EUR-Lex Access to European Union law
This document is an excerpt from the EUR-Lex website
Document 32011D0104
2011/104/EU: Commission Decision of 15 February 2011 on the clearance of the accounts of a paying agency in Italy concerning expenditure financed by the European Agricultural Guarantee Fund (EAGF) for the 2008 financial year (notified under document C(2011) 757)
2011/104/UE: Deċiżjoni tal-Kummissjoni tal- 15 ta’ Frar 2011 dwar l-approvazzjoni tal-kontijiet ta’ aġenzija tal-pagamenti fl-Italja li jikkonċernaw l-infiq iffinanzjat mill-Fond Agrikolu Ewropew ta’ Garanzija (FAEG) għas-sena finanzjarja 2008 (notifikata bid-dokument numru C(2011) 757)
2011/104/UE: Deċiżjoni tal-Kummissjoni tal- 15 ta’ Frar 2011 dwar l-approvazzjoni tal-kontijiet ta’ aġenzija tal-pagamenti fl-Italja li jikkonċernaw l-infiq iffinanzjat mill-Fond Agrikolu Ewropew ta’ Garanzija (FAEG) għas-sena finanzjarja 2008 (notifikata bid-dokument numru C(2011) 757)
ĠU L 42, 16.2.2011, p. 29–31
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
In force
16.2.2011 |
MT |
Il-Ġurnal Uffiċjali tal-Unjoni Ewropea |
L 42/29 |
DEĊIŻJONI TAL-KUMMISSJONI
tal-15 ta’ Frar 2011
dwar l-approvazzjoni tal-kontijiet ta’ aġenzija tal-pagamenti fl-Italja li jikkonċernaw l-infiq iffinanzjat mill-Fond Agrikolu Ewropew ta’ Garanzija (FAEG) għas-sena finanzjarja 2008
(notifikata bid-dokument numru C(2011) 757)
(It-test bit-Taljan biss huwa awtentiku)
(2011/104/UE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KE) Nru 1290/2005 tal-21 ta’ Ġunju 2005 dwar il-finanzjament tal-Politika Agrikola Komuni (1), u b’mod partikolari l-Artikoli 30 u 32(8) tiegħu,
Wara li kkonsultat mal-Kumitat dwar il-Fondi Agrikoli,
Billi:
(1) |
Id-Deċiżjonijiet tal-Kummissjoni 2009/367/KE (2) u 2010/56/KE (3), għas-sena finanzjarja 2008, approvaw il-kontijiet tal-aġenziji tal-pagament kollha ħlief l-aġenzija tal-pagamenti Taljana “ARBEA”, u l-aġenzija tal-pagamenti Griega”OPEKEPE”. |
(2) |
Wara t-trażmissjoni ta’ tagħrif ġdid u wara verifiki addizzjonali, il-Kummissjoni issa tista’ tieħu deċiżjoni dwar l-integralità, l-eżattezza u l-veraċità tal-kontijiet sottomessi mill-aġenzija tal-pagamenti Taljana “ARBEA”. |
(3) |
L-ewwel subparagrafu tal-Artikolu 10(2) tar-Regolament tal-Kummissjoni (KE) Nru 885/2006 tal-21 ta’ Ġunju 2006 li jistabbilixxi regoli dettaljati għall-applikazzjoni tar-Regolament tal-Kunsill (KE) Nru 1290/2005 dwar l-akkreditazzjoni tal-aġenziji tal-pagamenti u ta’ korpijiet oħrajn u l-approvazzjoni tal-kontijiet tal-FAEG u tal-FAEŻR (4) jistipula li l-ammonti li jistgħu jiġu rkuprati mingħand, jew imħallsa lil kull Stat Membru, skont id-deċiżjoni tal-approvazzjoni tal-kontijiet imsemmija fl-ewwel subparagrafu tal-Artikolu 10(1) tar-Regolament imsemmi, għandhom jiġu stabbiliti billi jitnaqqsu l-pagamenti ta’ kull xahar imħallsin għas-sena finanzjarja kkonċernata, jiġifieri l-2008, mill-infiq rikonoxxut għal dik is-sena skont il-paragrafu 1. Il-Kummissjoni se tnaqqas dak l-ammont minn jew iżżidu mal-pagament ta’ kull xahar marbut mal-infiq li sar fit-tieni xahar wara dak li fih tittieħed id-deċiżjoni tal-approvazzjoni tal-kontijiet. |
(4) |
Skont l-Artikolu 32(5) tar-Regolament (KE) Nru 1290/2005, 50 % tal-konsegwenzi finanzjarji ta’ nuqqas ta’ rkupru tal-irregolaritajiet għandu jagħmel tajjeb għalihom l-Istat Membru kkonċernat u 50 % jitħallsu mill-baġit tal-UE, jekk l-irkupru ta’ dawk l-irregolaritajiet ma jkunx sar fi żmien erba’ snin mid-deċiżjoni primarja amministrattiva jew ġudizzjarja, jew fi żmien tmien snin jekk l-irkupru jitressaq quddiem il-qrati nazzjonali. L-Artikolu 32(3) tar-Regolament imsemmi jobbliga lill-Istati Membri biex jissottomettu lill-Kummissjoni, rapport fil-qosor dwar il-proċeduri tal-irkupru meħuda b’reazzjoni għall-irregolaritajiet, flimkien mal-kontijiet annwali. Regoli dettaljati dwar l-applikazzjoni tal-obbligu tal-Istati Membri li jirrappurtaw l-ammonti li għandhom jiġu rkuprati huma stipulati fir-Regolament (KE) Nru 885/2006. L-Anness III għar-Regolament imsemmi jipprovdi t-tabella mudell li kellha tiġi pprovduta mill-Istati Membri fl-2009. Abbażi tat-tabelli mimlija mill-Istati Membri, il-Kummissjoni għandha tiddeċiedi dwar il-konsegwenzi finanzjarji min-nuqqas ta’ rkupru ta’ irregolaritajiet li jmorru lura għal iktar minn erba’ snin jew tmien snin, rispettivament. Din id-deċiżjoni hija bla ħsara għal deċizjonijiet futuri dwar il-konformità skont l-Artikolu 32(8) tar-Regolament (KE) Nru 1290/2005. |
(5) |
Skont l-Artikolu 32(6) tar-Regolament (KE) Nru 1290/2005, l-Istati Membri jistgħu jiddeċiedu li ma jiħdux passi għall-irkupru. Deċiżjoni bħal din tista’ tittieħed biss jekk it-total tal-ispejjeż li jkunu saru diġà u dawk li aktarx isiru jaqbeż l-ammont li għandu jiġi rkuprat jew jekk jirriżulta li l-irkupru mhux possibbli li jsir minħabba insolvenza, irreġistrata u rrikonoxxuta skont il-liġi nazzjonali, tad-debitur jew tal-persuni legalment responsabbli għall-irregolarità. Jekk dik id-deċiżjoni tittieħed fi żmien erba’ snin mid-deċiżjoni primarja amministrattiva jew ġudizzjarja, jew fi żmien tmien snin jekk l-irkupru jitressaq quddiem il-qrati nazzjonali, il-baġit tal-UE għandu jagħmel tajjeb għal 100 % tal-konsegwenzi finanzjarji tan-nuqqas tal-irkupru. Ir-rapport fil-qosor imsemmi fl-Artikolu 32(3) tar-Regolament (KE) Nru 1290/2005 juri l-ammonti li għalihom l-Istat Membru iddeċieda li ma jiħux passi għall-irkupru u fuq liema bażi ttieħdet id-deċiżjoni. Dawn l-ammonti ma għandhomx ikunu ddebitati lill-Istati Membri kkonċernati u konsegwentement għandhom jitħallsu mill-baġit tal-UE. Din id-deċiżjoni hija bla ħsara għal deċizjonijiet ta’ konformità fil-ġejjieni skont l-Artikolu 32(8) tar-Regolament imsemmi. |
(6) |
Hija u tapprova l-kontijiet tal-aġenziji tal-pagamenti kkonċernati, il-Kummissjoni għandha tqis l-ammonti li diġà huma miżmuma mill-Istati Membri kkonċernati abbażi tad-Deċiżjonijiet 2009/367/KE u 2010/56/UE. |
(7) |
Skont l-Artikolu 30(2) tar-Regolament (KE) Nru 1290/2005, din id-Deċiżjoni ma tippreġudikax deċiżjonijiet meħuda sussegwentement mill-Kummissjoni li jeskludu mill-finanzjament tal-UE nfiq li ma jiġix effettwat skont ir-regoli tal-UE, |
ADOTTAT DIN ID-DEĊIŻJONI:
Artikolu 1
Il-kontijiet tal-aġenzija tal-pagamenti Taljana “ARBEA” li jikkonċernaw infiq iffinanzjat mill-Fond Agrikolu Ewropew ta’ Garanzija (FAEG), għas-sena finanzjarja 2008 huma b’dan approvati.
L-ammonti li jistgħu jiġu rkuprati minn, jew pagabbli lil kull Stat Membru kkonċernat skont din id-Deċiżjoni, inklużi dawk li jirriżultaw mill-applikazzjoni tal-Artikolu 32(5) tar-Regolament (KE) Nru 1290/2005, huma stipulati fl-Anness.
Artikolu 2
Ir-Repubblika Taljana hija destinatarja ta’ din id-Deċiżjoni.
Magħmul fi Brussell, il-15 ta’ Frar 2011.
Għall-Kummissjoni
Dacian CIOLOŞ
Membru tal-Kummissjoni
(1) ĠU L 209, 11.8.2005, p. 1.
(2) ĠU L 111, 5.5.2009, p. 44.
(4) ĠU L 171, 23.6.2006, p. 90.
ANNESS
APPROVAZZJONI TAL-KONTIJIET TAL-AĠENZIJI TAL-PAGAMENTI
SENA FINANZJARJA 2008
Ammont li għandu jiġi rkuprat mill-Istat Membru jew imħallas lilu
SM |
|
2008 — Nefqa/Dħul Assenjat lill-Aġenziji tal-Pagamenti li għalihom il-kontijiet huma |
Total a + b |
Tnaqqis u sospensjonijiet għas-sena finanzjarja kollha (1) |
Tnaqqis skont l-Artikolu 32 tar-Regolament 1290/2005 |
Total li jinkludi t-tnaqqis u s-sospensjonijiet |
Pagamenti li saru lill-Istat Membru għas-sena finanzjarja |
Ammont li għandu jiġi rkuprat minn (–) jew imħallas (+) lill-Istat Membru (2) |
Ammont irkuprat minn (–) jew imħallas (+) lill-Istat Membru skont id-Deċiżjoni 2009/367/KE |
Ammont irkuprat minn (–) jew imħallas (+) lill-Istat Membru skont id-Deċiżjoni 2010/56/UE |
Ammont li għandu jkun irkuprat minn (–) jew imħallas (+) lill-Istat Membru (2) |
|
approvati |
mhux approvati |
|||||||||||
= nefqa/dħul assenjat iddikjarati fid-dikjarazzjoni annwali |
= total tanefqa/dħul assenjat fid-dikjarazzjonijiet ta' kull xahar |
|||||||||||
|
|
a |
b |
c = a + b |
d |
e |
f = c + d + e |
g |
h = f – g |
i |
i′ |
j = h – i – i′ |
IT |
EUR |
4 270 684 692,35 |
0,00 |
4 270 684 692,35 |
–1 887 157,65 |
–4 363 298,08 |
4 264 434 236,62 |
4 264 132 179,52 |
302 057,10 |
256 775,28 |
0,00 |
45 281,82 |
SM |
|
Nefqa (3) |
Dħul Assenjat (3) |
Fond taz-Zokkor |
Artikolu 32 (= e) |
Total (= h) |
|
Nefqa (4) |
Dħul Assenjat (4) |
||||||
05 07 01 06 |
6701 |
05 02 16 02 |
6803 |
6702 |
|||
k |
l |
m |
n |
o |
p = k + l + m + n + o |
||
IT |
EUR |
45 281,82 |
0,00 |
0,00 |
0,00 |
0,00 |
45 281,82 |
(1) It-tnaqqis u s-sospensjonijiet huma dawk ikkunsidrati fis-sistema ta' pagamenti li għalihom b'mod partikolari huma miżjuda l-korrezzjonijiet għan-nuqqas ta' osservanza tal-iskadenzi għall-pagament stabbilit f'Awwisu, Settembru u Ottubru 2008.
(2) Għall-kalkolu tal-ammont li għandu jiġi rkuprat mill-Istat Membru jew imħallas lilu għandu jkun ikkunsidrat, it-total tad-dikjarazzjoni annwali għan-nefqa approvata (Kolonna a) jew, it-total tad-dikjarazzjoni ta' kull xahar għan-nefqa mhux approvata (Kolonna b).
Rata tal-kambju applikabbli: Artikolu 7(2) tar-Regolament tal-Kummissjoni (KE) Nru 883/2006.
(3) Jekk il-parti tad-dħul Assenjat jkun ta' vantaġġ għall-Istat Membru, din għandha tkun iddikjarata taħt 05 07 01 06.
(4) Jekk il-parti tad-dħul Assenjat għall-Fond taz-Zokkor, jkun ta' vantaġġ għall-Istat Membru, din għandha tkun iddikjarata taħt 05 02 16 02.
NB: Nomenklatura 2011: 05 07 01 06, 05 02 16 02, 6701, 6702, 6803.