EUR-Lex Access to European Union law
This document is an excerpt from the EUR-Lex website
Document 32010R0462
Commission Regulation (EU) No 462/2010 of 27 May 2010 opening an invitation to tender for the reduction in the duty on maize imported into Spain from third countries, for the quota year 2010
Regolament tal-Kummissjoni (UE) Nru 462/2010 tas- 27 ta’ Mejju 2010 dwar il-ftuħ ta’ sejħa għall-offerti għat-tnaqqis tad-dazji fuq l-importazzjoni tal-qamħirrum impurtat lejn Spanja minn pajjiżi terzi għas-sena tal-kwota tal-2010
Regolament tal-Kummissjoni (UE) Nru 462/2010 tas- 27 ta’ Mejju 2010 dwar il-ftuħ ta’ sejħa għall-offerti għat-tnaqqis tad-dazji fuq l-importazzjoni tal-qamħirrum impurtat lejn Spanja minn pajjiżi terzi għas-sena tal-kwota tal-2010
ĠU L 129, 28.5.2010, p. 58–59
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 31/05/2011: This act has been changed. Current consolidated version: 01/01/2011
|
28.5.2010 |
MT |
Il-Ġurnal Uffiċjali tal-Unjoni Ewropea |
L 129/58 |
REGOLAMENT TAL-KUMMISSJONI (UE) Nru 462/2010
tas-27 ta’ Mejju 2010
dwar il-ftuħ ta’ sejħa għall-offerti għat-tnaqqis tad-dazji fuq l-importazzjoni tal-qamħirrum impurtat lejn Spanja minn pajjiżi terzi għas-sena tal-kwota tal-2010
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KE) Nru 1234/2007 tat-22 ta’ Ottubru 2007 li jistabbilixxi organizzazzjoni komuni ta’ swieq agrikoli u dwar dispożizzjonijiet speċifiċi għal ċerti prodotti agrikoli (Ir-Regolament Waħdieni dwar l-OKS) (1), u b’mod partikulari l-Artikolu 144(1) tiegħu, flimkien mal-Artikolu 4 tiegħu,
Billi:
|
(1) |
Skont l-obbligi internazzjonali tal-Komunità fil-kuntest tan-negozjati multilaterali taċ-ċiklu tal-Urugwaj (2), il-Komunità ħadet l-impenn li timporta ċerta kwantità ta’ qamħirrum fi Spanja. |
|
(2) |
Il-Kapitolu II tar-Regolament tal-Kummissjoni (KE) Nru 1296/2008 tat-18 ta’ Diċembru 2008 dwar regoli dettaljati għall-applikazzjoni ta’ kwoti ta’ tariffi għall-importazzjoni ta’ qamħirrum u sorgu fi Spanja u importazzjoni ta’ qamħirrum fil-Portugall (3) stabbilixxa r-regoli speċifiċi ddettaljati meħtieġa sabiex ikun hemm tnaqqis tad-dazji tal-importazzjoni sabiex jiġi żgurat li l-kwantitajiet ipprovduti fl-Artikolu 1(1) u (2) ta’ dak ir-Regolament ikunu tassew impurtati. |
|
(3) |
Fid-dawl tal-qagħda tas-suq fi Spanja fl-2010, jeħtieġ li tinfetaħ sejħa għall-offerti għat-tnaqqis tad-dazju tal-importazzjoni tal-qamħirrum, biex il-kwota tal-importazzjoni tintuża bis-sħiħ. |
|
(4) |
Ir-Regolament tal-Kummissjoni (KE) Nru 676/2009 (4) fetaħ sejħa għall-offerti għat-tnaqqis tad-dazji tal-importazzjoni tal-qamħirrum impurtat lejn Spanja minn pajjiżi terzi sas-17 ta’ Diċembru 2009. Din is-sejħa għall-offerti ttawlet sas-27 ta’ Mejju 2010 permezz tar-Regolament tal-Kummissjoni (UE) Nru 1292/2009 (5). Għalhekk, ir-Regolament (KE) Nru 676/2009 għandu jitħassar. |
|
(5) |
Il-Kumitat ta’ Ġestjoni għall-Organizzazzjoni Komuni tas-Swieq Agrikoli ma ressaqx fehmtu fil-limitu taż-żmien stabbilit mill-President tiegħu, |
ADOTTAT DAN IR-REGOLAMENT:
Artikolu 1
1. Għandha ssir sejħa għall-offerti għat-tnaqqis tad-dazju msemmi fl-Artikolu 136 tar-Regolament (KE) Nru 1234/2007 għall-qamħirrum impurtat fi Spanja.
2. Għandhom japplikaw id-dispożizzjonijiet tar-Regolament (KE) Nru 1296/2008.
Artikolu 2
Is-sejħa għall-offerti se tibqa’ miftuħa sas-16 ta’ Diċembru 2010. Matul il-perjodu tas-sejħa għall-offerti, għandhom isiru sejħiet parzjali għall-offerti li għalihom id-dati tat-tressiq tal-offerti għandhom ikunu stabbiliti fl-avviż tas-sejħa.
Artikolu 3
Il-liċenzji tal-importazzjoni maħruġa fil-kuntest ta’ din is-sejħa għall-offerti għandhom ikunu validi għal ħamsin jum mid-data li fiha jinħarġu, skont it-tifsira tal-Artikolu 11(4) tar-Regolament (KE) Nru 1296/2008.
Artikolu 4
Ir-Regolament tal-Kummissjoni (KE) Nru 676/2009 għandu jitħassar.
Artikolu 5
Dan ir-Regolament għandu jidħol fis-seħħ fit-tielet jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Għandu japplika mill-1 ta’ Ġunju 2010.
Għandu jiskadi fis-16 ta’ Diċembru 2010.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, 27 ta’ Mejju 2010
Għall-Kummissjoni, f’isem il-President,
Dacian CIOLOŞ
Membru tal-Kummissjoni
(1) ĠU L 299, 16.11.2007, p. 1.
(2) ĠU L 336, 23.12.1994, p. 22.
(3) ĠU L 340, 19.12.2008, p. 57.
(4) ĠU L 196, 28.7.2009, p. 6.
(5) ĠU L 347, 24.12.2009, p. 22.