17.8.2010   

MT

Il-Ġurnal Uffiċjali tal-Unjoni Ewropea

L 216/1

(1)

Ir-Regolament (KE) Nru 1007/2009 jippermetti t-tqegħid fis-suq ta’ prodotti derivati mill-foki li jirriżultaw minn kaċċa tradizzjonalment imwettqa mill-Inuit u minn komunitajiet indiġeni oħra u li tikkontribwixxi għall-għajxien tagħhom. Jippermetti wkoll it-tqegħid fis-suq ta’ prodotti derivati mill-foki meta l-kaċċa titwettaq għall-iskop waħdieni tal-ġestjoni sostenibbli tar-riżorsi tal-baħar u meta l-importazzjoni ta’ prodotti derivati mill-foki tkun ta’ natura okkażjonali u tkun tikkonsisti esklużivament minn oġġetti għall-użu personali tal-vjaġġaturi jew il-familji tagħhom.

(2)

Huwa għalhekk meħtieġ li jiġu speċifikati rekwiżiti ddettaljati għall-importazzjoni u t-tqegħid fis-suq tal-Unjoni ta’ dawk il-prodotti derivati mill-foki sabiex tiġi żgurata l-applikazzjoni uniformi tar-Regolament (KE) Nru 1007/2009.

(3)

Għandu jkun permess li prodotti derivati mill-foki li ġejjin minn kaċċa tradizzjonalment magħmula mill-Inuit u komunitajiet indiġeni oħra u li jikkontribwixxu għas-sussistenza tagħhom jitqiegħdu fis-suq fejn tali kaċċa tkun parti mill-wirt kulturali tal-komunità u fejn il-prodotti derivati mill-foki jkunu tal-anqas parzjalment użati, ikkunsmati jew ipproċessati fil-komunitajiet skont it-tradizzjonijiet tagħhom.

(4)

Għandhom jiġu wkoll stipulati l-kundizzjonijiet għat-tqegħid fis-suq ta’ prodotti derivati mill-foki li jirriżultaw minn prodotti sekondarji minn kaċċa li tkun saret bil-għan waħdieni tal-ġestjoni sostenibbli tar-riżorsi tal-baħar, u għall-importazzjoni ta’ prodotti derivati mill-foki għall-użu personali tal-vjaġġaturi jew il-familji tagħhom.

(5)

F’dan il-qafas eċċezzjonali, għandu jiġi introdott mekkaniżmu effettiv biex jiżgura verifika adegwata tal-konformità mar-rekwiżiti. B’dak il-mekkaniżmu l-kummerċ m’ għandux jiġi ristrett aktar milli hemm bżonn.

(6)

Għażliet oħra ma jkunux biżżejjed biex jintlaħqu dawn l-għanijiet. Għalhekk, huwa xieraq li jeżisti mekkaniżmu li permezz tiegħu korpi rikonoxxuti jkunu jistgħu joħorġu ċertifikati li jassiguraw li l-prodotti derivati mill-foki jikkonformaw mar-rekwiżiti stipulati fir-Regolament (KE) Nru 1007/2009, sakemm l-importazzjoni tkun għall-użu personali tal-vjaġġaturi jew tal-familji tagħhom.

(7)

Huwa xieraq li jkun ipprovdut li dawk l-entitajiet li jikkonformaw ma’ ċerti rekwiżiti għandhom ikunu inklużi f’lista ta’ korpi rikonoxxuti li joħorġu ċertifikati bħal dawn.

(8)

Għandhom jiġu stipulati mudelli għaċ-ċertifikat u l-kopji tiegħu sabiex il-ġestjoni u l-verifika taċ-ċertifikati jiġu ffaċilitati.

(9)

Għandhom jiġu stabbiliti proċeduri għall-kontroll taċ-ċertifikati. Dawk il-proċeduri għandhom ikunu kemm jista’ jkun sempliċi u prattiċi, mingħajr ma jikkompromettu l-kredibbiltà u l-konsistenza tas-sistema.

(10)

L-użu ta’ sistemi elettroniċi għandu jkun permess sabiex ikun faċilitat l-iskambju ta’ dejta bejn l-awtoritajiet kompetenti, il-Kummissjoni u l-korpi rikonoxxuti.

(11)

L-ipproċessar ta’ dejta personali għall-finijiet ta’ dan ir-Regolament, b’mod partikolari fir-rigward tal-ipproċessar ta’ dejta personali fiċ-ċertifikati, għandu jikkonforma mad-Direttiva 95/46/KE tal-Parlament Ewropew u tal-Kunsill tal-24 ta’ Ottubru 1995 dwar il-protezzjoni ta’ individwi fir-rigward tal-ipproċessar ta’ dejta personali u dwar il-moviment liberu ta’ dik id-dejta (2) u r-Regolament (KE) Nru 45/2001 tal-Parlament Ewropew u tal-Kunsill tat-18 ta’ Diċembru 2000 dwar il-protezzjoni ta’ individwu fir-rigward tal-ipproċessar ta’ dejta personali mill-istituzzjonijiet u l-korpi tal-Komunità u dwar il-moviment liberu ta’ dik id-dejta (3).

(12)

Peress li dan ir-Regolament jistabbilixxi regoli dettaljati għall-implimentazzjoni tal-Artikolu 3 tar-Regolament (KE) Nru 1007/2009 li japplika fl-20 ta’ Awwissu 2010, għandu jidħol fis-seħħ b’urġenza.

(13)

Il-miżuri previsti f’dan ir-Regolament huma skont l-opinjoni tal-Kumitat stabbilit skont l-Artikolu 18(1) tar-Regolament tal-Kunsill (KE) Nru 338/97 (4),

(1)

“komunitajiet indiġeni oħra” tfisser komunitajiet f’pajjiżi indipendenti li huma meqjusa bħala indiġeni minħabba li ġejjin minn popolazzjonijiet li għexu fil-pajjiż, jew f’reġjun ġeografiku li l-pajjiż jappartjeni għalih, fiż-żmien tal-konkwista jew il-kolonalizzazzjoni jew l-istabbiliment tal-konfini attwali tal-Istat jew li, irrispettivament mill-istatus legali tagħhom, iżommu l-istituzzjonijiet kollha soċjali, ekonomiċi, kulturali u politiċi tagħhom stess jew xi wħud minnhom;

(2)

“it-tqegħid fis-suq mhux għal profitt” tfisser it-tqegħid fis-suq għal prezz anqas minn jew daqs l-irkupru tal-ispejjeż imġarrba mill-kaċċatur imnaqqsa bl-ammont ta’ kwalunkwe sussidju riċevut fir-rigward tal-kaċċa.

(a)

kaċċa għall-foki li ssir mill-Inuit jew minn komunitajiet indiġeni oħra li għandhom tradizzjoni tal-kaċċa għall-foki fil-komunità u fir-reġjun ġeografiku;

(b)

kaċċa għall-foki li l-prodotti minnha huma parzjalment użati, ikkunsmati jew ipproċessati fil-komunitajiet skont it-tradizzjonijiet tagħhom;

(c)

kaċċa għall-foki li tikkontribwixxi għas-sussistenza tal-komunità.

(1)

il-prodotti derivati mill-foki huma jew milbusa mill-vjaġġaturi, jew jinġarru jew jinżammu fil-bagalji personali tagħhom;

(2)

il-prodotti derivati mill-foki jifformaw parti mill-proprjetà personali ta’ persuna naturali li tittrasferixxi l-post normali ta’ residenza tagħha minn pajjiż terz għall-Unjoni;

(3)

il-prodotti derivati mill-foki jinkisbu f’pajjiż terz minn vjaġġaturi fuq il-post u jiġu importati minn dawk il-vjaġġaturi f’data aktar tard, jekk mal-wasla tagħhom fit-territorju tal-Unjoni, dawk il-vjaġġaturi jippreżentaw lill-awtoritajiet doganali tal-Istat Membru kkonċernat id-dokumenti li ġejjin:

(a)

kaċċa għall-foki li ssir skont pjan ta’ ġestjoni tar-riżorsi naturali nazzjonali jew reġjonali li juża mudelli xjentifiċi ta’ popolazzjoni tar-riżorsi tal-baħar u japplika l-approċċ ekosistemiku;

(b)

kaċċa għall-foki li ma taqbiżx il-kwota tal-qabda totali permissibbli stabbilita skont il-pjan imsemmi fil-punt (a);

(c)

kaċċa għall-foki li l-prodotti sekondarji tagħha jitqiegħdu fis-suq b’mod mhux sistematiku fuq bażi mhux għall-profitt.

(a)

għandha personalità ġuridika;

(b)

għandha l-kapaċità li taċċerta li ġew sodisfatti r-rekwiżiti tal-Artikolu 3 jew 5;

(c)

għandha l-kapaċità li teżerċita l-funzjonijiet tal-ħruġ u l-ġestjoni taċ-ċertifikati msemmija fl-Artikolu 7(1), kif ukoll l-ipproċessar u l-arkivjar ta’ rekords;

(d)

għandha l-kapaċità li twettaq il-funzjonijiet tagħha b’mod li tevita l-kunflitt tal-interess;

(e)

għandha l-kapaċità li timmonitorja l-konformità mar-rekwiżiti stipulati fl-Artikoli 3 u 5;

(f)

għandha l-kapaċità li tirtira ċ-ċertifikati msemmija fl-Artikolu 7(1) jew li tissospendi l-validità tagħhom fil-każ ta’ nuqqas ta’ konformità mar-rekwiżiti ta’ dan ir-Regolament u li tieħu miżuri biex tinforma lill-awtoritajiet kompetenti u lill-awtoritajiet doganali tal-Istati Membri tagħhom;

(g)

hija soġġetta għal awditjar minn parti terza indipendenti;

(h)

topera fuq livell nazzjonali jew reġjonali.

(a)

il-verifika fuq rikjesta mill-awtoritajiet doganali taht l-Artikolu 7(7) taċ-ċertifikati għall-prodotti derivati mill-foki importati;

(b)

il-kontroll tal-ħruġ taċ-ċertifikati minn korpi rikonoxxuti stabbiliti u attivi f’dak l-Istat Membru;

(c)

iż-żamma ta’ kopja taċ-ċertifikati maħruġa għall-prodotti dreivati mill-foki li joriġinaw minn kaċċa għall-foki f’dak l-Istat Membru.