Este documento es un extracto de la web EUR-Lex
Documento 32010R0246
Commission Regulation (EU) No 246/2010 of 23 March 2010 amending Regulation (EEC) No 989/89 as regards the classification of padded waistcoats in the Combined Nomenclature
Regolament tal-Kummissjoni (UE) Nru 246/2010 tat- 23 ta’ Marzu 2010 li jemenda r-Regolament (KEE) Nru 989/89 li jirrigwarda l-klassifikazzjoni ta’ sdieri kkuttunati fin-Nomenklatura Magħquda
Regolament tal-Kummissjoni (UE) Nru 246/2010 tat- 23 ta’ Marzu 2010 li jemenda r-Regolament (KEE) Nru 989/89 li jirrigwarda l-klassifikazzjoni ta’ sdieri kkuttunati fin-Nomenklatura Magħquda
ĠU L 77, 24.3.2010, p. 51/51
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
Vigente
24.3.2010 |
MT |
Il-Ġurnal Uffiċjali tal-Unjoni Ewropea |
L 77/51 |
REGOLAMENT TAL-KUMMISSJONI (UE) Nru 246/2010
tat-23 ta’ Marzu 2010
li jemenda r-Regolament (KEE) Nru 989/89 li jirrigwarda l-klassifikazzjoni ta’ sdieri kkuttunati fin-Nomenklatura Magħquda
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KEE) Nru 2658/87 tat-23 ta' Lulju 1987 dwar in-nomenklatura statistika u tariffarja u dwar it-Tariffa Doganali Komuni (1), u speċjalment l-Artikolu 9(1)(a), tiegħu,
Billi:
(1) |
Ir-Regolament tal-Kummissjoni (KEE) Nru 989/89 (2) jistipula l-kriterji ta' klassifikazzjoni applikabbli għal anoraks (li jinkludu ġgieget għall-iskijar), inċirati għar-riħ u oġġetti simili fil-kodiċi tan-NM 6101, 6102, 6201 u 6202 |
(2) |
Ħwejjeġ tal-intestaturi hawn fuq imsemmija huma ġeneralment milbusa fuq ilbies ieħor u jiżguraw protezzjoni kontra l-maltemp (Noti ta' Spjegazzjoni tas-Sistema Armonizzata għall-intestaturi 6101, 6102, 6201 u 6202) u, konsegwentament, anoraks (li jinkludu ġgieget għall-iskijar), inċirati għar-riiħ, ġgieget għar-riħ u oġġetti simili li jaqgħu taħt dawk l-intestaturi jrid ikollhom il-kmiem twal. Madanakollu, sdieri kkuttunati, minkejja l-fatt li ma għandhomx kmiem, għandhom ikunu koperti minn dawk l-intestaturi għaliex jintlibsu fuq ilbies ieħor għall-protezzjoni kontra l-maltemp, u minħabba l-ikkuttunar tagħhom (Ara wkoll in-Noti ta' Spjegazzjoni tas-Sistema Armonizzata għall-intestaturi 6101, 6102, 6201 u 6202, it-tieni paragrafu). |
(3) |
Sabiex tkun żgurata interpretazzjoni uniformi tan-Nomenklatura Magħquda annessa mar-Regolament (KEE) Nru 2658/87, dwar il-klassifikazzjoni tat-tariffa tas-sdieri kkutunati, huwa għalhekk neċessarju li jkun speċifikat li s-sdieri kkuttunati għandhom ikunu klassifikati fl-intestaturi 6101, 6102, 6201 jew 6202 minkejja li ma għandhomx kmiem. |
(4) |
Ir-Regolament (KEE) Nru 989/89 għandu għalhekk jiġi emendat skont dan. |
(5) |
Il-miżuri previsti f'dan ir-Regolament tfasslu b’konformità mal-opinjoni tal-Kumitat tal-Kodiċi Doganali, |
ADOTTAT DAN IR-REGOLAMENT:
Artikolu 1
Fl-Artikolu 1 tar-Regolament (KEE) Nru 989/89 il-paragrafu li ġej huwa miżjud:
“B'deroga mill-ewwel paragrafu dawk l-intestaturi għandhom jinkludu s-sdieri kkuttunati minkejja l-fatt li ma għandhomx kmiem.”
Artikolu 2
Dan ir-Regolament għandu jidħol fis-seħħ fl-għoxrin ġurnata wara l-pubblikazzjoni tiegħu f'il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-23 ta’ Marzu 2010.
Għall-Kummissjoni, f'isem il-President,
Algirdas ŠEMETA
Membru tal-Kummissjoni
(2) ĠU L 106, 18.4.1989, p. 25.