This document is an excerpt from the EUR-Lex website
Document 32011D0076
2011/76/EU: Commission Decision of 2 February 2011 authorising the placing on the market of a chitin-glucan from Aspergillus niger as a novel food ingredient under Regulation (EC) No 258/97 of the European Parliament and of the Council (notified under document C(2011) 480)
2011/76/UE: Deċiżjoni tal-Kummissjoni tat- 2 ta’ Frar 2011 dwar l-awtorizzazzjoni għat-tqegħid fis-suq ta’ Kitin-glukanu minn Aspergillus niger bħala ingredjent ġdid tal-ikel skont ir-Regolament (KE) Nru 258/97 tal-Parlament Ewropew u tal-Kunsill (notifikata bid-dokument numru C(2011) 480)
2011/76/UE: Deċiżjoni tal-Kummissjoni tat- 2 ta’ Frar 2011 dwar l-awtorizzazzjoni għat-tqegħid fis-suq ta’ Kitin-glukanu minn Aspergillus niger bħala ingredjent ġdid tal-ikel skont ir-Regolament (KE) Nru 258/97 tal-Parlament Ewropew u tal-Kunsill (notifikata bid-dokument numru C(2011) 480)
ĠU L 29, 3.2.2011, p. 34–35
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
In force
|
3.2.2011 |
MT |
Il-Ġurnal Uffiċjali tal-Unjoni Ewropea |
L 29/34 |
DEĊIŻJONI TAL-KUMMISSJONI
tat-2 ta’ Frar 2011
dwar l-awtorizzazzjoni għat-tqegħid fis-suq ta’ Kitin-glukanu minn Aspergillus niger bħala ingredjent ġdid tal-ikel skont ir-Regolament (KE) Nru 258/97 tal-Parlament Ewropew u tal-Kunsill
(notifikata bid-dokument numru C(2011) 480)
(It-test bil-Franċiż biss huwa awtentiku)
(2011/76/UE)
Il-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 258/97 tal-Parlament Ewropew u tal-Kunsill tas-27 ta’ Jannar 1997 dwar l-ikel il-ġdid u l-ingredjenti tal-ikel il-ġdid (1), u b’mod partikolari l-Artikolu 7 tiegħu,
Billi:
|
(1) |
Fil-15 ta’ Jannar 2008 il-kumpanija Kitozyme SA għamlet talba lill-awtoritajiet kompetenti tal-Belġju biex tqiegħed il-Kitin-glukanu minn Aspergillus niger fis-suq bħala ingredjent ġdid tal-ikel. |
|
(2) |
Fil-5 ta’ Novembru 2008, il-korp kompetenti għall-valutazzjoni tal-ikel tal-Belġju ħareġ l-ewwel rapport ta’ valutazzjoni tiegħu. F’dak ir-rapport wasal għall-konklużjoni li kienet meħtieġa valutazzjoni addizzjonali. |
|
(3) |
Il-Kummissjoni għaddiet ir-rapport ta’ valutazzjoni inizjali lill-Istati Membri kollha fit-12 ta’ Marzu 2009. Xi Stati Membri ressqu kummenti addizzjonali. |
|
(4) |
Għalhekk l-Awtorità Ewropea dwar is-Sigurtà fl-Ikel (l-EFSA) ġiet ikkonsultata fis-27 ta’ Awwissu 2009. |
|
(5) |
Fid-9 ta’ Lulju 2010, l-EFSA (il-Bord dwar il-Prodotti Djetetiċi, in-Nutrizzjoni u l-Allerġiji) fl-“Opinjoni Xjentifika dwar is-sikurezza ta’ ‘Kitin-Glukanu” bħala ingredjent ġdid tal-ikel’ (2) waslet għall-konklużjoni li l-Kitin-glukanu minn Aspergillus niger kien sikur taħt il-kundizzjonijiet proposti tal-użu u l-livell proposti ta’ teħid. |
|
(6) |
Fuq il-bażi tal-valutazzjoni xjentifika, ġie stabbilit li l-Kitin-glukanu minn Aspergillus niger huwa konformi mal-kriterji stipulati fl-Artikolu 3(1) tar-Regolament (KE) Nru 258/97. |
|
(7) |
Il-miżuri stipulati f’din id-Deċiżjoni huma konformi mal-opinjoni tal-Kumitat Permanenti għall-Katina Alimentari u s-Saħħa tal-Annimali, |
ADOTTAT DIN ID-DEĊIŻJONI:
Artikolu 1
Il-Kitin-glukanu mill-Aspergillus niger kif speċifikat fl-Anness jista’ jitqiegħed fis-suq fl-Unjoni bħala ingredjent ġdid tal-ikel li għandu jintuża fis-supplimenti tal-ikel b’doża massima ta’ 5 g kuljum.
Artikolu 2
L-isem ta’ Kitin-glukanu minn Aspergillus niger awtorizzat b’din id-Deċiżjoni fuq it-tikkettar tal-oġġett tal-ikel li jikkontjeni lilu għandu jkun “Kitin-glukanu minn Aspergillus niger”.
Artikolu 3
Din id-Deċiżjoni hija indirizzata lil Kitozyme SA, Rue Haute Claire, 4, Parc Industriel des Hauts-Sarts, Zone 2, 4040 Herstal, Belgium.
Magħmul fi Brussell, it-2 ta’ Frar 2011.
Għall-Kummissjoni
John DALLI
Membru tal-Kummissjoni
(2) EFSA Journal 2010; 8(7): 1687.
ANNESS
SPEĊIFIKAZZJONIJIET TA' KITIN-GLUKANU MILL-MIĊELJU ASPERGILLUS NIGER
Deskrizzjoni:
Il-Kitin-glukanu jinkiseb mill-miċelju tal-Aspergillus niger, huwa trab isfar ċar, mingħajr riħa u ġieri. Għandu kontenut ta' materja niexfa ta' 90 % jew aktar.
Il-Kitin-glukanu huwa magħmul l-biċċa l-kbira minn żewġ polisakkaridi:
|
— |
il-Kitin, magħmul minn unitajiet li jirrepetu rwieħhom ta' N-aċetil-D-glukosamin (CAS nr.: 1398-61-4); |
|
— |
il-beta(1,3)-glukanu, magħmul minn unitajiet li jirrepetu rwieħhom ta' D-glukożju (CAS nr.: 9041-22-9). |
|
Speċifikazzjoni ta' apos; Kitin-glukanu minn Aspergillus niger |
|
|
Telf fit-tnixxif |
≤ 10 % |
|
Kitin-Glukanu |
≥ 90 % |
|
Proporzjon ta' Kitin u Glukanu |
30:70 għal 60:40 |
|
Irmied |
≤ 3 % |
|
Lipidi |
≤ 1 % |
|
Proteini |
≤ 6 % |