Edizzjoni speċjali bil-Kroat: Kapitolu 02 Volum 018 P. 51 - 52
EUR-Lex Access to European Union law
This document is an excerpt from the EUR-Lex website
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Need more search options? Use the
Advanced search
You are here
Document 32008R0977
Commission Regulation (EC) No 977/2008 of 3 October 2008 concerning the classification of certain goods in the TARIC
Regolament tal-Kummissjoni (KE) Nru 977/2008 tat- 3 ta' Ottubru 2008 dwar il-klassifikazzjoni ta' ċerta merkanzija fit-TARIC
Regolament tal-Kummissjoni (KE) Nru 977/2008 tat- 3 ta' Ottubru 2008 dwar il-klassifikazzjoni ta' ċerta merkanzija fit-TARIC
ĠU L 266, 7.10.2008, p. 8–9
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
No longer in force, Date of end of validity: 03/06/2013; Imħassar b' 32013R0441
Language
HTML
PDF
Official Journal
|
7.10.2008 |
MT |
Il-Ġurnal Uffiċjali ta’ l-Unjoni Ewropea |
L 266/8 |
REGOLAMENT TAL-KUMMISSJONI (KE) Nru 977/2008
tat-3 ta' Ottubru 2008
dwar il-klassifikazzjoni ta' ċerta merkanzija fit-TARIC
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat ir-Regolament tal-Kunsill (KEE) Nru 2658/87 tat-23 ta' Lulju 1987 dwar in-nomenklatura tat-tariffa u l-istatistika u dwar it-Tariffa Komuni Doganali (1), u b’mod partikolari l-Artikolu 9(1)(a) tiegħu,
Billi:
|
(1) |
Sabiex tiġi żgurata l-applikazzjoni uniformi tat-TARIC imsemmija fl-Artikolu 2 tar-Regolament (KEE) Nru 2658/87, jeħtieġ li jiġu adottati miżuri li jikkonċernaw il-klassifikazzjoni tal-merkanzija msemmija fl-Anness għal dan ir-Regolament. |
|
(2) |
Ir-Regolament (KEE) Nru 2658/87 stipula r-regoli ġenerali għall-interpretazzjoni tan-Nomenklatura Magħquda. Dawk ir-regoli japplikaw ukoll għal kwalunkwe nomenklatura oħra li hija totalment jew parzjalment ibbażata fuqha jew li żżidilha kwalunkwe subdiviżjoni addizzjonali u li hija stabbilita minn dispożizzjonijiet Komunitarji speċifiċi, bil-ħsieb tal-applikazzjoni ta' miżuri tariffarji u ta’ miżuri oħrajn li għandhom x'jaqsmu mal-kummerċ tal-merkanzija. |
|
(3) |
Skont dawk ir-regoli ġenerali, il-merkanzija msemmija fil-kolonna 1 tat-tabella fl-Anness għandha tiġi kklassifikata skont il-kodiċi TARIC indikati fil-kolonna 2, bis-saħħa tar-raġunijiet stabbiliti fil-kolonna 3 ta' dik it-tabella. |
|
(4) |
Huwa xieraq li jkun stiplulat li tagħrif dwar it-tariffi li jorbtu li ġie ppubblikat mill-awtoritajiet tad-dwana tal-Istati Membri fir-rigward tal-klassifikazzjoni tal-merkanzija fit-TARIC, iżda li mhuwiex skont dan ir-Regolament, jista', għal perjodu ta' tliet xhur, jibqa’ jiġi invokat mid-detentur, skont l-Artikolu 12(6) tar-Regolament tal-Kunsill (KEE) Nru 2913/92 tat-12 ta' Ottubru 1992 li jistabbilixxi l-Kodiċi Doganali tal-Komunità (2). |
|
(5) |
Il-miżuri stipulati f'dan ir-Regolament huma skont l-opinjoni tal-Kumitat tal-Kodiċi Doganali, |
ADOTTAT DAN IR-REGOLAMENT:
Artikolu 1
L-oġġetti deskritti fil-kolonna 1 tat-tabella li hemm fl-Anness għandhom jiġu kklassifikati fit-TARIC skont il-kodiċi TARIC indikati fil-kolonna 2 ta' dik it-tabella.
Artikolu 2
Tagħrif tariffarju li jorbot maħruġ mill-awtoritajiet doganali tal-Istati Membri, li mhuwiex skont dan ir-Regolament, jista' jkompli jiġi invokat għal perjodu ta' tliet xhur skont l-Artikolu 12(6) tar-Regolament (KEE) Nru 2913/92.
Artikolu 3
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, 3 ta’ Ottubru 2008.
Għall-Kummissjoni
László KOVÁCS
Membru tal-Kummissjoni
(1) ĠU L 256, 07.9.1987, p. 1.
(2) ĠU L 302, 19.10.1992, p. 1.
ANNESS
|
Deskrizzjoni tal-oġġetti |
Klassifika (Kodiċi TARIC) |
Raġunijiet |
||
|
(1) |
(2) |
(3) |
||
|
3920621994 |
Il-klassifikazzjoni hija ddeterminata mir-Regoli Ġenerali 1 u 6 għall-interpretazzjoni tan-Nomenklatura Magħquda, in-Nota 10 tal-Kapitolu 39 tan-NM u l-kliem tal-kodiċi NM 3920 , 3920 62 u 3920 62 19 u l-kodiċi TARIC 3920621994 . Il-metallizzazzjoni tal-wiċċ għandha tiġi kkunsidrata bħala trattament tal-wiċċ li ma jirrinforzax il-film. Għalhekk l-oġġetti għandhom jiġu kklassifikati fl-intestatura 3920 (ara n-Noti ta’ Spjegazzjoni tas-Sistema Armonizzata għall-intestatura 3920 – ir-raba’ paragrafu). Il-film ma għandux il-karatteristiċi ta’ oġġetti kklassifikati taħt l-intestaturi 3920621100 sa 3920621988 . Il-film għandu jiġi kklassifikat fl-intestatura 3920621994 għaliex il-kliem “film tal-poli(etilene tereftalat) (PET)” tas-subintestatura 3920621994 tkopri film tal-PET ta’ ħxuna li ma taqbiżx 0,35 mm li ma jistax jiġi kklassifikat taħt il-kodiċi TARIC 3920621100 sa 3920621988 . |
||
|
3920629094 |
Il-klassifika hija ddeterminata mir-Regoli Ġenerali 1 u 6 għall-interpretazzjoni tan-Nomenklatura Magħquda, in-Nota 10 tal-Kapitolu 39 tan-NM u l-kliem tal-kodiċi NM 3920 , 3920 62 u 3920 62 90 u l-kodiċi TARIC 3920629094 . Il-metallizzazzjoni tal-wiċċ għandha tiġi kkunsidrata bħala trattament tal-wiċċ li ma jirrinforzax il-film. Għalhekk l-oġġetti għandhom jiġu kklassifikati fl-intestatura 3920 (ara n-Noti ta’ Spjegazzjoni tas-Sistema Armonizzata għall-intestatura 3920 – ir-raba’ paragrafu). Il-film ma għandux il-karatteristiċi ta’ oġġetti kklassifikati taħt l-intestaturi 3920629020 sa 3920629040 . Il-film għandu jiġi kklassifikat fl-intestatura 3920629094 għaliex il-kliem “film tal-poli(etilene tereftalat) (PET)” tas-subintestaturi 3920629094 ikopru film tal-PET ta’ ħxuna li taqbeż 0,35 mm li ma jistax jiġi kklassifikat taħt il-kodiċi TARIC 3920629020 sa 3920629040 . |