EUR-Lex Access to European Union law
This document is an excerpt from the EUR-Lex website
Document 32011D0809
2011/809/EU: Council Decision of 30 November 2011 on the position to be taken by the European Union within the General Council of the World Trade Organization on the extension of the WTO waiver in order to implement the EU autonomous preferential trade regime for the Western Balkans
2011/809/UE: Deċiżjoni tal-Kunsill tat- 30 ta’ Novembru 2011 dwar pożizzjoni li se tieħu l-Unjoni Ewropea fi ħdan il-Kunsill Ġenerali tal-Organizzazjoni Dinjija tal-Kummerċ dwar l-estensjoni tar-rinunzja tad-WTO sabiex jiġi implimentat ir-reġim tal-UE preferenzjali u awtonomu tal-kummerċ għall-Balkani tal-Punent
2011/809/UE: Deċiżjoni tal-Kunsill tat- 30 ta’ Novembru 2011 dwar pożizzjoni li se tieħu l-Unjoni Ewropea fi ħdan il-Kunsill Ġenerali tal-Organizzazjoni Dinjija tal-Kummerċ dwar l-estensjoni tar-rinunzja tad-WTO sabiex jiġi implimentat ir-reġim tal-UE preferenzjali u awtonomu tal-kummerċ għall-Balkani tal-Punent
ĠU L 324, 7.12.2011, p. 28–28
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
In force
7.12.2011 |
MT |
Il-Ġurnal Uffiċjali tal-Unjoni Ewropea |
L 324/28 |
DEĊIŻJONI TAL-KUNSILL
tat-30 ta’ Novembru 2011
dwar pożizzjoni li se tieħu l-Unjoni Ewropea fi ħdan il-Kunsill Ġenerali tal-Organizzazjoni Dinjija tal-Kummerċ dwar l-estensjoni tar-rinunzja tad-WTO sabiex jiġi implimentat ir-reġim tal-UE preferenzjali u awtonomu tal-kummerċ għall-Balkani tal-Punent
(2011/809/UE)
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b'mod partikolari l-ewwel subparagrafu tal-Artikolu 207(4), flimkien mal-Artikolu 218(9) tiegħu,
Wara li kkunsidra l-proposta mill-Kummissjoni Ewropea,
Billi:
(1) |
L-Unjoni adottat leġiżlazzjoni li ġġedded ir-reġim preferenzjali u awtonomu tal-kummerċ għall-Balkani tal-Punent sal-31 ta’ Diċembru 2015. Fin-nuqqas ta’ rinunzja min-naħa tal-obbligi tal-Unjoni skont il-paragrafu 1 tal-Artikolu I tal-Ftehim Ġenerali dwar it-Tariffi u l-Kummerċ 1994 (GATT 1994), it-trattament provdut fir-reġim preferenzjali u awtonomu tal-kummerċ se jkollu bżonn jiġi estiż għall-Membri kollha l-oħra tal-Organizzazjoni Dinjija tal-Kummerċ (WTO). Huwa għalhekk xieraq li tottjeni rinunzja mill-paragrafu 1 tal-Artikolu I tal-GATT 1994 skont il-paragrafu 3 tal-Artikolu IX tal-Ftehim ta’ Marrakesh li jistabbilixxi l-Organizzazzjoni Dinjija tal-Kummerċ. |
(2) |
L-Unjoni ippreżentat talba bħal din fis-26 ta’ Ottubru 2011 u l-Kunsill Ġenerali tad-WTO għandu jiddelibera fuqha. |
(3) |
Huwa għaldaqstant xieraq, li tiġi stabbilità l-pożizzjoni li għandha tieħu l-Unjoni mal-Kunsill Ġenerali tad-WTO fir-rigward ta’ din it-talba, |
ADOTTA DIN ID-DEĊIŻJONI:
Artikolu 1
Il-pożizzjoni li għandha tieħu l-Unjoni Ewropea fil-Kunsill Ġenerali tal-Organizzazzjoni Dinjija tal-Kummerċ hija li tapprova l-estensjoni tar-rinunzja tad-WTO għall-Balkani tal-Punent sal-31 ta’ Diċembru 2016.
Din il-pożizzjoni għandha tiġi espressa milll-Kummissjoni.
Artikolu 2
Din id-Deċiżjoni għandha tidħol fis-seħħ fid-data tal-adozzjoni tagħha.
Magħmul fi Brussell, it-30 ta’ Novembru 2011.
Għall-Kunsill
Il-President
J. VINCENT-ROSTOWSKI