EUR-Lex Access to European Union law
This document is an excerpt from the EUR-Lex website
Document 32010R0317
Commission Regulation (EU) No 317/2010 of 16 April 2010 adopting the specifications of the 2011 ad hoc module on employment of disabled people for the labour force sample survey provided for by Council Regulation (EC) No 577/98 (Text with EEA relevance)
Regolament tal-Kummissjoni (UE) Nru 317/2010 tas- 16 ta’ April 2010 li jadotta l-ispeċifikazzjonijiet tal-modulu ad hoc tal-2011 dwar l-impjiegi tal-persuni b'diżabbiltà għall-istħarriġ permezz ta' kampjuni dwar il-forza tax-xogħol previst mir-Regolament tal-Kunsill (KE) Nru 577/98 (Test b’relevanza għaż-ŻEE)
Regolament tal-Kummissjoni (UE) Nru 317/2010 tas- 16 ta’ April 2010 li jadotta l-ispeċifikazzjonijiet tal-modulu ad hoc tal-2011 dwar l-impjiegi tal-persuni b'diżabbiltà għall-istħarriġ permezz ta' kampjuni dwar il-forza tax-xogħol previst mir-Regolament tal-Kunsill (KE) Nru 577/98 (Test b’relevanza għaż-ŻEE)
ĠU L 97, 17.4.2010, p. 3–9
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
In force
17.4.2010 |
MT |
Il-Ġurnal Uffiċjali tal-Unjoni Ewropea |
L 97/3 |
REGOLAMENT TAL-KUMMISSJONI (UE) Nru 317/2010
tas-16 ta’ April 2010
li jadotta l-ispeċifikazzjonijiet tal-modulu ad hoc tal-2011 dwar l-impjiegi tal-persuni b'diżabbiltà għall-istħarriġ permezz ta' kampjuni dwar il-forza tax-xogħol previst mir-Regolament tal-Kunsill (KE) Nru 577/98
(Test b’relevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KE) Nru 577/98 tad-9 ta' Marzu 1998 dwar l-organizzazzjoni ta' stħarriġ ta' kampjuni tal-forza tax-xogħol fil-Komunità (1), u b'mod partikolari l-Artikolu 4(2) tiegħu,
Billi:
(1) |
Il-Konvenzjoni tan-Nazzjonijiet Uniti dwar id-Drittijiet tal-Persuni b'Diżabbiltajiet (minn hawn 'il quddiem imsejħa “il-Konvenzjoni tan-NU”, iffirmata mill-Komunità Ewropea u l-Istati Membri kollha tagħha, tistipula fl-Artikolu 31 tagħha dwar l-istatistika u l-ġbir tad-dejta li l-Partijiet Statali jimpenjaw irwieħhom li jiġbru l-informazzjoni xierqa, inkluża dejta statistika u dwar ir-riċerka li tippermettilhom ifasslu u jimplimentaw politiki li jdaħħlu fis-seħħ il-Konvenzjoni tan-NU, inklużi d-dispożizzjonijiet fl-Artikolu 27 konnessi max-xogħol u l-impjiegi. |
(2) |
Fir-Riżoluzzjoni tiegħu tas-17 ta' Marzu 2008 dwar is-sitwazzjoni ta' persuni b'diżabbiltajiet fl-Unjoni Ewropea (2), il-Kunsill jenfasizza li l-istatistika dwar id-diżabbiltà hija meħtieġa biex tistabbilixxi stampa tas-sitwazzjoni ġenerali tal-persuni b'diżabbiltajiet fl-Ewropa u li din it-tip ta' dejta statistika u tar-riċerka tippermetti li jitfasslu u jiġu implimentati politiki informati dwar id-diżabbiltà fil-livelli differenti tat-tmexxija. Il-Kunsill isejjaħ lill-Istati Membri u lill-Kummissjoni ħalli, skont is-setgħat rispettivi tagħhom, jiżguraw li jibdew ħidmiet fuq strateġija Ewropea dwar id-diżabbiltà li tieħu post il-Pjan ta' Azzjoni Ewropew dwar id-Diżabbiltà 2004-2010 preżenti, billi fost affarijiet oħra jivvalutaw kif l-azzjonijiet nazzjonali jirriflettu l-impenji magħmula mill-Komunità Ewropea u l-Istati Membri biex jimplimentaw bis-sħiħ il-Konvenzjoni tan-NU fil-livell Ewropew, bil-kunsiderazzjoni li jiġu ffissati miri nazzjonali konsistenti u paragunabbli għal dak il-għan. |
(3) |
Hija meħtieġa ġabra ta' dejta komprensiva u paragunabbli dwar l-impjiegi ta' persuni b'diżabbiltajiet biex jiġi sorveljat il-progress fl-implimentazzjoni tal-Artikolu 27 tal-Konvenzjoni tan-NU u l-għanijiet tal-Istrateġija Ewropea dwar l-Impjiegi u l-Istrateġija Ewropea dwar id-Diżabbiltà kif ukoll biex titkejjel l-evoluzzjoni tal-parteċipazzjoni fis-suq tax-xogħol ta' persuni b'diżabbiltajiet. |
(4) |
Ir-Regolament tal-Kummissjoni (KE) Nru 365/2008 tat-23 ta’ April 2008 li jadotta l-programm ta’ moduli ad hoc, li jkopri s-snin 2010, 2011 u 2012, għall-istħarriġ ta’ kampjuni dwar il-forza tax-xogħol stipulat fir-Regolament tal-Kunsill (KE) Nru 577/98 (3) jinkludi modulu ad hoc dwar l-impjiegi tal-persuni b'diżabbiltà. Il-lista ta' varjabbli għal dan il-modulu għandha tiġi ddefinita. |
(5) |
Il-miżuri stipulati f’dan ir-Regolament huma skont l-opinjoni tal-Kumitat Ewropew tas-Sistema tal-Istatistika, |
ADOTTAT DAN IR-REGOLAMENT:
Artikolu 1
Il-lista ddettaljata ta’ varjabbli li għandha tinġabar fl-2011 mill-modulu ad hoc dwar l-impjiegi tal-persuni b'diżabbiltà għandha tkun kif jistipula l-Anness.
Artikolu 2
Dan ir-Regolament għandu jidħol fis-seħħ fis-seba' jum mill-publikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, is-16 ta’ April 2010.
Għall-Kummissjoni
Il-President
José Manuel BARROSO
(3) ĠU L 112, 24.4.2008, p. 22.
ANNESS
STĦARRIĠ TA' KAMPJUNI TAL-FORZA TAX-XOGĦOL
Speċifikazzjonijiet tal-modulu ad hoc għas-sena 2011 dwar l-impjiegi ta' persuni b'diżabbiltà
1. |
L-Istati Membri u r-reġjuni kkonċernati: kollha. |
2. |
Il-varjabbli għandhom ikunu kkodifikati kif ġej: Il-kodiċijiet tal-varjabbli tal-Istħarriġ ta' Kampjuni dwar il-Forza tax-Xogħol fil-kolonna “Filtru” jirreferu għall-Anness III tar-Regolament tal-Kummissjoni (KE) Nru 377/2008 tal-25 ta’ April 2008 li jimplimenta r-Regolament tal-Kunsill (KE) Nru 577/98 dwar l-organizzazzjoni ta’ stħarriġ ta’ kampjuni tal-forza tax-xogħol fil-Komunità fir-rigward tal-kodifikazzjoni li għandha tintuża għat-trażmissjoni tad-dejta mill-2009 'il quddiem, u l-użu ta' subkampjun għall-ġbir ta’ dejta dwar il-varjabbli strutturali u d-definizzjoni tal-perjodi ta' tliet xhur ta’ referenza (1).
|