23.12.2011   

MT

Il-Ġurnal Uffiċjali tal-Unjoni Ewropea

L 343/119

(1)

Id-Deċiżjoni 2009/470/KE tistabbilixxi l-proċeduri li jirregolaw il-kontribuzzjoni finanzjarja Komunitarja fil-kamp veterinarju.

(2)

B’mod partikolari, l-Artikolu 22 tad-Deċiżjoni 2009/470/KE jipprovdi li l-Komunità tista’ tieħu, jew tassisti lill-Istati Membri sabiex jieħdu l-miżuri tekniċi u xjentifiċi meħtieġa għall-iżvilupp ta’ leġiżlazzjoni veterinarja Komunitarja.

(3)

Il-Komunikazzjoni mill-Kummissjoni lill-Parlament Ewropew u lill-Kunsill dwar is-saħħa tan-naħal tal-għasel (4) tagħti ħarsa ġenerali tal-azzjonijiet tal-Kummissjoni li diġà ttieħdu u li qed jittieħdu fir-rigward tas-saħħa tan-naħal tal-għasel fl-UE. Il-kwistjoni ewlenija li l-komunikazzjoni tindirizza hija l-mortalità tan-naħal. Dawn il-mortalitajiet ġew irrapportati f’bosta pajjiżi fid-dinja u anke fl-UE.

(4)

Fl-2009, il-proġett tal-EFSA “Il-Mortalità tan-Naħal u s-Sorveljanza tan-Naħal fl-Ewropa” kkonkluda li b’mod ġenerali, is-sistemi ta’ sorveljanza fl-UE huma dgħajfa u hemm nuqqas ta’ dejta fuq livell ta’ Stati Membri u nuqqas ta’ dejta komparabbli fuq livell ta’ UE.

(5)

L-azzjonijiet ewlenin li pproponiet il-Kummissjoni kienu li jitwaqqaf laboratorju ta’ referenza tal-UE (EURL) għas-saħħa tan-naħal, u li jitniedu studji ta’ sorveljanza dwar it-telf tal-kolonja tan-naħal tal-għasel appoġġati għall-aspetti teknikċi mill-EURL u kofinanzjati mill-Kummissjoni.

(6)

L-ewwel pass diġà tlesta peress li l-EURL għas-saħħa tan-naħal twaqqaf bir-Regolament tal-Kummissjoni (UE) Nru 87/2011 (5) u ilu jopera mill-1 ta’ April 2011. (ANSES – Sophia Antipolis – FR).

(7)

Kif intalab mill-Kummissjoni, il-EURL għas-saħħa tan-naħal ħoloq dokument tekniku “Basis for a pilot surveillance project on honey bee colony losses” (Bażi għal proġett pilota ta’ sorveljanza dwar it-telf tal-kolonja tan-naħal tal-għasel li jista’ jinstab fuq http://ec.europa.eu/food/animal/liveanimals/bees/bee_health_en.htm) li jipprovdi gwida għall-Istati Membri biex jelaboraw l-istudji tagħhom ta’ sorveljanza.

(8)

Sabiex tittejjeb id-disponibbiltà tad-dejta dwar is-saħħa tan-naħal, huwa xieraq li ċerti studji ta’ sorveljanza fl-Istati Membri dwar it-telf tan-naħal tal-għasel jingħataw assistenza u appoġġ.

(9)

L-Istati Membri kienu mistiedna jibagħtu lill-Kummissjoni l-istudji tagħhom ta’ sorveljanza bbażati fuq id-dokument tekniku tal-EURL għas-saħħa tan-naħal sat-30 ta’ Settembru 2011.

(10)

Għoxrin Stat Membru bagħtu l-proposti tagħhom għall-istudji ta’ sorveljanza. Dawn il-proposti qed jiġu evalwati mil-lat tekniku u finanzjarju sabiex tiġi vvalutata l-konformità tagħhom mad-dokument tekniku “Basis for a pilot surveillance project on honey bee colony losses”. Wara l-proċess tal-evalwazzjoni u l-għażla, ir-rata ta’ kofinanzjament li ma taqbiżx is-70 % u l-ammont tal-kontribuzzjoni individwali għall kull Stat Membru tkun iffissata permezz ta’ Deċiżjoni tal-Kummissjoni sussegwenti.

(11)

L-istudji ta’ sorveljanza jeħtieġ jinkludu kontrolli fuq il-ġarar tan-naħal fil-perjodu ta’ qabel ix-xitwa u mbagħad żjara wara x-xitwa. Żjara oħra hi ppjanata matul is-sajf. Għalhekk, skont it-tfassil tal-programmi tal-Istati Membri, l-ewwel żjara hi mistennija li ssir qabel ix-xitwa 2012 filwaqt li t-tieni waħda hi mistennija li ssir is-sena ta’ wara. Għal din ir-raġuni, huwa l-waqt opportun li jiġi kkunsidrat il-perjodu ta’ applikazzjoni ta’ din id-Deċiżjoni li jibda mill-1 ta’ Jannar 2012 sat-30 ta’ Ġunju 2013.

(12)

Huwa xieraq li jiġi stabbilit finanzjament mill-Unjoni għall-istudji billi jiġu allokati EUR 3 750 000.

(13)

Din id-Deċiżjoni tikkostitwixxi deċiżjoni ta’ finanzjament skont it-tifsira tal-Artikolu 75(2) tar-Regolament (KE, Euratom) Nru 1605/2002 u skont l-Artikolu 90 tar-Regolament (KE, Euratom) Nru 2342/2002.

(14)

Il-miżuri stipulati f’din id-Deċiżjoni huma konformi mal-opinjoni tal-Kumitat Permanenti dwar il-Katina Alimentari u s-Saħħa tal-Annimali,

(i)

it-twettiq ta’ testijiet tal-laboratorju u

(ii)

il-persunal allokat speċjalment għal: