Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32008R0400

Regolament tal-Kummissjoni (KE) Nru 400/2008 tal- 5 ta’ Mejju 2008 li jemenda għall-95 darba r-Regolament tal-Kunsill (KE) Nru 881/2002 li jimponi ċerti miżuri speċifiċi restrittivi diretti kontra ċerti persuni u entitajiet assoċjati ma’ Usama bin Laden, in-netwerk ta’ Al-Qaida u t-Taliban

ĠU L 118, 6.5.2008, pp. 14–15 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

⏵Dan id-dokument ġie ppubblikat f’edizzjoni(jiet) speċjali (HR)

Legal status of the document In force

ELI: http://data.europa.eu/eli/reg/2008/400/oj

6.5.2008   

MT

Il-Ġurnal Uffiċjali ta’ l-Unjoni Ewropea

L 118/14

REGOLAMENT TAL-KUMMISSJONI (KE) Nru 400/2008

tal-5 ta’ Mejju 2008

li jemenda għall-95 darba r-Regolament tal-Kunsill (KE) Nru 881/2002 li jimponi ċerti miżuri speċifiċi restrittivi diretti kontra ċerti persuni u entitajiet assoċjati ma’ Usama bin Laden, in-netwerk ta’ Al-Qaida u t-Taliban

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat ir-Regolament tal-Kunsill (KE) Nru 881/2002 li jimponi ċerti miżuri speċifiċi restrittivi diretti kontra ċerti persuni u entitajiet assoċjati ma’ Usama bin Laden, in-netwerk ta’ Al-Qaida u t-Taliban, u li jħassar ir-Regolament tal-Kunsill (KE) Nru 467/2001 li jipprojbixxi l-esportazzjoni ta’ ċerti merkanzija u servizzi lejn l-Afganistan, waqt li jsaħħaħ il-projbizzjoni ta’ titjiriet u jestendi l-friża fuq fondi u riżorsi finanzjarji oħra fir-rigward tat-Taliban ta’ l-Afganistan (1), u b'mod partikolari l-ewwel inċiż ta' l-Artikolu 7(1) tiegħu,

Billi:

(1)

L-Anness I tar-Regolament (KE) Nru 881/2002 jelenka l-persuni, il-gruppi u l-entitajiet koperti mis-sekwestrar ta' fondi u riżorsi ekonomiċi skond dak ir-Regolament.

(2)

Fil-21 ta' April 2008, il-Kumitat tas-Sanzjonijiet tal-Kunsill tas-Sigurtà tan-Nazzjonijiet Uniti ddeċieda li jemenda l-lista tal-persuni, il-gruppi u l-entitajiet li għalihom għandu japplika s-sekwestrar ta' fondi u riżorsi ekonomiċi. L-Anness I għandu għalhekk ikun emendat.

(3)

Biex jiġi garantit li l-miżuri previsti f'dan ir-Regolament ikunu effettivi, dan ir-Regolament għandu jidħol fis-seħħ immedjatament,

ADOTTAT DAN IR-REGOLAMENT:

Artikolu 1

L-Anness I tar-Regolament (KE) Nru 881/2002 hu emendat kif stabbilit fl-Anness ta' dan ir-Regolament.

Artikolu 2

Dan ir-Regolament għandu jidħol fis-seħħ fil-jum tal-pubblikazzjoni tiegħu fil-Ġurnal Uffiċjali ta' l-Unjoni Ewropea.

Dan ir-Regolament għandu jorbot fl-intier tiegħu u jkun applikabbli direttament fl-Istati Membri kollha.

Magħmul fi Brussell, 5 ta’ Mejju 2008.

Għall-Kummissjoni

Eneko LANDÁBURU

Direttur Ġenerali għar-Relazzjonijiet Esterni

(1)   ĠU L 139, 29.5.2002, p. 9. Regolament kif emendat l-aħħar bir-Regolament tal-Kummissjoni (KE) Nru 374/2008 (ĠU L 113, 25.4.2008, p. 15).

ANNESS

L-Anness I tar-Regolament (KE) Nru 881/2002 huwa emendat kif ġej:

L-annotazzjonijiet li ġejjin għandhom ikunu miżjuda taħt l-intestatura “Persuni naturali”:

“(1)

 Suhayl Fatilloevich Buranov (magħruf ukoll bħala Suhayl Fatilloyevich Buranov). Isem bil-kitba oriġinali: Бypaнов Суxайл Фатиллоевич Indirizz: Massiv Kara-Su-6, bini 12, apt. 59, Tashkent, l-Użbekistan. Data tat-twelid: 1983. Post tat-twelid: Tashkent, l-Użbekistan. Ċittadinanza: Użbeka. Tagħrif ieħor: (a) Wieħed mill-mexxejja tal-Grupp tal-Ġiħad Iżlamika; (b) Segwa taħriġ speċifiku dwar il-mini u l-isplussivi fil-kamp ta' l-Al-Qaida fil-provinċja ta' Khost; (c) Ipparteċipa f'ħidmiet militari fl-Afganistan u fil-Pakistan fuq in-naħa tat-Taliban; (d) Kien wieħed mill-organizzaturi ta' l-attakki terroristiċi mwettqa fl-Użbekistan fl-2004; (e) Ġew mibdija proċedimenti kriminali kontrih fl-2000 skond l-artikoli li ġejjin tal-Kodiċi Kriminali tar-Repubblika ta' l-Użbekistan. L-Artikoli 159, parti 3 (Attentati kontra l-Ordni Kostituzzjonali tar-Repubblika ta' l-Użbekistan), u 248 (Pussess Illegali ta' Armi, Munizzjon, Sustanzi Splussivi, jew Apparat Splussiv); (f) Inħarġet ordni għall-arrest tiegħu.

(2)

 Najmiddin Kamolitdinovich Jalolov. Isem bil-kitba oriġinali: Жалолов Ηажмиддин Камолитдинович. Indirizz: S. Jalilov Street 14, Khartu, Reġjun ta' Andijan, l-Użbekistan. Data tat-twelid: 1972. Post tat-twelid: Reġjun ta' l-Andijan, l-Użbekistan. Ċittadinanza: Użbeka. Tagħrif ieħor: (a) Wieħed mill-mexxejja tal-Grupp tal-Ġiħad Iżlamika; (b) Segwa taħriġ speċifiku dwar il-mini u l-isplussivi f'kampijiet ta' l-Al-Qaida; (c) Ipparteċipa f'ħidmiet militari fl-Afganistan u fil-Pakistan fuq in-naħa tat-Taliban; (d) Kien wieħed mill-organizzaturi ta' l-attakki terroristiċi mwettqa fl-Użbekistan fl-1999; (e) Ġew mibdija proċedimenti kriminali kontrih f'Marzu 1999, skond l-artikoli li ġejjin tal-Kodiċi Kriminali tar-Repubblika ta' l-Użbekistan. L-artikoli 154 (Merċenarju), 155 (Terroriżmu), 156 (Tixwix għal Mibgħeda Etnika, Razzjali jew Reliġjuża), 159 (Attentati kontra l-Ordni Kostituzzjonali ta' l-Użbekistan), 242 (Organizzazzjoni ta' Komunità Kriminali), u 244 (Nuqqas li wieħed jirrapporta l-Kriminalità, jew il-ħabi tagħha); (f) Inħarġet ordni għall-arrest tiegħu.”
Top