EUR-Lex Access to European Union law
This document is an excerpt from the EUR-Lex website
Document 32008R0722
Commission Regulation (EC) No 722/2008 of 25 July 2008 amending Regulation (EEC) No 563/82 as regards the adjustment factors to be used for establishing the market prices of carcases of adult bovine animals
Regolament tal-Kummissjoni (KE) Nru 722/2008 tal- 25 ta’ Lulju 2008 li jemenda r-Regolament (KEE) Nru 563/82 rigward il-fatturi ta’ aġġustament li għandhom jintużaw għall-iffissar tal-prezzijiet tal-karkassi ta’ annimali bovini adulti
Regolament tal-Kummissjoni (KE) Nru 722/2008 tal- 25 ta’ Lulju 2008 li jemenda r-Regolament (KEE) Nru 563/82 rigward il-fatturi ta’ aġġustament li għandhom jintużaw għall-iffissar tal-prezzijiet tal-karkassi ta’ annimali bovini adulti
ĠU L 198, 26.7.2008, p. 26–27
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 31/12/2008; Impliċitament imħassar minn 32008R1249
26.7.2008 |
MT |
Il-Ġurnal Uffiċjali ta’ l-Unjoni Ewropea |
L 198/26 |
REGOLAMENT TAL-KUMMISSJONI (KE) Nru 722/2008
tal-25 ta’ Lulju 2008
li jemenda r-Regolament (KEE) Nru 563/82 rigward il-fatturi ta’ aġġustament li għandhom jintużaw għall-iffissar tal-prezzijiet tal-karkassi ta’ annimali bovini adulti
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat ir-Regolament tal-Kunsill (KE) Nru 1183/2006 ta’ l-24 ta’ Lulju 2006 dwar l-iskala Komunitarja għall-klassifika tal-karkassi ta’ annimali bovini adulti (1), u b'mod partikolari t-tielet paragrafu ta’ l-Artikolu 3 tiegħu,
Billi,
(1) |
L-Artikolu 3 tar-Regolament (KE) Nru 1183/2006 jiddefinixxi l-preżentazzjoni ta’ referenza ta’ l-UE tal-karkassi. Barra minn hekk, jipprovdi li fejn Stat Membru juża preżentazzjoni tal-karkassi differenti minn din il-preżentazzjoni ta’ referenza, għandhom ikunu ddeterminati l-fatturi ta’ aġġustament biex jingħadda minn dik il-preżentazzjoni għall-preżentazzjoni ta’ referenza. |
(2) |
Ir-Regolament tal-Kummissjoni (KEE) Nru 563/82 ta’ l-10 ta’ Marzu 1982 li jistabbilixxi regoli dettaljati għall-applikazzjoni tar-Regolament (KEE) Nru 1208/81 li jistabbilixxi l-prezzijiet tas-suq ta’ l-annimali adulti ta’ l-ifrat fuq il-bażi ta’ l-iskala tal-Komunità għall-klassifikazzjoni tal-karkassi (2) jistipula r-regoli dettaljati dwar ir-reġistrazzjoni tal-prezzijiet fis-suq ta’ l-annimali bovini adulti abbażi ta’ l-iskala tal-Komunità għall-klassifikazzjoni tal-karkassi ta’ l-annimali bovini adulti. |
(3) |
Ir-Renju Unit talab li fl-Anness għar-Regolament (KEE) Nru 563/82 jiddaħħlu żewġ koeffiċjenti addizzjonali għat-tneħħija tax-xaħam tas-sidra u tax-xaħam tal-ġenba. Biex tibqa’ żgurata d-disponibbiltà ta’ prezzijiet komparabbli fil-Komunità, għandhom jiġu adattati l-fatturi ta’ aġġustament iddeterminati fl-Anness għal dak ir-Regolament. |
(4) |
Ir-Regolament (KEE) Nru 563/82 għandu għaldaqstant jiġi emendat skond dan. |
(5) |
Il-Kumitat ta’ Ġestjoni taċ-Ċanga u l-Vitella ma tax opinjoni fil-limitu ta’ żmien stipulat mill-President tiegħu, |
ADOTTAT DAN IR-REGOLAMENT:
Artikolu 1
L-Anness għar-Regolament (KEE) Nru 563/82 huwa mibdul bit-test fl-Anness għal dan ir-Regolament.
Artikolu 2
Dan ir-Regolament għandu jidħol fis-seħħ fit-tielet jum wara l-pubblikazzjoni tiegħu fil-Ġurnal Uffiċjali ta’ l-Unjoni Ewropea.
Dan ir-Regolament jorbot fl-intier tiegħu u huwa direttament applikabbli fl-Istati Membri kollha.
Magħmul fi Brussell, 25 ta’ Lulju 2008.
Għall-Kummissjoni
Mariann FISCHER BOEL
Membru tal-Kummissjoni
(1) ĠU L 214, 4.8.2006, p. 1. Ir-Regolament (KE) Nru 1183/2006 se jinbidel bir-Regolament (KE) Nru 1234/2007 (ĠU L 299, 16.11.2007, p. 1) b'seħħ mill-1 ta’ Jannar 2009.
(2) ĠU L 67, 11.3.1982, p. 23. Ir-Regolament kif emendat l-aħħar bir-Regolament (KE) Nru 2181/2001 (ĠU L 293, 10.11.2001, p. 8).
ANNESS
“ANNESS
Fatturi ta’ aġġustament imsemmija fl-Artikolu 3 tar-Regolament (KE) Nru 1183/2006
(bħala perċentwali tal-piż tal-karkassa) |
||||||||
Perċentwali |
Tnaqqis |
Żieda |
||||||
Klassi tax-xaħam |
1-2 |
3 |
4-5 |
1 |
2 |
3 |
4 |
5 |
Kliewi |
–0,4 |
|
||||||
Xaħam tal-kliewi |
–1,75 |
–2,5 |
–3,5 |
|||||
Xaħam pelviku |
–0,5 |
|
||||||
Fwied |
–2,5 |
|||||||
Falda rqiqa |
–0,4 |
|||||||
Falda ħoxna |
–0,4 |
|||||||
Denb |
–0,4 |
|||||||
Sinsla |
–0,05 |
|||||||
Xaħam mammarju |
–1,0 |
|||||||
Testikoli |
–0,3 |
|||||||
Xaħam ta’ l-iskrotu |
–0,5 |
|||||||
Xaħam mal-ġewwieni tan-naħa ta' fuq |
–0,3 |
|||||||
Il-vina ġugulari u x-xaħam ta' madwarha |
–0,3 |
|||||||
Tneħħija tax-xaħam estern |
|
0 |
0 |
+2,0 |
+3,0 |
+4,0 |
||
Tneħħija tax-xaħam tas-sidra biex titħalla għata ta’ xaħam (it-tessuti muskulari ma għandhomx ikunu mikxufa) |
|
0 |
+0,2 |
+0,2 |
+0,3 |
+0,4 |
||
Tneħħija tax-xaħam tal-ġenba li jmiss max-xaħam ta’ l-iskrotu |
|
0 |
+0,3 |
+0,4 |
+0,5 |
+0,6 ” |