This document is an excerpt from the EUR-Lex website
Document 32009R1233
Commission Regulation (EU) No 1233/2009 of 15 December 2009 laying down a specific market support measure in the dairy sector
Regolament tal-Kummissjoni (UE) Nru 1233/2009 tal- 15 ta’ Diċembru 2009 li jistabbilixxi miżura speċifika ta’ appoġġ għas-suq fis-settur tal-ħalib
Regolament tal-Kummissjoni (UE) Nru 1233/2009 tal- 15 ta’ Diċembru 2009 li jistabbilixxi miżura speċifika ta’ appoġġ għas-suq fis-settur tal-ħalib
ĠU L 330, 16.12.2009, p. 70–72
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
In force: This act has been changed. Current consolidated version: 17/12/2009
16.12.2009 |
MT |
Il-Ġurnal Uffiċjali tal-Unjoni Ewropea |
L 330/70 |
REGOLAMENT TAL-KUMMISSJONI (UE) Nru 1233/2009
tal-15 ta’ Diċembru 2009
li jistabbilixxi miżura speċifika ta’ appoġġ għas-suq fis-settur tal-ħalib
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KE) Nru 1234/2007 tat-22 ta’ Ottubru 2007 li jistabbilixxi organizzazzjoni komuni ta’ swieq agrikoli u dwar dispożizzjonijiet speċifiċi għal ċerti prodotti agrikoli (ir-Regolament dwar l-OKS unika) (1) u b’mod partikulari l-Artikoli 186 u 188(2), flimkien mal-Artikolu 4 tiegħu,
Billi:
(1) |
Il-prezzijiet tas-suq dinji għall-prodotti tal-ħalib waqgħu speċjalment minħabba tnaqqis fid-domanda b’konnessjoni mal-kriżi finanzjarja u ekonomika. Il-prezzijiet tas-suq Komunitarju għall-prodotti tal-ħalib waqgħu wkoll b’mod sinifikanti minħabba l-kriżi u minħabba bidliet fil-provvista. |
(2) |
It-tnaqqis qawwi tal-prezzijiet tal-prodotti tal-ħalib fl-Unjoni Ewropea affettwa ħafna l-prezzijiet stabbiliti mill-azjenda agrikola. Hemm bżonn ta’ perjodu sinifikanti biex ikun hemm irkupru sostenibbli. Għalhekk, l-Istati Membri għandhom jingħataw pakkett finanzjarju biex jappoġġjaw lill-bdiewa produtturi tal-ħalib li ntlaqtu ħażin ħafna mill-kriżi tal-ħalib u li minħabba dawn iċ-ċirkustanzi, qed jaffaċċjaw problemi ta’ likwidità. |
(3) |
Il-pakkett finanzjarju ta’ kull Stat Membru għandu jkun ikkalkulat fuq il-produzzjoni tal-ħalib tal-2008/2009 fil-kuntest tal-kwoti nazzjonali. L-Istati Membri għandhom iqassmu dak l-ammont nazzjonali disponibbli fuq il-bażi ta’ kriterji oġġettivi u b’mod mhux diskriminatorju filwaqt li jevitaw kwalunkwe distorzjoni tas-suq u tal-kompetizzjoni. |
(4) |
L-implimentazzjoni ta’ dan ir-Regolament għandha ssir b’kunsiderazzjoni għall-arranġamenti istituzzjonali ta’ kull Stat Membru. |
(5) |
L-appoġġ għall-bdiewa produtturi tal-ħalib għandu jingħata bħala miżura ta’ intervent biex ikunu rregolati s-swieq skont l-Artikolu 3(1)(b) tar-Regolament tal-Kunsill (KE) Nru 1290/2005 tal-21 ta’ Ġunju 2005 dwar il-finanzjament tal-politika agrikola komuni (2). |
(6) |
Minħabba raġunijiet ta’ baġit, il-Komunità se tiffinanzja n-nefqa mġarrba mill-Istati Membri b’relazzjoni mal-appoġġ finanzjarju tal-bdiewa produtturi tal-ħalib meta dawn il-pagamenti jsiru sa ċertu data ta’ skadenza. |
(7) |
Sabiex tkun żgurata t-trasparenza u l-monitoraġġ u l-amministrazzjoni tajba tal-pakketti nazzjonali, l-Istati Membri għandhom jinfurmaw lill-Kummissjoni dwar il-kriterji oġġettivi użati biex ikunu ddeterminati l-metodi biex jingħata l-appoġġ u l-azzjonijiet meħuda biex tkun evitata d-distorzjoni tas-suq. |
(8) |
Sabiex ikun żgurat li l-bdiewa produtturi tal-ħalib jirċievu l-appoġġ malajr kemm jista’ jkun, l-Istati Membri għandhom ikunu jistgħu jimplimentaw dan ir-Regolament malajr kemm jista’ jkun. Għalhekk, jeħtieġ li dan ir-Regolament jidħol fis-seħħ mingħajr dewmien. |
(9) |
Il-miżuri pprovduti f’dan ir-Regolament huma skont l-opinjoni tal-Kumitat ta’ Ġestjoni għall-Organizzazzjoni Komuni tas-Swieq Agrikoli, |
ADOTTAT DAN IR-REGOLAMENT:
Artikolu 1
L-Istati Membri għandhom jużaw l-ammonti stipulati fl-Anness biex jipprovdu appoġġ lill-bdiewa produtturi tal-ħalib li ntlaqtu ħażin ħafna mill-kriżi tal-ħalib fuq il-bażi ta’ kriterji oġġettivi u b’mod mhux diskriminatorju sakemm dawn il-pagamenti ma jikkawżawx distorzjoni tal-kompetizzjoni.
Artikolu 2
1. Il-miżuri stipulati fl-Artikolu 1 ta’ dan ir-Regolament għandhom jitqiesu bħala miżuri ta’ intervent biex jirregolaw is-swieq agrikoli skont it-tifsira tal-Artikolu 3(1)(b) tar-Regolament (KE) Nru 1290/2005.
2. L-Istati Membri għandhom jagħmlu l-pagamenti b’relazzjoni mal-appoġġ imsemmi fl-Artikolu 1, mhux iktar tard mit-30 ta’ Ġunju 2010.
Artikolu 3
Rigward l-għajnuna stipulata fl-Artikolu 1, l-Istati Membri għandhom jittrażmettu lill-Kummissjoni:
(a) |
mingħajr dewmien u mhux iktar tard mill-31 ta’ Marzu 2010, deskrizzjoni tal-kriterji oġġettivi użati biex ikunu ddeterminati l-metodi għall-għoti tal-appoġġ u l-miżuri meħuda biex tkun evitata d-distorsjoni tas-suq; |
(b) |
mhux iktar tard mit-30 ta’ Awwissu 2010, l-ammonti totali tal-għajnuna mħallsa u l-għadd u t-tip tal-benefiċjarji. |
Artikolu 4
Dan ir-Regolament għandu jidħol fis-seħħ fil-jum ta’ wara l-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussel, il-15 ta’ Diċembru 2009.
Għall-Kummissjoni
Il-President
José Manuel BARROSO
(1) ĠU L 299, 16.11.2007, p. 1.
(2) ĠU L 209, 11.8.2005, p. 1.
ANNESS (1)
Miljun EUR |
|
BE |
7,212824 |
BG |
1,842622 |
CZ |
5,792943 |
DK |
9,859564 |
DE |
61,203560 |
EE |
1,302069 |
IE |
11,502500 |
EL |
1,581891 |
ES |
12,792178 |
FR |
51,127334 |
IT |
23,031475 |
CY |
0,316812 |
LV |
1,445181 |
LT |
3,099461 |
LU |
0,597066 |
HU |
3,565265 |
MT |
0,084511 |
NL |
24,586045 |
AT |
6,052604 |
PL |
20,211209 |
PT |
4,084693 |
RO |
5,010401 |
SI |
1,143094 |
SK |
2,034727 |
FI |
4,831752 |
SE |
6,427521 |
UK |
29,260698 |
EU-27 |
300,000000 |
(1) Ibbażat fuq il-produzzjoni tal-ħalib għall-2008/2009 fil-kuntest tal-kwoti nazzjonali.