EUR-Lex Access to European Union law
This document is an excerpt from the EUR-Lex website
Document 32008R0665
Commission Regulation (EC) No 665/2008 of 14 July 2008 laying down detailed rules for the application of Council Regulation (EC) No 199/2008 concerning the establishment of a Community framework for the collection, management and use of data in the fisheries sector and support for scientific advice regarding the Common Fisheries Policy
Regolament tal-Kummissjoni (KE) Nru 665/2008 ta’ l- 14 ta’ Lulju 2008 li jistabbilixxi regoli dettaljati għall-applikazzjoni tar-Regolament tal-Kunsill (KE) Nru 199/2008 tal- 25 ta’ Frar 2008 dwar l-istabbiliment ta’ qafas Komunitarju għall-ġbir, il-ġestjoni u l-użu ta’ data fis-settur tas-sajd u appoġġ għall-parir xjentifiku fir-rigward tal-Politika Komuni tas-Sajd
Regolament tal-Kummissjoni (KE) Nru 665/2008 ta’ l- 14 ta’ Lulju 2008 li jistabbilixxi regoli dettaljati għall-applikazzjoni tar-Regolament tal-Kunsill (KE) Nru 199/2008 tal- 25 ta’ Frar 2008 dwar l-istabbiliment ta’ qafas Komunitarju għall-ġbir, il-ġestjoni u l-użu ta’ data fis-settur tas-sajd u appoġġ għall-parir xjentifiku fir-rigward tal-Politika Komuni tas-Sajd
ĠU L 186, 15.7.2008, p. 3–5
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
In force: This act has been changed. Current consolidated version: 29/10/2015
15.7.2008 |
MT |
Il-Ġurnal Uffiċjali ta’ l-Unjoni Ewropea |
L 186/3 |
REGOLAMENT TAL-KUMMISSJONI (KE) Nru 665/2008
ta’ l-14 ta’ Lulju 2008
li jistabbilixxi regoli dettaljati għall-applikazzjoni tar-Regolament tal-Kunsill (KE) Nru 199/2008 tal-25 ta’ Frar 2008 dwar l-istabbiliment ta’ qafas Komunitarju għall-ġbir, il-ġestjoni u l-użu ta’ data fis-settur tas-sajd u appoġġ għall-parir xjentifiku fir-rigward tal-Politika Komuni tas-Sajd
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità’ Ewropea,
Wara li kkunsidrat ir-Regolament tal-Kunsill (KE) Nru 199/2008 tal-25 ta’ Frar 2008 dwar l-istabbiliment ta’ qafas Komunitarju għall-ġbir, il-ġestjoni u l-użu ta’ fis-settur tas-sajd u appoġġ għall-parir xjentifiku fir-rigward tal-Politika Komuni tas-Sajd (1), u b’mod partikolari l-Artikoli 4(4), 5(3), 7(1), 8(7), 12(2) u 25 tiegħu,
Billi:
(1) |
Ir-Regolament (KE) Nru 199/2008 jistabbilixxi qafas Komunitarju għall-ġbir, il-ġestjoni u l-użu ta’ data bl-għan li tiġi stabbilita bażi b'saħħitha għall-analiżi tas-sajd u biex tkun provduta l-formulazzjoni ta’ parir xjentifiku sod għall-implimentazzjoni tal-Politika Komuni tas-Sajd (minn hawn ‘il quddiem il-“PKS”). |
(2) |
Il-protokolli u l-metodi għall-ġbir u l-monitoraġġ tad-data għandhom ikunu konformi ma’ l-istandards ta’ kwalità stabbiliti minn korpi xjentifiċi internazzjonali, organizzazzjonijiet reġjonali tal-ġestjoni tas-sajd u għandhom ikunu bbażati fuq l-esperjenza li tinkiseb mill-ġbir tad-data dwar is-sajd, minn meta kien stabbilit għall-ewwel darba l-qafas Komunitarju fl-2000, u fuq il-parir provdut mill-Kumitat Xjentifiku, Tekniku u Ekonomiku dwar is-Sajd (minn hawn ‘il quddiem is-“STECF”). |
(3) |
Il-programmi multi-annwali nazzjonali għall-ġbir, il-ġestjoni u l-użu ta’ data għandhom ikunu stabbiliti mill-Istati Membri skond il-programm multi-annwali Komunitarju. Dawn il-programmi għandhom jitressqu lill-Kummissjoni kmieni biżżejjed biex il-Kummissjoni tkun tista’ tieħu deċiżjonijiet finanzjarji f’waqthom għas-sena ta’ wara. L-Istati Membri għandhom jevitaw il-ġbir doppju tad-data. L-Istati Membri għandhom jirrappurtaw dwar l-implimentazzjoni tal-programmi nazzjonali tagħhom. |
(4) |
Il-koordinazzjoni ta’ l-azzjonijiet ta’ l-Istati Membri u fejn ikun possibbli t-tqassim tax-xogħol fost il-programmi nazzjonali għandhom ikunu żgurati fuq il-livell reġjonali. |
(5) |
Il-programm multi-annwali Komunitarju għandu jkun soġġett għal deċiżjoni separata tal-Kummissjoni. |
(6) |
Il-miżuri pprovduti f'dan ir-Regolament huma bi qbil ma’ l-opinjoni tal-Kumitat tal-Ġestjoni tas-Sajd u l-Akkwakultura. |
ADOTTAT DAN IR-REGOLAMENT:
Artikolu 1
Komponenti tal-programmi nazzjonali
Il-programmi multi-annwali nazzjonali msemmija fl-Artikolu 4 tar-Regolament (KE) Nru 199/2008 għandhom jikkonsistu fi:
(a) |
L-azzjonijiet ippjanati, f’unitajiet u taqsimiet kif imsemmija fil-programm multi-annwali Komunitarju u skond ir-reġjuni li ġejjin:
|
(b) |
L-elementi tal-kontijiet analitiċi mqassma skond l-unitajiet u taqsimiet kif imsemmija fil-programm multi-annwali Komunitarju u skond ir-reġjuni kif imsemmi fil-punt (a) ta’ dan l-Artikolu; |
(ċ) |
Deskrizzjoni dettaljata ta’ l-istrateġiji għat-teħid ta’ kampjuni li għandhom ikunu segwiti u l-istimi statistiċi użati li jagħmluha possibbli li jkunu apprezzati l-livelli ta’ preċiżjoni u r-relazzjoni bejn l-ispiża u l-preċiżjoni; |
(d) |
L-elementi li juru li l-programmi nazzjonali huwa koordinati fl-istess reġjun u li dawk il-ħidmiet jitqassmu bejn l-Istati Membri rilevanti. |
Artikolu 2
Preżentazzjoni tal-programmi nazzjonali
1. Il-programmi multi-annwali nazzjonali għandhom jitressqu b’mezzi elettroniċi lill-Kummissjoni sal-31 ta’ Marzu tas-sena qabel il-perjodu ta’ implimentazzjoni tal-programm multi-annwali. L-ewwel perjodu għandu jinkludi s-snin 2009-2010. Għal dan il-perjodu, il-programmi nazzjonali għandhom jitressqu sal-15 ta’ Ottubru 2008.
2. Meta jressqu l-programmi nazzjonali, l-Istati Membri għandhom jużaw:
(a) |
il-mudelli u l-linji gwida stabbiliti mis-STECF rigward l-aspetti tekniċi u xjentifiċi tal-programm; |
(b) |
il-formoli finanzjarji pprovduti mill-Kummissjoni rigward l-aspetti finanzjarji tal-programm. |
Artikolu 3
Koordinazzjoni nazzjonali u Koordinazzjoni bejn il-Kummissjoni u l-Istati Membri
1. Kull Stat Membru għandu jaħtar korrispondent nazzjonali li għandu jkun il-kuntatt ewlieni għall-iskambju ta’ informazzjoni bejn il-Kummissjoni u l-Istati Membri rigward it-tħejjija u l-implimentazzjoni tal-programmi nazzjonali.
2. Fil-każ li jipparteċipaw bosta korpi fil-programm nazzjonali, il-korrispondent nazzjonali għandu jkun responsabbli għall-korrdinazzjoni tal-programm nazzjonali. Fid-dawl ta’ dan, kull sena għandha tiġi organizzata laqgħa ta’ koordinazzjoni nazzjonali. Jekk ikun meħtieġ laqgħa oħra tista' tkun organizzata. Laqgħat bħal dawn għandhom ikunu organizzati mill-korrispondent nazzjonali u għandhom jattendu biss dawk il-membri tal-korpi involuti fil-programm nazzjonali. Il-Kummissjoni tista' tipparteċipa f’dawn il-laqgħat.
3. Rapport tal-laqgħa ta’ koordinazzjoni nazzjonali msemmi fil-paragrafu 2 għandu jkun inkluż fir-rapport annwali msemmi fl-Artikolu 7(1) tar-Regolament (KE) Nru 199/2008.
4. L-appoġġ finanzjarju Komunitarju għal-laqgħat msemmija fil-paragrafu 2, għandu jkun soġġett għall-konformità mill-Istati Membri ma’ dan l-Artikolu.
Artikolu 4
Koordinazzjoni Reġjonali
1. Il-Laqgħat ta’ Koordinazzjoni Reġjonali msemmija fl-Artikolu 5(1) tar-Regolament (KE) Nru 199/2008 għandhom jevalwaw l-aspetti ta’ koordinazzjoni reġjonali tal-programmi nazzjonali u fejn meħtieġ għandhom iressqu rakkomandazzjonijiet għal integrazzjoni mtejba tal-programmi nazzjonali u għat-tqassim tax-xogħol fost l-Istati Membri.
2. Il-President tal-laqgħa għandu jinħatar mil-Laqgħa ta’ Koordinazzjoni Reġjonali bi qbil mal-Kummissjoni għal perjodu ta’ sentejn.
3. Il-Laqgħat ta’ Koordinazzjoni Reġjonali jistgħu jseħħu darba fis-sena. It-termini ta’ referenza għal-laqgħa għandhom ikunu proposti mill-Kummissjoni bi qbil mal-President u għandhom jintbagħtu lill-korrispondenti nazzjonali msemmija fl-Artikolu 3(1) tliet ġimgħat qabel il-laqgħa. Stati Membri għandhom jibagħtu l-listi tal-parteċipanti lill-Kummissjoni ġimgħatejn qabel il-laqgħa.
Artikolu 5
Preżentazzjoni tar-rapport annwali
1. B’mezzi elettroniċi, l-Istati Membri għandhom jibagħtu r-rapport annwali msemmi fl-Artikolu 7(1) tar-Regolament (KE) Nru 199/2008 sal-31 ta’ Mejju ta’ kull sena wara s-sena li fiha jku ġie implimentat il-programm nazzjonali. Skond l-unitajiet u t-taqsimiet imsemmija fil-programm multi-annwali Komunitarju u skond ir-reġjuni kif imsemmi fl-Artikolu 1(a), ir-rapport annwali għandu jkun fih b’mod partikolari:
(a) |
preżentazzjoni ta’ l-eżekuzzjoni annwali tal-programm li tispeċifika r-riżultati ta’ l-azzjonijiet ippjanati; |
(b) |
l-elementi tal-kontijiet analitiċi annwali. |
2. Meta jressqu r-rapport annwali, l-Istati Membri għandhom jużaw:
(a) |
il-mudelli u l-linji gwida stabbiliti mis-STECF rigward l-aspetti tekniċi u xjentifiċi tal-programm; |
(b) |
il-formoli finanzjarji pprovduti mill-Kummissjoni rigward l-aspetti finanzjarji tal-programm. |
Artikolu 6
Tnaqqis ta’ l-Assistenza finanzjarja Komunitarja
1. It-tnaqqis ta’ l-assistenza finanzjarja Komunitarja, imsemmi fl-Artikoli 8(5)(a) u 8(5)(b) tar-Regolament (KE) Nru 199/2008, għandu jkun proporzjonali ma’ l-għadd ta’ ġimgħat ta’ dewmien li jgħoddu mid-dati ta’ skadenza msemmija fl-Artikoli 2 u 5. Il-proporzjon tat-tnaqqis għandu jkun ta’ 2% ta’ l-assistenza finanzjarja Komunitarja totali għal kull ġimgħatejn ta’ dewmien, bi tnaqqis massimu ta’ 25% tan-nefqa annwali totali tal-programm nazzjonali.
2. It-tnaqqis ta’ l-assistenza finanzjarja Komunitarja, imsemmi fl-Artikoli 8(5)(ċ) tar-Regolament tal-Kunsill (KE) Nru 199/2008, għandu jkun proporzjonali ma’ l-għadd ta’ nuqqasijiet ta’ għoti ta’ data lill-utenti finali. Il-proporzjon tat-tnaqqis għandu jkun ta’ 1% ta’ l-assistenza finanzjarja Komunitarja totali għal kull nuqqas li tiġi sodisfatta d-domanda, bi tnaqqis massimu ta’ 25% tan-nefqa annwali totali tal-programm nazzjonali.
3. F’każijiet fejn japplikaw sew il-paragrafu (1) kif ukoll (2), it-tnaqqis massimu kumulattiv ma għandux jaqbeż 25% ta’ l-ispiża totali annwali tal-programm nazzjonali.
Artikolu 7
Stħarriġ ta’ riċerka fuq il-baħar
1. Il-lista ta’ stħarriġ fuq il-baħar eliġibbli għall-assistenza finanzjarja Komunitarja, kif imsemmi fl-Artikolu 12 tar-Regolament tal-Kunsill (KE) Nru 199/2008, hija pprovduta fil-programm multi-annwali Komunitarju.
2. Abbażi ta’ parir mill-STECF, il-Kummissjoni tista’ taġġorna l-lista msemmija fil-paragrafu 1 u tawtorizza lill-Istati Membri biex jagħmlu bidliet fit-tfassil ta’ l-istħarriġ ta’ riċerka fuq il-baħar.
Artikolu 8
Amministrazzjoni tad-data primarja u metadata
1. Id-databases kompjuterizzati mazzjonali msemmija fl-Artikolu 13 tar-Regolament tal-Kunsill (KE) Nru 199/2008 għandhom ikunu marbuta man-netwerk komputerizzat nazzjonali biex b'hekk ikun hemm skambju ta’ data u informazzjoni fost l-Istati Membri b’mod effiċenti fl-infiq.
2. Kull Stat Membru għandu jkollu websajt ċentrali waħda li sservi ta’ punt ta’ depożitu għat-tagħrif kollu marbut mal-qafas tal-ġbir tad-data tar-Regolament tal-Kunsill (KE) Nru 199/2008. Il-websajt għandha tkun aċċessibbli għall-parteċipanti kollha involuti fil-programm nazzjonali tal-ġbir tad-data.
Artikolu 9
Segwiment tat-talbiet u t-trażmissjonijiet ta’ data
1. Għall-iskop ta’ l-Artikolu 20 tar-Regolament (KE) Nru 199/2008, l-Istati Membri għandhom joħolqu database komputerizzata u jagħmlu disponibbli skond it-talba mill-Kummissjoni, it-tagħrif li jirrigwarda t-talbiet ta’ data li jkunu rċievu u r-risposti li jkunu taw.
2. Id-database msemmija fil-paragrafu 1 għandu jkun fiha l-informazzjoni dwar li ġej:
(a) |
it-talbiet, id-data tat-talbiet, it-tip u l-għan tad-data mitluba, l-ispeċifikazzjoni ta’ l-utent finali; |
(b) |
it-tweġibiet, id-data tat-tweġibiet u t-tip ta’ data trażmessa. |
Artikolu 10
Appoġġ għall-parir xjentifiku
1. Sabiex ikunu żgurati livelli suffiċjenti ta’ għarfien espert, il-Komunità tista' tipprovdi l-appoġġ finanzjarju għall-parteċipazzjoni ta’ l-esperti fil-laqgħat xjentifiċi rilevanti ta’ l-organizzazzjonijiet ta’ ġestjoni tas-sajd reġjonali li l-Komunità tkun parti kontraenti jew osservatur tagħhom, kif ukoll għall-korpi xjentifiċi internazzjonali responsabbli għall-għoti ta’ parir xjentifiku, kif imsemmi fl-Artikolu 23 tar-Regolament (KE) Nru 199/2008.
2. Sal-15 ta’ Diċembru ta’ kull sena, il-Kummissjoni għandha tipprovdi l-Istati Membri bil-lista ta’ laqgħat li tikkonsidra bħala eliġibbli għall-appoġġ finanzjarju Komunitarju għall-parteċipazzjoni ta’ l-esperti għas-sena ta’ wara.
3. L-appoġġ finanzjarju Komunitarju għall-parteċipazzjoni ta’ l-esperti f’kull laqgħa xjentifika għandu jkun limitat għal massimu ta’ żewġ esperti għal kull Stat Membru.
Artikolu 11
Dħul fis-seħħ
Dan ir-Regolament għandu jidħol fis-seħħ fis-seba' jum wara dak tal-pubblikazzjoni tiegħu fil-Ġurnal Uffiċjali ta’ l-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, 14 ta’ Lulju 2008.
Għall-Kummissjoni
Joe BORG
Membru tal-Kummissjoni