EUR-Lex Access to European Union law
This document is an excerpt from the EUR-Lex website
Document 32009D0126
2009/126/EC: Commission Decision of 13 February 2009 on the Community’s financial contribution to a programme for the control of organisms harmful to plants and plant products in the French overseas departments for 2009 (notified under document number C(2009) 801)
2009/126/KE: Deċiżjoni tal-Kummissjoni tat- 13 ta' Frar 2009 dwar il-kontribut finanzjarju tal-Komunità għal programm għall-kontroll ta’ organiżmi li jagħmlu ħsara lill-pjanti u prodotti għall-pjanti fid-dipartimenti Franċiżi lil hinn mix-xtut għall-2009 (notifikata taħt id-dokument numru C(2009) 801)
2009/126/KE: Deċiżjoni tal-Kummissjoni tat- 13 ta' Frar 2009 dwar il-kontribut finanzjarju tal-Komunità għal programm għall-kontroll ta’ organiżmi li jagħmlu ħsara lill-pjanti u prodotti għall-pjanti fid-dipartimenti Franċiżi lil hinn mix-xtut għall-2009 (notifikata taħt id-dokument numru C(2009) 801)
ĠU L 44, 14.2.2009, p. 79–81
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
In force
14.2.2009 |
MT |
Il-Ġurnal Uffiċjali tal-Unjoni Ewropea |
L 44/79 |
DEĊIŻJONI TAL-KUMMISSJONI
tat-13 ta' Frar 2009
dwar il-kontribut finanzjarju tal-Komunità għal programm għall-kontroll ta’ organiżmi li jagħmlu ħsara lill-pjanti u prodotti għall-pjanti fid-dipartimenti Franċiżi lil hinn mix-xtut għall-2009
(notifikata taħt id-dokument numru C(2009) 801)
(It-test bil-Franċiż biss hu awtentiku)
(2009/126/KE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat ir-Regolament tal-Kunsill (KE) Nru 247/2006 tat-30 ta’ Jannar 2006 li jistabbilixxi miżuri speċifiċi għall-agrikoltura fir-reġjuni l-aktar il-bogħod tal-Unjoni (1) u b’mod partikolari l-ewwel sentenza tal-ewwel sottoparagrafu tal-Artikolu 17(3),
Billi:
(1) |
Il-kundizzjonijiet ta’ tkabbir fid-dipartimenti Franċiżi lil hinn mix-xtut jeħtieġu miżuri speċjali fir-rigward tal-produzzjoni tal-ħxejjex. Dawk il-miżuri jinkludu miżuri li jqumu ħafna għas-saħħa tal-pjanti. |
(2) |
Id-Deċiżjoni tal-Kummissjoni 2007/609/KE tal-10 ta’ Settembru 2007 dwar it-tifsira tal-miżuri eliġibbli għall-finanzjament tal-Komunità fil-programmi għall-kontroll ta’ organiżmi ta’ ħsara għall-pjanti u prodotti tal-pjanti f’dipartimenti Franċiżi barra mill-pajjiż, fl-Ażores u Madeira (2) tiddefinixxi l-miżuri eliġibbli għall-finanzjament Komunitarju skont il-programmi għall-kontroll ta’ organiżmi li jagħmlu ħsara lill-pjanti u l-prodotti tal-pjanti fid-dipartimenti Franċiżi lil hinn mix-xtut, l-Ażores u Madeira. |
(3) |
L-awtoritajiet Franċiżi ppreżentaw programm lill-Kummissjoni għall-2009 li jistipula l-miżuri tas-saħħa tal-pjanti fid-dipartimenti Franċiżi lil hinn mix-xtut. Dan il-programm jispeċifika l-għanijiet li jridu jinkisbu, ir-riżultati mistennija, il-miżuri li jridu jiġu mwettqa, id-dewmien tagħhom u l-ispiża tagħhom bil-ħsieb tal-possibbilità ta’ kontribut finanzjarju Komunitarju. Il-miżuri stipulati f’dak il-programm jissodisfaw ir-rekwiżiti tad-Deċiżjoni 2007/609/KE. |
(4) |
Skont l-Artikolu 3(2)(a) tar-Regolament tal-Kunsill (KE) Nru 1290/2005 tal-21 ta’ Ġunju 2005 dwar l-iffinanzjar tal-politika agrikola komuni (3), il-miżuri tas-saħħa tal-pjanti għandhom jiġu ffinanzjati mill-Fond Ewropew ta’ Garanzija Agrikolu. Għall-fini tal-kontroll finanzjarju ta’ dawk il-miżuri, l-Artikoli 9, 36 u 37 ta’ dak ir- Regolament għandhom japplikaw. |
(5) |
Il-miżuri stipulati f’din id-Deċiżjoni huma skont l-opinjoni tal-Kumitat Permanenti dwar is-Saħħa tal-Pjanti, |
ADOTTAT DIN ID-DEĊIŻJONI:
Artikolu 1
Kontribut finanzjarju Komunitarju lil Franza għall-programm uffiċjali għall-kontroll ta’ organiżmi li jagħmlu ħsara lill-pjanti u l-prodotti tal-pjanti fid-dipartimenti Franċiżi lil hinn mix-xtut għall-2009, kif speċifikat fil-Parti A tal-Anness, huwa approvat.
Għandu jkun limitat għal 60 % tal-ispiża eliġibbli totali, kif speċifikat fil-Parti B tal-Anness, b’massimu ta’ EUR 246 660 (eskluża l-VAT).
Artikolu 2
1. Għandhom jiġu mħallsa EUR 100 000 bil-quddiem fi żmien 60 jum minn wara li tasal talba ta’ ħlas minn Franza.
2. Il-bilanċ tal-kontribut finanzjarju għandu jitħallas sakemm ikun intbagħat rapport finali ta’ implimentazzjoni dwar il-programm lill-Kummissjoni f’forma elettronika sa mhux aktar tard mill-15 ta’ Marzu 2010.
Dan ir-rapport għandu jkun fih:
(a) |
valutazzjoni teknika konċiża tal-programm sħiħ, inkluż il-grad ta’ kisba tal-għanijiet fiżiċi u kwalitattivi u progress miksub, u evalwazzjoni tal-impatt immedjat fitosanitarju u ekonomiku, kif ukoll |
(b) |
dikjarazzjoni tal-ispiża finanzjarja li tindika n-nefqa proprja mqassma skont is-sottoprogramm u l-miżura. |
3. Fir-rigward tat-tqassim indikattiv tal-baġit speċifikat fil-Parti B tal-Anness, Franza tista’ taġġusta l-finanzjament bejn il-miżuri differenti fl-istess sottoprogramm f’limitu ta’ 15 % tal-kontribut Komunitarju għal dan is-sottoprogramm, sakemm l-ammont totali tal-ispejjeż eliġibbli skedati fil-programm ma jinqabiżx u li b’hekk l-għanijiet ewlenin tal-programm ma jiġux kompromessi.
Hija għandha tgħarraf lill-Kummissjoni bi kwalunkwe aġġustament li jsir.
Artikolu 3
Din id-Deċiżjoni għandha tapplika mill-1 ta’ Jannar 2009.
Artikolu 4
Din id-Deċiżjoni hija indirizzata lir-Repubblika ta’ Franza.
Magħmula fi Brussell, 13 ta’ Frar 2009.
Għall-Kummissjoni
Androulla VASSILIOU
Membru tal-Kummissjoni
(1) ĠU L 42, 14.2.2006, p. 1. ĠU L 270M, 29.9.2006, p. 182.
(2) ĠU L 242, 15.9.2007, p. 20.
(3) ĠU L 209, 11.8.2005, p. 1.
ANNESS
PROGRAMM U TQASSIM INDIKATTIV TAL-BAĠIT GĦALL-2009
Parti A
PROGRAMM
Il-programm għandu jikkonsisti f’erba’ sottoprogrammi:
(1) |
sottoprogramm interdipartimentali:
|
(2) |
sottoprogramm għad-dipartiment ta’ Martinique:
|
(3) |
sottoprogramm għad-dipartiment ta’ Guyane:
|
(4) |
sottoprogramm għad-dipartiment ta’ Guadeloupe:
|
Parti B
TQASSIM INDIKATTIV TAL-BAĠIT
(F’EURO), b’indikazzjoni tar-riżultati varji mistennija |
||||
Sottoprogrammi |
Riżultati (S: forniment ta’ servizzi, R: riċerka jew xogħol ta’ studju) |
Spejjeż eliġibbli |
Kontribut nazzjonali |
Kontribut tal-KE |
Sottoprogramm inter-DOM: |
||||
Mżura 1.1 |
Metodu ta’ PCR kwantitattiv (R) |
120 000 |
48 000 |
72 000 |
Mżura 1.2 |
Riċerka fuq il-materjal tal-pjanta taċ-Ċitru |
50 000 |
20 000 |
30 000 |
Sottototal |
|
170 000 |
68 000 |
102 000 |
Martinique |
||||
Mżura 2.1 |
Stħarriġ fitosanitarju u metodi ta’ kontroll ġodda għall-organiżmi li jagħmlu l-ħsara (S) |
95 600 |
38 240 |
57 360 |
Sottototal |
|
95 600 |
38 240 |
57 360 |
Guyane |
||||
Mżura 3.1 |
Tmexxija ta’ sistema fitosanitarja agrikola ta’ twissija (S) |
112 000 |
44 800 |
67 200 |
Sottototal |
|
112 000 |
44 800 |
67 200 |
Guadeloupe |
||||
Mżura 4.1 |
Tmexxija ta’ netwerk ta’ stħarriġ għall-ferminelli (S) |
18 500 |
7 400 |
11 100 |
Mżura 4.2 |
Azzjonijiet ta’ komunikazzjoni lill-pubbliku dwar ir-riskji ta’ introduzzjoni ta’ organiżmi li jagħmlu ħsara (S) |
15 000 |
6 000 |
9 000 |
Sottototal |
|
33 500 |
13 400 |
20 100 |
Total |
|
411 100 |
164 440 |
246 660 |