EUR-Lex Access to European Union law
This document is an excerpt from the EUR-Lex website
Document 32009R0487
Council Regulation (EC) No 487/2009 of 25 May 2009 on the application of Article 81(3) of the Treaty to certain categories of agreements and concerted practices in the air transport sector (Codified version) (Text with EEA relevance)
Regolament tal-Kunsill (KE) Nru 487/2009 tal- 25 ta’ Mejju 2009 dwar l-applikazzjoni tal-Artikolu 81(3) tat-Trattat għal ċerti kategoriji ta’ akkordji u prattiċi miftiehma fis-settur tat-trasport bl-ajru (Verżjoni kodifikata) (Test b’relevanza għaż-ŻEE)
Regolament tal-Kunsill (KE) Nru 487/2009 tal- 25 ta’ Mejju 2009 dwar l-applikazzjoni tal-Artikolu 81(3) tat-Trattat għal ċerti kategoriji ta’ akkordji u prattiċi miftiehma fis-settur tat-trasport bl-ajru (Verżjoni kodifikata) (Test b’relevanza għaż-ŻEE)
ĠU L 148, 11.6.2009, p. 1–4
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
In force
11.6.2009 |
MT |
Il-Ġurnal Uffiċjali tal-Unjoni Ewropea |
L 148/1 |
REGOLAMENT TAL-KUNSILL (KE) Nru 487/2009
tal-25 ta’ Mejju 2009
dwar l-applikazzjoni tal-Artikolu 81(3) tat-Trattat għal ċerti kategoriji ta’ akkordji u prattiċi miftiehma fis-settur tat-trasport bl-ajru
(Verżjoni kodifikata)
(Test b’relevanza għaż-ŻEE)
IL-KUNSILL TAL-UNJONI EWROPEA,
Wara li kkunsidra t-Trattat li jistabbilixxi l-Komunità Ewropea, u b’mod partikolari l-Artikolu 83 tiegħu,
Wara li kkunsidra l-proposta mressqa mill-Kummissjoni,
Wara li kkunsidra l-Opinjoni tal-Parlament Ewropew (1),
Billi:
(1) |
Ir-Regolament tal-Kunsill (KEE) Nru 3976/87 tal-14 ta’ Diċembru 1987 dwar l-applikazzjoni tal-Artikolu 85(3) tat-Trattat għal ċerti kategoriji ta’ akkordji u prattiċi miftiehma fis-settur tat-trasport bl-ajru (2) ġie emendat kemm-il darba (3) b’mod sostanzjali. Għal iktar ċarezza u razzjonalità, l-imsemmi Regolament għandu jiġi kkodifikat. |
(2) |
Għandhom jiġu adottati dispożizzjonijiet komuni għall-applikazzjoni tal-Artikolu 81(3) tat-Trattat permezz ta’ Regolament jew Direttiva skont l-Artikolu 83 tat-Trattat. Il-Kummissjoni għandha tingħata s-setgħa li tiddikjara permezz ta’ Regolament li d-dispożizzjonijiet tal-Artikolu 81(1) tat-Trattat ma japplikawx għal ċerti kategoriji ta’ akkordji bejn impriżi, deċiżjonijiet minn assoċjazzjonijiet ta’ impriżi u prattiċi miftiehma. |
(3) |
Il-Kummissjoni għandha tingħatalha s-setgħa li tagħti eżenzjonijiet ġenerali fis-settur tat-trasport bl-ajru rigward traffiku ġewwa l-Komunità kif ukoll rigward traffiku bejn il-Komunità u pajjiżi terzi. |
(4) |
Għandu jiġi stabbilit taħt liema kondizzjonijiet speċifiċi u f’liema ċirkostanzi l-Kummissjoni tista’ teżerċita setgħat bħal dawn f’relazzjoni mill-qrib u kostanti mal-awtoritajiet kompetenti tal-Istati Membri. |
(5) |
Huwa mixtieq, partikolarment, li jingħataw eżenzjonijiet ġenerali għal ċerti kategoriji ta’ akkordji, deċiżjonijiet u prattiċi miftiehma. Dawk l-eżenzjonijiet għandhom jingħataw għal perjodu limitat li matulu t-trasportaturi bl-ajru jkunu jistgħu jadattaw rwieħhom għal ambjent aktar kompetittiv. Il-Kummissjoni, f’relazzjoni mill-qrib mal-Istati Membri, għandhom ikunu jistgħu jiddefinixxu b’mod preċiż l-ambitu ta’ dawk l-eżenzjonijiet u l-kundizzjonijiet marbuta magħhom. |
(6) |
Dan ir-Regolament huwa bla ħsara għall-applikazzjoni tal-Artikolu 86 tat-Trattat, |
ADOTTA DAN IR-REGOLAMENT:
Artikolu 1
Dan ir-Regolament għandu japplika għat-trasport bl-ajru.
Artikolu 2
1. Skond l-Artikolu 81(3) tat-Trattat, il-Kummissjoni tista’, permezz ta’ Regolament tiddikjara li l-Artikolu 81(1) tat-Trattat m’għandux japplika għal kategoriji ta’ akkordji bejn impriżi, deċiżjonijiet ta’ assoċjazzjonijiet ta’ impriżi u prattiċi miftiehma.
Il-Kummissjoni tista’, partikolarment, tadotta dawn ir-Regolamenti fir-rigward ta’ akkordji, deċiżjonijiet jew prattiċi miftiehma li għandhom bħala għan xi wieħed minn dawn li ġejjin:
(a) |
ippjanar konġunt u koordinazzjoni ta’ skedi ta’ linji tal-ajru; |
(b) |
konsultazzjonijiet fuq tariffi għat-trasport ta’ passiġġieri u bagalji u ta’ tagħbija fuq servizzi skedati bl-ajru; |
(ċ) |
operazzjonijiet konġunti fuq servizzi ġodda skedati bl-ajru utilizzati anqas; |
(d) |
allokazzjoni ta’ slots f’ajruporti u skedar tal-ajruport; il-Kummissjoni għandha tieħu ħsieb li tiżgura konsistenza mar-Regolament tal-Kunsill (KEE) Nru 95/93 tat-18 ta’ Jannar 1993 dwar ir-regoli komuni għall-allokazzjoni ta’ slots f’ajruporti tal-Komunità (4); |
(e) |
xiri, żvilupp u operazzjoni komuni ta’ sistemi ta’ reservazzjoni kkompjuterizzata relatati ma’ ippjanar tal-ġurnata, reservazzjonijiet u qtugħ ta’ biljetti minn impriżi ta’ trasport bl-ajru; il-Kummissjoni għandha tieħu ħsieb li tiżgura konsistenza mar-Regolament tal-Kunsill (KEE) Nru 2299/89 tal-24 ta’ Lulju 1989 dwar kodiċi ta’ kondotta għal sistemi ta’ riservazzjoni kompjuterizzata (5). |
2. Mingħajr preġudizzju għat-tieni subparagrafu tal-paragrafu 1, ir-Regolamenti tal-Kummissjoni msemmija hemmhekk għandhom jiddefinixxu il-kategoriji ta’ akkordji, deċiżjonijiet jew prattiċi miftiehma li japplikaw għalihom u għandhom jispeċifikaw b’mod partikolari:
(a) |
ir-restrizzjonijiet jew il-klawsoli li jistgħu, jew ma jistgħux, jidhru fl-akkordji, deċiżjonijiet u prattiċi miftiehma; |
(b) |
il-klawsoli li għandhom jitniżżlu fil-akkordji, deċiżjonijiet u prattiċi miftiehma, jew kwalunkwe kondizzjonijiet oħra li għandhom ikunu sodisfatti. |
Artikolu 3
Kwalunkwe Regolament adottat taħt l-Artikolu 2 għandu japplika għal perjodu speċifikat.
Jista’ jiġi mħassar jew emendat fejn iċ-ċirkostanzi jinbidlu fir-rigward ta’ xi fatturi li jkunu ppromovew l-adozzjoni tiegħu; f’każ bħal dan, għandu jiġi ffissat perjodu għall-emenda tal-akkordji u prattiki miftiehma li għalihom ir-Regolament ta’ qabel kien japplika qabel it-tħassir jew emenda.
Artikolu 4
Ir-Regolamenti adottati taħt l-Artikolu 2 għandhom jinkludu dispożizzjoni li tispeċifika li biha huma japplikaw b’effett retroattiv għal akkordji, deċiżjonijiet u prattiċi miftiehma li kienu fis-seħħ fid-data tad-dħul fis-seħħ ta’ dawn ir-Regolamenti.
Artikolu 5
Regolament adottat taħt l-Artikolu 2 jista’ jistabbilixxi li l-projbizzjoni li tinsab fl-Artikolu 81(1) tat-Trattat ma tkunx applikabbli, għal dak il-perijodu kif stabbilit b’dak ir-Regolament, għal ftehim, deċiżjonijiet u prattiċi miftiehma diġà eżistenti fid-data tal-Adeżjoni li għalihom l-Artikolu 81(1) huwa applikabbli bis-saħħa tal-Adeżjoni tal-Awstrija, tal-Finlandja, u tal-Isvezja u li ma jissodisfawx il-kondizzjonijiet tal-Artikolu 81(3) tat-Trattat.
B’dana kollu, dan l-Artikolu m’għandux japplika għal ftehim, deċiżjonijiet u prattiċi miftiehma li fid-data tal-Adeżjoni jkunu diġà jaqgħu taħt l-Artikoli 53(1) tal-Ftehim ŻEE.
Artikolu 6
Qabel ma tadotta Regolament taħt l-Artikolu 2, il-Kummissjoni għandha tippubblika abbozz ta’ dan u tistieden lill-persuni u l-organizzazjonijiet kollha konċernati sabiex jissottomettu l-kummenti tagħhom fl-limitu ta’ żmien raġonevoli, li ma jkunx anqas minn xahar, li l-Kummissjoni għandha tistabbilixxi.
Artikolu 7
Il-Kummissjoni għandha tikkonsulta il-Kummitat Konsultattiv dwar Prattiċi Restrittivi u Pożizzjonijiet Dominanti msemmi fl-Artikolu 14 tar-Regolament tal-Kunsill (KE) Nru 1/2003 tas-16 Diċembru 2002 dwar l-implimentazzjoni tar-regoli tal-kompetizzjoni stabbiliti fl-Artikoli 81 u 82 tat-Trattat (6) qabel tippubblika abbozz tar-Regolament u qabel tadotta r-Regolament skont l-Artikolu 2.
Artikolu 8
Ir-Regolament (KEE) Nru 3976/87 hu b’dan imħassar.
Ir-referenzi għar-Regolament imħassar għandhom jinftiehmu bħala referenzi għal dan ir-Regolament u għandhom jinqraw skont it-tabella ta’ korrelazzjoni li tinsab fl-Anness II.
Artikolu 9
Dan ir-Regolament għandu jidħol fis-seħħ fl-għoxrin jum wara l-pubblikazzjoni tiegħu fil-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, 25 ta’ Mejju 2009.
Għall-Kunsill
Il-President
J. ŠEBESTA
(1) Opinjoni tal-21 ta’ Ottubru 2008 (għadha mhijiex pubblikata fil-Ġurnal Uffiċjali).
(2) ĠU L 374, 31.12.1987, p. 9.
(3) Ara l-Anness I.
(5) ĠU L 220, 29.7.1989, p. 1.
ANNESS I
Regolament imħassar flimkien ma’ lista tal-emendi suċċessivi tiegħu
Regolament tal-Kunsill (KEE) Nru 3976/87 |
|
Regolament tal-Kunsill (KEE) Nru 2344/90 |
|
Regolament tal-Kunsill (KEE) Nru 2411/92 |
|
L-Att ta’ Adeżjoni 1994, l-Anness I, Parti III.A.3 |
|
Regolament tal-Kunsill (KE) Nru 1/2003 |
L-Artikolu 41 biss |
Regolament tal-Kunsill (KE) Nru 411/2004 |
L-Artikolu 2 biss |
ANNESS II
TABELLA TA’ KORRELAZZJONI
Regolament (KEE) Nru 3976/87 |
Dan ir-Regolament |
Artikolu 1 |
Artikolu 1 |
Artikolu 2(1) |
Artikolu 2(1), l-ewwel subparagrafu |
Artikolu 2(2), kliem tal-bidu |
Artikolu 2(1), it-tieni subparagrafu, kliem tal-bidu |
Artikolu 2(2), l-ewwel inċiż |
Artikolu 2(1), it-tieni subparagrafu, (a) |
Artikolu 2(2), it-tieni inċiż |
Artikolu 2(1), it-tieni subparagrafu, (b) |
Artikolu 2(2), it-tielet inċiż |
Artikolu 2(1), it-tieni subparagrafu, (c) |
Artikolu 2(2), ir-raba’ inċiż |
Artikolu 2(1), it-tieni subparagrafu, (d) |
Artikolu 2(2), il-ħames inċiż |
Artikolu 2(1), it-tieni subparagrafu, (e) |
Artikolu 2(3) |
Artikolu 2(2) |
Artikoli 3 u 4 |
Artikoli 3 u 4 |
Artikolu 4a, l-ewwel sentenza |
Artikolu 5, l-ewwel paragrafu |
Artikolu 4a, it-tieni sentenza |
Artikolu 5, it-tieni pargarafu |
Artikolu 5 |
Artikolu 6 |
Artikolu 6 |
Artikolu 7 |
— |
Artikolu 8 |
Artikolu 9 |
Artikolu 9 |
— |
Anness I |
— |
Anness II |