This document is an excerpt from the EUR-Lex website
Document 32011D0906(01)
Decision No S8 of 15 June 2011 concerning the granting of prostheses, major appliances and other substantial benefits in kind provided for in Article 33 of Regulation (EC) No 883/2004 on the coordination of social security systems Text of relevance to the EEA and to the EC/Switzerland Agreement
Deċiżjoni Nru S8 tal- 15 ta' Ġunju 2011 dwar l-għoti ta' proteżi, apparat maġġuri u benefiċċji sostanzjali oħra in natura previsti fl-Artiklu 33 tar-Regolament (KE) Nru 883/2004 dwar il-koordinazzjoni ta’ sistemi ta’ sigurtà soċjali Test b’rilevanza għaż-ŻEE u għall-Ftehim KE/Żvizzera
Deċiżjoni Nru S8 tal- 15 ta' Ġunju 2011 dwar l-għoti ta' proteżi, apparat maġġuri u benefiċċji sostanzjali oħra in natura previsti fl-Artiklu 33 tar-Regolament (KE) Nru 883/2004 dwar il-koordinazzjoni ta’ sistemi ta’ sigurtà soċjali Test b’rilevanza għaż-ŻEE u għall-Ftehim KE/Żvizzera
ĠU C 262, 6.9.2011, p. 6–7
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
In force
6.9.2011 |
MT |
Il-Ġurnal Uffiċjali tal-Unjoni Ewropea |
C 262/6 |
DEĊIŻJONI Nru S8
tal-15 ta' Ġunju 2011
dwar l-għoti ta' proteżi, apparat maġġuri u benefiċċji sostanzjali oħra in natura previsti fl-Artiklu 33 tar-Regolament (KE) Nru 883/2004 dwar il-koordinazzjoni ta’ sistemi ta’ sigurtà soċjali
(Test b’rilevanza għaż-ŻEE u għall-Ftehim KE/Żvizzera)
2011/C 262/06
IL-KUMMISSJONI AMMINISTRATTIVA GĦALL-KOORDINAZZJONI TAS-SISTEMI TAS-SIGURTÀ SOĊJALI,
Wara li kkunsidrat l-Artiklu 72(a) tar-Regolament (KE) Nru 883/2004 tal-Parlament Ewropew u tal-Kunsill tad-29 ta’ April 2004 dwar il-koordinazzjoni ta’ sistemi ta’ sigurtà soċjali (1), li skont dan, il-Kummissjoni Amministrattiva hija responsabbli biex tittratta l-mistoqsijiet amministrattivi kollha, jew il-mistoqsijiet kollha ta’ interpretazzjoni li jirriżultaw mid-dispożizzjonijiet tar-Regolament (KE) Nru 883/2004 u r-Regolament (KE) Nru 987/2009 (2),
Wara li kkunsidrat l-Artiklu 33(2) tar-Regolament (KE) Nru 883/2004,
Waqt li taġixxi skont il-kundizzjonijiet stipulati fit-tieni subparagrafu tal-Artiklu 71(2) tar-Regolament (KE) Nru 883/2004,
Billi:
(1) |
L-Artiklu 33(1) tar-Regolament (KE) Nru 883/2004 jikkostitwixxi klawsola ta' salvagwardja li trid tkun applikata waqt perjodu ta' żmien immedjatament wara l-mument tal-bidla tal-leġiżlazzjoni applikabbli fir-rigward tal-persuna kkonċernata. |
(2) |
Dan l-Artiklu japplika meta persuna tkun tista' titlef id-dritt tagħha għall-benefiċċji tal-mard min natura tagħhom huma mfassla għall-ħtiġijiet personali tagħha, u li qegħdin fil-proċess li jiġu pprovduti jew li ġew approvati iżda għadhom ma ġewx ipprovduti, minħabba xi bidla fil-leġiżlazzjoni applikabbli. |
(3) |
Telfa bħal din tista' titqies bħala mhux proporzjonali, meta wieħed iqis il-karattru tal-benefiċċju u l-qagħda medika tal-persuna kkonċernata. |
IDDEĊIDIET KIF ĠEJ:
Artiklu 1
Il-proteżi, apparati maġġuri, u benefiċċji sostanzjali oħra li min natura tagħhom huma msemmija fl-Artiklu 33(1) tar-Regolament (KE) Nru 883/2004 għandhom jikkostitwixxu benefiċċji li:
— |
huma mfassla għall-ħtiġijiet personali speċifiċi, u |
— |
qegħdin fil-proċess li jiġu pprovduti jew ġew approvati iżda għadhom mhux ipprovduti, u |
— |
huma ddefiniti u/jew trattati bħala tali mill-Istat Membru li skont il-leġiżlazzjoni tiegħu l-persuna assigurata kienet assigurata qabel ma din ġiet assigurata skont il-leġiżlazzjoni ta' Stat Membru ieħor. |
Lista mhux eżawrjenti li tindika l-benefiċċji, li meta jissodisfaw il-kriterji ddeterminati hawn fuq għandhom jiġu ttrattati bħala tali, tinsab fl-Anness għal din id-deċiżjoni.
Artiklu 2
Din id-deċiżjoni għandha tiġi ppubblikata f’Il-Ġurnal Uffiċjali tal-Unjoni Ewropea. Għandha tapplika mid-data tal-pubblikazzjoni tagħha.
Il-President tal-Kummissjoni Amministrattiva
Éva GELLÉRNÉ LUKÁCS
(1) ĠU L 166, 30.4.2004, p. 1 (Rettifika ĠU L 200, 7.6.2004, p. 1).
(2) Ir-Regolament (KE) Nru 987/2009 tal-Parlament Ewropew u tal-Kunsill tas-16 ta’ Settembru 2009 li jistabbilixxi l-proċedura għall-implimentazzjoni tar-Regolament (KE) Nru 883/2004 dwar il-koordinazzjoni ta' skemi ta’ sigurtà soċjali, ĠU L 284, 30.10.2009, p. 1.
ANNESS
Proteżi
(a) |
proteżi ortopediċi; |
(b) |
għajnuniet viżwali bħall-proteżi okulari; |
(c) |
proteżi dentali (iffissati u li jistgħu jitneħħew). |
Apparat maġġuri
(d) |
siġġijiet tar-roti, ortożi, żraben, u għajnuniet oħra biex bniedem ikun jista' jiċċaqlaq, joqgħod bil-wieqfa u joqgħod bil-qiegħda; |
(e) |
lentijiet ta' kuntatt, nuċċalijiet bil-lenti u teleskopiċi; |
(f) |
għajnuniet għal dawk neqsin mis-smigħ jew għall-muti; |
(g) |
nebjuliżers; |
(h) |
obturaturi għall-użu fil-ħalq; |
(i) |
apparat ortodontiku. |
Benefiċċji sostanzjali oħra mogħtija in natura
(j) |
trattamenti speċjalisti għall-pazjenti li jiġu trattati fl-isptar; |
(k) |
trattament fi stabbiliment fejn wieħed joqgħod biex jirkupra saħħtu; |
(l) |
rijabilitazzjoni terapewtika; |
(m) |
mezzi kumplimentarji ta' dijanjożi; |
(n) |
kwalunkwe sussidju mogħti biex ikopri parti mill-ispejjeż tal-benefiċċji elenkati hawn fuq. |