Edizzjoni speċjali bil-Kroat: Kapitolu 10 Volum 002 P. 282 - 284
English
Select your language
Official EU languages:
Access to European Union law
EUR-Lex
Access to European Union law
This document is an excerpt from the EUR-Lex website
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Need more search options? Use the
Advanced search
Document 32010R0670
Council Regulation (EU) No 670/2010 of 13 July 2010 amending Regulation (EC) No 974/98 as regards the introduction of the euro in Estonia
Regolament tal-Kunsill (UE) Nru 670/2010 tat- 13 ta’ Lulju 2010 li jemenda r-Regolament (KE) Nru 974/98 fir-rigward tal-introduzzjoni tal-euro fl-Estonja
Regolament tal-Kunsill (UE) Nru 670/2010 tat- 13 ta’ Lulju 2010 li jemenda r-Regolament (KE) Nru 974/98 fir-rigward tal-introduzzjoni tal-euro fl-Estonja
ĠU L 196, 28.7.2010, pp. 1–3
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
In force
Language
HTML
PDF
Official Journal
|
28.7.2010 |
MT |
Il-Ġurnal Uffiċjali tal-Unjoni Ewropea |
L 196/1 |
REGOLAMENT TAL-KUNSILL (UE) Nru 670/2010
tat-13 ta’ Lulju 2010
li jemenda r-Regolament (KE) Nru 974/98 fir-rigward tal-introduzzjoni tal-euro fl-Estonja
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea (“it-Trattat”), u b’mod partikolari l-Artikolu 140(3) tiegħu,
Wara li kkunsidra l-proposta mill-Kummissjoni Ewropea,
Wara li kkunsidra l-opinjoni tal-Bank Ċentrali Ewropew,
Billi:
|
(1) |
Ir-Regolament tal-Kunsill (KE) Nru 974/98 tat-3 ta’ Mejju 1998 dwar l-introduzzjoni tal-euro (1) jipprovdi għas-sostituzzjoni bl-euro għall-muniti tal-Istati Membri li ssodisfaw il-kondizzjonijiet meħtieġa għall-adozzjoni tal-euro fiż-żmien meta l-Komunità daħlet fit-tielet stadju tal-unjoni ekonomika u monetarja. |
|
(2) |
Ir-Regolament tal-Kunsill (KE) Nru 2596/2000 (2) emenda r-Regolament (KE) Nru 974/98 biex jipprovdi għas-sostituzzjoni tal-munita tal-Greċja bl-euro. |
|
(3) |
Ir-Regolament tal-Kunsill (KE) Nru 2169/2005 (3) emenda r-Regolament (KE) Nru 974/98 biex iħejji għal introduzzjonijiet sussegwenti tal-euro fl-Istati Membri li għadhom ma adottawx l-euro bħala l-munita unika. |
|
(4) |
Ir-Regolament tal-Kunsill (KE) Nru 1647/2006 (4) emenda r-Regolament (KE) Nru 974/98 biex jipprovdi għas-sostituzzjoni tal-munita tas-Slovenja bl-euro. |
|
(5) |
Ir-Regolament tal-Kunsill (KE) Nru 835/2007 (5) emenda r-Regolament (KE) Nru 974/98 biex jipprovdi għas-sostituzzjoni tal-munita ta’ Ċipru bl-euro. |
|
(6) |
Ir-Regolament tal-Kunsill (KE) Nru 836/2007 (6) emenda r-Regolament (KE) Nru 974/98 biex jipprovdi għas-sostituzzjoni tal-munita ta’ Malta bl-euro. |
|
(7) |
Ir-Regolament tal-Kunsill (KE) Nru 693/2008 (7) emenda r-Regolament (KE) Nru 974/98 biex jipprovdi għas-sostituzzjoni tal-munita tas-Slovakkja bl-euro. |
|
(8) |
F’konformità mal-Artikolu 4 tal-Att ta’ Adeżjoni tal-2003, l-Estonja hija Stat Membru b’deroga kif iddefinit fl-Artikolu 139(1) tat-Trattat. |
|
(9) |
Skont id-Deċiżjoni tal-Kunsill 2010/416/UE tat-13 ta’ Lulju 2010 bi qbil mal-Artikolu 140(2) tat-Trattat dwar l-adozzjoni mill-Estonja tal-euro fl-1 ta’ Jannar 2011 (8), l-Estonja tissodisfa l-kondizzjonijiet meħtieġa għall-adozzjoni tal-euro u d-deroga favur l-Estonja għandha titħassar b’effett mill-1 ta’ Jannar 2011. |
|
(10) |
L-introduzzjoni tal-euro fl-Estonja teħtieġ l-estensjoni għall-Estonja tad-dispożizzjonijiet eżistenti dwar l-introduzzjoni tal-euro stipulati fir-Regolament (KE) Nru 974/98. |
|
(11) |
Il-pjan ta’ bidla tal-Estonja jispeċifika li n-noti bankarji u l-muniti tal-euro għandhom isiru valuta legali f’dak l-Istat Membru fil-ġurnata tal-introduzzjoni tal-euro bħala l-munita tiegħu. Għaldaqstant, id-data tal-adozzjoni tal-euro u d-data tal-bidla tal-flus kontanti għandha tkun l-1 ta’ Jannar 2011. Ma għandu japplika l-ebda perijodu ta’ “tneħħija gradwali”. |
|
(12) |
Ir-Regolament (KE) Nru 974/98 għandu għalhekk jiġi emendat kif meħtieġ, |
ADOTTA DAN IR-REGOLAMENT:
Artikolu 1
L-Anness tar-Regolament (KE) Nru 974/98 għandu jiġi emendat f’konformità mal-Anness għal dan ir-Regolament.
Artikolu 2
Dan ir-Regolament għandu jidħol fis-seħħ fl-1 ta’ Jannar 2011.
Dan ir-Regolament għandu jorbot fl-intier tiegħu u japplika direttament fl-Istati Membri f’konformità mat-Trattati.
Magħmul fi Brussell, it-13 ta’ Lulju 2010.
Għall-Kunsill
Il-President
D. REYNDERS
(1) ĠU L 139, 11.5.1998, p. 1.
(2) ĠU L 300, 29.11.2000, p. 2.
(3) ĠU L 346, 29.12.2005, p. 1.
(4) ĠU L 309, 9.11.2006, p. 2.
(5) ĠU L 186, 18.7.2007, p. 1.
(6) ĠU L 186, 18.7.2007, p. 3.
(7) ĠU L 195, 24.7.2008, p. 1.
(8) Ara paġna 24 ta’ dan il-ĠU.
ANNESS
Fl-Anness tar-Regolament (KE) Nru 974/98, il-linja li jmiss tidħol bejn l-annotazzjoni għall-Ġermanja u l-Greċja.
|
Stat Membru |
Data tal-adozzjoni tal-euro |
Data tal-bidla tal-flus kontanti |
Stat Membru b’perijodu ta’ “tneħħija gradwali” |
|
|
|||
|
“L-Estonja |
L-1 ta’ Jannar 2011 |
L-1 ta’ Jannar 2011 |
Le” |