This document is an excerpt from the EUR-Lex website
Document 32009R0110
Commission Regulation (EC) No 110/2009 of 5 February 2009 amending the list of countries mentioned in Annex I to Council Regulation (EC) No 519/94
Regolament tal-Kummissjoni (KE) Nru 110/2009 tal- 5 ta’ Frar 2009 li jemenda l-lista ta’ pajjiżi msemmija fl-Anness I għar-Regolament tal-Kunsill (KE) Nru 519/94
Regolament tal-Kummissjoni (KE) Nru 110/2009 tal- 5 ta’ Frar 2009 li jemenda l-lista ta’ pajjiżi msemmija fl-Anness I għar-Regolament tal-Kunsill (KE) Nru 519/94
ĠU L 37, 6.2.2009, p. 4–4
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 05/08/2009
6.2.2009 |
MT |
Il-Ġurnal Uffiċjali ta’ l-Unjoni Ewropea |
L 37/4 |
REGOLAMENT TAL-KUMMISSJONI (KE) Nru 110/2009
tal-5 ta’ Frar 2009
li jemenda l-lista ta’ pajjiżi msemmija fl-Anness I għar-Regolament tal-Kunsill (KE) Nru 519/94
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat ir-Regolament tal-Kunsill (KE) Nru 427/2003 tat-3 ta’ Marzu 2003 dwar mekkaniżmu transitorju ta’ salvagwardja għal prodotti partikolari għall-importazzjonijiet li joriġinaw mir-Repubblika tal-Poplu taċ-Ċina u li jemenda r-Regolament (KE) Nru 519/94 dwar regoli komuni għall-importazzjonijiet minn ċerti pajjiżi terzi (1), u b’mod partikolari l-Artikolu 22(3) tiegħu,
Wara li kkonsultat il-Kumitat Konsultattiv,
Billi:
(1) |
Permezz tar-Regolament (KE) Nru 519/94 (2) il-Kunsill adotta regoli komuni għall-importazzjonijiet minn ċerti pajjiżi terzi li jinkludu wkoll dispożizzjonijiet dwar miżuri ta’ salvagwardja. |
(2) |
Ir-Regolament (KE) Nru 519/94 japplika inter alia għall-importazzjonijiet li joriġinaw mill-Ukraina. |
(3) |
Permezz tar-Regolament (KE) Nru 427/2003 il-Kunsill adotta regoli komuni għal mekkaniżmu transitorju ta’ salvagwardja għal prodotti partikolari għall-importazzjonijiet li joriġinaw mir-Repubblika tal-Poplu taċ-Ċina u li jemenda r-Regolament (KE) Nru 519/94 dwar regoli komuni għall-importazzjonijiet minn ċerti pajjiżi terzi. |
(4) |
Permezz tar-Regolament (KE) Nru 427/2003 il-Kunsill iddelega lill-Kummissjoni r-responsabbiltà għall-aġġornament tal-Anness I għar-Regolament (KE) Nru 519/94. |
(5) |
Fid-dawl tal-adeżjoni tal-Ukraina mal-Organizzazzjoni Dinjija tal-Kummerċ, għandha ssir dispożizzjoni biex l-Ukraina titneħħa mill-ambitu tar-Regolament tal-Kunsill (KE) Nru 519/94. |
(6) |
Il-miżuri stipulati f’dan ir-Regolament huma skont l-opinjoni tal-Kumitat Konsultattiv, |
ADOTTAT DAN IR-REGOLAMENT:
Artikolu Uniku
L-Ukraina għandha titneħħa mill-Anness I għar-Regolament (KE) Nru 519/94.
Dan ir-Regolament għandu jidħol fis-seħħ fil-jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, 5 ta’ Frar 2009.
Għall-Kummissjoni
Catherine ASHTON
Membru tal-Kummissjoni
(2) ĠU L 67, 10.3.1994, p. 89.