This document is an excerpt from the EUR-Lex website
Document 32008R1163
Commission Regulation (EC) No 1163/2008 of 24 November 2008 amending Council Regulation (EC) No 40/2008 as regards catch limits for certain stocks of Norway pout, whiting and haddock
Regolament tal-Kummissjoni (KE) Nru 1163/2008 ta' l- 24 ta' Novembru 2008 li jemenda r-Regolament tal-Kunsill (KE) Nru 40/2008 fir-rigward tal-limiti tal-qbid għal ċerti stokkijiet ta’ Norway pout, merlangu u haddock
Regolament tal-Kummissjoni (KE) Nru 1163/2008 ta' l- 24 ta' Novembru 2008 li jemenda r-Regolament tal-Kunsill (KE) Nru 40/2008 fir-rigward tal-limiti tal-qbid għal ċerti stokkijiet ta’ Norway pout, merlangu u haddock
ĠU L 314, 25.11.2008, p. 3–6
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
In force
25.11.2008 |
MT |
Il-Ġurnal Uffiċjali ta’ l-Unjoni Ewropea |
L 314/3 |
REGOLAMENT TAL-KUMMISSJONI (KE) Nru 1163/2008
ta' l-24 ta' Novembru 2008
li jemenda r-Regolament tal-Kunsill (KE) Nru 40/2008 fir-rigward tal-limiti tal-qbid għal ċerti stokkijiet ta’ Norway pout, merlangu u haddock
IL-KUMMISSJONI TAL-KOMUNITAJIET EWROPEJ
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat ir-Regolament tal-Kunsill (KE) Nru 40/2008 tas-16 ta' Jannar 2008 li jistabbilixxi għall-2008 l-opportunitajiet ta' sajd u l-kundizzjonijiet marbuta ma' ċerti stokkijiet ta' ħut u gruppi ta' stokkijiet ta' ħut, applikabbli fl-ilmijiet tal-Komunità u, għall-bastimenti Komunitarji, f’ilmijiet fejn huma meħtieġa limiti [azzjonijiet] tal-qbid (1), u b’mod partikolari l-Artikoli 5(5) u l-Artikolu 5(7) tiegħu,
Billi:
(1) |
Il-limiti preliminarji ta' qbid għall-istokk ta’ Norway pout fiż-żona IIIa tal-ICES u fl-ilmijiet tal-KE taż-żoni IIa u IV tal-ICES huma stabbiliti fl-Anness IA tar-Regolament (KE) Nru 40/2008. |
(2) |
Skont l-Artikolu 5(5) ta' dak ir-Regolament, il-Kummissjoni tista' tirrevedi dawk il-limiti tal-qbid fid-dawl tal-informazzjoni xjentifika miġbura matul l-ewwel semestru tal-2008. |
(3) |
Fid-dawl tal-informazzjoni xjentifika miġbura fl-ewwel semestru tal-2008, il-limiti finali tal-qbid għan-Norway pout fiż-żoni kkonċernati għandhom jiġu ffissati. |
(4) |
Skont il-Kumitat Xjentifiku, Tekniku u Ekonomiku għas-Sajd, jekk il-qbid fl-2008 jilħaq total ta’ 148 000 tunnellati, li jikkorrispondu għal valur tal-mortalità tal-ħut ta’ 0,6 dan għandu jwassal biex l-istokk jinżamm ogħla mil-limiti prekawzjonarji. |
(5) |
In-Norway pout huwa stokk tal-Baħar tat-Tramuntana li jinqasam flimkien man-Norveġja, iżda li bħalissa mhuwiex taħt ġestjoni konġunta bejn iż-żewġ Partijiet. Il-miżuri pprovduti f'dan ir-Regolament għandhom ikunu konformi mal-konsultazzjonijiet li saru man-Norveġja skont id-dispożizzjonijiet tal-Memorjal Maqbul tal-konklużjonijiet tal-konsultazzjonijiet tas-sajd bejn il-Komunità Ewropea u n-Norveġja tas-26 ta' Novembru 2007. |
(6) |
Konsegwentement, is-sehem tal-Komunità mill-qabdiet totali permessi (TAC) tan-Norway pout fiż-żona IIIa tal-ICES u fl-ilmijiet tal-KE taż-żoni IIa u IV tal-ICES għandhom jiġu stabbiliti għal 75 % ta’ 148 000 tunnellata. |
(7) |
Skont l-Artikolu 5(7) tar-Regolament (KE) Nru 40/2008, il-limiti tal-qbid għall-istokk ta’ merlangu fiż-żona IIIa tal-ICES, għall-istokk ta’ merlangu fiż-żona IV tal-ICES u tal-ilmijiet tal-KE taż-żona IIa tal-ICES, u għall-istokkijiet ta’ haddock fiż-żona IIIa tal-ICES u fl-ilmijiet tal-KE taż-żoni IIIb, IIIc u IIId, u għall-istokk ta’ haddock fiż-żona IV tal-ICES u fl-ilmijiet tal-KE taż-żona IIa jistgħu jiġu riveduti mill-Kummissjoni bħala konsegwenza tar-reviżjoni tal-limiti tal-qbid għall-istokk ta’ Norway pout f’konformità mal-Artikolu 5(5) ta’ dak ir-Regolament, biex jitqies il-qbid inċidentali kollu ta’ dawk l-istokkijiet fis-sajd għan-Norway pout. |
(8) |
Fid-dawl tal-limitazzjonijiet tas-sajd għan-Norway pout fiż-żona IIIa tal-ICES u fl-ilmijiet tal-KE taż-żoni IIIb, IIIc u IIId tal-ICES, u fin-nuqqas ta’ kwalunkwe tbassir ġdid ta’ qbid inċidentali ta’ haddock u merlangu minn sajd industrijali ieħor li jseħħ f’dawk iż-żoni, il-limiti tal-qbid għall-istokkijiet tal-merlangu u tal-haddock fiż-żona IIIa tal-ICES u fl-ilmijiet tal-KE fiż-żoni IIIb, IIIc u IIId tal-ICES għandhom jibqgħu l-istess għall-bqija tas-sena 2008. |
(9) |
Meta jitqies l-iffissar tal-limiti finali tal-qbid għan-Norway pout fiż-żona IIIa tal-ICES u fl-ilmijiet tal-KE taż-żoni IIa u IV tal-ICES, il-limiti tal-qbid għall-merlangu u l-haddock fiż-żona IV tal-ICES u fl-ilmijiet tal-KE taż-żona IIa tal-ICES għandhom jiġu riveduti. |
(10) |
In-Norway pout hija speċi li ma tgħix għal żmien twil. Għaldaqstant, il-limiti tal-qbid għandhom jiġu implimentati malajr kemm jista' jkun, sabiex jiġi evitat dewmien li jista' jwassal għal sajd żejjed tal-istokk. |
(11) |
L-Anness IA tar-Regolament (KE) Nru 40/2008 għandu għalhekk jiġi emendat kif jixraq. |
(12) |
Il-miżuri pprovduti f'dan ir-Regolament huma konformi mal-opinjoni tal-Kumitat għas-Sajd u l-Akkwakultura, |
ADOTTAT DAN IR-REGOLAMENT:
Artikolu 1
L-Anness IA tar-Regolament (KE) Nru 40/2008 huwa emendat skont l-Anness ta' dan ir-Regolament.
Artikolu 2
Dan ir-Regolament għandu jidħol fis-seħħ l-għada ta' meta jiġi ppubblikat f'Il-Ġurnal Ufficjali ta' l-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, 24 ta’ Novembru 2008.
Għall-Kummissjoni
Joe BORG
Membru tal-Kummissjoni
ANNESS
L-Anness IA tar-Regolament (KE) Nru 40/2008 huwa emendat kif ġej:
(1) |
L-annotazzjoni dwar l-istokk ta’ Norway pout fiż-żona IIIa tal-ICES u fl-ilmijiet tal-KE taż-żoni IIa u IV tal-ICES għandha tinbidel b'dan li ġej:
|
(2) |
L-annotazzjoni dwar l-istokk ta’ merlangu fiż-żona IV tal-ICES u fl-ilmijiet tal-KE taż-żona IIa tal-ICES għandha tinbidel b'dan li ġej:
|
(3) |
L-annotazzjoni dwar l-istokk ta’ haddock fiż-żona IV tal-ICES u fl-ilmijiet tal-KE taż-żona IIa tal-ICES għandha tinbidel b'dan li ġej:
|
(1) Il-kwota tista' tiġi mistada fl-ilmijiet tal-KE taż-żoni IIa, IIIa u IV tal-ICES biss.
(2) Din il-kwota jista’ jsir sajd għaliha fid-Diviżjoni VIa, fit-Tramuntana ta’ 56°30′N.”
(3) Eskluża stima ta' 1 063 tunnellata ta' qbid inċidentali industrijali.
(4) Jistgħu jinqabdu fl-ilmijiet tal-KE. Qabdiet meħuda fi ħdan din il-kwota għandhom jitnaqqsu mis-sehem tat-TAC tan-Norveġja.
Kundizzjonijiet speċjali
Fil-limiti tal-kwoti msemmija hawn fuq, ma jistgħux jittieħdu aktar mill-kwantitajiet stipulati hawn taħt miż-żoni ICES speċifikati:
|
L-ilmijiet Norveġiżi ta' IV (WHG/*04N-) |
KE |
10 884 ” |
(5) Eskluża stima ta' 746 tunnellata ta' qbid inċidentali industrijali.
Kundizzjonijiet speċjali
Fil-limiti tal-kwoti msemmija hawn fuq, ma jistgħux jinqabdu aktar mill-kwantitajiet imniżżla hawn taħt miż-żoni speċifikati:
|
L-ilmijiet Norveġiżi ta' IV (HAD/*04N-) |
KE |
28 535 ” |