EUR-Lex Access to European Union law
This document is an excerpt from the EUR-Lex website
Document 32010R0565
Council Regulation (EU) No 565/2010 of 29 June 2010 amending Regulation (EU) No 7/2010 opening and providing for the management of autonomous tariff quotas of the Union for certain agricultural and industrial products
Regolament tal-Kunsill (UE) Nru 565/2010 tad- 29 ta' Ġunju 2010 li jemenda r-Regolament (UE) Nru 7/2010 li jiftaħ u jipprovdi għall-ġestjoni ta’ kwoti tariffarji awtonomi tal-Unjoni għal ċerti prodotti agrikoli u industrijali
Regolament tal-Kunsill (UE) Nru 565/2010 tad- 29 ta' Ġunju 2010 li jemenda r-Regolament (UE) Nru 7/2010 li jiftaħ u jipprovdi għall-ġestjoni ta’ kwoti tariffarji awtonomi tal-Unjoni għal ċerti prodotti agrikoli u industrijali
ĠU L 163, 30.6.2010, p. 2–3
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
No longer in force, Date of end of validity: 31/12/2013; Imħassar b' 32013R1388
30.6.2010 |
MT |
Il-Ġurnal Uffiċjali tal-Unjoni Ewropea |
L 163/2 |
REGOLAMENT TAL-KUNSILL (UE) Nru 565/2010
tad-29 ta' Ġunju 2010
li jemenda r-Regolament (UE) Nru 7/2010 li jiftaħ u jipprovdi għall-ġestjoni ta’ kwoti tariffarji awtonomi tal-Unjoni għal ċerti prodotti agrikoli u industrijali
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b’mod partikolari l-Artikolu 31 tiegħu,
Wara li kkunsidra l-proposta mill-Kummissjoni Ewropea,
Billi:
(1) |
Sabiex jiġu żgurati fornimenti suffiċjenti u bla waqfien ta' ċerti prodotti li l-produzzjoni tagħhom mhijiex suffiċjenti fl-Unjoni u biex jiġi evitat kwalunkwe tfixkil fis-suq għal ċerti prodotti agrikoli u industrijali, infetħu kwoti tariffarji awtonomi permezz tar-Regolament (UE) Nru 7/2010 (1). Il-prodotti fi ħdan dawk il-kwoti tariffarji jistgħu jiġu importati b'rata tad-dazju żero jew rata mnaqqsa. Għall-istess raġunijiet huwa neċessarju li tinfetaħ, b'effett mill-1 ta' Lulju 2010, għal ċerti prodotti kwoti tariffarji ġodda b'rata ta' dazju żero għal volum xieraq. |
(2) |
Il-volumi tal-kwota għall-kwoti tariffarji awtonomi tal-Unjoni bin-numri tal-ordni 09.2814, 09.2816 u 09.2807 mhumiex biżżejjed biex ilaħħqu mal-ħtiġijiet tal-industrija tal-Unjoni. Għaldaqstant, dawk il-volumi tal-kwota għandhom jiżdiedu. |
(3) |
Id-deskrizzjoni tal-prodott għall-kwoti tariffarji awtonomi tal-Unjoni bin-numru tal-ordni 09.2907 għandha tiġi riveduta. |
(4) |
Ir-Regolament (UE) Nru 7/2010 għandu għalhekk jiġi emendat kif meħtieġ. |
(5) |
Peress li l-kwoti tariffarji previsti f'dan ir-Regolament għandu jkollhom effett mill-1 ta' Lulju 2010, dan ir-Regolament għandu japplika mill-istess data u jidħol fis-seħħ immedjatament, |
ADOTTA DAN IR-REGOLAMENT:
Artikolu 1
L-Anness tar-Regolament (UE) Nru 7/2010 huwa emendat kif ġej:
(1) |
ir-ringieli li jinsabu fl-Anness I għal dan ir-Regolament huma miżjuda; |
(2) |
ir-ringieli għall-kwoti tariffarji bin-numri tal-ordni 09.2814, 09.2907 09.2816 u 09.2807 huma sostitwiti mir-ringieli li jinsabu fl-Anness II għal dan ir-Regolament. |
Artikolu 2
Dan ir-Regolament għandu jidħol fis-seħħ fil-ġurnata tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Għandu japplika mill-1 ta' Lulju 2010.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Luxembourgl, id-29 ta’ Ġunju 2010.
Għall-Kunsill
Il-President
E. ESPINOSA
ANNESS I
Kwoti tariffarji msemmija fil-punt 1 tal-Artikolu 1
Nru tal-Ordni |
Il-kodiċi tan-NM |
TARIC |
Deskrizzjoni |
Il-perijodu tal-kwota |
L-ammont tal-kwota |
Il-kwota tad-dazji (%) |
09.2636 |
ex 8411 82 80 |
20 |
Magni tat-turbini tal-gass industrijali aeroderivattivi tal-64 MW, biex jiġu inkorporati f’settijiet għall-ġenerazzjoni tal-elettriku għal bżonnijiet ta’ quċċata/ħtieġa medja li joperaw għal anqas minn 5 500 siegħa fis-sena u b’effiċjenza taċ-ċiklu sempliċi ta’ aktar minn 40 % |
1.7.-31.12. |
5 unitajiet |
0 % |
09.2635 |
ex 9001 10 90 |
20 |
Fibri ottiċi għall-manifattura tal-kejbils magħmulin mill-fibri tal-ħġieġ taħt l-intestatura 8544 (1) |
1.7.-31.12. |
1 150 000 km |
0 % |
ANNESS II
Kwoti tariffarji msemmija fil-punt 2 tal-Artikolu 1
Nru tal-Ordni |
Il-kodiċi tan-NM |
TARIC |
Deskrizzjoni |
Il-perijodu tal-kwota |
L-ammont tal-kwota |
Il-kwota tad-dazji (%) |
||||
09.2814 |
ex 3815 90 90 |
76 |
Katalizzatur magħmul mid-dijossidu tat-titanju u t-tijossidu tat-titanju |
1.1.-31.12. |
2 200 tunnellata |
0 % |
||||
09.2907 |
ex 3824 90 97 |
86 |
Taħlita ta’ fitosteroli, fi trab, li fihom, bil-piż:
għal użu fil-manifattura tal-istanoli/steroli jew stanoli/steroli esters (1) |
1.1.-31.12. |
2 500 tunnellata |
0 % |
||||
09.2816 |
ex 3912 11 00 |
20 |
Frak tal-aċetat taċ-ċellulożju |
1.1.-31.12. |
58 500 tunnellata |
0 % |
||||
09.2807 |
ex 3913 90 00 |
86 |
Sodju jaluronat mhux sterili |
1.1.-31.12. |
150 000 g |
0 % |