This document is an excerpt from the EUR-Lex website
Document 32011D0222
2011/222/EU: Commission Decision of 5 April 2011 granting derogations to certain Member States with respect to the transmission of statistics pursuant to Regulation (EC) No 1338/2008 of the European Parliament and of the Council on Community statistics on public health and health and safety at work, as regards statistics on causes of death (notified under document C(2011) 2057)
2011/222/UE: Deċiżjoni tal-Kummissjoni tal- 5 ta’ April 2011 li tagħti d-derogi lil ċerti Stati Membri dwar it-trażmissjoni tal-istatistika skont ir-Regolament (KE) Nru 1338/2008 tal-Parlament Ewropew u tal-Kunsill dwar l-istatistika Komunitarja dwar is-saħħa pubblika u s-saħħa u s-sigurtà fuq ix-xogħol, rigward l-istatistika dwar il-kawżi tal-imwiet (notifikata bid-dokument numru C(2011) 2057)
2011/222/UE: Deċiżjoni tal-Kummissjoni tal- 5 ta’ April 2011 li tagħti d-derogi lil ċerti Stati Membri dwar it-trażmissjoni tal-istatistika skont ir-Regolament (KE) Nru 1338/2008 tal-Parlament Ewropew u tal-Kunsill dwar l-istatistika Komunitarja dwar is-saħħa pubblika u s-saħħa u s-sigurtà fuq ix-xogħol, rigward l-istatistika dwar il-kawżi tal-imwiet (notifikata bid-dokument numru C(2011) 2057)
ĠU L 93, 7.4.2011, p. 26–27
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
In force
|
7.4.2011 |
MT |
Il-Ġurnal Uffiċjali tal-Unjoni Ewropea |
L 93/26 |
DEĊIŻJONI TAL-KUMMISSJONI
tal-5 ta’ April 2011
li tagħti d-derogi lil ċerti Stati Membri dwar it-trażmissjoni tal-istatistika skont ir-Regolament (KE) Nru 1338/2008 tal-Parlament Ewropew u tal-Kunsill dwar l-istatistika Komunitarja dwar is-saħħa pubblika u s-saħħa u s-sigurtà fuq ix-xogħol, rigward l-istatistika dwar il-kawżi tal-imwiet
(notifikata bid-dokument numru C(2011) 2057)
(Huma awtentiċi biss it-testi bil-lingwa Bulgara, Ċeka, Finlandiża, Franċiża, Ġermaniża, Olandiża u Svediża)
(2011/222/UE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 1338/2008 tal-Parlament Ewropew u tal-Kunsill tas-16 ta’ Diċembru 2008 dwar l-istatistika Komunitarja dwar is-saħħa pubblika u s-saħħa u s-sigurtà fuq ix-xogħol (1), u b’mod partikolari l-Artikolu 9(2) tiegħu,
Wara li kkunsidrat it-talbiet magħmula mir-Repubblika tal-Bulgarija, mir-Repubblika Ċeka, mir-Repubblika Federali tal-Ġermanja, mir-Repubblika Franċiża, mir-Renju tal-Pajjiżi l-Baxxi u mir-Repubblika tal-Finlandja,
Billi:
|
(1) |
B’konformità mal-Artikolu 2 tar-Regolament (KE) Nru 1338/2008, dan japplika għall-produzzjoni tal-istatistika dwar il-kawżi tal-imwiet kif iddefinit fl-Anness III. |
|
(2) |
L-Artikolu 9(2) tar-Regolament (KE) Nru 1338/2008 jipprevedi, fejn jenħtieġ, għal derogi u għal perijodi ta’ tranżizzjoni għall-Istati Membri, li t-tnejn li huma għandhom ikunu msejsa fuq raġunijiet oġġettivi. |
|
(3) |
Mill-informazzjoni pprovduta lill-Kummissjoni, jidher li t-talbiet għad-derogi tal-Bulgarija, tar-Repubblika Ċeka, tal-Ġermanja, ta’ Franza, tal-Pajjiżi l-Baxxi u tal-Finlandja rriżultaw mill-ħtieġa ta’ emendi kbar fis-sistemi nazzjonali tal-istatistika biex jikkonformaw bis-sħiħ mar-Regolament (KE) Nru 1338/2008. |
|
(4) |
Għaldaqstant dawn id-derogi għandhom jingħataw lil dawk l-Istati Membri. |
|
(5) |
Il-miżuri previsti f’din id-Deċiżjoni huma skont l-opinjoni tal-Kumitat tas-Sistema tal-Istatistika Ewropea, |
ADOTTAT DIN ID-DEĊIŻJONI:
Artikolu 1
Id-derogi kif stabbiliti fl-Anness huma mogħtija lill-Istati Membri elenkati hemmhekk.
Artikolu 2
Din id-Deċiżjoni hija indirizzata lir-Repubblika tal-Bulgarija, lir-Repubblika Ċeka, lir-Repubblika Federali tal-Ġermanja, lir-Repubblika Franċiża, lir-Renju tal-Pajjiżi l-Baxxi u lir-Repubblika tal-Finlandja.
Magħmul fi Brussell, il-5 ta’ April 2011.
Għall-Kummissjoni
Olli REHN
Membru tal-Kummissjoni
(1) ĠU L 354, 31.12.2008, p. 70.
ANNESS
Id-derogi mir-Regolament (KE) Nru 1338/2008, kif implimentati mill-Kummissjoni, dwar l-istatistika dwar il-kawżi tal-imwiet
|
Stat Membru |
Varjabbli |
Tmiem tad-deroga |
|
il-Bulgarija |
Kawża bażika tal-mewt ICD (klassifika internazzjonali tal-mard) (4 figuri) |
il-31 ta' Diċembru 2012 |
|
ir-Repubblika Ċeka |
Pajjiż tal-okkorrenza |
il-31 ta' Diċembru 2011 |
|
il-Ġermanja |
Pajjiż tal-okkorrenza |
il-31 ta' Diċembru 2013 |
|
Franza |
Is-sena tal-mewt (id-data ta' meta ġrat) ta' trabi li jitwieldu mejta |
il-31 ta' Diċembru 2012 |
|
il-Pajjiżi l-Baxxi |
Pajjiż tal-okkorrenza |
il-31 ta' Diċembru 2012 |
|
Pajjiż ta' residenza, għal nies mhumiex residenti li jmutu fil-Pajjiżi l-Baxxi |
il-31 ta' Diċembru 2012 |
|
|
il-Finlandja |
Reġjun tal-okkorrenza (NUTS 2) |
il-31 ta' Diċembru 2013 |
|
Pajjiż ta' residenza/Pajjiż ta' residenza tal-omm |
il-31 ta' Diċembru 2013 |