EUR-Lex Access to European Union law
This document is an excerpt from the EUR-Lex website
Document 32010R0765
Commission Regulation (EU) No 765/2010 of 25 August 2010 amending Annexes II and III to Regulation (EC) No 396/2005 of the European Parliament and of the Council as regards maximum residue levels for chlorothalonil clothianidin, difenoconazole, fenhexamid, flubendiamide, nicotine, spirotetramat, thiacloprid and thiamethoxam in or on certain products Text with EEA relevance
Regolament tal-Kummissjoni (UE) Nru 765/2010 tal- 25 ta' Awwissu 2010 li jemenda l-Annessi II u III tar-Regolament (KE) Nru 396/2005 tal-Parlament Ewropew u tal-Kunsill fir-rigward tal-livelli massimi ta’ residwu għal chlorothalonil clothianidin, difenoconazole, fenhexamid, flubendiamide, nikotina, spirotetramat, thiacloprid u thiamethoxam f’ċerti prodotti jew fuqhom Test b’relevanza għaż-ŻEE
Regolament tal-Kummissjoni (UE) Nru 765/2010 tal- 25 ta' Awwissu 2010 li jemenda l-Annessi II u III tar-Regolament (KE) Nru 396/2005 tal-Parlament Ewropew u tal-Kunsill fir-rigward tal-livelli massimi ta’ residwu għal chlorothalonil clothianidin, difenoconazole, fenhexamid, flubendiamide, nikotina, spirotetramat, thiacloprid u thiamethoxam f’ċerti prodotti jew fuqhom Test b’relevanza għaż-ŻEE
ĠU L 226, 28.8.2010, p. 1–37
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
In force
28.8.2010 |
MT |
Il-Ġurnal Uffiċjali tal-Unjoni Ewropea |
L 226/1 |
REGOLAMENT TAL-KUMMISSJONI (UE) Nru 765/2010
tal-25 ta' Awwissu 2010
li jemenda l-Annessi II u III tar-Regolament (KE) Nru 396/2005 tal-Parlament Ewropew u tal-Kunsill fir-rigward tal-livelli massimi ta’ residwu għal chlorothalonil clothianidin, difenoconazole, fenhexamid, flubendiamide, nikotina, spirotetramat, thiacloprid u thiamethoxam f’ċerti prodotti jew fuqhom
(Test b’relevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 396/2005 tal-Parlament Ewropew u tal-Kunsill tat-23 ta' Frar 2005 dwar il-livelli massimi ta' residwu ta' pestiċidi fi jew fuq ikel u għalf li joriġina minn pjanti u annimali u li jemenda d-Direttiva tal-Kunsill 91/414/KEE (1), u b’mod partikolari l-Artikolu 14(1)(a) tiegħu,
Billi:
(1) |
Għal chlorothalonil, fenhexamid u thiacloprid, il-livelli massimi ta’ residwu (LMR) ġew stabbiliti fl-Anness II u fil-Parti B tal-Anness III tar-Regolament (KE) Nru 396/2005. Għal clothianidin, difenoconazole, flubendiamide, spirotetramat u thiamethoxam, ġew stabbiliti LMR fil-Parti A tal-Anness III tar-Regolament (KE) Nru 396/2005. S'issa għadhom ma ġew stabbiliti l-ebda LMR speċifiċi għan-nikotina u din is-sustanza lanqas ġiet inkluża fl-Anness IV tar-Regolament (KE) Nru 396/2005. |
(2) |
Fil-kuntest ta’ proċedura, skont id-Direttiva tal-Kunsill 91/414/KEE tal-15 ta’ Lulju 1991 li tikkonċerna t-tqegħid fis-suq ta’ prodotti għall-protezzjoni tal-pjanti (2) , għall-awtorizzazzjoni ta’ prodott għall-ħarsien tal-pjanti li fih is-sustanza attiva difenoconazole għall-użu fuq in-nevew u l-liftja, saret applikazzjoni skont l-Artikolu 6(1) tar-Regolament (KE) Nru 396/2005 għall-emendi tal-LMR eżistenti. |
(3) |
B’rigward għal chlorothalonil, saret applikazzjoni bħal din għall-użu fuq ix-xgħir. Fid-dawl ta' din l-applikazzjoni, jeħtieġ ukoll li jiġu stabbiliti LMR għal-laħam, il-grass, il-fwied u l-kliewi u l-ħalib tal-bovini, tan-nagħaġ u tal-mogħoż, billi ċ-ċereali jintużaw bħala għalf u l-fdal jista' jispiċċa fuq l-għalf għal dawn l-annimali. B’rigward għal fenhexamid, saret applikazzjoni bħal din għall-użu fuq il-ħass. B'rigward għal flubendiamide, tali applikazzjoni saret għall-użu fuq il-brunġiel, il-kukurbiti u l-fażola bil-miżwed. B’rigward għal spirotetramat, saret applikazzjoni bħal din għall-użu fuq il-basal. B'rigward għal thiacloprid, saret applikazzjoni bħal din għall-użu fuq il-frawli, filwaqt li teżisti LMR tal-Kodiċi għal din il-kombinazzjoni. B'rigward għal thiamethoxam, tali applikazzjoni saret għaz-zunnarija. Minħabba residwi ta' clothianidin ikkawżati bl-użu ta' thiamethoxam, jeħtieġ ukoll li jiġi modifikat l-LMR għal clothianidin fuq iz-zunnarija. |
(4) |
Skont l-Artikolu 8 tar-Regolament (KE) Nru 396/2005, dawn l-applikazzjonijiet ġew ivvalutati mill-Istati Membri kkonċernati u r-rapporti ta’ valutazzjoni tressqu lill-Kummissjoni. |
(5) |
B'rigward għan-nikotina fil-faqqiegħ salvaġġ, il-Kummissjoni rċeviet tagħrif mill-Istati Membri u l-operaturi kummerċjali li jipprova l-preżenza tan-nikotina fil-faqqiegħ salvaġġ li twassal għal residwi ogħla mil-LMR bażiku ta' 0,01 mg/kg stipulat f'dan ir-Regolament. |
(6) |
L-Awtorità Ewropea dwar is-Sikurezza tal-Ikel, minn hawn 'il quddiem “l-Awtorità”, evalwat l-applikazzjonijiet u r-rapporti ta' evalwazzjoni u eżaminat b'mod partikolari r-riskji għall-konsumatur u, fejn rilevanti, għall-annimali u tat opinjonijiet motivati dwar l-LMR proposti (3). Fil-każ tan-nikotina, il-Kummissjoni talbet lill-Awtorità tagħti opinjoni dwar ir-riskji għas-saħħa pubblika minn residwi ta' nikotina fil-faqqiegħ. Minħabba l-urġenza ta' dan l-Awtorità ħarġet “stqarrija” li fiha rriferiet għal bosta inċertezzi li fadal, aktar milli opinjoni motivata (4). Għaddiet dawn l-opinjonijiet u din l-istqarrija lill-Kummissjoni u lill-Istati Membri u għamlithom disponibbli lill-pubbliku. |
(7) |
Fl-opinjonijiet motivati tagħha, l-Awtorità kkonkludiet li r-rekwiżiti kollha fir-rigward tad-dejta ġew sodisfatti u li l-emendi għal-LMR mitluba mill-applikanti kienu aċċettabbli fir-rigward tas-sikurezza tal-konsumatur fuq il-bażi ta' evalwazzjoni tal-espożizzjoni tal-konsumatur għal 27 grupp ta' konsumaturi Ewropej speċifiċi. Hija qieset l-aktar tagħrif riċenti dwar il-karatteristiċi tossikoloġiċi tas-sustanzi. La l-espożizzjoni tul il-ħajja għal dawn is-sustanzi permezz tal-konsum tal-prodotti kollha tal-ikel li jista' jkun fihom dawn is-sustanzi, u lanqas l-espożizzjoni fil-medda qasira ta' żmien minħabba l-konsum estrem tal-prodotti kkonċernati ma wrew li kien hemm riskju li l-konsum aċċetabbli ta' kuljum (DAK) jew li d-doża ta’ referenza akuta (DRA) tinqabeż. |
(8) |
Fir-rigward tan-nikotina fuq il-faqqiegħ salvaġġ, l-Awtorità tiġbed l-attenzjoni li l-istqarrija tagħha hija affettwata minn għadd ta' inċertezzi u limitazzjonijiet. Barra minn din l-istqarrija, inġabret dejta ta' monitoraġġ fl-2009 biex tiġi mistħarrġa l-preżenza ta' din is-sustanza fil-faqqiegħ salvaġġ. Dik id-dejta ġiet iġġenerata mill-Istati Membri, l-operaturi kummerċjali tal-ikel u mill-gvern Ċiniż u wriet li n-nikotina hija preżenti fil-faqqiegħ salvaġġ f'livelli li jvarjaw skont is-sors u l-varjetà, iżda li taqbeż, kważi fil-kampjuni kollha, il-livell bażiku LMR ta' 0,01 mg/kg. Dawn is-sejbiet jipprovdu xhieda ta' preżenza inevitabbli ta' nikotina fil-faqqiegħ salvaġġ, f'ċerti tipi partikolari (Boletus edulis). Għalhekk huwa xieraq li jiġu stabbiliti LMR għan-nikotina fil-faqqiegħ salvaġġ, skont id-dejta disponibbli ta' monitoraġġ u l-opinjoni tal-Awtorità. Dawn l-LMR temporanji għandhom jiġu riveduti fi żmien sentejn, biex tiġi vvalutata dejta u informazzjoni ġdida li tkun saret disponibbli, inkluża xhieda xjentifika dwar is-sejba naturali jew il-formazzjoni ta' nikotina fil-faqqiegħ salvaġġ. |
(9) |
Imsejsa fuq l-opinjonijiet motivati u l-istqarrija tal-Awtorità u b’kunsiderazzjoni tal-fatturi rilevanti tas-suġġett ikkonsidrat, il-modifiki xierqa għal-LMR jissodisfaw ir-rekwiżiti tal-Artikolu 14(2) tar-Regolament (KE) Nru 396/2005. |
(10) |
Ir-Regolament (KE) Nru 396/2005 għalhekk għandu jiġi emendat skont dan. |
(11) |
Il-miżuri stipulati f'dan ir-Regolament huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali u la l-Parlament Ewropew u lanqas il-Kunsill ma opponewhom, |
ADOTTAT DAN IR-REGOLAMENT:
Artikolu 1
L-Annessi II u III tar-Regolament (KE) Nru 396/2005 huma emendati skont l-Anness għal dan ir-Regolament.
Artikolu 2
Dan ir-Regolament għandu jidħol fis-seħħ l-għada tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, il-25 ta’ Awwissu 2010.
Għall-Kummissjoni
Il-President
José Manuel BARROSO
(2) ĠU L 230, 19.8.1991, p. 1.
(3) Ir-rapporti xjentifiċi tal-EFSA disponibbli fuq http://www.efsa.europa.eu:
|
L-opinjoni motivata tal-EFSA mħejjija mill-Unità tal-Pestiċidi (PRAPeR) dwar il-modifika tal-LMR eżistenti għal chlorothalonil fix-xhir u bosta prodotti li ġejjin mill-annimali, il-Ġurnal EFSA 2010; 8(3):1524. |
|
L-opinjoni motivata tal-EFSA mħejjija mill-Unità tal-Pestiċidi (PRAPeR) dwar il-modifika tal-LMR eżistenti għal thiacloprid fil-frawli, il-Ġurnal EFSA 2010; 8(1):1498. |
|
L-opinjoni motivata tal-EFSA mħejjija mill-Unità tal-Pestiċidi (PRAPeR) dwar il-modifika tal-LMR eżistenti għal clothianidin fiz-zunnarija, il-Ġurnal EFSA 2010; 8(2):1515. |
|
L-opinjoni motivata tal-EFSA mħejjija mill-Unità tal-Pestiċidi (PRAPeR) dwar il-modifika tal-LMR eżistenti għal difenoconazole fin-nevew u l-liftja, il-Ġurnal EFSA 2010. 8(2):1510. |
|
L-opinjoni motivata tal-EFSA mħejjija mill-Unità tal-Pestiċidi (PRAPeR) dwar il-modifika tal-LMR eżistenti għal flubendiamide fl-qoxra tal-kukurbiti li tittikel u li ma tittikilx, il-brunġil u l-fażola bil-miżwed, il-Ġurnal EFSA 2010; 8(3):1527. |
|
L-opinjoni motivata tal-EFSA mħejjija mill-Unità tal-Pestiċidi (PRAPeR) dwar il-modifika tal-LMR eżistenti għal fenhexamid f'ħafna wċuħ tal-art imwerqin, il-Ġurnal EFSA 2010; 8(11):1455. |
|
L-opinjoni motivata tal-EFSA mħejjija mill-Unità tal-Pestiċidi (PRAPeR) dwar il-modifika tal-LMR eżistenti għal spirotetramat fil-basal u t-twaqqif ta' LMR ġodda fil-fażola kidnija, il-Ġurnal EFSA 2010; 8(2):1511. |
|
L-opinjoni motivata tal-EFSA mħejjija mill-Unità tal-Pestiċidi (PRAPeR) dwar il-modifika tal-LMR eżistenti għal thiamethoxam fiz-zunnarija, il-Ġurnal EFSA 2009; 7(9):1307. |
(4) Stqarrija tal-EFSA. Riskji potenzjali għas-saħħa pubblika minħabba l-preżenza tan-nikotina fil-faqqiegħ salvaġġ, il-Ġurnal EFSA 2009; RN-286, 1-47.
ANNESS
L-Annessi II u III tar-Regolament (KE) Nru 396/2005 huma emendati kif ġej:
(1) |
Fl-Anness II il-kolonni għal chlorothalonil, fenhexamid u thiacloprid jinbidlu b'dan li ġej: “Residwi ta' pestiċidi u livelli massimi ta' residwi (mg/kg)
|
(2) |
L-Anness III, PartiA, huwa emendat kif ġej:
|
(1) Għal-lista sħiħa ta' prodotti ta' oriġini mill-pjanti u l-annimali li l-MRLs japplikaw għalihom, għandha ssir referenza għall-Anness I.
(*) Kombinazzjoni ta' pestiċida-kodiċi li għalihom japplika l-MRL stabbilit fl-Annex III Parti B.
(**) Jindika limitu iktar baxx ta' determinazzjoni analitika
(F) |
= |
Soluble tax-xaħam |
||||||
(R) |
= |
Id-definizzjoni ta' residwu tvarja għall-kombinazzjonijiet pestiċida-numru tal-kodiċi li ġejjin:
|
(2) Għal-lista sħiħa ta' prodotti ta' oriġini mill-pjanti u l-annimali li l-MRLs japplikaw għalihom, għandha ssir referenza għall-Anness I.
(***) Jindika limitu iktar baxx ta' determinazzjoni analitika
(F) |
= |
Soluble tax-xaħam |
(R) |
= |
Id-definizzjoni tar-residwu hija differenti għall-kombinazzjonijiet li ġejjin ta' pestiċidi - numru tal-kodiċi: Spirotetramat - kodiċi 1000000: L-ispirotetramat u l-metabolita tiegħu BYI08330-enol espressa bħala spirotetramat” |
(3) Għal-lista sħiħa ta' prodotti ta' oriġini mill-pjanti u l-annimali li l-MRLs japplikaw għalihom, għandha ssir referenza għall-Anness I.
(****) Jindika limitu iktar baxx ta' determinazzjoni analitika
(F) |
= |
Soluble tax-xaħam |
(+) |
= |
L-MRLs li ġejjin japplikaw għall-faqqiegħ selvaġġ imnixxef: 2.3 mg/kg għall-porċini, 1.2 mg/kg għall-faqqiegħ selvaġġ imnixxef barra l-porċini. Dawk l-MRLs għandhom jiġu riveduti fi żmien sentejn, biex tiġi vvalutata d-dejta li tkun disponibbli sa dakinhar, inkluża kull evidenza xjentifika dwar l-okkorrenza jew il-formazzjoni naturali tan-nikotina fil-faqqiegħ.” |