This document is an excerpt from the EUR-Lex website
Document 32011D0320
2011/320/EU: Commission Decision of 27 May 2011 authorising the placing on the market of Chromium Picolinate as a novel food ingredient under Regulation (EC) No 258/97 of the European Parliament and of the Council (notified under document C(2011) 3586)
2011/320/UE: Deċiżjoni tal-Kummissjoni tas- 27 ta’ Mejju 2011 li tawtorizza t-tqegħid fis-suq tal-Pikolinat tal-Kromju bħala ingredjent tal-ikel ġdid skont ir-Regolament (KE) Nru 258/97 tal-Parlament Ewropew u tal-Kunsill (notifikata bid-dokument numru C(2011) 3586)
2011/320/UE: Deċiżjoni tal-Kummissjoni tas- 27 ta’ Mejju 2011 li tawtorizza t-tqegħid fis-suq tal-Pikolinat tal-Kromju bħala ingredjent tal-ikel ġdid skont ir-Regolament (KE) Nru 258/97 tal-Parlament Ewropew u tal-Kunsill (notifikata bid-dokument numru C(2011) 3586)
ĠU L 143, 31.5.2011, p. 36–37
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
In force
|
31.5.2011 |
MT |
Il-Ġurnal Uffiċjali tal-Unjoni Ewropea |
L 143/36 |
DEĊIŻJONI TAL-KUMMISSJONI
tas-27 ta’ Mejju 2011
li tawtorizza t-tqegħid fis-suq tal-Pikolinat tal-Kromju bħala ingredjent tal-ikel ġdid skont ir-Regolament (KE) Nru 258/97 tal-Parlament Ewropew u tal-Kunsill
(notifikata bid-dokument numru C(2011) 3586)
(Il-verżjoni Ingliża biss hija awtentika)
(2011/320/UE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 258/97 tal-Parlament Ewropew u tal-Kunsill tas-27 ta’ Jannar 1997 dwar l-ikel il-ġdid u l-ingredjenti tal-ikel il-ġdid (1), u b’mod partikolari l-Artikolu 7 tiegħu,
Billi:
|
(1) |
Fis-6 ta’ April 2009, il-kumpanija Cantox Health Sciences International ressqet talba f’isem Nutrition 21 lill-awtoritajiet kompetenti fl-Irlanda biex tkun tista’ tqiegħed il-Pikolinat tal-Kromju fis-suq bħala ingredjent tal-ikel ġdid. |
|
(2) |
Fl-24 ta’ April 2009, il-korp kompetenti Irlandiż għall-analiżi tal-ikel ħareġ ir-rapport tal-istima preliminarju tiegħu. F’dan ir-rapport wasal għall-konklużjoni li kienet meħtieġa analiżi oħra. |
|
(3) |
Il-Kummissjoni għarrfet lill-Istati Membri kollha dwar din it-talba fit-30 ta’ April 2009. L-Awtorità Ewropea dwar is-Sigurtà fl-Ikel (l-EFSA) ntalbet twettaq l-analiżi fit-12 ta’ Awwissu 2009. |
|
(4) |
Fl-10 ta’ Novembru 2010, fuq talba mill-Kummissjoni, l-EFSA adottat opinjoni (2) dwar is-sigurtà tal-Pikolinat tal-Kromju bħala sors tal-kromju miżjud fl-ikel għal finijiet nutrittivi għall-popolazzjoni ġenerali u fl-ikel għal użi nutrittivi partikolari. Fl-opinjoni tagħha l-EFSA kkonkludiet li l-Pikolinat tal-Kromju ma joħloqx kwistjonijiet ta’ sigurtà kemm-il darba l-ammont tal-kromju totali ma jaqbiżx il-250 μg kull jum, il-valur stabbilit mill-Organizzazzjoni Dinjija tas-Saħħa bħala d-doża addizzjonali ta’ kromju li ma tridx tinqabeż. |
|
(5) |
Ir-Regolament tal-Kummissjoni (KE) Nru 953/2009 tat-13 ta’ Ottubru 2009 dwar sustanzi li jistgħu jiġu miżjuda għal għanijiet nutrittivi speċifiċi fl-oġġetti tal-ikel għal użi nutrittivi partikolari (3) u/jew ir-Regolament (KE) Nru 1925/2006 tal-Parlament Ewropew u tal-Kunsill tal-20 ta’ Diċembru 2006 dwar iż-żieda ta’ vitamini u minerali u ta’ ċerti sustanzi oħra mal-ikel (4) jistabbilixxu dispożizzjonijiet speċifiċi għall-użu ta’ vitamini, minerali u sustanzi oħra fl-ikel. L-użu tal-Pikolinat tal-Kromju għandu jkun awtorizzat mingħajr ħsara għar-rekwiżiti ta’ din il-leġiżlazzjoni. |
|
(6) |
Il-miżuri stipulati f’din id-Deċiżjoni huma konformi mal-opinjoni tal-Kumitat Permanenti dwar il-Katina Alimentari u s-Saħħa tal-Annimali, |
ADOTTAT DIN ID-DEĊIŻJONI:
Artikolu 1
Il-Pikolinat tal-Kromju tal-Ammonju bħala sors ta’ kromju kif speċifikat fl-Anness jista’ jitqiegħed fis-suq tal-Unjoni bħala ingredjent tal-ikel ġdid biex jintuża fl-ikel mingħajr ħsara għad-dispożizzjonijiet speċifiċi tar-Regolament (KE) Nru 953/2009 u/jew tar-Regolament (KE) Nru 1925/2006.
Artikolu 2
L-ispeċifikazzjoni tal-ingredjent tal-ikel ġdid awtorizzat b’din id-Deċiżjoni li trid tidher fuq it-tikketta tal-oġġetti tal-ikel li fihom dan l-ingredjent għandha tkun ‘Pikolinat tal-Kromju’.
Artikolu 3
Id-Deċiżjoni hija indirizzata lil Nutrition 21, Inc., 4 Manhattanville Road, Purchase, New York 10577, USA.
Magħmul fi Brussell, is-27 ta’ Mejju 2011.
Għall-Kummissjoni
John DALLI
Membru tal-Kummissjoni
(2) EFSA Journal 2010; 8(12): 1883.
(3) ĠU L 269, 14.10.2009, p. 9.
(4) ĠU L 404, 30.12.2006, p. 26.
ANNESS
SPEĊIFIKAZZJONIJIET TAL-PIKOLINAT TAL-KROMJU
Deskrizzjoni: Il-Pikolinat tal-Kromju huwa trab ħafif li jagħti fl-aħmar, li jitħallat kemxejn fl-ilma fil-pH 7. Il-melħ jitħallat ukoll fis-solventi organiċi polari.
L-isem kimiku tal-Pikolinat tal-Kromju huwa tris(2piridinakarbossilat-N,O)kromju(III) jew aċidu 2-piridinakarbossiliku, melħ tal-kromju(III).
Nru tal-CAS: 14639-25-9
Formula Kimika: Cr(C6H4NO2)3
Formula Strutturali:
|
Karatteristiċi kimiċi tal-Pikolinat tal-Kromju |
|
|
Pikolinat tal-Kromju |
aktar minn 95 % |
|
Kromju (III) |
12 – 13 % |
|
Kromju (VI) |
ebda traċċa |
|
Ilma |
mhux iżjed minn 4 % |