12.1.2010   

MT

Il-Ġurnal Uffiċjali tal-Unjoni Ewropea

L 7/1

(1)

Permezz tar-Regolament tal-Kummissjoni (KE) Nru 690/2008 tal-4 ta’ Lulju 2008 li jirrikonoxxi żoni protetti esposti għal riskji partikolari għas-saħħa tal-pjanti fil-Komunità (2), ċerti Stati Membri jew ċerti żoni fi Stati Membri ġew rikonoxxuti bħala żoni protetti fir-rigward ta’ ċerti organiżmi dannużi.

(2)

Permezz tar-Regolament (KE) Nru 690/2008 ċerti partijiet tar-reġjun tal-Veneto fl-Italja ġew rikonoxxuti bħala żona protetta fir-rigward tal-organiżmu dannuż Erwinia amylovora (Burr.) Winsl. et al. sal-31 ta’ Marzu 2010.

(3)

Wara osservazzjonijiet dwar il-preżenza ta’ dak l-organiżmu dannuż f’ċerti partijiet tar-reġjun tal-Veneto li saru mill-Kummissjoni waqt spezzjoni fl-Italja mill-31 ta’ Awwissu sal-11 ta’ Settembru 2009, l-Italja infurmat lill-Kummissjon fit-23 ta’ Ottubru 2009 dwar ir-riżultati tal-aħħar stħarriġ li twettaq fir-reġjun tal-Veneto fir-rigward tal-preżenza ta’ dak l-organiżmu dannuż f’Settembru u Ottubru 2009. Ir-riżultati ta’ dan l-aħħar stħarriġ juru li fil-provinċja ta’ Venezja hemm 14-il post fejn dak l-organiżmu dannuż feġġ tal-anqas għall-perjodu ta’ dawn l-aħħar tliet snin konsekuttivi minkejja l-miżuri ta’ eradikazzjoni li ttieħdu mill-awtoritajiet Taljani. Għaldaqstant, dawk il-miżuri wrew li kienu ineffettivi.

(4)

Ir-riżultati tal-aktar stħarriġ riċenti ġew diskussi matul il-laqgħa tal-Kumitat Permanenti dwar is-Saħħa tal-Pjanti fid-19-20 ta’ Ottubru 2009. Ġie konkluż li l-Erwinia amylovora (Burr.) Wins. et al. għandha titqies bħala stabbilita fil-provinċja ta’ Venezja. Għalhekk, dik il-provinċja m’għandhiex tibqa’ tiġi rrikonoxxuta bħala żona protetta fir-rigward ta’ dak l-organiżmu dannuż.

(5)

Għalhekk, ir-Regolament (KE) Nru 690/2008 għandu jiġi emendat skont dan.

(6)

Il-miżuri stipulati f’dan ir-Regolament huma konformi mal-opinjoni tal-Kumitat Permanenti dwar is-Saħħa tal-Pjanti,

“—

u, sal-31 ta’ Marzu 2010, l-Irlanda, l-Italja (Pulja, Emilja-Romanja (il-provinċji ta’ Parma u Pjaċenza), il-Lombardija (għajr il-provinċja ta’ Mantova), il-Veneto (għajr il-provinċji ta’ Rovigo u Venezja, il-komuni ta’ Castelbaldo, Barbona, Pjaċenza d’Adige, Vescovana, S. Urbano, Boara Pisani u Masi fil-provinċja ta’ Padova u ż-żona li tinsab fin-Nofsinhar tal-awtostrada A4 fil-provinċja ta’ Verona), il-Litwanja, is-Slovenja (għajr ir-reġjuni ta’ Gorenjska, Koroška, Maribor u Notranjska), is-Slovakkja (għajr il-komuni ta’ Blahová, Horné Mýto u Okoč (il-Kontea ta’ Dunajská Streda), Hronovce u Hronské Kľačany (il-Kontea ta’ Levice), Málinec (il-Kontea ta’ Poltár), Hrhov (il-Kontea ta’ Rožňava), Veľké Ripňany (il-Kontea ta’ Topoľčany), Kazimír, Luhyňa, Malý Horeš, Svätuše u Zatín (il-Kontea ta’ Trebišov)”.