(1)

Id-Direttiva 90/426/KEE tistabbilixxi l-kundizzjonijiet tas-saħħa tal-annimali għall-importazzjoni ta’ equidae ħajjin fl-Unjoni. Din tistipula li l-importazzjoni ta’ equidae fl-Unjoni hija awtorizzata biss minn pajjiżi terzi jew partijiet mit-territorji tagħhom fejn il-glanders hija marda notifikabbli u li ilhom ħielsa mill-glanders għal perjodu ta’ mill-inqas sitt xhur.

(2)

Id-Deċiżjoni tal-Kummissjoni 2004/211/KE tas-6 ta’ Jannar 2004 li tistabbilixxi l-lista ta’ pajjiżi terzi u ta’ partijiet mit-territorju tagħhom li minnhom l-Istati Membri jawtorizzaw l-importazzjoni ta’ equidae ħajjin u ta’ semen, ova u embrijoni tal-ispeċi ekwina,u li temenda id-Deċiżjonijiet 93/195/KEE u 94/63/KE (3) tistabbilixxi lista ta’ pajjiżi terzi, jew partijiet minnhom fejn japplika t-taqsim ta’ pajjiżi f’reġjuni, li minnhom l-Istati Membri jawtorizzaw l-importazzjoni ta’ equidae u s-semen, l-ova u l-embrijoni tagħhom, u tindika l-kundizzjonijiet l-oħra li japplikaw għal din l-importazzjoni. Din il-lista hija stipulata fl-Anness I għal dik id-Deċiżjoni. Il-Brażil, il-Kuwajt u s-Sirja bħalissa huma parti minn din il-lista f’dak l-Anness.

(3)

F’April tal-2010 il-Brażil innotifika lill-Organizzazzjoni Dinjija għas-Saħħa tal-Annimali (OIE) bil-konferma ta’ każ ta’ glanders (Burkholderia mallei) f’żiemel fid-Distrito Federal. Għalhekk, id-Deċiżjoni 2004/211/KE ġiet emendata bid-Deċiżjoni tal-Kummissjoni 2010/333/UE (4) biex tindika li l-introduzzjoni tal-equidae u s-semen, l-ova u l-embrijoni ta’ annimali tal-ispeċi ekwina fl-Unjoni mid-Distrito Federal fil-Brażil m’għadhiex awtorizzata.

(4)

Fl-1 ta’ Novembru 2010, il-Brażil informa lill-OIE li dan il-każ uniku ta’ glanders fid-Distrito Federal kien ġie riżolt. B’mod partikolari, l-awtoritajiet infurmaw li ma ġie rrapportat l-ebda każ ġdid għal mill-anqas sitt xhur, li r-restrizzjonijiet fuq il-moviment tal-equidae minn żoni infettati għal oħrajn li mhumiex huma f’posthom u li s-sorveljanza magħmulha fuq madwar 5 000equidae ma identifikatx każijiet oħra.

(5)

Għalhekk huwa xieraq li d-Distrito Federal jerġa’ jiddaħħal fil-lista ta’ żoni approvati għall-importazzjoni tal-equidae u s-semen, l-ova u l-embrijoni ta’ annimali tal-ispeċi ekwina fl-Unjoni, kif stabbilit fl-Anness I tad-Deċiżjoni 2004/211/KE.

(6)

F’Ottubru tal-2010, l-OIE informat dwar l-okkorrenza tal-glanders fil-Kuwajt.

(7)

Is-Sirja iddikjarat lill-OIE li l-istatus tagħha tal-Glanders mhux magħruf minħabba li l-glanders m’għadhiex marda notifikabbli f’dak il-pajjiż. Żwiemel mis-Sirja kienu identifikati bħala l-oriġini tal-glanders f’pajjiżi ta’ dak ir-reġjun u missjoni riċenti ta’ spezzjoni mill-OIE ma eskludietx il-preżenza ta’ din il-marda fis-Sirja.

(8)

L-introduzzjoni ta’ kull equidae u semen, ova u embrijoni ta’ annimali tal-ispeċi ekwina fl-Unjoni mill-Kuwajt u s-Sirja għalhekk m’għandhiex tibqa’ tiġi awtorizzata. Dawk il-pajjiżi terzi għandhom għalhekk jitħassru mill-Anness I tad-Deċiżjoni 2004/211/KE.

(9)

Id-Deċiżjoni 2004/211/KE għandha għaldaqstant tiġi emendata skont dan.

(10)

Il-miżuri stipulati f’din id-Deċiżjoni huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali,

1.

Ir-reġistrazzjoni għall-Brażil tinbidel b’dan li ġej:

2.

Ir-reġistrazzjoni għall-Kuwajt tinbidel b’dan li ġej:

3.

Ir-reġistrazzjoni għas-Sirja tinbidel b’dan li ġej: