This document is an excerpt from the EUR-Lex website
Document 32009R0256
Commission Regulation (EC) No 256/2009 of 23 March 2009 amending Annexes II and III to Regulation (EC) No 396/2005 of the European Parliament and of the Council as regards maximum residue levels for azoxystrobin and fludioxonil in or on certain products (Text with EEA relevance)
Regolament tal-Kummissjoni (KE) Nru 256/2009 tat- 23 ta' Marzu 2009 li jemenda l-Annessi II u III għar-Regolament (KE) Nru 396/2005 tal-Parlament Ewropew u tal-Kunsill fir-rigward tal-livelli massimi ta’ residwi għall-azoxystrobin u l-fludioxonil f’ċerti prodotti jew fuqhom (Test b’relevanza għaż-ŻEE)
Regolament tal-Kummissjoni (KE) Nru 256/2009 tat- 23 ta' Marzu 2009 li jemenda l-Annessi II u III għar-Regolament (KE) Nru 396/2005 tal-Parlament Ewropew u tal-Kunsill fir-rigward tal-livelli massimi ta’ residwi għall-azoxystrobin u l-fludioxonil f’ċerti prodotti jew fuqhom (Test b’relevanza għaż-ŻEE)
ĠU L 81, 27.3.2009, p. 3–14
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
In force: This act has been changed. Current consolidated version: 28/03/2009
27.3.2009 |
MT |
Il-Ġurnal Uffiċjali tal-Unjoni Ewropea |
L 81/3 |
REGOLAMENT TAL-KUMMISSJONI (KE) Nru 256/2009
tat-23 ta' Marzu 2009
li jemenda l-Annessi II u III għar-Regolament (KE) Nru 396/2005 tal-Parlament Ewropew u tal-Kunsill fir-rigward tal-livelli massimi ta’ residwi għall-azoxystrobin u l-fludioxonil f’ċerti prodotti jew fuqhom
(Test b’relevanza għaż-ŻEE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat ir-Regolament (KE) Nru 396/2005 tal-Parlament Ewropew u tal-Kunsill tat-23 ta' Frar 2005 dwar il-livelli massimi ta' residwu ta' pestiċidi fi jew fuq ikel u għalf li joriġina minn pjanti u annimali u li jemenda d-Direttiva tal-Kunsill 91/414/KEE (1), u b’mod partikolari l-Artikolu 14 (1) (a) tiegħu,
Billi:
(1) |
Għall-azoxystrobin u l-fludioxonil il-livelli massimi ta’ residwi (MRLs) ġew stabbiliti fl-Annessi II u III għar-Regolament (KE) Nru 396/2005 rispettivament. Fir-rigward tal-azoxystrobin, fil-kuntest ta’ awtorizzazzjoni ġdida skont id-Direttiva tal-Kunsill 91/414/KEE tal-15 ta’ Lulju 1991 li tikkonċerna t-tqegħid fis-suq ta’ prodotti għall-protezzjoni tal-pjanti (2) għal użu ta’ dan il-prodott għall-protezzjoni tal-pjanti fuq in-nevew, saret applikazzjoni għal modifikazzjoni tal-MRL eżistenti f'konformità mal-Artikolu 6(1) ta' dan ir-Regolament. Fir-rigward tal-fludioxonil saret applikazzjoni għal MRL ta’ tolleranza għall-importazzjoni skont l-Artikolu 6(2) u (4) tar-Regolament (KE) Nru 396/2005 minn applikant f’pajjiż terz (l-Istati Uniti) li fih l-użu awtorizzat ta’ dan il-prodott għall-protezzjoni tal-pjanti jwassal biex ir-residwi jaqbżu l-MRL għar-rummien, kif stabbilit fl-Anness III għal dak ir-Regolament. |
(2) |
Iż-żewġ applikazzjonijiet ġew ivvalutati skont l-Artikolu 8 ta’ dak ir-Regolament u l-Portugall u d-Danimarka għaddew ir-rapporti ta’ valutazzjoni lill-Kummissjoni. |
(3) |
L-Awtorità Ewropea dwar is-Sigurtà fl-Ikel, minn hawn ’il quddiem “l-Awtorità”, evalwat is-sikurezza tal-MRLs proposti filwaqt li qieset it-tagħrif fl-applikazzjonijiet u r-rapporti ta’ valutazzjoni u tat opinjonijiet motivati. Din ressqet dawn l-opinjonijiet [skont l-Artikolu 10 tar-Regolament] lill-Kummissjoni u lill-Istati Membri u għamlithom disponibbli għall-pubbliku (3). |
(4) |
L-Awtorità kkonkludiet fl-opinjonijiet motivati tagħha li r-rekwiżiti kollha fir-rigward tad-dejta ntlaħqu u li ż-żewġ modifikazzjonijiet għall-MRLs mitluba mill-applikanti kienu aċċettabbli fir-rigward tas-sikurezza tal-konsumatur fuq il-bażi ta’ evalwazzjoni tal-esponiment tal-konsumatur għal 27 grupp ta’ konsumaturi Ewropej speċifiċi. Din qieset l-aktar tagħrif riċenti dwar il-proprjetajiet tossikoloġiċi tas-sustanzi. La l-esponiment tul il-ħajja għaż-żewġ sustanzi permezz tal-konsum tal-prodotti kollha tal-ikel li jista’ jkun fihom iż-żewġ sustanzi, u lanqas l-esponiment fuq medda qasira ta’ żmien minħabba konsum estrem ta’ nevew jew rummien, ma wrew li hemm riskju li tinqabeż id-doża aċċettabbli ta’ kuljum (ADI – acceptable daily intake) jew id-doża akuta ta’ referenza (ARfD – acute reference dose). |
(5) |
Fuq il-bażi tal-opinjoni motivata tal-Awtorità u filwaqt li jitqiesu l-fatturi rilevanti għall-kwistjoni li qed tiġi kkunsidrata, il-modifikazzjonijiet mitluba għall-MRLs jissodisfaw ir-rekwiżiti tal-Artikolu 14(2) tar-Regolament (KE) Nru 396/2005. |
(6) |
Ir-Regolament (KE) Nru 396/2005 għandu għalhekk jiġi emendat skont dan. |
(7) |
Il-miżuri stipulati f'dan ir-Regolament huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali u la l-Parlament Ewropew u lanqas il-Kunsill ma opponewhom, |
ADOTTAT DAN IR-REGOLAMENT:
Artikolu 1
L-Annessi II u III tar-Regolament (KE) Nru 396/2005 huma emendati skont l-Anness għal dan ir-Regolament.
Artikolu 2
Dan ir-Regolament għandu jidħol fis-seħħ l-għada tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, 23 ta’ Marzu 2009.
Għall-Kummissjoni
Androulla VASSILIOU
Membru tal-Kummissjoni
(2) ĠU L 230, 19.8.1991, p. 1.
(3) Ir-rapporti xjentifiċi tal-EFSA (2008) 199 u 200 fuq http://efsa.europa.eu
ANNESS
L-Annessi II u III għar-Regolament (KE) Nru 396/2005 huma emendati kif ġej:
(1) |
L-Anness II huwa emendat kif ġej: Il-linji għall-azoxystrobin qed jinbidlu b’dan li ġej: “Fdalijiet ta' pestiċida u livelli massimi ta' fdal (mg/kg)
|
(2) |
L-Anness III huwa emendat kif ġej: Il-linji għall-fludioxonil qed jinbidlu b’dan li ġej: “Fdalijiet ta' pestiċida u livelli massimi ta' fdal (mg/kg)
|
(1) Għal-lista kompluta ta' prodotti li ġejjin mill-pjanti u l-annimali li għalihom japplikaw l-MRLs, ara l-Anness I.
(*) Jindika l-iktar limitu baxx ta' determinazzjoni analitika.
(**) Kombinazzjoni ta' pestiċida-kodiċi li għalihom japplika l-MRL stabbilit fl-Annex III Parti B.”
(2) Għal-lista kompluta ta' prodotti li ġejjin mill-pjanti u l-annimali li għalihom japplikaw l-MRLs, ara l-Anness I.
(***) Jindika l-iktar limitu baxx ta' determinazzjoni analitika.”