EUR-Lex Access to European Union law
This document is an excerpt from the EUR-Lex website
Document 32010D0071
2010/71/: Commission Decision of 8 February 2010 concerning the non-inclusion of diazinon in Annex I, IA or IB to Directive 98/8/EC of the European Parliament and of the Council concerning the placing of biocidal products on the market (notified under document C(2010) 749) (Text with EEA relevance)
2010/71/: Deċiżjoni tal-Kummissjoni tat- 8 ta’ Frar 2010 dwar in-nuqqas ta’ inklużjoni tad-diazinon fl-Anness I, IA jew IB għad-Direttiva 98/8/KE tal-Parlament Ewropew u tal-Kunsill dwar it-tqegħid fis-suq tal-prodotti bijoċidali (notifikata bid-dokument numru C(2010) 749) (Test b’relevanza għaż-ŻEE)
2010/71/: Deċiżjoni tal-Kummissjoni tat- 8 ta’ Frar 2010 dwar in-nuqqas ta’ inklużjoni tad-diazinon fl-Anness I, IA jew IB għad-Direttiva 98/8/KE tal-Parlament Ewropew u tal-Kunsill dwar it-tqegħid fis-suq tal-prodotti bijoċidali (notifikata bid-dokument numru C(2010) 749) (Test b’relevanza għaż-ŻEE)
ĠU L 36, 9.2.2010, p. 34–35
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
In force
9.2.2010 |
MT |
Il-Ġurnal Uffiċjali tal-Unjoni Ewropea |
L 36/34 |
DEĊIŻJONI TAL-KUMMISSJONI
tat-8 ta’ Frar 2010
dwar in-nuqqas ta’ inklużjoni tad-diazinon fl-Anness I, IA jew IB għad-Direttiva 98/8/KE tal-Parlament Ewropew u tal-Kunsill dwar it-tqegħid fis-suq tal-prodotti bijoċidali
(notifikata bid-dokument numru C(2010) 749)
(Test b’relevanza għaż-ŻEE)
(2010/71/UE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva 98/8/KE tal-Parlament Ewropew u tal-Kunsill tas-16 ta' Frar 1998 dwar it-tqegħid fis-suq tal-prodotti bijoċidali (1), u b'mod partikolari t-tieni subparagrafu tal-Artikolu 16(2) tagħha,
Billi:
(1) |
Ir-Regolament tal-Kummissjoni (KE) Nru 1451/2007 tal-4 ta’ Diċembru 2007 dwar it-tieni fażi tal-programm ta’ ħidma ta’ għaxar snin imsemmi fl-Artikolu 16(2) tad-Direttiva 98/8/KE tal-Parlament Ewropew u tal-Kunsill dwar it-tqegħid fis-suq ta' prodotti bijoċidali (2) jistabbilixxi lista ta’ sustanzi attivi li għandhom jiġu vvalutati, bl-għan li possibbilment jiġu inklużi fl-Anness I, IA jew IB għad-Direttiva 98/8/KE. |
(2) |
Id-diazinon huwa inkluż f'dik il-lista għall-użu fil-prodotti tat-tip 18, l-insettiċidi, l-akariċidi u prodotti oħra għall-kontroll tal-artropodi, kif iddefinit fl-Anness V għad-Direttiva 98/8/KE. |
(3) |
Id-data ta' skadenza għas-sottomissjoni ta' dossier komplet għas-sustanzi attivi għall-użu fil-prodotti tat-tip 18 kienet it-30 ta' April 2006. Madankollu ma wasal l-ebda dossier komplet f'dan il-perjodu taż-żmien. |
(4) |
Il-Kummissjoni għarrfet lill-Istati Membri skont dan. Fl-14 ta' Ġunju 2006, il-Kummissjoni ppubblikat ukoll dak it-tagħrif permezz ta' mezzi elettroniċi. |
(5) |
Fil-perjodu ta’ tliet xhur minn dik il-pubblikazzjoni, kumpanija waħda indikat interess biex tieħu r-rwol ta’ parteċipant għad-diazinon għall-użu fil-prodotti tat-tip 18. |
(6) |
Id-Deċiżjoni tal-Kummissjoni 2007/794/KE tad-29 ta’ Novembru 2007 li tistabbilixxi data ta’ skadenza ġdida għall-preżentazzjoni ta’ dossiers għal ċerti sustanzi li għandhom jiġu eżaminati skont il-programm ta’ għaxar snin imsemmi fl-Artikolu 16(2) tad-Direttiva 98/8/KE (3) iffissat id-data ta' skadenza l-ġdida għas-sottomissjoni ta' dossier għat-30 ta' April 2008. |
(7) |
Fi żmien din id-data ta' skadenza l-ġdida, qabel ma ssottometta d-dossier tiegħu, l-applikant ikkonsulta l-Portugall, l-Istat Membru Rapporteur maħtur għall-evalwazzjoni tad-diazinon, sabiex jistaqsi jekk il-prodott ta' referenza tiegħu, kullar kontra l-briegħed, kellux jitqies bħala prodott bijoċidali jew prodott mediċinali veterinarju. |
(8) |
Il-Portugall, wara konsultazzjoni mal-Kummissjoni u l-Istati Membri l-oħra, għarraf lill-applikant li l-biċċa l-kbira tal-Istati Membri ma jqisux kullar kontra l-briegħed bħal dak li tqiegħed fis-suq mill-applikant bħala prodott bijoċidali iżda bħala prodott mediċinali veterinarju, kif iddefinit fl-Artikolu 1(2) tad-Direttiva 2001/82/KE tal-Parlament Ewropew u tal-Kunsill (4). |
(9) |
Fid-dawl ta' dan it-tagħrif l-applikant ma ssottomettiex dossier għall-inklużjoni tad-diazinon fl-Anness I, IA jew IB għad-Direttiva 98/8/KE għall-prodotti tat-tip 18. Skont l-Artikolu 12(4) tar-Regolament (KE) Nru 1451/2007, ir-rwol ta' parteċipant għad-diazinon għall-prodotti tat-tip 18 ma għadux jista' jittieħed. |
(10) |
Minħabba li l-applikant ma ssottomettiex dossier fi żmien il-perjodu stipulat, id-diazinon ma għandux jiġi inkluż għall-prodotti tat-tip 18 fl-Annessi I, IA jew IB għad-Direttiva 98/8/KE. |
(11) |
Huwa meħtieġ li jiġi stabbilit perjodu itwal għat-tneħħija gradwali tal-kullari kontra l-briegħed li tqiegħdu fis-suq ta' ċerti Stati Membri bħala prodotti bijoċidali sabiex jippermetti l-awtorizzazzjoni tagħhom bħala prodotti mediċinali veterinarji skont id-Direttiva 2001/82/KE. |
(12) |
Il-miżuri pprovduti f’din id-Deċiżjoni huma skont l-opinjoni tal-Kumitat Permanenti dwar il-Prodotti Bijoċidali, |
ADOTTAT DIN ID-DEĊIŻJONI:
Artikolu 1
Id-diazinon (numru tas-CAS 333-41-5, numru tal-KE 206-373-8) ma għandux jiġi inkluż fl-Annessi I, IA jew IB għad-Direttiva 98/8/KE għall-prodotti tat-tip 18.
Artikolu 2
Il-kullari kontra l-briegħed li tqiegħdu fis-suq bħala prodotti bijoċidali u li fihom id-diazinon għall-użu fil-prodotti tat-tip 18 ma għandhomx jibqgħu jitqiegħdu fis-suq b'effett mill-1 ta' Marzu 2013.
Prodotti bijoċidali oħra li fihom id-diazinon għall-użu fil-prodotti tat-tip 18 ma għandhomx jibqgħu jitqiegħdu fis-suq b'effett mill-1 ta' Marzu 2011.
Artikolu 3
Din id-Deċiżjoni hija indirizzata lill-Istati Membri.
Magħmul fi Brussell, it-8 ta’ Frar 2010.
Għall-Kummissjoni
Stavros DIMAS
Membru tal-Kummissjoni
(1) ĠU L 123, 24.4.1998, p. 1.
(2) ĠU L 325, 11.12.2007, p. 3.
(3) ĠU L 320, 6.12.2007, p. 35.
(4) ĠU L 311, 28.11.2001, p. 1.