.) u ta’ ħut ieħor tal-ilma ħelu |
||||
0304 99 31 |
|
Laħam iffriżat tal-merluzz tal-ispeċi Gadus macrocephalus |
||||
0304 99 33 |
|
Laħam iffriżat tal-merluzz tal-ispeċi Gadus morhua |
||||
0304 99 39 |
|
Laħam iffriżat tal-merluzz tal-ispeċi Gadus ogac u laħam tal-ħut iffriżat tal-ispeċi Boreogadus saida |
||||
0304 99 41 |
|
Laħam iffriżat tal-pollakkju (Pollachius virens) |
||||
ex 0304 99 51 |
11 15 |
Laħam iffriżat tal-marlozz (Merluccius spp.) |
||||
0304 99 71 |
|
Laħam iffriżat tal-istokkafixx (Micromesistius poutassou jew Gadus poutasou) |
||||
ex 0304 99 99 |
20 25 30 40 50 60 65 69 70 81 89 90 |
Laħam ieħor iffriżat tal-ħut, eskluż il-kavalli |
||||
09.0811 |
0304 19 35 |
|
Fletti tar-redfish (Sebastes spp.), friski jew imkessħin |
Mill-1.3.2011 sat-30.4.2011 |
1 500 |
0 |
Mill-1.5.2011 sat-30.4.2012 |
750 |
|||||
Mill-1.5.2012 sat-30.4.2013 |
750 |
|||||
Mill-1.5.2013 sat-30.4.2014 |
750 |
|||||
09.0795 |
0305 61 00 |
|
Aringi (Clupea harengus, Clupea pallasii), immelħin iżda mhux imnixxfin jew iffumigati, u aringi fis-salmura |
Mill-1.1 sal-31.12 |
1 750 |
0 |
09.0796 |
0306 19 30 |
|
Awwisti tan-Norveġja ffriżati (Nephrops norvegicus) |
Mill-1.1 sal-31.12 |
50 |
0 |
09.0810 |
0306 19 30 |
|
Awwisti tan-Norveġja ffriżati (Nephrops norvegicus) |
Mill-1.3.2011 sat-30.4.2011 |
1 040 |
0 |
Mill-1.5.2011 sat-30.4.2012 |
520 |
|||||
Mill-1.5.2012 sat-30.4.2013 |
520 |
|||||
Mill-1.5.2013 sat-30.4.2014 |
520 |
|||||
09.0797 |
1604 12 91 1604 12 99 |
|
Aringi oħrajn ippreparati jew ippreservati, sħaħ jew f'biċċiet, iżda mhux ikkapuljati |
Mill-1.1 sal-31.12 |
2 400 |
0 |
09.0798 |
1604 19 98 |
|
Ħut ieħor ippreparat jew ippreservat, sħiħ jew f'biċċiet, iżda mhux ikkapuljat |
Mill-1.1 sal-31.12 |
50 |
0 |
ex 1604 20 90 |
20 30 35 50 60 90 |
Ħut ieħor ippreparat jew ippreservat, esklużi l-aringi u l-kavalli |
(1) Id-dħul f'dinis-subintestatura huwa suġġett għall-kundizzjonijiet stipulati fid-dispożizzjonijiet rilevanti tal-Komunità (ara l-Artikoli 291 sa 300 tar-Regolament tal-Kummissjoni (KEE) Nru 2454/93 (ĠU L 253, 11.10.1993, p. 1))
(1) Billi d-dazju tal-MFN huwa b'xejnmill-15 ta’ Frar sal-15 ta’ Ġunju, il-benefiċċju tal-kwota tariffarja ma għandux jingħata għall-merkanzija ddikjarata għaċ-ċirkolazzjoni libera matul dan il-perjodu.”