Edizzjoni speċjali bil-Kroat: Kapitolu 03 Volum 053 P. 168 - 169
EUR-Lex Access to European Union law
This document is an excerpt from the EUR-Lex website
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Need more search options? Use the
Advanced search
You are here
Document 32008R1144
Commission Regulation (EC) No 1144/2008 of 18 November 2008 amending Annex II to Regulation (EC) No 998/2003 of the European Parliament and of the Council as regards Croatia (Text with EEA relevance)
Regolament tal-Kummissjoni (KE) Nru 1144/2008 tat- 18 Novembru 2008 li jemenda l-Anness II tar-Regolament (KE) Nru 998/2003 tal-Parlament Ewropew u tal-Kunsill dwar il-Kroazja Test b’relevanza għaż-ŻEE
Regolament tal-Kummissjoni (KE) Nru 1144/2008 tat- 18 Novembru 2008 li jemenda l-Anness II tar-Regolament (KE) Nru 998/2003 tal-Parlament Ewropew u tal-Kunsill dwar il-Kroazja Test b’relevanza għaż-ŻEE
ĠU L 308, 19.11.2008, p. 15–16
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
No longer in force, Date of end of validity: 28/12/2014; Imħassar b' 32013R0576
Language
HTML
PDF
Official Journal
|
19.11.2008 |
MT |
Il-Ġurnal Uffiċjali ta’ l-Unjoni Ewropea |
L 308/15 |
REGOLAMENT TAL-KUMMISSJONI (KE) Nru 1144/2008
tat-18 Novembru 2008
li jemenda l-Anness II tar-Regolament (KE) Nru 998/2003 tal-Parlament Ewropew u tal-Kunsill dwar il-Kroazja
(Test b’relevanza għaż-ŻEE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat ir-Regolament (KE) Nru 998/2003 tal-Parlament Ewropew u tal-Kunsill tas-26 ta’ Mejju 2003 dwar ir-rekwiżiti tas-saħħa tal-annimali li japplikaw għall-moviment mhux kummerċjali tal-annimali domestiċi u li jemenda d-Direttiva tal-Kunsill 92/65/KEE (1), u b’mod partikolari l-Artikolu 8(3)(a) u l-Artikolu 19 tiegħu,
Billi:
|
(1) |
Ir-Regolament (KE) Nru 998/2003 jistabbilixxi r-rekwiżiti tas-saħħa tal-annimali li japplikaw għall-moviment mhux kummerċjali tal-annimali domestiċi u r-regoli applikabbli għall-kontrolli ta’ tali movimenti. |
|
(2) |
Dawn ir-rekwiżiti mhumiex l-istess, u jiddependi jekk l-annimali domestiċi jiġux imċaqalqa minn Stat Membru għal ieħor jew minn pajjiżi terzi lejn l-Istati Membri. Barra minn hekk, ir-rekwiżiti għal dawn il-movimenti minn pajjiżi terzi huma iktar differenzjati bejn il-pajjiżi terzi elenkati fit-Taqsima 2 tal-Parti B tal-Anness II ta’ dan ir-Regolament u dawk il-pajjiżi terzi li huma elenkati fil-Parti C ta’ dan l-Anness. |
|
(3) |
Il-pajjiżi terzi li japplikaw għal regoli ta’ moviment mhux kummerċjali ta’ annimali domestiċi li jkunu tal-inqas ekwivalenti għar-regoli tal-Komunità kif stipulat fil-Kapitolu III tar-Regolament (KE) Nru 998/2003 huma elenkati fit-Taqsima 2 tal-Parti B tal-Anness II ta’ dan ir-Regolament. Dawn ir-regoli jinkludu l-possibilità għal dawn il-pajjiżi terzi li jużaw il-passaport skond il-mudell stabbilit bid-Deċiżjoni tal-Kummissjoni 2003/803/KE (2) minflok iċ-ċertfikat. |
|
(4) |
Il-moviment mhux kummerċjali ta’ annimali domestiċi minn dawn il-pajjiżi terzi lejn il-Komunità huwa soġġett għall-istess regoli bħall-moviment ta’ dawn l-annimali bejn l-Istati Membri, kif stipulat fil-Kapitolu II tar-Regolament (KE) Nru 998/2003. |
|
(5) |
Il-lista fil-Parti C tal-Anness II tar-Regolament (KE) Nru 998/2003 tinkludi l-pajjiżi u t-territorji terzi li huma ħielsa mill-idrofobija u l-pajjiżi u t-territorji terzi, inkluża l-Kroazja, fejn ir-riskju li tidħol l-idrofobija fil-Komunità bħala riżultat ta’ movimenti minn dawn il-pajjiżi u territorji terzi nstab li mhuwiex ikbar mir-riskju assoċjat mal-movimenti bejn l-Istati Membri. |
|
(6) |
Il-Kroazja dan l-aħħar talbet li tkun inkluża fit-Taqsima 2 tal-Parti B tal-Anness II tar-Regolament (KE) Nru 998/2003 biex tissimplifika l-movimenti tal-annimali domestiċi bejn il-Kroazja u l-UE. |
|
(7) |
Wara li kkunsidrat s-informazzjoni pprovduta mill-Kroazja dwar il-leġiżlaszjoni nazzjonali tagħha, jidher li l-Kroazja tapplika regoli għall-moviment mhux kummerċjali li huma tal-inqas ekwivalenti għar-regoli tal-Komunità kif stipulat fil-Kapitolu III tar-Regolament (KE) Nru 998/2003. |
|
(8) |
Huwa għalhekk xieraq li titħassar il-Kroazja mil-lista fil-Parti C tal-Anness II tar-Regolament (KE) Nru 998/2003 u li tiddaħħal fil-lista fit-Taqsima 2 tal-Parti B ta’ dan l-Anness. |
|
(9) |
Ir-Regolament (KE) Nru 998/2003 għandu għalhekk jiġi emendat skond dan. |
|
(10) |
Il-miżuri stipulati f’dan ir-Regolament huma skond l-opinjoni tal-Kumitat Permanenti għall-Katina Alimentari u s-Saħħa tal-Annimali, |
ADOTTAT DAN IR-REGOLAMENT:
Artikolu 1
L-Anness II tar-Regolament (KE) Nru 998/2003 huwa emendat kif ġej:
|
(1) |
Fit-Taqsima 2 tal-Parti B, l-annotazzjoni li ġejja tiddaħħal bejn l-annotazzjoni għall-Iżvizzera u dik għall-Iżlanda: “HR Kroazja” |
|
(2) |
Fil-Parti C, titħassar l-annotazzjoni li ġejja: “HR Kroazja”. |
Artikolu 2
Dan ir-Regolament għandu jidħol fis-seħħ fit-tielet jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, 18 ta’ Novembru 2008.
Għall-Kummissjoni
Androulla VASSILIOU
Membru tal-Kummissjoni
(1) ĠU L 146, 13.6.2003, p. 1.
(2) ĠU L 312, 27.11.2003, p. 1.