See dokument on väljavõte EUR-Lexi veebisaidilt.
Dokument 32010D0066
2010/66/: Commission Decision of 5 February 2010 amending Decision 2009/719/EC authorising certain Member States to revise their annual BSE monitoring programmes (notified under document C(2010) 626) (Text with EEA relevance)
2010/66/: Deċiżjoni tal-Kummissjoni tal- 5 ta’ Frar 2010 li temenda d-Deċiżjoni 2009/719/KE li tawtorizza ċerti Stati Membri jirrevedu l-programm annwali tagħhom ta’ monitoraġġ tal-BSE (notifikata bid-dokument numru C(2010) 626) (Test b’relevanza għaż-ŻEE)
2010/66/: Deċiżjoni tal-Kummissjoni tal- 5 ta’ Frar 2010 li temenda d-Deċiżjoni 2009/719/KE li tawtorizza ċerti Stati Membri jirrevedu l-programm annwali tagħhom ta’ monitoraġġ tal-BSE (notifikata bid-dokument numru C(2010) 626) (Test b’relevanza għaż-ŻEE)
ĠU L 35, 6.2.2010, lk 21—22
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
6.2.2010 |
MT |
Il-Ġurnal Uffiċjali tal-Unjoni Ewropea |
L 35/21 |
DEĊIŻJONI TAL-KUMMISSJONI
tal-5 ta’ Frar 2010
li temenda d-Deċiżjoni 2009/719/KE li tawtorizza ċerti Stati Membri jirrevedu l-programm annwali tagħhom ta’ monitoraġġ tal-BSE
(notifikata bid-dokument numru C(2010) 626)
(Test b’relevanza għaż-ŻEE)
(2010/66/UE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 999/2001 tal-Parlament Ewropew u tal-Kunsill tat-22 ta' Mejju 2001 li jistabbilixxi regoli għall-prevenzjoni, il-kontroll u l-eradikazzjoni ta' ċertu enċefalopatija sponġiformi li tinxtered (1), u b’mod partikolari t-tieni subparagrafu tal-Artikolu 6(1b) tiegħu,
Billi:
(1) |
Ir-Regolament (KE) Nru 999/2001 jistabbilixxi regoli għall-prevenzjoni, il-kontroll u l-eradikazzjoni ta' ċertu enċefalopatija sponġiformi li tinxtered (TSEs) fl-annimali. Dan jirrikjedi li kull Stat Membru jwettaq programm annwali ta’ monitoraġġ għat-TSEs skont l-Anness III għal dak ir-Regolament. Dawk il-programmi għandhom ikopru bħala minimu ċerti subpopolazzjonijiet ta’ annimali bovini li jagħmlu parti minn gruppi ta’ etajiet speċifikati. |
(2) |
Dak ir-Regoalment jipprovdi wkoll li Stati Membri li jistgħu juru titjib fil-qagħda epidjemoloġika ta' pajjiżhom, skont ċerti kriterji, jistgħu jkollhom il-programmi ta' monitoraġġ annwali tagħhom irreveduti. |
(3) |
Id-Deċiżjoni tal-Kummissjoni 2009/719/KE (2) tawtorizza l-Istati Membri elenkati fl-Anness għal dik id-Deċiżjoni biex jirrevedu l-programmi annwali ta’ monitoraġġ tagħhom. Din tipprovdi wkoll li l-programmi tagħhom għandhom japplikaw għall-inqas għall-annimali kollha li jagħmlu parti minn ċerti subpopolazzjonijiet ta’ annimali bovini ta’ età ta’ 'l fuq minn 48 xahar. |
(4) |
Fit-2 ta’ Ottubru 2008, Ċipru ressaq applikazzjoni lill-Kummissjoni biex jirrevedi l-programmi annwali ta’ monitoraġġ tiegħu fir-rigward tal-BSE. |
(5) |
L-Uffiċċju tal-Ikel u Veterinarju (FVO) wettaq spezzjoni f'Ċipru mid-29 ta’ Ġunju 2009 sat-3 ta’ Lulju 2009 sabiex jivverifika l-konformità mal-kriterji epidemjoloġiċi stipulati fil-punt 7 tal-Parti I tal-Kapitlu A tal-Anness III tar-Regolament (KE) Nru 999/2001. |
(6) |
Ir-riżultati ta’ dik l-ispezzjoni irrikonoxxew li kien hemm implimentazzjoni xierqa f’Ċipru tar-regoli dwar miżuri protettivi fir-rigward tal-enċefalopatiji sponġiformi li jinxterdu (BSE) stabbiliti fir-Regolament (KE) Nru 999/2001. Barra minn hekk, ir-rekwiżiti kollha stipulati fit-tielet subparagrafu tal-Artikolu 6(1b) u l-kriterji epidemjoloġiċi kollha stipulati fil-punt 7 tal-Parti I tal-Kapitlu A tal-Anness III tar-Regolament ġew iċċekkjati u nstabu li Ċipru kien issodisfahom. |
(7) |
Fid-dawl tal-informazzjoni kollha disponibbli, l-applikazzjoni mressqa minn Ċipru biex jiġi rivedut il-programm ta' monitoraġġ annwali tal-BSE ġiet ivvalutata b'mod favorevoli. Għalhekk, jixraq li Ċipru jiġi awtorizzat li jirrevedi l-programm ta' monitoraġġ annwali tiegħu u li l-età massima l-ġdida għall-ittestjar tal-BSE f'dak l-Istat Membru ssir ta’ 48 xahar. |
(8) |
L-Anness għad-Deċiżjoni 2009/719/KE għandu jiġi emendat kif xieraq. |
(9) |
Il-miżuri stipulati f’din id-Deċiżjoni huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali, |
ADOTTAT DIN ID-DEĊIŻJONI:
Artikolu 1
L-Anness tad-Deċiżjoni 2009/719/KE huwa mibdul bit-test fl-Anness ta' din id-Deċiżjoni.
Artikolu 2
Din id-Deċiżjoni hija indirizzata lill-Istati Membri.
Magħmul fi Brussell, il-5 ta’ Frar 2010.
Għall-Kummissjoni
Androulla VASSILIOU
Membru tal-Kummissjoni
(1) ĠU L 147, 31.5.2001, p. 1.
(2) ĠU L 256, 29.9.2009, p. 35.
ANNESS
“ANNESS
Lista ta' Stati Membri awtorizzati jirrevedu l-programm ta’ monitoraġġ annwali tagħhom tal-BSE
— |
Il-Belġju |
— |
Id-Danimarka |
— |
Il-Ġermanja |
— |
L-Irlanda |
— |
Il-Greċja |
— |
Spanja |
— |
Franza |
— |
L-Italja |
— |
Ċipru |
— |
Il-Lussemburgu |
— |
L-Olanda |
— |
L-Awstrija |
— |
Il-Portugall |
— |
Is-Slovenja |
— |
Il-Finlandja |
— |
L-Isvezja |
— |
Ir-Renju Unit” |