32011R0144

EUR-Lex

Access to European Union law

This document is an excerpt from the EUR-Lex website

EUROPA
EUR-Lex home
Regolament - 144/2011 - EN - EUR-Lex

Help

Search tips

Need more search options? Use the Advanced search

Document 32011R0144

Regolament tal-Kummissjoni (UE) Nru 144/2011 tas- 17 ta’ Frar 2011 li jemenda r-Regolament (UE) Nru 206/2010 li jistabbilixxi listi ta’ pajjiżi terzi, territorji jew partijiet minnhom awtorizzati għall-introduzzjoni fl-Unjoni Ewropea ta’ annimali partikulari u laħam frisk u r-rekwiżiti relatati maċ-ċertifikazzjoni veterinarja Test b’relevanza għaż-ŻEE

ĠU L 44, 18.2.2011, p. 7–20 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

(HR)
⏵Dan id-dokument ġie ppubblikat f’edizzjoni(jiet) speċjali (HR)
Edizzjoni speċjali bil-Kroat: Kapitolu 03 Volum 043 P. 211 - 224

Legal status of the document No longer in force, Date of end of validity: 20/04/2021; Impliċitament imħassar minn 32020R0692

ELI: http://data.europa.eu/eli/reg/2011/144/oj

HTML

PDF

Official Journal

18.2.2011

Il-Ġurnal Uffiċjali tal-Unjoni Ewropea

L 44/7

REGOLAMENT TAL-KUMMISSJONI (UE) Nru 144/2011

tas-17 ta’ Frar 2011

li jemenda r-Regolament (UE) Nru 206/2010 li jistabbilixxi listi ta’ pajjiżi terzi, territorji jew partijiet minnhom awtorizzati għall-introduzzjoni fl-Unjoni Ewropea ta’ annimali partikulari u laħam frisk u r-rekwiżiti relatati maċ-ċertifikazzjoni veterinarja

(Test b’relevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat id-Direttiva tal-Kunsill 2002/99/KE tas-16 ta’ Diċembru 2002 li tistabbilixxi r-regoli tas-saħħa tal-annimali li jiddeterminaw il-produzzjoni, l-ipproċessar, id-distribuzzjoni u l-introduzzjoni ta’ prodotti li joriġinaw mill-annimali għall-konsum uman (1), u b’mod partikolari l-frażi introduttorja tal-Artikolu 8, l-ewwel subparagrafu tal-Artikolu 8(1) u l-Artikolu 9(2) tagħha,

Wara li kkunsidrat id-Direttiva tal-Kunsill 2004/68/KE tas-26 ta’ April 2004 li tistabbilixxi r-regoli tas-saħħa tal-annimali għall-importazzjoni lejn u t-transitu fil-Komunità għal ċerti annimali ungulati ħajjin, u temenda d-Direttivi 90/426/KEE u 92/65/KEE u tħassar id-Direttiva 72/462/KEE (2), u b’mod partikolari l-ewwel subparagrafu tal-Artikolu 6(1) u l-Artikolu 7(e) tagħha,

Billi:

(1)

Id-Direttiva tal-Kunsill 64/432/KEE tas-26 ta’ Ġunju 1964 dwar il-problemi tas-saħħa tal-annimali li jaffettwaw il-kummerċ intra-Komunitarju fl-annimali bovini u l-ħnieżer (3) tapplika għal kummerċ intra-Unjoni fl-annimali bovini. Din tipprovdi li l-annimali bovini għat-tnissil u l-produzzjoni għandhom jiġu minn merħla uffiċjalment ħielsa minn lewkożi bovina enżootika u jekk għandhom aktar minn 12-il xahar, irreaġixxew negattivament għal test individwali li sar tul it-30 jum qabel it-tluq mill-merħla tal-oriġini u jikkonformaw mad-dispożizzjonijiet tal-Anness D tagħha.

(2)

Id-Direttiva 64/432/KEE tistabbilixxi wkoll testijiet ta’ dijanjożi biex tintuża għal bruċellosi u r-rekwiżiti ta’ ċertifikazzjoni għal kummerċ tal-intra-Unjoni fl-annimali bovini għat-tnissil u l-produzzjoni. Barra minn hekk, dik id-Direttiva, kif emendata mid-Deċiżjoni tal-Kummissjoni 2008/984/KE (4), issa tinkludi analiżi bi fluworexxenza polarizzata bħala test standard ta’ dijanjożi.

(3)

Id-Direttiva 2004/68/KE tistabbilixxi r-rekwiżiti tas-saħħa tal-annimali għall-importazzjoni lejn, u t-tranżitu fl-Unjoni ta’ annimali ungulati ħajjin. Dawk ir-rekwiżiti jinkludu rekwiżiti speċifiċi tas-saħħa tal-annimali għal annimali ungulati ħajjin li għandhom ikunu bbażati fuq ir-regoli stabbiliti fil-leġiżlazzjoni tal-Unjoni għall-mard li għalih dawk l-annimali huma suxxettibbli.

(4)	Id-Direttiva 2004/68/KE tipprovdi wkoll li kondizzjonjiet speċifiċi jistgħu jiġu stabbiliti għal pajjiżi terzi li għalihom l-ekwivalenza ġiet rikonoxxuta b’mod formali mill-Unjoni bbażati fuq il-garanziji uffiċjali tas-saħħa pprovduti mill-pajjiż terz ikkonċernat.

(5)

Ir-Regolament tal-Kummissjoni (UE) Nru 206/2010 tat-12 ta’ Marzu 2010 li jistabbilixxi listi ta’ pajjiżi terzi, territorji jew partijiet minnhom awtorizzati għall-introduzzjoni fl-Unjoni Ewropea ta’ ċerti annimali u ta’ laħam frisk u r-rekwiżiti (5) ta’ ċertifikazzjoni veterinarja jistabbilixxi r-rekwiżiti ta’ ċertifikazzjoni veterinarja għall-introduzzjoni fl-Unjoni ta’ ċerti kunsinni ta’ annimali ħajjin jew ta’ laħam frisk. L-Annessi I u II tiegħu jistabbilixxu listi ta’ pajjiżi terzi, territorji jew partijiet tagħhom, li minnhom il-kunsinni ta’ dawk l-annimali u laħam jistgħu jiġu introdotti fl-Unjoni.

(6)

Barra minn hekk, l-Anness I mar-Regolament (UE) Nru 206/2010 jistipula kondizzjonijiet speċifiċi għall-introduzzjoni fl-Unjoni ta’ annimali domestiċi bovini maħsuba għat-tnissil u l-produzzjoni, flimkien ma’ mudell ta’ ċertifikat veterinarju għal dawk l-annimali, inklużi l-ispeċji Bubalus u Bison, u r-razez mħallta tagħhom (BOV-X).

(7)

Il-kondizzjoni speċjali “IVb” tal-Anness I mar-Regolament (UE) Nru 206/2010 tirreferi għal territorju bi rziezet approvati rikonoxxuti bħala uffiċjalment ħielsa minn status ta’ lewkożi bovina enżootika għal skopijiet ta’ esportazzjonijiet lejn l-Unjoni ta’ annimali ħajjin iċċertifikati skont il-mudell taċ-ċertifikat (BOV-X). Dik il-kondizzjoni speċjali għandha tiġi emendata biex jitqiesu d-dispożizzjonijiet li jikkonċernaw il-merħliet uffiċjalment ħielsa minn lewkożi bovina enżootika stipulati fid-Direttiva 64/432/KEE.

(8)	Għalhekk, il-kondizzjoni speċifika IVb stabbilita fil-Parti 1 tal-Anness I mar-Regolament (UE) Nru 206/2010 u l-mudell ta’ ċertifikat veterinarju (BOV-X) stipulat fil-Parti 2 ta’ dak l-Anness għandhom jiġu emendati kif xieraq.

(9)	Barra minn hekk, il-Parti 6 tal-Anness mar-Regolament (UE) Nru 206/2010 għandha tiġi emendata biex jitqies it-test ta’ djanjożi ta’ analiżi bi fluworexxenza polarizzata stipulat fid-Direttiva 64/432/KEE.

(10)

Ir-Regolament (UE) Nru 206/2010 jipprovdi wkoll li laħam frisk introdott fl-Unjoni għandu jissodisfa r-rekwiżiti stipulati fiċ-ċertifikat veterinarju xieraq għal dak il-laħam skont il-mudelli stipulati fil-Parti 2 tal-Anness II, u jitqiesu kwalunkwe kondizzjonijiet speċifiċi jew garanziji supplementari meħtieġa għal dan it-tip ta’ laħam.

(11)	Il-Botswana talbet l-awtorizzazzjoni biex tesporta lejn l-Unjoni laħam tal-annimali bovin mingħajr għadam u matur miż-żona ta’ kontroll 4a veterinarja ġewwa t-territorju identifikat bħala BW-4 fil-kolonna 2 tat-tabella fil-Parti 1 tal-Anness II mar-Regolament (UE) Nru 206/2010.

(12)

Ir-rekwiżiti għall-importazzjonijiet tal-laħam mill-pajjiżi terzi fl-Unjoni jiddependu l-iktar fuq l-istatus ta’ saħħa tal-annimali tal-pajjiż terz, reġjun jew parti minnu li jesporta. L-Organizzazzjoni Dinjija għas-Saħħa tal-Annimali (OIE) tiddetermina l-istatus tal-marda tal-ilsien u d-dwiefer (FMD) tal-pajjiżi membri tagħha u f’Mejju 2010 rrikonoxxiet iż-żona kkonċernata bħala żona ħielsa mill-FMD fejn il-vaċċinazzjoni mhijiex ipprattikata. Il-Botswana stabbiliet żona ta’ sorveljanza intensiva ta’ 10 km biex tissegrega ż-żona ħielsa mill-mard minn partijiet oħra ta’ dak il-pajjiż.

(13)

Il-Botswana għandha għalhekk tkun awtorizzata għall-introduzzjoni fl-Unjoni ta’ laħam tal-annimali bovini mingħajr għadam u matur miż-żona ħielsa mill-mard. Il-Kolonna 4 tat-tabella fil-Parti 1 tal-Anness II mar-Regolament (UE) Nru 206/2010 għandha għalhekk tirreferi għall-mudell ta’ ċertifikat veterinarju BOV. Il-Parti 1 tal-Anness II ma’ dak ir-Regolament għandha għalhekk tiġi emendata skont dan.

(14)	L-Annessi I u II mar-Regolament (KEE) Nru 206/2010 għandhom b’hekk jiġu emendati skont dan.

(15)	Jeħtieġ li jiġi pprovdut perjodu ta’ tranżizzjoni sabiex l-Istati Membri u l-industrija jingħataw żmien biżżejjed biex jieħdu l-miżuri meħtieġa sabiex jikkonformaw mar-rekwiżiti stabbiliti fir-Regolament (UE) Nru 206/2010, kif emendat b’dan ir-Regolament, mingħajr ma jiġi mfixkel il-kummerċ.

(16)	Il-miżuri stabbiliti f’dan ir-Regolament huma skont l-opinjoni tal-Kumitat Peramanenti dwar il-Katina Alimentari u s-Saħħa tal-Annimali,

ADOTTAT DAN IR-REGOLAMENT:

Artikolu 1

L-Annessi I u II mar-Regolament (KE) Nru 206/2010 huma emendati skont l-Anness ma’ dan ir-Regolament.

Artikolu 2

Għal perjodu ta’ tranżizzjoni sal-31 ta’ Mejju 2011, kunsinni ta’ annimali domestiċi bovini maħsuba għat-tnissil u/jew il-produzzjoni wara l-importazzjoni akkumpanjati minn ċertifikat veterinarju skont il-Mudell BOV-X, kif stabbilit fil-Parti 2 tal-Anness I mar-Regolament (UE) Nru 206/2010 qabel ġew introdotti l-emendi mill-Artikolu 1 ta’ dan ir-Regolament, jistgħu jkomplu jiġu introdotti fl-Unjoni.

Artikolu 3

Dan ir-Regolament għandu jidħol fis-seħħ fl-għoxrin jum wara l-pubblikazzjoni tiegħu f’ Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, is-17 ta’ Frar 2011.

Għall-Kummissjoni

Il-President

José Manuel BARROSO

(1) ĠU L 18, 23.1.2003, p. 11.

(2) ĠU L 139, 30.4.2004, p. 321.

(3) ĠU 121, 29.7.1964, p. 1977.

(4) ĠU L 352, 31.12.2008, p. 38.

(5) ĠU L 73, 20.3.2010, p. 1.

ANNESS

L-Annessi tar-Regolament (KE) Nru 206/2010 huma emendati kif ġej:

(1)

L-Anness I huwa emendat kif ġej:

(a)

Fil-Parti 1, il-kondizzjoni speċifika ‘IVb’ hija sostitwita b’dan li ġej:

“ ‘IVb’:

rikonoxxuta li għandha merħliet uffiċjalment ħielsa minn lewkożi bovina enżootika ekwivalenti għar-rekwiżiti stabbiliti fl-Anness D mad-Direttiva 64/432/KEE għall-iskopijiet ta’ esportazzjonijiet lejn l-Unjoni ta’ annimali ħajjin iċċertifikati skont il-mudell taċ-ċertifikat BOV–X.”

(b)

Fil-Parti 2, il-Mudell BOV-X huwa sostitwit b’dan li ġej:

“Mudell BOV-X

Test ta 'immaġni

Parti II: Ċertifikazzjoni

PAJJIŻ

Mudell BOV-X

II. Tagħrif dwar is-saħħa

II.a. Numru ta’ ċertifikat ta’ referenza

II.b.

II.1. Attestazzjoni tas-Saħħa Pubblika

Jiena, il-veterinarju uffiċjali sottoskritt, b’dan niċċertifika, li l-annimali deskritti f’dan iċ-ċertifikat:

II.1.1. ġejjin minn irziezet li kienu ħielsa minn kwalunkwe projbizzjoni uffiċjali minħabba raġunijiet ta’ saħħa, għall-aħħar 42 jum fil-każ tal-bruċellożi, għall-aħħar 30 jum fil-każ tal-antraċe u għall-aħħar sitt xhur fil-każ tar-rabja, u, ma ġewx f’kuntatt ma’ annimali minn irziezet li ma kinux jissodisfaw dawn il-kondizzjonijiet;

II.1.2. ma rċevewx:

stilbene jew sustanzi tirostatiċi,

sustanzi oestroġeniċi, androġeniċi, ġestaġeniċi jew β-agonisti għal skopijiet li mhumiex trattamenti terapewtiċi jew żootekniċi (kif definiti fid-Direttiva 96/22/KE);

II.1.3. fejn jikkonċerna l-enċefalopatija bovina sponġiformi (BSE):

(1) (2) jew [(a) l-annimali huma identifikati b’sistema ta’ identifikazzjoni permanenti li tippermetti li jiġu ntraċċati lura għall-omm u l-merħla tal-oriġini, u mhumiex annimali bovini esposti kif deskritt fil-Kapitolu C, Parti I, punt (4) (b) (iv) tal-Anness II tar-Regolament (KE) Nru 999/2001;

(b) jekk kien hemm każijiet indiġeni ta’ BSE fil-pajjiż ikkonċernat, l-annimali twieldu wara d-data minn meta l-projbizzjoni fuq it-tmigħ ta’ ruminanti b’laħam u għadam imfarrak u residwi tad-dam (greaves) derivati minn ruminanti bdiet tiġi infurzata effettivament jew wara d-data tat-twelid tal-aħħar każ indiġenu ta’ BSE jekk twieldu wara d-data tal-projbizzjoni fuq l-għalf.]

(1) (3) jew [(a) l-annimali huma identifikati b’sistema ta’ identifikazzjoni permanenti li tippermetti li jiġu ntraċċati lura għall-omm u l-merħla tal-oriġini, u mhumiex annimali bovini esposti kif deskritt fil-Kapitolu Ċ, Parti II, punt (4) (b) (iv) tal-Anness II tar-Regolament (KE) Nru 999/2001;

(b) l-annimali twieldu wara d-data minn meta l-projbizzjoni fuq it-tmigħ ta’ ruminanti b’laħam u għadam imfarrak u gambal derivati minn ruminanti bdiet tiġi infurzata effettivament jew wara d-data tat-twelid tal-aħħar każ indiġenu ta’ BSE jekk twieldu wara d-data tal-projbizzjoni fuq l-għalf.]

(1) (4) jew [(a) l-annimali huma identifikati b’sistema ta’ identifikazzjoni permanenti li tippermetti li jiġu ntraċċati lura għall-omm u l-merħla tal-oriġini, u mhumiex annimali bovini esposti kif deskritt fil-Kapitolu Ċ, Parti II, punt (4) (b) (iv) tal-Anness II tar-Regolament (KE) Nru 999/2001;

(b) l-annimali twieldu tal-inqas sentejn wara d-data minn meta l-projbizzjoni fuq it-tmigħ ta’ ruminanti b’laħam u għadam imfarrak u gambal derivati minn ruminanti bdiet tiġi infurzata effettivament jew wara d-data tat-twelid tal-aħħar każ indiġenu ta’ BSE jekk twieldu wara d-data tal-projbizzjoni fuq l-għalf.

II.2. Attestazjoni tas-Saħħa tal-Annimali:

Jiena, il-veterinarju uffiċjali sottoskritt, b’dan niċċertifika, li l-annimali deskritti hawn fuq jissodisfaw ir-rekwiżiti li ġejjin:

II.2.1. ġejjin mit-territorju bil-kodiċi: … (5) li, fid-data tal-ħruġ ta’ dan iċ-ċertifikat:

(1) jew [(a) kien ħieles għal 24 xahar mill-marda tal-ilsien u d-dwiefer, għal 12-il xahar mir-rinderpest, mill-bluetongue, mid-deni Rift valley, mill-plewropulmonite tal-bovini li tittieħed, mill-marda tal-infafet fil-ġilda u l-marda epiżootika emorraġika, u għal 6 xhur mill-istomatite vesikulari,]

(1) jew [(a) (i) kien ilu ħieles għal 12-il xahar mir-rinderpest, mill-bluetongue, mid-deni Rift valley, il-plewropulmonite tal-bovini li tittieħed, mill-marda tal-infafet fil-ġilda u l-marda epiżootika emorraġika, u għal 6 xhur mill-istomatite vesikulari,

(ii) kien meqjus bħala ħieles mill-marda tal-ilsien u d-dwiefer sa minn …(jj/xx/ssss), mingħajr ma seħħew każi/tfaqqigħ wara dik id-data, u ġie awtorizzat jesporta dawn l-annimali mid-Deċiżjoni tal-Kummissjoni / /UE, ta’ … (jj/xx/ssss),]

u (b) fejn matul l-aħħar 12-il xahar, ma sar l-ebda tilqim kontra dan il-mard u l-importazzjonijiet ta’ annimali domestiċi bid-difer mifruq imlaqqma kontra dan il-mard mhumiex permessi;

II.2.2. dawn baqgħu fit-territorju deskritt fil-punt II.2.1 minn twelidhom, jew għal tal-inqas dawn l-aħħar sitt xhur qabel ma ntbagħtu lejn l-Unjoni u bla ma ġew f’kuntatt, ma’ annimali bid-difer mifruq impurtati fl-aħħar 30 jum;

Test ta 'immaġni

PAJJIŻ

Mudell BOV-X

II. Tagħrif dwar is-saħħa

II.a. Numru ta’ ċertifikat ta’ referenza

II.b.

II.2.3. baqgħu minn twelidhom jew mill-inqas għall-40 jum qabel ma ntbagħtu fir-razzett jew irziezet tal-oriġini deskritt(i) fil-kaxxa ta’ referenza I.11.:

(a) fejn fih(om) u madwaru/hom, f’żona b’raġġ ta’ 150 km, ma kien hemm l-ebda każ/tfaqqigħ tal-bluetongue u tal-marda epiżootika emorraġika matul is-60 jum preċedenti,

(b) fejn fih(om) u madwaru/hom, f’żona b’raġġ ta’ 10 km, ma kien hemm l-ebda każ/tfaqqigħ tal-mard l-ieħor imsemmi fil-punt II.2.1. matul l-40 jum preċedenti;

II.2.4. mhumiex annimali li se jinqatlu skont programm nazzjonali għall-eradikazzjoni ta’ mard, u lanqas ma tlaqqmu kontra l-mard imsemmi fil-punt II.2.1.;

II.2.5. ġejjin minn merħliet li mhumiex ristretti taħt il-leġiżlazzjoni nazzjonali li għandha x’taqsam mal-eradikazzjoni tat-tuberkolożi, bruċellożi u l-lewkożi bovina enżootika;

II.2.6. ġejjin minn merħliet rikonoxxuti bħala uffiċjalment ħielsa mit-tuberkolożi (6);

u (1)(7) jew [ġejjin minn reġjun li huwa magħruf bħala uffiċjalment ħieles mit-tuberkulożi (6);]

(1) jew [ġew soġġetti għal test intradermali tat-tuberkulina (8) li sar b’riżultati negattivi fl-aħħar 30 jum qabel ma ntbagħtu lill-Unjoni;]

(1) jew [għandhom inqas minn sitt ġimgħat;]

[II.2.7. ma ġewx imlaqqma kontra l-bruċellożi u jiġu minn merħliet rikonoxxuti bħala uffiċjalment ħielsa mill-bruċellożi (6);

u (1) jew [ġejjin minn reġjun li huwa rikonoxxut bħala uffiċjalment ħieles mill-bruċellożi (6),]

(1) jew [ġew soġġetti għal tal-inqas test wieħed għall-bruċellożi bovina (8) li sar fuq kampjuni li ttieħdu fl-aħħar 30 jum qabel ma ntbagħtu lill-Unjoni (8),]

(1) jew [għandhom inqas minn 12-il xahar,]

(1) jew [huma annimali maskili kkastrati ta’ kwalunkwe età,]

(1) jew [II.2,8A. ġejjin minn merħliet inklużi f’sistema uffiċjali għall-kontroll tal-lewkożi enżootika bovina, u li fihom ma kien hemm l-ebda evidenza klinika jew b’riżultat ta’ test tal-laboratorju ta’ din il-marda matul is-sentejn li għaddew,]

(1) jew [II.2,8A. ġejjin minn merħliet rikonoxxuti bħala uffiċjalment ħielsa mil-lewkożi enżootika bovina (6) (6a),]

u (1) (7) jew [ġejjin minn reġjun li huwa rikonoxxut bħala uffiċjalment ħieles mil-lewkożi enżootika bovina (6);]

(1) jew [ġew soġġetti għal test individwali għal-lewkożi enżootika bovina (8) li sar b’riżultat negattiv fuq kampjuni li ttieħdu fl-aħħar 30 jum qabel ma ntbagħtu lill-Unjoni;]

(1) jew [għandhom inqas minn 12-il xahar;]

(1) (9) jew [II.2.8B. irreaġixxew b’mod negattiv għal test seroloġiku għall-individwazzjoni ta’ antikorpi għall-bluetongue u għall-marda epiżootika emorraġika, liema test sar f’żewġ okkażjonijiet fuq kampjuni tad-demm li ttieħdu fil-bidu tal-perjodu ta’ iżolament/kwarantina u mill-inqas 28 jum wara, fi … (jj/xx/ssss) u fi … (jj/xx/ssss), li t-tieni wieħed għandu jkun ittieħed f’perjodu ta’ għaxart ijiem qabel l-esportazzjoni;]

II.2.9 dawn huma/kienu (1) mibgħuta mir-razzett jew irziezet tagħhom tal-oriġini, mingħajr ma għaddew minn ebda suq:

(1) jew [direttament lill-Unjoni,]

(1) jew [lejn ċentru ta’ raggruppament awtorizzat uffiċjalment deskritt fil-kaxxa ta’ referenza I.13 li jinsab fit-territorju deskritt fil-punt II.2.1.,]

u, sakemm intbagħtu lejn l-Unjoni:

(a) ma ġewx f’kuntatt ma’ annimali oħra bid-difer mifruq li mhumiex konformi mar-rekwiżiti tas-saħħa kif deskritt f’dan iċ-ċertifikat,

Test ta 'immaġni

PAJJIŻ

Mudell BOV-X

II. Tagħrif dwar is-saħħa

II.a. Numru ta’ ċertifikat ta’ referenza

II.b.

(b) ma kienu f’ebda post fejn fih, jew madwaru, f’raġġ ta’ 10 km, matul it-30 jum preċedenti kien hemm xi każ/tfaqqigħ ta’ kwalunkwe waħda mill-mard imsemmija fil-punt II.2.1.;

II.2.10. kwalunkwe vettura tat-trasport jew kontejner li tgħabbew fiha, tnaddfu u ġew iddiżinfettati qabel it-tagħbija b’diżinfettant awtorizzat uffiċjalment;

II.2.11. ġew eżaminati minn veterinarju uffiċjali fi żmien 24 siegħa mit-tagħbija u ma wrew l-ebda sinjal kliniku ta’ mard;

II.2.12. tgħabbew biex jintbagħtu lill-Unjoni fi … (jj/xx/ssss) (10) fil-mezzi tat-trasport deskritti fil-kaxxa ta’ referenza I.15 aktar minn hekk tnaddfu u ġew iddiżinfettati qabel it-tagħbija b’diżinfettant awtorizzat uffiċjalment u huma mibnija b’tali mod li l-ħmieġ, l-awrina, l-imfierex jew l-għalf ma jkunux jistgħu jnixxu jew jaqgħu barra mill-vettura jew mill-kontejner matul it-trasportazzjoni.

II.3. Attestazzjoni tat-trasport tal-annimali

Jiena, il-veterinarju uffiċjali sottoskritt, b’dan niċċertifika, li l-annimali deskritti aktar ‘il fuq ġew trattati qabel u waqt it-tagħbija skont id-dispożizzjonijiet rilevanti tar-Regolament (KE) Nru 1/2005, b’mod partikolari fejn jikkonċerna l-ilma u l-għalf, u huma f’kundizzjoni tajba għat-trasport maħsub.

(1) (11) [II.4. Rekwiżiti speċifiċi

II.4.1. Skont informazzjoni uffiċjali, ma ġiet irreġistrata l-ebda evidenza klinika jew patoloġika tar-rhinotracheitis bovina infettiva (IBR) fir-razzett jew irziezet tal-oriġini msemmija fil-kaxxa ta’ referenza I.11, għall-aħħar 12-il xahar;

II.4.2. l-annimali msemmija fil-kaxxa ta’ referenza I.28.:

(a) kienu iżolati fl-akkomodazzjoni approvata mill-awtorità kompetenti għall-aħħar 30 jum immedjatament qabel ma ntbagħtu għall-esportazzjoni,

(b) kienu soġġetti għal test seroloġiku għall-IBR fuq sera li ttieħdu mill-inqas 21 jum wara li ġew iżolati, b’riżultati negattivi, u l-annimali kollha fl-iżolament ukoll irriżultaw li kienu negattivi għal dan it-test, u

Noti

Dan iċ-ċertifikat huwa maħsub għal annimali bovini ħajjin (inkluż l-ispeċi Bubalus u Bison u r-razez imħalltin tagħhom) maħsuba għat-tnissil u/jew għall-produzzjoni.

Wara l-importazzjoni l-annimali għandhom jittieħdu mingħajr dewmien lejn ir-razzett tad-destinazzjoni fejn għandhom jibqgħu għal perjodu minimu ta’ 30 jum qabel ċaqliq ieħor barra mir-razzett, ħlief fil-każ li jintbagħtu lejn biċċerija.

Parti I:

Referenza tal-kaxxa I.8.: Ipprovdi l-kodiċi tat-territorju kif tidher fil-Parti 1 tal-Anness I tar-Regolament (UE) Nru 206/2010.

Referenza tal-kaxxa I.13.: Iċ-ċentru ta’ raggruppament, jekk ikun hemm, għandu jissodisfa l-kundizzjonijiet għall-approvazzjoni tiegħu, kif stabbilit fil-Parti 5.B tal-Anness I tar-Regolament (UE) 206/2010.

Referenza tal-kaxxa I.15.: In-numru tar-reġistrazzjoni (vaguni ta’ ferrovija jew kontejners u trakkijiet), numru tat-titjira (ajruplan) jew l-isem (tal-bastiment) għandhom jiġu pprovduti. Fil-każ ta’ ħatt u t-tagħbija mill-ġdid, il-kunsinnatur għandu jinforma lill-BIP bid-dħul fl-Unjoni.

Referenza tal-kaxxa I.23.: Għal kontejners jew kaxxi, in-numru tal-kontejner u n-numru tas-siġill (jekk ikun il-każ) għandhom jiġu inklużi.

Referenza tal-kaxxa I.28.: Sistema ta’ identifikazzjoni: L-annimali għandu jkollhom:

Numru individwali li jippermetti li jiġi traċċat il-bini tal-oriġini tagħhom. Speċifika s-sistema tal-identifikazzjoni (bħalma huma lametta, tatwaġġi, marka, ċippa, transponder).

Lametta tal-widnejn li tinkludi l-kodiċi ISO tal-pajjiż tal-esportazzjoni. Numru individwali jrid jippermetti li jiġi traċċat il-post tal-oriġini tagħhom.

Test ta 'immaġni

PAJJIŻ

Mudell BOV-X

II. Tagħrif dwar is-saħħa

II.a. Numru ta’ ċertifikat ta’ referenza

II.b.

Referenza tal-kaxxa I.28.: Speċi: Agħżel minn fost “Bos”, “Bison” u “Bubalus” kif xieraq.

Referenza tal-kaxxa I.28.: Żmien: Id-data tat-twelid (jj/xx/ss).

Referenza tal-kaxxa I.28.: Sess (M = maskil, F = femminili, K = ikkastrat).

Referenza tal-kaxxa I.28.: Razza: agħżel razza pura, razza mħallta.

Parti II:

(1) Żomm skont kif xieraq

(2) Biss jekk l-annimali twieldu u trabbew kontinwament f’pajjiż jew reġjun ikkategorizzat skont l-Artikolu 5(2) tar-Regolament (KE) Nru 999/2001 bħala pajjiż jew reġjun li għandu riskju negliġibbli ta’ BSE u li huwa elenkat b’dan il-mod fid-Deċiżjoni 2007/453/KE.

(3) Biss jekk il-pajjiż jew ir-reġjun tal-oriġini jkun ikkategorizzat skont l-Artikolu 5(2) tar-Regolament (KE) Nru 999/2001 bħala pajjiż jew reġjun li għandu riskju kkontrollat ta’ BSE u li huwa elenkat b’dan il-mod fid-Deċiżjoni 2007/453/KE.

(4) Biss jekk il-pajjiż jew ir-reġjun tal-oriġini ma jkunx ikkategorizzat skont l-Artikolu 5(2) tar-Regolament (KE) Nru 999/2001 jew ġie kkategorizzat bħala pajjiż jew reġjun li għandu riskju mhux determinat ta’ BSE u li huwa elenkat b’dan il-mod fid-Deċiżjoni 2007/453/KE.

(5) Il-kodiċi tat-territorju kif jidher fil-Parti 1 tal-Anness I tar-Regolament (UE) Nru 206/2010

(6) Reġjuni u merħliet li huma uffiċjalment ħielsa mit-tuberkulożi/mill-bruċellożi kif stabbilit fl-Anness A tad-Direttiva 64/432/KEE; u reġjuni u merħliet ħielsa mil-lewkożi enżootika bovina kif stabbilit fil-Kapitolu 1 tal-Anness D tad-Direttiva 64/432/KEE.

(6a) Biss għall-merħliet uffiċjalment ħielsa mil-lewkożi enżootika bovina rikonoxxuti bħala ekwivalenti għar-rekwiżiti kif stabbiliti fil-Kapitolu I tal-Anness D tad-Direttiva 64/432/KEE għall-iskop tal-esportazzjonijiet lejn l-UE tal-annimali ħajjin skont iċ-ċertifikat mudell BOV-X mit-territorju li, fil-kolonna 6 tal-Parti 1 tal-Anness I tar-Regolament (UE) Nru 206/2010, jidher bl-annotazzjoni “IVb” fir-rigward tal-lewkożi enżootika bovina

(7) Biss għal territorju li, fil-kolonna 6 tal-Parti 1 tal-Anness I tar-Regolament (UE) 206/2010 jidher bl-annotazzjoni “II”, fir-rigward tat-tuberkulożi, “III”, fir-rigward tal-bruċellożi, u/jew “IVa” fir-rigward tal-lewkożi enżootika bovina.

(8) It-testijiet li saru skont il-protokolli li, għall-mard ikkonċernat, huma deskritti fil-Parti 6 tal-Anness I tar-Regolament (UE) 206/2010.

(9) Garanziji supplimentari li għandhom jiġu pprovduti meta meħtieġ fil-kolonna 5 “SG” tal-Parti 1 tal-Anness I tar-Regolament (UE) Nru 206/2010, bl-annotazzjoni “A”.

Testijiet għall-bluetongue u għall-marda epiżootika emorraġika skont il-Parti 6 tal-Anness I tar-Regolament (UE) Nru 206/2010.

(10) Id-data tat-tagħbija. L-importazzjonijiet ta’ dawn l-annimali ma għandhomx jiġu permessi meta l-annimali jkunu tgħabbew jew qabel id-data tal-awtorizzazzjoni għall-esportazzjoni lejn l-Unjoni tal-pajjiż terz, it-territorju msemmi fil-Kaxxi I.7 u I.8, jew matul perjodu fejn ġew adottati miżuri restrittivi mill-Unjoni kontra l-importazzjonijiet ta’ dawn l-annimali minn dan il-pajjiż terz, it-territorju jew parti minnu.

(11) Meta meħtieġ mill-Istat Membru tal-UE tad-destinazzjoni jew mill-Isvizzera, skont id-Deċiżjoni 2004/558/KE u skont il-Ftehim bejn il-Komunità u l-Konfederazzjoni Svizzera dwar il-kummerċ ta’ prodotti agrikoli (ĠU L 114, 30.4.2002, p. 132).

Il-veterinarju uffiċjali

Isem (b’ittri kapitali):

Kwalifika u titlu:

Data:

Firma:”

Timbru:

(c)

Fil-parti 6, il-protokoll għall-Bruċellożi (Brucella abortus) (BRL) huwa sostitwit b’dan li ġej:

“Bruċellożi (Brucella abortus) (BRL)

It-test tal-agglutinazzjoni tas-serum, it-test ta’ fissazzjoni komplimentari, it-test antiġen immewwet tal-bruċella, it-testijiet tal-analiżi immunosorbenti konnessi mal-enżimi (ELISA) u l-analiżi bi fluworexxenza polarizzata (FPA) għandhom isiru skont l-Anness Ċ tad-Direttiva 64/432/KEE.”

(2)

Fl-Anness II, il-Parti 1, jiġi sostitwit b’dan li ġej:

“PARTI 1

Lista ta’ pajjiżi terzi, territorji u partijiet minnhom (1)

Kodiċi ISO u isem tal-pajjiż terz

Kodiċi tat-Territorju

Deskrizzjoni tal-pajjiż terz, territorju jew parti minnu

Ċertifikat veterinarju

Kundizzjonijiet speċifiċi

Data tal-għeluq (2)

Data tal-ftuħ (3)

Mudell(i)

AL – l-Albanija

AL-0

Il-pajjiż kollu

–

AR – l-Arġentina

AR-0

Il-pajjiż kollu

EQU

AR-1

Il-Provinċji ta’:

Buenos Aires,

Catamarca,

Corrientes (ħlief id-dipartimenti ta’ Berón de Astrada, Capital, Empedrado, General Paz, Itati, Mbucuruyá, San Cosme u San Luís del Palmar)

Entre Ríos,

La Rioja,

Mendoza,

Misiones,

Parti minn Neuquén (bl-eċċezzjoni tat-territorju inkluż f’AR-4),

Parti minn Río Negro (bl-eċċezzjoni tat-territorju inkluż f’AR-4),

San Juan,

San Luis,

Santa Fe,

Tucuman,

Cordoba,

La Pampa,

Santiago del Estero,

Chaco, Formosa, Jujuy u Salta, bl-eċċezzjoni taż-żona buffer ta’ 25 Km mill-fruntiera mal-Bolivja u l-Paragwaj li testendi mid-Distrett ta’ Santa Catalina fil-Provinċja ta’ Jujuy, sad-Distrett ta’ Laishi fil-Provinċja ta’ Formosa

BOV

fit-18 ta’ Marzu 2005.

RUF

fl-1 ta’ Diċembru 2007.

RUW

fl-1 ta’ Awwissu 2010.

AR-2

Chubut, Santa Cruz u Tierra del Fuego

BOV, OVI, RUW, RUF

fl-1 ta’ Marzu 2002.

AR-3

Corrientes: id-dipartimenti ta’ Berón de Astrada, Capital, Empedrado, General Paz, Itati, Mbucuruyá, San Cosme u San Luís del Palmar

BOV

RUF

fl-1 ta’ Diċembru 2007.

AR-4

Parti minn Río Negro (ħlief: f’Avellaneda, iż-żona li tinsab fit-Tramuntana tat-triq Provinċjali 7 u fil-Lvant tat-triq Provinċjali 250; f’Conesa, iż-żona li tinsab fil-Lvant tat-triq Provinċjali 2;f’El Cuy, iż-żona li tinsab fit-Tramuntana tat-Triq Provinċjali 7 minn fejn taqsam it-Triq Provinċjali 66 sal-fruntiera tad-Dipartiment ta’ Avellaneda; u f’San Antonio, iż-żona li tinsab fil-Lvant tat-toroq Provinċjali 250 u 2)

Parti minn Neuquén (għajr f’Confluencia iż-żona li tinsab fil-lvant tat-Triq provinċjali 17, u f’Picun Leufú iż-żona li tinsab fil-lvant tat-Triq provinċjali 17)

BOV, OVI, RUW, RUF

fl-1 ta’ Awwissu 2008.

AU – l-Awstralja

AU-0

Il-pajjiż kollu

BOV, OVI, POR, EQU, RUF, RUW, SUF, SUW

BA – Il-Bosnja-Ħerzegovina

BA-0

Il-pajjiż kollu

–

BH – Il-Baħrejn

BH-0

Il-pajjiż kollu

–

BR – il-Brażil

BR-0

Il-pajjiż kollu

EQU

BR-1

Stat ta’ Minas Gerais

Stat ta’ Espírito Santo;

Stat ta’ Goiás;

Stat ta’ Mato Grosso

L-Istat ta’ Rio Grande Do Sul L-Istat ta’ Mato Grosso Do Sul (ħlief iż-żona maħsuba għal livell għoli ta’ sorveljanza ta’ 15-il km mill-fruntieri esterni fil-muniċipji ta’ Porto Mutinho, Caracol, Bela Vista, Antônio João, Ponta Porã, Aral Moreira, Coronel Sapucaia, Paranhos, Sete Quedas, Japorã u Mundo Novo u ż-żona maħsuba għal livell għoli ta’ sorveljanza fil-muniċipji ta’ Corumbá u Ladário).

BOV

A u H

fl-1 ta’ Diċembru 2008.

BR-2

Stat ta’ Santa Catarina

BOV

A u H

fil-31 ta’ Jannar 2008.

BR-3

L-Istati ta’ Paraná u São Paulo

BOV

A u H

fl-1 ta’ Awwissu 2008.

BW – il-Botswana

BW-0

Il-pajjiż kollu

EQU, EQW

BW-1

Iż-żoni ta’ kontroll tal-mard veterinarju 3c, 4b, 5, 6, 8, 9 u 18

BOV, OVI, RUF, RUW

fl-1 ta’ Diċembru 2007.

BW-2

Iż-żoni ta’ kontroll tal-mard veterinarju 10, 11, 13 u 14

BOV, OVI, RUF, RUW

fis-7 ta’ Marzu 2002.

BW-3

Iż-żona ta’ kontroll tal-mard veterinarju 12

BOV, OVI, RUF, RUW

fl-20 ta’ Ottubru 2008.

fl-20 ta’ Jannar 2009.

BW-4

Iż-żona ta’ kontroll tal-mard veterinarju 4a, ħlief iż-żona ta’ sorveljanza intensiva buffer ta’ 10 km tul il-fruntiera maż-żona ta’ tilqim għall-marda tal-ilsien u d-dwiefer u żoni ta’tmexxija tan-natura selvaġġa

BOV

[daħħal id-data tal-applikazzjoni ta’ dan ir-Regolament]

BY – Il-Bjelorussja

BY-0

Il-pajjiż kollu

–

BZ – Il-Beliże

BZ-0

Il-pajjiż kollu

BOV, EQU

CA – Il-Kanada

CA-0

Il-pajjiż kollu

BOV, OVI, POR, EQU, SUF, SUW, RUF, RUW,

CH – l-Isvizzera

CH-0

Il-pajjiż kollu

CL – iċ-Ċilì

CL-0

Il-pajjiż kollu

BOV, OVI, POR, EQU, RUF, RUW, SUF

CN – iċ-Ċina

CN-0

Il-pajjiż kollu

–

CO – Il-Kolombja

CO-0

Il-pajjiż kollu

EQU

CR – il-Kosta Rika

CR-0

Il-pajjiż kollu

BOV, EQU

CU – Kuba

CU-0

Il-pajjiż kollu

BOV, EQU

DZ – L-Alġerija

DZ-0

Il-pajjiż kollu

–

ET – L-Etjopja

ET-0

Il-pajjiż kollu

–

FK – Il-Gżejjer Falkland

FK-0

Il-pajjiż kollu

BOV, OVI, EQU

GL – il-Groenlandja

GL-0

Il-pajjiż kollu

BOV, OVI, EQU, RUF, RUW

GT – Il-Gwatemala

GT-0

Il-pajjiż kollu

BOV, EQU

HK – Ħong Kong

HK-0

Il-pajjiż kollu

–

HN – Il-Ħonduras

HN-0

Il-pajjiż kollu

BOV, EQU

HR – il-Kroazja

HR-0

Il-pajjiż kollu

BOV, OVI, EQU, RUF, RUW

IL – l-Iżrael

IL-0

Il-pajjiż kollu

–

IN – l-Indja

IN-0

Il-pajjiż kollu

–

IS – l-Islanda

IS-0

Il-pajjiż kollu

BOV, OVI, EQU, RUF, RUW

KE – Il-Kenja

KE-0

Il-pajjiż kollu

–

MA – Il-Marokk

MA-0

Il-pajjiż kollu

EQU

ME – il-Montenegro

ME-0

Il-pajjiż kollu

BOV, OVI, EQU

MG – Il-Madagaskar

MG-0

Il-pajjiż kollu

–

MK – Dik li kienet ir-Repubblika Jugoslava tal-Maċedonja (4)

MK-0

Il-pajjiż kollu

OVI, EQU

MU – Il-Mawrizju

MU-0

Il-pajjiż kollu

–

MX – il-Messiku

MX-0

Il-pajjiż kollu

BOV, EQU

NA – in-Namibja

NA-0

Il-pajjiż kollu

EQU, EQW

NA-1

In-nofsinhar tal-parametri taż-żona magħluqa li jestendu minn Palgrave Point fil-Punent sa Gam fil-Lvant

BOV, OVI, RUF, RUW

F u J

NC – il-Kaledonja Ġdida

NC-0

Il-pajjiż kollu

BOV, RUF, RUW

NI – In-Nikaragwa

NI-0

Il-pajjiż kollu

–

NZ – in-New Zealand

NZ-0

Il-pajjiż kollu

BOV, OVI, POR, EQU, RUF, RUW, SUF, SUW

PA – Il-Panama

PA-0

Il-pajjiż kollu

BOV, EQU

PY – Il-Paragwaj

PY-0

Il-pajjiż kollu

EQU

PY-1

Il-pajjiż kollu ħlief iż-żona ta’ sorveljanza għolja nnominata ta’ 15 Km mill-fruntieri esterni

BOV

fl-1 ta’ Awwissu 2008.

RS – Is-Serbja (5)

RS-0

Il-pajjiż kollu

BOV, OVI, EQU

RU – ir-Russja

RU-0

Il-pajjiż kollu

–

RU-1

Ir-reġjun ta’ Murmansk, iż-żona awtonoma ta’ Yamolo-Nenets

RUF

SV- El Salvador

SV-0

Il-pajjiż kollu

–

SZ – Is-Sważiland

SZ-0

Il-pajjiż kollu

EQU, EQW

SZ-1

Iż-żona fil-Punent tal-parametri ta’ “linja ħamra” li testendi lejn it-Tramuntana mix-xmara Usutu sal-fruntiera mal-Afrika t’Isfel fil-Punent ta’ Nkalashane,

BOV, RUF, RUW

SZ-2

Iż-żoni ta’ kontroll ta’ sorveljanza u tilqim tal-marda veterinarja tal-ilsien u d-dwiefer kif ippubblikati fil-gazzetta bħala Strument Statutorju skont l-avviż legali numru 51 tal-2001

BOV, RUF, RUW

fl-4 ta’ Awwissu 2003.

TH – it-Tajlandja

TH-0

Il-pajjiż kollu

–

TN – it-Tuneżija

TN-0

Il-pajjiż kollu

–

TR – it-Turkija

TR-0

Il-pajjiż kollu

–

TR-1

Il-provinċji ta’ Amasya, Ankara, Aydin, Balikesir, Bursa, Cankiri, Corum, Denizli, Izmir, Kastamonu, Kutahya, Manisa, Usak, Yozgat u Kirikkale

EQU

UA – L-Ukraina

UA-0

Il-pajjiż kollu

–

US – l-Istati Uniti

US-0

Il-pajjiż kollu

BOV, OVI, POR, EQU, RUF, RUW, SUF

UY – L-Urugwaj

UY-0

Il-pajjiż kollu

EQU

BOV,

fl-1 ta’ Novembru 2001.

OVI

ZA – l-Afrika t’Isfel

ZA-0

Il-pajjiż kollu

EQU, EQW

ZA-1

Il-pajjiż kollu ħlief:

—	il-parti taż-żona ta’ kontroll tal-marda tal-ilsien u d-dwiefer li tinsab fir-reġjuni veterinarji ta’ Mpumalanga u l-provinċji tat-Tramuntana, fid-distrett ta’ Ingwavuma tar-reġjun veterinarju ta’ Natal u fiż-żona tal-fruntiera mal-Lvant ta’ Botswana ta’ lonġitudni 28o, u

—	id-distrett ta’ Camperdown, fil-provinċja ta’ KwaZulu-Natal

BOV, OVI, RUF, RUW

ZW – Iż-Żimbabwe

ZW-0

Il-pajjiż kollu

–

(1) Bla ħsara għar-rekwiżiti speċifiċi għaċ-ċertifikazzjoni stipulati fi ftehim tal-Unjoni ma’ pajjiżi terzi.

(2) Laħam minn annimali maqtula nhar jew qabel id-data stabbilita fil-kolonna 7 jistgħu jiġu importati fl-Unjoni għal 90 jum minn dik id-data. Il-konsenji li jinġarru fuq bastimenti fuq baħar miftuħ jistgħu jiġu importati fl-Unjoni jekk jiġu ċċertifikati qabel id-data indikata fil-kolonna 7 għal 40 jum minn din id-data.(N.B.: jekk m’hemmx data fil-kolonna 7 dan ifisser li m’hemm l-ebda restrizzjonijiet ta’ żmien).

(3) Laħam minn annimali maqtula fid-data jew wara d-data stipulata fil-kolonna 8 biss jista’ jiġi impurtat fl-Unjoni (jekk m’hemmx data fil-kolonna 8 dan ifisser li m’hemm l-ebda restrizzjonijiet ta’ żmien).

(4) Dik li kienet ir-Repubblika Jugoslava tal-Maċedonja; kodiċi provviżorju li ma jippreġudika bl-ebda mod in-nomenklatura definittiva għal dan il-pajjiż, li tkun miftiehma wara l-konklużjoni tan-negozjati li fil-preżent qed isiru dwar dan is-suġġett fin-Nazzjonijiet Uniti.

(5) Mhux inkluż il-Kosovo li fil-preżent huwa taħt amministrazzjoni internazzjonali skont ir-Riżoluzzjoni tal-Kunsill tas-Sigurtà tan-Nazzjonijiet Uniti 1244 tal-10 ta’ Ġunju 1999.

*	=	Rekwiżiti skont il-Ftehim bejn il-Komunità u l-Konfederazzjoni Svizzera dwar il-Kummerċ ta’ prodotti agrikoli (ĠU L 114, 30.4.2002, p. 132).
—	=	l-ebda ċertifikati stabbiliti u l-importazzjonijiet ta’ laħam frisk huma pprojbiti (bl-eċċezzjoni ta’ dawk l-ispeċi li fejn indikat fil-linja jikkompromettu d-dħul għall-pajjiż kollu).

“1” Restrizzjonijiet ta’ kategoriji:

L-ebda ġewwieni ta’ annimali mhu awtorizzat għall-introduzzjoni fl-Unjoni (bl-eċċezzjoni, fil-każ ta’ speċi ta’ bovini, tad-dijaframma u tal-muskoli tax-xedaq).”

Top

Choose the experimental features you want to try