Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 32008D0576

2008/576/KE: Deċiżjoni tal-Kummissjoni ta’ l- 4 ta’ Lulju 2008 li temenda l-Anness III tad-Deċiżjoni 2003/467/KE fir-rigward tal-lista tar-reġjuni tal-Polonja uffiċjalment ħielsa mil-lewkożi enżootika bovina (notifikata taħt id-dokument numru C(2008) 3284) Test b’relevanza għaż-ŻEE

ĠU L 183, 11.7.2008, p. 40–40 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

Legal status of the document No longer in force, Date of end of validity: 20/04/2021; Impliċitament imħassar minn 32021R0620

ELI: http://data.europa.eu/eli/dec/2008/576/oj

11.7.2008   

MT

Il-Ġurnal Uffiċjali ta’ l-Unjoni Ewropea

L 183/40

DEĊIŻJONI TAL-KUMMISSJONI

ta’ l-4 ta’ Lulju 2008

li temenda l-Anness III tad-Deċiżjoni 2003/467/KE fir-rigward tal-lista tar-reġjuni tal-Polonja uffiċjalment ħielsa mil-lewkożi enżootika bovina

(notifikata taħt id-dokument numru C(2008) 3284)

(Test b’relevanza għaż-ŻEE)

(2008/576/KE)

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat id-Direttiva tal-Kunsill 64/432/KEE tas-26 ta’ Ġunju 1964 dwar il-problemi tas-saħħa ta’ l-annimali li jaffettwaw il-kummerċ intra-Komunitarju ta’ annimali bovini u suwini (1), u b’mod partikolari l-Anness D(I)(E) tagħha,

Billi:

(1)

Id-Direttiva 64/432/KEE tipprovdi li Stat Membru jew parti minn Stat Membru jista’ jiġi ddikjarat bħala Stat Membru jew reġjun uffiċjalment ħieles mil-lewkożi enżootika bovina suġġett għall-konformità ma’ ċerti kundizzjonijiet stabbiliti f’din id-Direttiva.

(2)

Il-lista tar-reġjuni ta’ l-Istati Membri uffiċjalment ħielsa mil-lewkożi enżootika bovina huma stabbiliti fl-Anness III tad-Deċiżjoni tal-Kummissjoni 2003/467/KE tat-23 ta’ Ġunju 2003 li tistabbilixxi status uffiċjalment ħieles mit-tuberkolożi, bruċellożi u lewkożi bovina enżootika ta’ ċerti Stati Membri u reġjuni fl-Istati Membri fir-rigward ta’ merħliet bovini (2).

(3)

Din id-Deċiżjoni, kif emendata mid-Deċiżjoni 2008/404/KE, bħalissa telenka 12-il reġjun amministrattiv (powiaty) fi ħdan l-unità amministrattiva superjuri (Voivodship) ta’ Podkarpackie fil-Polonja, bħala reġjuni uffiċjalment ħielsa mil-lewkożi enżootika bovina.

(4)

Il-Polonja issa ppreżentat ukoll dokumentazzjoni lill-Kummissjoni li turi konformità mal-kundizzjonijiet xierqa stipulati fid-Direttiva 64/432/KEE, fir-rigward ta’ 13-il reġjun amministrattiv ieħor (powiaty) fi ħdan din l-unità amministrattiva superjuri, biex dawn ir-reġjuni jkunu jistgħu jitqiesu bħala reġjuni uffiċjalment ħielsa mil-lewkożi enżootika bovina tal-Polonja.

(5)

Wara l-valutazzjoni ta’ din id-dokumentazzjoni, dawn ir-reġjuni (powiaty) tal-Polonja għandhom jiġu rikonoxxuti bħala reġjuni uffiċjalment ħielsa mil-lewkożi enżootika bovina ta’ dan l-Istat Membru.

(6)

L-Anness III tad-Deċiżjoni 2003/467/KE għandu għalhekk jiġi emendat skond dan.

(7)

Il-miżuri stipulati f’din id-Deċiżjoni huma skond l-opinjoni tal-Kumitat Permanenti għall-Katina Alimentari u s-Saħħa ta’ l-Annimali,

ADOTTAT DIN ID-DEĊIŻJONI:

Artikolu 1

Fil-Kapitolu 2 ta’ l-Anness III tad-Deċiżjoni 2003/467/KE, fl-annotazzjonijiet għall-Polonja, l-annotazzjoni li tikkonċerna l-Voivodship Podkarpackie qed tinbidel b’dan li ġej:

—

“Voivodship Podkarpackie

Powiaty:

bieszczadzki, brzozowski, dębicki, jarosławski, jasielski, kolbuszowski, krośnieński, Krosno, leski, leżajski, lubaczowski, łańcucki, mielecki, niżański, przemyski, Przemyśl, przeworski, ropczycko-sędziszowski, rzeszowski, Rzeszów, sanocki, stalowowolski, strzyżowski, Tarnobrzeg, tarnobrzeski.”

Artikolu 2

Din id-Deċiżjoni hija indirizzata lill-Istati Membri.

Magħmula fi Brussell, 4 ta’ Lulju 2008.

Għall-Kummissjoni

Androulla VASSILIOU

Membru tal-Kummissjoni

(1)  ĠU 121, 29.7.1964, p. 1977/64. Id-Direttiva kif emendata l-aħħar bid-Deċiżjoni tal-Kummissjoni 2007/729/KE (ĠU L 294, 13.11.2007, p. 26).

(2)  ĠU L 156, 25.6.2003, p. 74. Id-Deċiżjoni kif emendata l-aħħar bid-Deċiżjoni 2008/404/KE (ĠU L 141, 31.5.2008, p. 16).

Top