This document is an excerpt from the EUR-Lex website
Document 32009D0858
2009/858/EC: Commission Decision of 27 November 2009 approving certain amended programmes for the eradication and monitoring of animal diseases and zoonoses for the year 2009 and amending Decision 2008/897/EC as regards the reallocation of the Community’s financial contribution to certain Member States for programmes approved by that Decision and by Decision 2009/560/EC (notified under document C(2009) 9193)
2009/858/KE: Deċiżjoni tal-Kummissjoni tas- 27 ta’ Novembru 2009 li tapprova ċerti programmi emendati għall-qerda u l-monitoraġġ ta’ mard tal-annimali u ż-żoonożi għas-sena 2009 u li temenda d-Deċiżjoni 2008/897/KE fir-rigward tar-riallokazzjoni tal-kontribuzzjoni finanzjarja tal-Komunità lil ċerti Stati Membri għal programmi approvati minn dik id-Deċiżjoni u mid-Deċiżjoni 2009/560/KE (notifikata bid-dokument numru C(2009) 9193)
2009/858/KE: Deċiżjoni tal-Kummissjoni tas- 27 ta’ Novembru 2009 li tapprova ċerti programmi emendati għall-qerda u l-monitoraġġ ta’ mard tal-annimali u ż-żoonożi għas-sena 2009 u li temenda d-Deċiżjoni 2008/897/KE fir-rigward tar-riallokazzjoni tal-kontribuzzjoni finanzjarja tal-Komunità lil ċerti Stati Membri għal programmi approvati minn dik id-Deċiżjoni u mid-Deċiżjoni 2009/560/KE (notifikata bid-dokument numru C(2009) 9193)
ĠU L 314, 1.12.2009, p. 75–78
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
In force
1.12.2009 |
MT |
Il-Ġurnal Uffiċjali tal-Unjoni Ewropea |
L 314/75 |
DEĊIŻJONI TAL-KUMMISSJONI
tas-27 ta’ Novembru 2009
li tapprova ċerti programmi emendati għall-qerda u l-monitoraġġ ta’ mard tal-annimali u ż-żoonożi għas-sena 2009 u li temenda d-Deċiżjoni 2008/897/KE fir-rigward tar-riallokazzjoni tal-kontribuzzjoni finanzjarja tal-Komunità lil ċerti Stati Membri għal programmi approvati minn dik id-Deċiżjoni u mid-Deċiżjoni 2009/560/KE
(notifikata bid-dokument numru C(2009) 9193)
(2009/858/KE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat id-Deċiżjoni tal-Kunsill 2009/470/KE tal-25 ta’ Mejju 2009 dwar in-nefqa fil-kamp veterinarju (1), u partikolarment l-Artikoli 27 (5) u (6) tagħha,
Billi:
(1) |
Id-Deċiżjoni 2009/470/KE tistipula l-proċeduri li jirregolaw il-kontribuzzjoni finanzjarja tal-Komunità għal programmi għall-qerda, il-kontroll u l-monitoraġġ tal-mard tal-annimali u ż-żoonożi. |
(2) |
Id-Deċiżjoni tal-Kummissjoni 2008/897/KE tat-28 ta’ Novembru 2008 li tapprova programmi annwali u pluriannwali u l-kontribuzzjoni finanzjarja mill-Komunità għall-eradikazzjoni, il-kontroll u l-monitoraġġ ta’ ċertu mard tal-annimali u żoonosi ppreżentati mill-Istati Membri għall-2009 u s-snin ta’ wara (2) tapprova ċerti programmi nazzjonali u tistabbilixxi r-rata u l-ammont massimu tal-kontribuzzjoni finanzjarja tal-Komunità għal kull programm ippreżentat mill-Istati Membri. |
(3) |
Id-Deċiżjoni tal-Kummissjoni 2009/560/KE tat-22 ta’ Lulju 2009 li tapprova ċerti programmi emendati għall-qerda u l-monitoraġġ ta’ mard tal-annimali u ż-żoonożi għas-sena 2009 u li temenda d-Deċiżjoni 2008/897/KE fir-rigward tal-kontribuzzjoni finanzjarja tal-Komunità lil ċerti Stati Membri għal programmi approvati minn dik id-Deċiżjoni (3) tapprova l-verżjonijiet emendati ta’ ċerti programmi nazzjonali approvati mid-Deċiżjoni 2008/897/KE. |
(4) |
Il-Kummissjoni vvalutat ir-rapporti ppreżentati mill-Istati Membri dwar l-infiq li sar għal dawn il-programmi. Ir-riżultati ta’ din il-valutazzjoni juru li ċerti Stati Membri mhumiex se jużaw l-allokazzjoni sħiħa tagħhom għall-2009 filwaqt li oħrajn se jonfqu aktar mill-ammont allokat. |
(5) |
Il-kontribuzzjoni finanzjarja tal-Komunità għal uħud minn dawn il-programmi nazzjonali għandha għalhekk tiġi aġġustata. Huwa xieraq li jiġu riallokati fondi mill-programmi nazzjonali li mhumiex se jużaw l-allokazzjoni sħiħa tagħhom għal dawk li se jaqbżuha. Ir-riallokazzjoni għandha tkun ibbażata fuq l-aktar tagħrif reċenti dwar in-nefqa reali li saret mill-Istati Membri kkonċernati. |
(6) |
Barra minn hekk, ir-Rumanija u s-Slovakkja bagħtu programmi emendati għall-qerda tal-idrofobija u l-Polonja u s-Slovenja bagħtu programmi emendati għall-Bluetongue. |
(7) |
Il-Kummissjoni vvalutat dawn il-programmi emendati kemm mil-lat veterinarju kif ukoll mil-lat finanzjarju. Dawn il-programmi nstabu li huma konformi mal-leġiżlazzjoni veterinarja rilevanti tal-Komunità, u b’mod partikolari mal-kriterji stabbiliti fid-Deċiżjoni 2008/341/KE. Il-programmi emendati għal dawk l-erbgħa Stati Membri għandhom għalhekk jiġu approvati. |
(8) |
Id-Deċiżjoni 2008/897/KE għandha għalhekk tiġi emendata skont dan. |
(9) |
Il-miżuri stipulati f’din id-Deċiżjoni huma skont l-opinjoni tal-Kumitat Permanenti għall-Katina Alimentari u s-Saħħa tal-Annimali, |
ADOTTAT DIN ID-DEĊIŻJONI:
Artikolu 1
Il-programm emendat għall-monitoraġġ u l-qerda tal-Bluetongue ppreżentat mill-Polonja fit-30 ta’ April 2009 huwa b’dan approvat għall-perjodu mill-1 ta’ Jannar 2009 sal-31 ta’ Diċembru 2009.
Artikolu 2
Il-programm emendat għall-monitoraġġ u l-qerda tal-Bluetongue ppreżentat mis-Slovenja fit-23 ta’ Lulju 2009 huwa b’dan approvat għall-perjodu mill-1 ta’ Jannar 2009 sal-31 ta’ Diċembru 2009.
Artikolu 3
Il-programm emendat għall-qerda tal-idrofobija ppreżentat mir-Rumanija fl-20 ta’ Awwissu 2009 huwa b’dan approvat għall-perjodu mill-1 ta’ Jannar 2009 sal-31 ta’ Diċembru 2009.
Artikolu 4
Il-programm emendat għall-qerda tal-idrofobija ppreżentat mis-Slovakkja fit-3 ta’ Awwissu 2009 huwa b’dan approvat għall-perjodu mill-1 ta’ Jannar 2009 sal-31 ta’ Diċembru 2009.
Artikolu 5
Id-Deċiżjoni 2008/897/KE hija emendata kif ġej:
(1) |
Fl-Artikolu 1, il-paragrafu (2) huwa emendat kif ġej:
|
(2) |
Fl-Artikolu 2, il-paragrafu (2) jinbidel b’dan li ġej: “2. Il-kontribuzzjoni finanzjarja mill-Komunità għandha tkun bir-rata ta’ 50 % tal-ispejjeż li se jsiru minn kull Stat Membru msemmi fil-paragrafu 1 għall-ispejjeż tat-twettiq ta’ testijiet għat-tuberculin u l-gamma-interferon u l-kumpens lis-sidien għall-valur tal-annimali tagħhom maqtula soġġett għal dawn il-programmi, u ma għandhiex taqbeż:
|
(3) |
Fl-Artikolu 3(2), il-punt (b) jinbidel b’dan li ġej:
|
(4) |
Fl-Artikolu 4, il-paragrafu (2) huwa emendat kif ġej:
|
(5) |
Fl-Artikolu 5, il-paragrafu (2) huwa emendat kif ġej:
|
(6) |
Fl-Artikolu 6(2), il-punt (c) jinbidel b’dan li ġej:
|
(7) |
Fl-Artikolu 8, il-paragrafu (2) huwa emendat kif ġej:
|
(8) |
Fl-Artikolu 9, il-paragrafu (2) huwa emendat kif ġej:
|
(9) |
Fl-Artikolu 10, il-paragrafu (2), huwa emendat kif ġej:
|
(10) |
Fl-Artikolu 11(2), il-punt (d) jinbidel b’dan li ġej:
|
(11) |
Fl-Artikolu 12(2), il-punt (c) jinbidel b’dan li ġej:
|
(12) |
Fl-Artikolu 13(2) il-punti (b) sa (e) jinbidlu b’dan li ġej:
|
(13) |
Fl-Artikolu 14(2), “EUR 175 000” tinbidel b’“EUR 310 000”. |
(14) |
Fl-Artikolu 15(2), il-punt (c), jinbidel b’dan li ġej:
|
(15) |
Fl-Artikolu 15a (4), “EUR 5 400 000” tinbidel b’“EUR 3 000 000”. |
Artikolu 6
Din id-Deċiżjoni hija indirizzata lill-Istati Membri.
Magħmul fi Brussell, is-27 ta’ Novembru 2009.
Għall-Kummissjoni
Androulla VASSILIOU
Membru tal-Kummissjoni
(1) ĠU L 155, 18.6.2009, p. 30.
(2) ĠU L 322, 2.12.2008, p. 39.
(3) ĠU L 194, 25.7.2009, p. 56.