EUR-Lex Access to European Union law
This document is an excerpt from the EUR-Lex website
Document 32009R0179
Council Regulation (EC) No 179/2009 of 5 March 2009 amending Annex I to Regulation (EEC) No 2658/87 on the tariff and statistical nomenclature and on the Common Customs Tariff
Regolament tal-Kunsill (KE) Nru 179/2009 tal- 5 ta’ Marzu 2009 li jemenda l-Anness I tar-Regolament (KEE) Nru 2658/87 dwar in-nomenklatura tat-tariffa u l-istatistika u dwar it-Tariffa Doganali Komuni
Regolament tal-Kunsill (KE) Nru 179/2009 tal- 5 ta’ Marzu 2009 li jemenda l-Anness I tar-Regolament (KEE) Nru 2658/87 dwar in-nomenklatura tat-tariffa u l-istatistika u dwar it-Tariffa Doganali Komuni
ĠU L 63, 7.3.2009, p. 1–2
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
In force
7.3.2009 |
MT |
Il-Ġurnal Uffiċjali tal-Unjoni Ewropea |
L 63/1 |
REGOLAMENT TAL-KUNSILL (KE) Nru 179/2009
tal-5 ta’ Marzu 2009
li jemenda l-Anness I tar-Regolament (KEE) Nru 2658/87 dwar in-nomenklatura tat-tariffa u l-istatistika u dwar it-Tariffa Doganali Komuni
IL-KUNSILL TAL-UNJONI EWROPEA,
Wara li kkunsidraw it-Trattat li jistabbilixxi l-Komunità Ekonomika Ewropea, u b’mod partikolari l-Artikolu 26 tiegħu,
Wara li kkunsidraw l-proposta mill-Kummissjoni,
Billi:
(1) |
Ir-Regolament tal-Kunsill (KE) Nru 301/2007 tad-19 ta’ Marzu 2007 li jemenda l-Anness I tar-Regolament (KEE) Nru 2658/87 dwar in-nomenklatura tat-tariffa u l-istatistika u dwar it-Tariffa Doganali Komuni (1) ssospenda kompletament, għal perjodu ta’ sentejn, id-dazji awtonomi tat-Tariffa Doganali Komuni tad-Dwana għall-moniters li jużaw it-teknoloġija tal-kristalli likwidi, bil-qies djagonali tal-iskrin ta’ 48,5 cm jew anqas u b’aspett ta’ proporzjon tal-iskrin ta’ 4:3 jew 5:4 u li jista’ jiġi kklassifikat taħt il-kodiċi NM 8528 59 90. |
(2) |
Dik il-miżura ta’ sospensjoni skadiet fil-31 ta’ Diċembru 2008. |
(3) |
Għall-benefiċċju tal-konsumatur, sabiex jiġi żgurat l-iżvilupp razzjonali tal-produzzjoni u l-espansjoni tal-konsum fi ħdan il-Komunità u sabiex jiġi promoss il-kummerċ bejn l-Istati Membri u l-pajjiżi terzi, huwa fl-interess tal-Komunità li s-sospensjoni eżistenti tad-dazji awtonomi tiġi estiża għal sentejn li jibdew mill-1 ta’ Jannar 2009 u li jiġi mtawwal il-qies djagonali tal-iskrin għal 55,9 cm (22 pulzier) u li jiġu miżjuda l-aspetti ta’ proporzjon l-oħra ta’ 1:1 u 16:10. |
(4) |
Għall-istess raġunijiet, huwa wkoll fl-interess tal-Komunità li tiġi prevista sospensjoni ta’ sentejn li jibdew mill-1 ta’ Jannar 2009 għall-moniters suwed u bojod jew monokromi b’qies djagonali tal-iskrin li ma jaqbiżx 77,5 cm (30,5 pulzieri) u bl-istess aspett ta’ proporzjonijiet għall-moniters tal-kulur. |
(5) |
Ir-Regolament (KEE) Nru 2658/87 (2) għandu għalhekk jiġi emendat kif xieraq. |
(6) |
Minħabba li s-sospensjonijiet previsti f’dan ir-Regolament huma estensjoni tas-sospensjoni introdotta permezz tar-Regolament (KE) Nru 301/2007 li skadiet fil-31 ta’ Diċembru 2008 u ladarba mhuwiex fl-interess tal-Komunità li jkun hemm interruzzjoni fit-trattament tat-tariffi għall-moniters koperti minn din is-sospensjoni, dan ir-Regolament għandu japplika mill-1 ta’ Jannar 2009, |
ADOTTAT DAN IR-REGOLAMENT:
Artikolu 1
Ir-Regolament (KEE) Nru 2658/87 huwa b’dan emendat kif ġej:
(1) |
Fit-Tieni Parti, Taqsima XVI, Kapitolu 85, tal-Anness I, it-test fil-kolonna 3 għall-kodiċi NM 8528 59 10 għandu jiġi sostitwit b’dan li ġej: “14 (*) (*) Id-dazju doganali sospiż b’mod awtonomu, sal-31 ta’ Diċembru 2010, għal moniters bojod u suwed jew monokromi oħrajn, li jużaw it-teknoloġija tal-kristalli likwidi, mgħammra b’konnettur Interface Viżiva Diġitali (DVI) jew b’konnettur VGA jew bit-tnejn li huma b’qies djagonali tal-iskrin li ma jaqbiżx 77,5 cm (jiġifieri 30,5 pulzieri), b’aspett ta’ proporzjon ta’ 1:1, 4:3, 5:4 jew 16:10, b’riżoluzzjoni tat-tikek (pixels) li taqbeż 1.92 mega tikek, u b’dot pitch li ma taqbiżx 0,3 mm.(kodiċi TARIC 8528591010)”;" |
(2) |
Fit-Tieni Parti, Taqsima XVI, Kapitolu 85, tal-Anness I, it-test fil-kolonna 3 għall-kodiċi NM 8528 59 90 għandu jiġi sostitwit b’dan li ġej: “14 (**) (**) Id-dazju doganali sospiż b’mod awtonomu, sal-31 ta’ Diċembru 2010, għal moniters tal-kulur, li jużaw it-teknoloġija tal-kristalli likwidi, b’qies djagonali tal-iskrin li ma jaqbiżx 55,9 cm (jiġifieri 22 pulzier), b’aspett tal-proporzjon ta’ 1:1, 4:3, 5:3 jew 16:10. (kodiċi TARIC 8528599040)”;" |
Artikolu 2
Dan ir-Regolament għandu jidħol fis-seħħ fil-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Għandu japplika mill-1 ta’ Jannar 2009.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, 5 ta’ Marzu 2009.
Għall-Kunsill
Il-President
M. ŘÍMAN
(1) ĠU L 81, 22.3.2007, p. 11.