19.3.2009   

MT

Il-Ġurnal Uffiċjali tal-Unjoni Ewropea

L 73/20

(1)

Id-Deċiżjoni tal-Kummissjoni 2003/322/KE tat-12 ta’ Mejju 2003 li timplimenta r-Regolament (KE) Nru 1774/2002 tal-Parlament Ewropew u tal-Kunsill dwar l-għalf ta’ ċerti tjur nekrofaġi b’ċerti materjali tal-kategorja 1 (2) tistabbilixxi l-kundizzjonijiet għall-awtorizzazzjoni tal-għalf ta’ ċerti speċi fil-periklu jew protetti tal-għasafar nekrofaġi minn ċerti Stati Membri.

(2)

Din id-Deċiżjoni tagħti lista tal-Istati Membri awtorizzati biex jagħmlu użu minn din il-possibbiltà, l-ispeċi ta’ tjur nekrofaġi li jistgħu jingħataw l-għalf bil-materjal tal-Kategorija 1, u r-regoli li jimplimentaw li taħthom jista’ jingħata l-għalf.

(3)

Il-Bulgarija ressqet talba għall-awtorizzazzjoni tal-għalf ta’ ċerti speċi ta’ tjur nekrofaġi b’ċertu materjal tal-Kategorija 1 u ressqet tagħrif sodisfaċenti dwar l-okkorrenza ta’ dawn l-ispeċi fuq it-territorju tagħha u dwar il-miżuri ta’ sigurezza li għandhom jiġu applikati meta jingħata l-għalf ta’ prodotti sekondarji tal-annimali tal-Kategorija 1 lil dawn it-tjur.

(4)

Għalhekk id-Deċiżjoni 2003/322/KE għandha tiġi emendata skont dan.

(5)

Il-miżuri stipulati f’din id-Deċiżjoni huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali,

(1)

L-Artikolu 1 għandu jinbidel b’dan li ġej:

“Artikolu 1

Regoli ta’ implimentazzjoni dwar l-għalf ta’ tjur nekrofaġi bil-materjal tal-Kategorija 1

Skont l-Artikolu 23(2)(d) tar-Regolament (KE) Nru 1774/2002, il-Bulgarija, il-Greċja, Spanja, Franza, l-Italja, Ċipru u l-Portugall jistgħu jawtorizzaw l-użu ta’ iġsma sħaħ ta’ annimali mejta li jista’ jkollhom materjal speċifiku ta’ riskju kif imsemmi fl-Artikolu 4(1)(b)(ii) ta’ dan ir-Regolament għall-għalf tal-ispeċi fil-periklu jew protetti tat-tjur nekrofaġi kif stipulat fil-Parti A tal-Anness ta’ din id-Deċiżjoni.”

(2)

L-Artikolu 4 għandu jinbidel b’dan li ġej:

“Artikolu 4

Konformità mill-Istati Membri kkonċernati

L-Istati Membri kkonċernati għandhom jieħdu l-miżuri meħtieġa minnufih sabiex jikkonformaw ma’ din id-Deċiżjoni u jippubblikaw dawn il-miżuri. Huma għandhom jinfurmaw lill-Kummissjoni minnufih dwar dan.”

(3)

L-Artikolu 6 għandu jinbidel b’dan li ġej:

“Artikolu 6

Id-destinatarji

Din id-Deċiżjoni hija indirizzata lir-Repubblika tal-Bulgarija, lir-Repubblika Ellenika, ir-Renju ta’ Spanja, ir-Repubblika Franċiża, ir-Repubblika Taljana, ir-Repubblika ta’ Ċipru u r-Repubblika Portugiża.”

(4)

Fil-Parti A tal-Anness, qed jiżdied il-punt (g) li ġej: