This document is an excerpt from the EUR-Lex website
Document 32010R0894
Commission Regulation (EU) No 894/2010 of 8 October 2010 amending Regulation (EC) No 815/2008 on a derogation from Regulation (EEC) No 2454/93 in respect of the definition of the concept of originating products used for the purposes of the scheme of generalised preferences to take account of the special situation of Cape Verde regarding exports of certain fisheries products to the Community
Regolament tal-Kummissjoni (UE) Nru 894/2010 tat- 8 ta’ Ottubru 2010 li jemenda r-Regolament (KE) Nru 815/2008 dwar deroga mir-Regolament (KEE) Nru 2454/93 dwar id-definizzjoni tal-kunċett tal-prodotti oriġinati għall-finijiet tal-iskema ta’ preferenzi ġeneralizzati biex titqies is-sitwazzjoni speċjali ta’ Kap Verde fir-rigward tal-esportazzjoni ta’ ċerti prodotti tas-sajd lejn il-Komunità
Regolament tal-Kummissjoni (UE) Nru 894/2010 tat- 8 ta’ Ottubru 2010 li jemenda r-Regolament (KE) Nru 815/2008 dwar deroga mir-Regolament (KEE) Nru 2454/93 dwar id-definizzjoni tal-kunċett tal-prodotti oriġinati għall-finijiet tal-iskema ta’ preferenzi ġeneralizzati biex titqies is-sitwazzjoni speċjali ta’ Kap Verde fir-rigward tal-esportazzjoni ta’ ċerti prodotti tas-sajd lejn il-Komunità
ĠU L 266, 9.10.2010, p. 39–41
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
No longer in force, Date of end of validity: 31/12/2010
9.10.2010 |
MT |
Il-Ġurnal Uffiċjali tal-Unjoni Ewropea |
L 266/39 |
REGOLAMENT TAL-KUMMISSJONI (UE) Nru 894/2010
tat-8 ta’ Ottubru 2010
li jemenda r-Regolament (KE) Nru 815/2008 dwar deroga mir-Regolament (KEE) Nru 2454/93 dwar id-definizzjoni tal-kunċett tal-prodotti oriġinati għall-finijiet tal-iskema ta’ preferenzi ġeneralizzati biex titqies is-sitwazzjoni speċjali ta’ Kap Verde fir-rigward tal-esportazzjoni ta’ ċerti prodotti tas-sajd lejn il-Komunità
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KE) Nru 2913/92 tat-12 ta’ Ottubru 1992 li jwaqqaf il-Kodiċi Doganali tal-Komunità (1), u b’ mod partikolari l-Artikolu 247 tiegħu,
Wara li kkunsidrat ir-Regolament tal-Kummissjoni (KEE) Nru 2454/93 tat-2 ta’ Lulju 1993 li jiffissa d-dispożizzjonijiet għall-implementazzjoni tar-Regolament tal-Kunsill (KEE) Nru 2913/92 li jistabbilixxi l-Kodiċi Doganali Komunitarju (tal-Komunità) (2), u b’mod partikolari l-Artikolu 76 tiegħu,
Billi:
(1) |
Permezz tar-Regolament tal-Kummissjoni (KE) Nru 815/2008 (3) il-Kap Verde ngħatat deroga mir-regoli ta’ oriġini stipulati fir-Regolament (KEE) Nru 2454/93 li permezz tagħha setgħet tqis ċerti prodotti tas-sajd magħmulin fil-Kap Verde minn ħut li mhux ta’ oriġini bħala li joriġinaw fil-Kap Verde. Dik id-deroga se tiskadi fil-31 ta’ Diċembru 2010. |
(2) |
B’ittra ddatata l-21 ta’ Diċembru 2009 il-Kap Verde ressqet talba għal żieda fil-kwantitajiet mogħtija fl-2010 fir-rigward ta’ tnejn mit-tliet kategoriji ta’ prodotti tas-sajd koperti mir-Regolament (KE) Nru 815/2008. B’ittra ddatata t-8 ta’ Ġunju 2010, hija ressqet informazzjoni komplementari b’appoġġ għal din it-talba. |
(3) |
It-talba spjegat li l-kwantitajiet totali mogħtija oriġinalment għall-2010 għandhom jiżdiedu rispettivament għal 3 600 tunnellata għal qatgħat tal-Kavalli ppreparati u ppreżervati u għal 1 500 tunnellata għal Trumbell (Auxis Thazard u Auxis Rochei) ippreparati u ppreżervati. |
(4) |
Il-kwantitajiet annwali totali mogħtija oriġinalment ikkontribwixxew, fl-2008 u fl-2009, sa ċertu punt sinifikanti, għat-titjib tas-sitwazzjoni fis-settur għall-ipproċessar tas-ħut u, sa ċertu punt, għat-tiġdid tal-flotta mhux industrijali tal-Kap Verde, li hija ta’ importanza vitali għal dak il-pajjiż. Madankollu jidher li t-tlestija tat-tiġdid previst tal-flotta tal-Kap Verde għal-livelli ppjanati kienet affettwata minn ċerti ċirkustanzi ekonomiċi u ġeografiċi u b’hekk huma meħtieġa aktar investimenti. |
(5) |
It-talba turi li fin-nuqqas ta’ żieda fil-kwantitajiet li jistgħu jiġu kkummerċjati taħt id-deroga, il-ħila tal-industrija tal-Kap Verde għall-ipproċessar tal-ħut li tkun tista’ tkompli tesporta lejn l-Unjoni Ewropea tista’ tintlaqat b’mod sinifikanti, li tfisser li tista’ tiskoraġġixxi l-investimenti ulterjuri meħtieġa. |
(6) |
Żieda fil-kwantitajiet tal-prodotti li jistgħu jiġu kkummerċjati taħt id-deroga hija għaldaqstant meħtieġa sabiex tiżgura li l-isforzi għat-tiġdid tal-flotta lokali tas-sajd jibqgħu għaddejjin u b’hekk titjieb l-ħila tagħha li tforni lis-settur lokali għall-ipproċessar tal-ħut b’ħut ta’oriġini. |
(7) |
Il-kwoti eżistenti għaż-żewġ kategoriji ta’ prodotti kkonċernati huma mistennija li jintużaw kollha ħafna qabel it-tmiem tal-2010, fatt li jiġġustifika ulterjorment il-ħtieġa għal żieda fil-kwantitajiet mogħtija għall-2010. Madankollu, dan ma jidhirx li hu biżżejjed biex tissodisfa bis-sħiħ l-ammonti mitluba. B’mod partikolari, għandu jitqies il-fatt li diġà hemm possibbiltajiet sinifikanti ta’ akkwist ta’ ħut ta’ oriġini minħabba li jistgħu jintużaw provvisti mill-bastimenti lokali u akkumulazzjoni bilaterali. |
(8) |
Il-kwantitajiet tad-deroga għall-2010 għandhom għaldaqstant jiżdiedu għal 2 500 tunnellata għal qatgħat tal-Kavalli ppreparati u ppreżervati u għal 875 tunnellata għal qatgħat ta’ Trumbell (Auxis Thazard u Auxis Rochei) ippreparati u ppreżervati, liema kwantitajiet huma meqjusa bħala biżżejjed biex jippermettu lill-industrija tal-ipproċessar tal-Kap Verde biex tibqa’ għaddejja bl-esportazzjonijiet tagħha lejn l-Unjoni Ewropea u tappoġġa l-isforzi tal-awtoritajiet lokali sabiex jiżguraw li l-isforzi għat-tiġdid tal-flotta lokali tas-sajd jibqgħu għaddejjin b’suċċess. |
(9) |
Ir-Regolament (KE) Nru 815/2008 għalhekk għandu jiġi emendat skont dan. |
(10) |
Il-miżuri pprovduti f’dan ir-Regolament huma skont l-opinjoni tal-Kumitat tal-Kodiċi Doganali, |
ADOTTAT DAN IR-REGOLAMENT:
Artikolu 1
L-Anness għar-Regolament (KEE) Nru 815/2008 hu ssostitwit bit-test li jinsab fl-Anness għal dan ir-Regolament.
Artikolu 2
Dan ir-Regolament għandu jidħol fis-seħħ fit-tielet jum wara l-pubblikazzjoni tiegħu f’ Il-Ġurnal Uffiċjali tal-Unjoni Ewropea.
Għandu japplika mill-1 ta’ Jannar 2010.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-8 ta’ Ottubru 2010.
Għall-Kummissjoni
Il-President
José Manuel BARROSO
(1) ĠU L 302, 19.10.1992, p. 1.
(2) ĠU L 253, 11.10.1993, p. 1.
(3) ĠU L 220, 15.8.2008, p. 11.
ANNESS
“ANNESS
Nru tal-Ordni |
Kodiċi tan-NM |
Deskizzjoni tal-merkanzija |
Perjodu |
Il-kwantità (f’tunellati) |
09.1647 |
ex 1604 15 11 ex 1604 19 98 |
Kavalli (Scomber Colias, Scomber Japonicus, Scomber Scombrus), qatgħat, ippreparati jew ippriżervati |
Mill-1.9.2008 għall-31.12.2008 |
333 |
Mill-1.1.2009 għall-31.12.2009 |
1 000 |
|||
Mill-1.1.2010 għall-31.12.2010 |
2 500 |
|||
09.1648 |
ex 1604 19 98 |
Tumbrell (Auxis thazard, Auxis Rochei), qatgħat, ippreparati jew ippriżervati |
Mill-1.9.2008 għall-31.12.2008 |
116 |
Mill-1.1.2009 għall-31.12.2009 |
350 |
|||
Mill-1.1.2010 għall-31.12.2010 |
875 |
|||
09.1649 |
ex 1604 14 16 ex 1604 14 18 |
Tonn bix-xewka safra, tuna tal-Palamit (Tunnus Albacares, Katsuwonus Pelamis), qatgħat, ippreparati jew ippriżervat |
Mill-1.9.2008 għall-31.12.2008 |
70 |
Mill-1.1.2009 għall-31.12.2009 |
211 |
|||
Mill-1.1.2010 għall-31.12.2010 |
211 ” |