This document is an excerpt from the EUR-Lex website
Document 32009D0996
Commission Decision of 17 December 2009 on a Community financial contribution for 2009 to cover expenditure incurred by Germany, Spain, Italy, Malta, the Netherlands, Portugal and Slovenia for the purpose of combating organisms harmful to plants or plant products (notified under document C(2009) 10050)
Deċiżjoni tal-Kummissjoni tas- 17 ta’ Diċembru 2009 dwar kontribuzzjoni finanzjarja mill-Komunità għall-2009 li tkopri n-nefqa mġarrba mill-Ġermanja, Spanja, l-Italja, Malta, l-Olanda, il-Portugall u s-Slovenja bl-għan li jiġu miġġielda organiżmi ta’ ħsara lill-pjanti jew lill-prodotti tal-pjanti (notifikata bid-dokument numru C(2009) 10050)
Deċiżjoni tal-Kummissjoni tas- 17 ta’ Diċembru 2009 dwar kontribuzzjoni finanzjarja mill-Komunità għall-2009 li tkopri n-nefqa mġarrba mill-Ġermanja, Spanja, l-Italja, Malta, l-Olanda, il-Portugall u s-Slovenja bl-għan li jiġu miġġielda organiżmi ta’ ħsara lill-pjanti jew lill-prodotti tal-pjanti (notifikata bid-dokument numru C(2009) 10050)
ĠU L 339, 22.12.2009, p. 49–53
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
In force: This act has been changed. Current consolidated version: 05/04/2011
22.12.2009 |
MT |
Il-Ġurnal Uffiċjali tal-Unjoni Ewropea |
L 339/49 |
DEĊIŻJONI TAL-KUMMISSJONI
tas-17 ta’ Diċembru 2009
dwar kontribuzzjoni finanzjarja mill-Komunità għall-2009 li tkopri n-nefqa mġarrba mill-Ġermanja, Spanja, l-Italja, Malta, l-Olanda, il-Portugall u s-Slovenja bl-għan li jiġu miġġielda organiżmi ta’ ħsara lill-pjanti jew lill-prodotti tal-pjanti
(notifikata bid-dokument numru C(2009) 10050)
(Huma awtentiċi biss it-testi bl-Olandiż, bil-Ġermaniż, bit-Taljan, bil-Malti, bil-Portugiż, bis-Sloven u bl-Ispanjol)
(2009/996/UE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat dwar il-Funzjonament tal-Unjoni Ewropea.
Wara li kkunsidrat id-Direttiva tal-Kunsill 2000/29/KE tat-8 ta’ Mejju 2000 dwar il-miżuri protettivi kontra l-introduzzjoni ġewwa l-Komunità ta’ organiżmi ta’ ħsara għall-pjanti jew għall-prodotti tal-pjanti u kontra t-tixrid tagħhom ġewwa l-Komunità (1), u b’mod partikolari l-Artikolu 23 tagħha,
Billi:
(1) |
Skont id-Direttiva 2000/29/KE, tista’ tingħata kontribuzzjoni finanzjarja mill-Komunità lill-Istati Membri biex ikopru n-nefqa relatata direttament mal-miżuri meħtieġa li jkunu ttieħdu, jew huma ppjanati li jittieħdu, bl-għan li jiġu miġġielda organiżmi ta’ ħsara introdotti minn pajjiżi terzi jew minn żoni oħra fil-Komunità, biex jinqerdu jew, jekk dan ma jkunx possibbli, biex jiġu ristretti. |
(2) |
Fil-21 ta’ April 2009, il-Ġermanja introduċiet żewġ talbiet għal kontribuzzjoni finanzjarja għall-kontroll tad-Diabrotica virgifera, għal Baden-Württemberg u għal Bayern rispettivament, u fid-dawl tal-miżuri meħuda fl-2008 biex jiġu kkontrollati t-tifqigħat tal-organiżmu ta’ ħsara li nstabu fl-2007 u l-2008, u dan filwaqt li t-tifqigħat tal-2007 kienu diġà ġew kofinanzjati fl-2008. |
(3) |
L-Italja introduċiet erba’ talbiet għal kontribuzzjoni finanzjarja. L-ewwel waħda ressqitha fil-21 ta’ April 2009 u hija marbuta mal-miżuri għall-kontroll tal-Anoplophora chinensis fil-Lombardia fil-provinċja ta’ Brescia, fil-komun ta’ Gussago, għal miżuri meħuda fl-2008 u mill-1 ta’ Jannar sat-30 ta’ April 2009 għall-kontroll ta’ tifqigħa li nstabet fl-2008. Il-valutazzjoni ta’ dik it-talba min-naħa tal-Kummissjoni ma wrietx li din it-tifqigħa ta’ organiżmu ta’ ħsara hija marbuta mat-tifqigħat eżistenti fil-provinċja ta’ Milan jew ta’ Varese. It-tieni talba introdotta fis-16 ta’ April 2009 hija marbuta mal-miżuri għall-kontroll tal-Anoplophora chinensis f’Lazio fil-komun ta’ Ruma għal miżuri meħuda fl-2008 u l-2009 għall-kontroll ta’ tifqigħa li nstabet fl-2008. It-tielet talba introdotta fil-25 ta’ Novembru 2008 hija marbuta mal-miżuri għall-kontroll tal-Anoplophora glabripennis fil-Lombardia fil-komun ta’ Corbetta, għal miżuri meħuda fl-2007, l-2008 u mill-1 ta’ Jannar sat-30 ta’ April 2009 għall-kontroll ta’ tifqigħa li nstabet fl-2007. Ir-raba’ talba, marbuta mal-miżuri għall-kontroll tal-Anoplophora chinensis fil-Lombardia fil-provinċja ta’ Brescia, fil-komun ta’ Montichiari, ma kinitx eliġibbli minħabba li t-tifqigħa kienet innotifikata biss lill-Kummissjoni aktar minn tmien xhur wara s-sejba uffiċjali tagħha u għaldaqstant ma kinitx skont ir-rekwiżiti għal notifika immedjata imsemmija fl-Artikolu 16(1) tad-Direttiva 2000/29/KE. |
(4) |
Malta introduċiet talba għal kontribuzzjoni finanzjarja fid-29 ta’ April 2009 b’rabta mal-miżuri għall-kontroll tar-Rhynchophorus ferrugineus għal miżuri meħuda fl-2008 u l-2009 għall-kontroll ta’ tifqigħat misjuba fl-2008. |
(5) |
L-Olanda introduċiet erba’ talbiet għal kontribuzzjoni finanzjarja fil-31 ta’ Diċembru 2008. L-ewwel talba tikkonċerna l-miżuri għall-kontroll tat-Tobacco Ring Spot Virus għal miżuri meħuda fl-2007 u l-2008 għall-kontroll ta’ tifqigħa misjuba fl-2006 u li diġà kienet is-suġġett ta’ konfinanzjament fl-2008. It-tieni talba tikkonċerna l-miżuri għall-kontroll tat-Tomato Yellow Leaf Curl Virus għal miżuri meħuda fl-2007 u l-2008 għall-kontroll ta’ tifqigħat misjuba fl-2007. It-tielet talba tikkonċerna l-miżuri għall-kontroll tal-Clavibacter michiganensis ssp. michiganensis għal miżuri meħuda fl-2007 u l-2008 għall-kontroll ta’ tifqigħa misjuba fl-2007. Ir-raba’ talba tikkonċerna l-miżuri għall-kontroll tal-Clavibacter michiganensis spp. michiganensis għal miżuri meħuda fl-2008 għall-kontroll ta’ tifqigħa misjuba fl-2007. |
(6) |
Il-Portugall introduċa talba għal kontribuzzjoni finanzjarja fl-24 ta’ April 2009 b’rabta mal-miżuri għall-kontroll tal-Bursaphelenchus xylophilus għal miżuri meħuda fl-2008 u l-2009 għall-kontroll ta’ tifqigħat misjuba fl-2008. Tabiħaqq, il-Portugall sab 65 tifqigħa ġdida ta’ PWN bejn April u Lulju 2008 f’żoni Portugiżi fejn sa issa ma kienx hemm każi ta’ PWN. Abbażi tar-riżultati ta’ monitoraġġ intensiv li kopra t-territorju Portugiż kollu, ma hemm l-ebda indikazzjoni li t-tifrix tal-PWN lil hinn miż-żona ta’ Setubal fil-Portugall, infestata oriġinarjament, hu dovut għal firxa naturali minn dik iż-żona. Barra minn hekk, iż-żoni fejn jinsabu t-tifqigħat il-ġodda ma kinux diġà suġġett ta’ kofinanzjament Komunitarju għal miżuri għall-kontroll tal-PWN. Fl-aħħar nett, il-Kumitat Permanenti dwar is-Saħħa tal-Pjanti tad-9-10 ta’ Marzu 2009 approva pjan ta’ azzjoni mressaq mill-Portugall biex jindirizza din il-qagħda ġdida ta’ saħħa tal-pjanti u li huwa marbut mal-miżuri ta’ kontroll dettaljati fit-talba msemmija hawn fuq għal kontribuzzjoni finanzjarja. |
(7) |
Għaldaqstant jidher li hu l-każ li l-Portugall jingħata l-assistenza permezz ta’ kofinanzjament mill-Unjoni biex jieħu l-azzjonijiet neċessarji sabiex jillimita t-tixrid tal-PWN fiż-żona ddemarkata fil-preżent fit-territorju tal-pajjiż kif ukoll biex jissalvagwardja t-territorju ta’ Stati Membri oħra mill-PWN u biex jipproteġi l-interessi kummerċjali tal-Komunità fir-rigward ta’ pajjiżi terzi. |
(8) |
Is-Slovenja introduċiet talba għal kontribuzzjoni finanzjarja fit-30 ta’ Diċembru 2008 b’rabta mal-miżuri għall-kontroll tad-Dryocosmus kuriphilus għal miżuri meħuda fl-2008 u l-2009 għall-kontroll ta’ tifqigħa misjuba fl-2007 li diġà kienet suġġett ta’ finanzjament fl-2008. |
(9) |
Spanja introduċiet talba għal kontribuzzjoni finanzjarja fid-29 ta’ April 2009 b’rabta mal-miżuri għall-kontroll tal-Bursaphelenchus xylophilus għal miżuri meħuda fl-2008 u l-2009 għall-kontroll ta’ tifqigħa misjuba fl-2008. |
(10) |
Il-Ġermanja, Spanja, l-Italja, Malta, l-Olanda, il-Portugall u s-Slovenja lkoll stabbilixxew programm ta’ azzjonijiet biex jeqirdu jew jikkontrollaw organiżmi ta’ ħsarai għall-pjanti li jkunu ġew introdotti fit-territorji tagħhom. Dawn il-programmi jispeċifikaw l-għanijiet li għandhom jintlaħqu, il-miżuri mwettqa, it-tul tagħhom u kemm jiswew. |
(11) |
Il-Ġermanja, Spanja, l-Italja, Malta, l-Olanda, il-Portugall u s-Slovenja applikaw għall-allokazzjoni ta’ kontribuzzjoni finanzjarja mill-Komunità skont ir-rekwiżiti stabbiliti fl-Artikolu 23 tad-Direttiva 2000/29/KE, partikolarment il-paragrafu 1 u 4 tiegħu, u skont ir-Regolament tal-Kummissjoni (KE) Nru 1040/2002 tal-14 ta’ Ġunju 2002 li jistabbilixxi regoli dettaljati għall-implimentazzjoni tad-dispożizzjonijiet relatati mal-allokazzjoni ta’ kontribuzzjoni finanzjarja mill-Komunità għall-kontroll ta’ saħħet il-pjanti u li jirrevoka r-Regolament (KE) Nru 2051/97 (2). |
(12) |
It-tagħrif tekniku mogħti mill-Ġermanja, Spanja, l-Italja, Malta, l-Olanda, il-Portugall u s-Slovenja ppermetta lill-Kummissjoni biex tanalizza s-sitwazzjoni b’mod akkurat u komprensiv u biex tikkonkludi li l-kundizzjonijiet għall-għoti ta’ kontribuzzjoni finanzjarja mill-Komunità, kif stabbilit b’mod partikolari fl-Artikolu 23 tad-Direttiva 2000/29/KE, intlaħqu. Għaldaqstant, huwa f’loku li tingħata kontribuzzjoni finanzjarja mill-Komunità biex tkopri n-nefqa fuq dawn il-programmi. |
(13) |
Il-kontribuzzjoni finanzjarja mill-Komunità tista’ tkopri sa 50 % tan-nefqa eliġibbli. Madankollu, skont l-Artikolu 23(5), it-tielet subparagrafu, tad-Direttiva 2000/29/KE, ir-rata tal-kontribuzzjoni finanzjarja mill-Komunità għat-tielet sena, jiġifieri l-2009, tal-programm imressaq mill-Italja għall-kontroll tal-Anoplophora glabripennis għandha titnaqqas. Barra minn hekk, ir-rata tal-kontribuzzjoni finanzjarja mill-Komunità għall-programmi li tressqu, rispettivament, mill-Olanda għall-kontroll tat-TRSV fl-2008 (it-tielet sena tal-programm eżistenti), u s-Slovenja għall-kontroll tad-Dryocosmus kuriphilus fl-2009 (it-tielet sena tal-programm eżistenti) għandha titnaqqas minħabba li l-programmi nnotifikati minn dawn l-Istati Membri diġà kienu s-suġġett ta’ finanzjament Komunitarju skont id-Deċiżjoni tal-Kummissjoni 2009/147/KE (3) għall-ewwel sentejn tal-programmi eżistenti. |
(14) |
Bl-applikazzjoni tal-Artikolu 23(5), it-tieni subparagrafu, tad-Direttiva 2009/29/KE, ir-rata tal-kontribuzzjoni finanzjarja mill-Komunità għandha tkun ta’ 25 % għall-miżuri fid-dossiers kofinanzjarji mressqa rispettivament minn Spanja għas-sostituzzjoni fl-2009 ta’ siġar koniferi li nqerdu, b’siġar ta’ speċi li mhumiex suxxettibbli għall-Bursaphelenchus xylophilus, u mill-Italja f’żewġ dossiers ta’ Lombardia għas-sostituzzjoni fl-2008 ta’ siġar deċidwi li nqerdu, b’siġar ta’ speċi li mhumiex suxxettibbli għall-Anoplophora chinensis jew għall-Anoplophora glabripennis. |
(15) |
Skont l-Artikolu 24 tad-Direttiva 2000/29/KE, il-Kummissjoni għandha tiddetermina jekk l-introduzzjoni tal-organiżmu ta’ ħsara rilevanti ġietx ikkawżata minn eżaminazzjonijiet jew spezzjonijiet inadegwati u tadotta l-miżuri meħtieġa mis-sejbiet tal-verifika tagħha. |
(16) |
Skont l-Artikolu 3(2)(a) tar-Regolament tal-Kunsill (KE) Nru 1290/2005 tal-21 ta’ Ġunju 2005 dwar l-iffinanzjar tal-politika (4) agrikola komuni, il-miżuri għas-saħħa tal-pjanti għandhom jiġu ffinanzjati mill-Fond Agrikolu Ewropew ta’ Garanzija. Għall-finijiet ta’ kontroll finanzjarju ta’ dawn il-miżuri, għandhom japplikaw l-Artikoli 9, 36 u 37 tar-Regolament imsemmi hawn fuq. |
(17) |
Il-miżuri previsti f’din id-Deċiżjoni huma skont l-opinjoni tal-Kumitat Permanenti dwar is-Saħħa tal-Pjanti, |
ADOTTAT DIN ID-DEĊIŻJONI:
Artikolu 1
L-allokazzjoni tal-kontribuzzjoni finanzjarja mill-Komunità għall-2009 biex tkopri n-nefqa mġarrba mill-Ġermanja, l-Italja, Malta, l-Olanda, il-Portugall, is-Slovenja u Spanja relatata mal-miżuri meħtieġa kif speċifikati fl-Artikolu 23(2) tad-Direttiva 2000/29/KE u li ttieħdet bl-għan li jiġu miġġielda l-organiżmi kkonċernati mill-programmi ta’ eradikazzjoni elenkati fl-Anness hija b’dan approvata.
Artikolu 2
1. Is-somma totali tal-kontribuzzjoni finanzjarja msemmija fl-Artikolu 1 hija ta’ EUR 14 049 023.
2. Is-somma massima tal-kontribuzzjoni finanzjarja mill-Komunità għal kull programm għandha tkun kif indikata fl-Anness.
Artikolu 3
Il-kontribuzzjoni finanzjarja mill-Komunità kif stabbilit fl-Anness għandha titħallas skont il-kundizzjonijiet li ġejjin:
(a) |
tkun ingħatat evidenza tal-miżuri meħuda skont id-dispożizzjonijiet stabbiliti fir-Regolament (KE) Nru 1040/2002; |
(b) |
tkun tressqet talba għall-ħlas mill-Istat Membru kkonċernat lill-Kummissjoni, skont l-Artikolu 5 tar-Regolament (KE) Nru 1040/2002. |
Il-ħlas tal-kontribuzzjoni finanzjarja hija mingħajr preġudizzju għall-verifiki mill-Kummissjoni skont l-Artikolu 24 tad-Direttiva 2000/29/KE.
Artikolu 4
Din id-Deċiżjoni hija indirizzata lir-Repubblika Federali tal-Ġermanja, ir-Renju ta’ Spanja, ir-Repubblika Taljana, ir-Repubblika ta’ Malta, ir-Renju tal-Olanda, ir-Repubblika Portugiża u r-Repubblika tas-Slovenja.
Magħmul fi Brussell, is-17 ta’ Diċembru 2009.
Għall-Kummissjoni
Androulla VASSILIOU
Membru tal-Kummissjoni
(1) ĠU L 169, 10.7.2000, p. 1.
(2) ĠU L 157, 15.6.2002, p. 38.
(3) ĠU L 49, 20.2.2009, p. 43.
(4) ĠU L 209, 11.8.2005, p. 1.
ANNESS
PROGRAMMI TA’ ERADIKAZZJONI
Tifsira:
a= Is-sena tal-implimentazzjoni tal-programm ta’ eradikazzjoni.
Programmi li għalihom il-kontribuzzjoni finanzjarja mill-Komunità hija ta’ 50 % tan-nefqa eliġibbli
(Eur) |
||||||
L-Istat Membru |
L-organiżmi ta’ ħsara miġġielda |
Il-pjanti milquta |
Sena |
a |
Nefqa eleġibbli |
Il-massimu tal-kontribuzzjoni mill-Komunità Għal kull programm |
Il-Ġermanja, Baden-Württemberg |
Diabrotica virgifera |
Zea mays |
2008 |
1 jew 2 |
313 218 |
156 609 |
Il-Ġermanja, Bayern |
Diabrotica virgifera |
Zea mays |
2008 |
2 |
699 049 |
349 524 |
Spanja |
Bursaphelenchus xylophilus |
Siġar koniferi |
2008 and 2009 |
1 u 2 |
2 229 994 |
1 114 997 |
L-Italja, Lombardia (Iż-żona ta’ Gussago) |
Anoplophora chinensis |
Bosta speċi ta’ siġar |
2008 u parti mill-2009 (sat-30 ta’ April) |
1 u 2 |
271 883 |
135 941 |
L-Italja, Lombardia (Iż-żona ta’ Corbetta) |
Anoplophora glabripennis |
Bosta speċi ta’ siġar |
2007 u 2008 |
1 u 2 |
179 143 |
89 571 |
L-Italja, Lazio (Iż-żona ta’ Ruma) |
Anoplophora chinensis |
Bosta speċi ta’ siġar |
2008 u 2009 |
1 u 2 |
1 098 000 |
549 000 |
Malta |
Rhynchophorus ferrugineus |
Palmaceae |
2008 u 2009 |
1 u 2 |
709 227 |
354 613 |
L-Olanda |
TRSV |
Hemerocallis spp, Iris ssp. |
2007 |
2 |
68 720 |
34 360 |
L-Olanda |
TYLCV |
Lycopersicon lycopersicum |
2007 u 2008 |
1 u 2 |
44 528 |
22 264 |
L-Olanda |
Clavibacter michiganensis ssp. michiganensis |
Lycopersicon lycopersicum |
2007 u 2008 |
1 |
348 525 |
174 262 |
L-Olanda |
Anoplophora chinensis |
Bosta speċi ta’ siġar |
2008 |
1 |
750 797 |
375 398 |
Il-Portugall |
Bursaphelenchus xylophilus |
Coniferous trees |
2008 u 2009 |
1 u 2 |
20 552 127 |
10 276 063 |
Is-Slovenja |
Dryocosmus kuriphilus |
Castanea sp. |
2008 |
2 |
86 625 |
43 312 |
Programmi li r-rati tagħhom ta’ kontribuzzjoni finanzjarja mill-Komunità jvarjaw, bl-applikazzjoni tad-digressività
(Eur) |
|||||||
L-Istat Membru |
L-organiżmi ta’ ħsara miġġielda |
Il-pjanti milquta |
Sena |
a |
Nefqa eleġibbli |
Rata (%) |
Il-massimu tal-kontribuzzjoni mill-Komunità |
L-Italja, Lombardia (Iż-żona ta’ Corbetta) |
Anoplophora glabripennis |
Bosta speċi ta’ siġar |
Parti mill-2009 (sat-30 ta’ April) |
3 |
35 000 |
45 |
15 750 |
L-Olanda |
TRSV |
Hemerocallis spp, Iris spp. |
2008 |
3 |
40 480 |
45 |
18 216 |
Is-Slovenja |
Dryocosmus kuriphilus |
Castanea sp. |
2009 |
3 |
78 832 |
45 |
35 474 |
Programmi li r-rati tagħhom ta’ kontribuzzjoni mill-Komunità jvarjaw, bl-applikazzjoni tal-Artikolu 23.5, it-tieni paragrafu, tad-Direttiva 2000/29/KE
(Eur ) |
||||||||
L-Istat Membru |
L-organiżmi ta’ ħsara miġġielda |
Il-pjanti milquta |
Tip ta’ miżura |
Sena |
a |
Nefqa eleġibbli |
Rata (%) |
Il-massimu tal-kontribuzzjoni mill-Komunità |
Spanja |
Bursaphelenchus xylophilus |
Siġar koniferi |
Sostituzzjoni tas-siġar meqruda |
2009 |
2 |
1 156 579 |
25 |
289 144 |
L-Italja, Lombardia (Iż-żona ta’ Gussago) |
Anoplophora chinensis |
Bosta speċi ta’ siġar |
Sostituzzjoni tas-siġar meqruda |
2008 |
1 |
30 800 |
25 |
7 700 |
L-Italja, Lombardia (Iż-żona ta’ Corbetta) |
Anoplophora glabripennis |
Bosta speċi ta’ siġar |
Sostituzzjoni tas-siġar meqruda |
2008 |
2 |
27 300 |
25 |
6 825 |
It-total tal-kontribuzzjoni mill-Komunità (Eur) |
14 049 023 |