Edizzjoni speċjali bil-Kroat: Kapitolu 02 Volum 016 P. 173 - 174
English
Select your language
Official EU languages:
Access to European Union law
EUR-Lex
Access to European Union law
This document is an excerpt from the EUR-Lex website
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Need more search options? Use the
Advanced search
Document 32010R0309
Commission Regulation (EU) No 309/2010 of 9 April 2010 concerning the classification of certain goods in the Combined Nomenclature
Regolament tal-Kummissjoni (UE) Nru 309/2010 tad- 9 ta’ April 2010 dwar il-klassifikazzjoni ta' ċerti prodotti fin-Nomenklatura Magħquda
Regolament tal-Kummissjoni (UE) Nru 309/2010 tad- 9 ta’ April 2010 dwar il-klassifikazzjoni ta' ċerti prodotti fin-Nomenklatura Magħquda
ĠU L 94, 15.4.2010, p. 25–26
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
In force
Language
HTML
PDF
Official Journal
|
15.4.2010 |
MT |
Il-Ġurnal Uffiċjali tal-Unjoni Ewropea |
L 94/25 |
REGOLAMENT TAL-KUMMISSJONI (UE) Nru 309/2010
tad-9 ta’ April 2010
dwar il-klassifikazzjoni ta' ċerti prodotti fin-Nomenklatura Magħquda
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KEE) Nru 2658/87 tat-23 ta' Lulju 1987 dwar in-nomenklatura tat-tariffa u l-istatistika u dwar it-Tariffa Doganali Komuni ta' Dwana (1), u speċjalment l-Artikolu 9(1)(a), tiegħu,
Billi:
|
(1) |
Sabiex tiġi żgurata applikazzjoni uniformi tan-Nomenklatura Magħquda mehmuża mar-Regolament (KEE) Nru 2658/87, huwa neċessarju li jiġu adottati miżuri li jikkonċernaw il-klassifikazzjoni tal-prodotti msemmija fl-Anness ta' dan ir-Regolament. |
|
(2) |
Ir-Regolament (KEE) Nru 2658/87 stabilixxa r-regoli ġenerali għall-interpretazzjoni tan-Nomenklatura Magħquda. Dawk ir-regoli japplikaw ukoll għal kwalunkwe nomenklatura oħra li hija bbażata, parzjalment jew kollha kemm hi fuqha, jew li żżid kwalunkwe subdiviżjoni magħha u li hija stabbilita minn dispożizzjonijiet speċifiċi tal-Unjoni, bil-għan tal-applikazzjoni ta’ tariffi u miżuri oħra relatati mal-kummerċ tal-oġġetti. |
|
(3) |
Skont dawk ir-regoli ġenerali, il-prodotti msemmija fil-kolonna nru (1) tat-tabella mniżżla fl-Anness għandhom jiġu kklassifikati taħt il-kodiċi tan-NM indikata fil-kolonna nru (2), minħabba r-raġunijiet stabbiliti fil-kolonna nru (3) ta' dik it-tabella. |
|
(4) |
Huwa xieraq li jkun stipulat li informazzjoni tariffarja li torbot u li nħarġet mill-awtoritajiet tad-dwana tal-Istati Membri rigward il-klassifikazzjoni ta' oġġetti fin-Nomenklatura Magħquda, iżda li mhijiex skont dan ir-Regolament, tkun tista', għal perjodu ta' tliet xhur, tibqa’ tkun invokata mid-detentur, skont l-Artikolu 12(6) tar-Regolament tal-Kunsill (KEE) Nru 2913/92 tat-12 ta' Ottubru 1992 li jwaqqaf il-Kodiċi Doganali tal-Komunità (2). |
|
(5) |
Il-miżuri previsti f'dan ir-Regolament tfasslu b’konformità mal-opinjoni tal-Kumitat tal-Kodiċi Doganali, |
ADOTTAT DAN IR-REGOLAMENT:
Artikolu 1
Il-prodotti deskritti fil-kolonna (1) tat-tabella kif tidher fl-Anness għandhom ikunu klassifikati fi ħdan in-Nomenklatura Magħquda taħt il-kodiċi tan-NM indikat fil-kolonna (2) ta' dik it-tabella.
Artikolu 2
Informazzjoni tariffarja li torbot maħruġa mill-awtoritajiet doganali tal-Istati Membri, li ma tikkonformax ma' dan ir-Regolament, tista' tibqa’ tkun invokata għal perjodu ta' tliet xhur taħt l-Artikolu 12(6) tar-Regolament (KEE) Nru 2913/92.
Artikolu 3
Dan ir-Regolament għandu jidħol fis-seħħ fl-għoxrin ġurnata wara dik tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jkun vinkolanti fit-totalità tiegħu, u direttament applikabbli fl-Istati Membri kollha.
Magħmul fi Brussell, id-9 ta’ April 2010.
Għall-Kummissjoni, f'isem il-President,
Algirdas ŠEMETA
Membru tal-Kummissjoni
(2) ĠU L 302, 19.10.1992, p. 1.
ANNESS
|
Deskrizzjoni tal-prodotti |
Klassifikazzjoni (Kodiċi tan-NM) |
Raġunijiet |
|
(1) |
(2) |
(3) |
|
Pannell tal-injam żnuber bi tliet filati b’qisien ġenerali ta’ 1 000 × 500 × 27 mm. Il-filati ta’ barra huma wesgħin 8,5 mm u magħmulin minn biċċiet tal-injam imwaħħlin bil-kolla xifer ma' xifer, b'tali mod li huma paralleli ma’ xluxin. Il-filata ta’ ġewwa, li l-qagħda tagħha hija perpendikulari mal-vina tal-filati ta' barra, hija wiesgħa 10 mm u magħmula minn biċċiet tal-injam (blokkok/strixxi) imwaħħlin bil-kolla xifer ma' xifer, b'tali mod li huma paralleli ma' xulxin. Il-filati ta’ barra u t-truf huma miksija bir-reżina. Ara l-istampa (*). |
4412 94 90 |
Il-klassifikazzjoni hija determinata permezz tar-Regoli Ġenerali 1 u 6 għall-interpretazzjoni tan-Nomenklatura Magħquda u mill-kitba fil-kodiċi NM 4412 , 4412 94 u 4412 94 90 . Il-klassifikazzjoni taħt l-intestatura 4418 bħala xogħol ta' mastrudaxxa magħmul mill-injam, b'mod aktar speċifiku, xatters għall-kostruzzjoni bil-konkos hija eskluża, peress li l-prodott ma għandu l-ebda karatteristika oħra minn barra l-kisja tar-reżina li permezz tagħha jista’ jitqies li ġie diżinjat għall-finijiet ta’ kostruzzjoni. Ara wkoll is-Sistema Armonizzata tan-Noti ta’ Spjegazzjoni għall-intestatura 4418 (b’mod partikolari l-aħħar sentenza tal-paragrafu 3). Għalhekk, l-użu maħsub ta' xuttering għall-kostruzzjoni mhuwiex marbut direttament mal-prodott. Għaldaqstant, il-prodott ma għandux il-karatteristiċi u l-kwalitajiet obbjettivi biex jiġi kklassifikat taħt l-intestatura 4418 . Fid-dawl tal-karatteristiċi tiegħu, il-prodott għandu jiġi kklassifikat taħt il-kodiċi NM 4412 94 90 bħala blokkboard, laminboard u battenboard oħra (Ara wkoll is-Sistema Armonizzata tan-Noti ta’ Spjegazzjoni għall-intestatura 4412 , (3)). |
(*) L-istampa għandha tintuża biss għal raġunijiet ta' informazzjoni.