EUR-Lex Access to European Union law
This document is an excerpt from the EUR-Lex website
Document 32008D0338
2008/338/EC: Commission Decision of 24 April 2008 amending Annex I to Decision 2004/438/EC as regards raw milk and raw milk based products from Australia, milk and milk-based products from Serbia and updating the entry in that Annex for Switzerland (notified under document number C(2008) 1587) (Text with EEA relevance)
2008/338/KE: Deċiżjoni tal-Kummissjoni ta’ l- 24 ta’ April 2008 li temenda l-Anness I tad-Deċiżjoni 2004/438/KE fir-rigward ta’ ħalib mhux ipproċessat u ta’ prodotti bbażati fuq ħalib mhux ipproċessat mill-Awstralja, ħalib u prodotti bbażati fuq il-ħalib mis-Serbja u li taġġorna l-inklużjoni ta' l-Iżvizzera f'dak l-Anness (notifikata taħt id-dokument numru C(2008) 1587) Test b’relevanza għaż-ŻEE
2008/338/KE: Deċiżjoni tal-Kummissjoni ta’ l- 24 ta’ April 2008 li temenda l-Anness I tad-Deċiżjoni 2004/438/KE fir-rigward ta’ ħalib mhux ipproċessat u ta’ prodotti bbażati fuq ħalib mhux ipproċessat mill-Awstralja, ħalib u prodotti bbażati fuq il-ħalib mis-Serbja u li taġġorna l-inklużjoni ta' l-Iżvizzera f'dak l-Anness (notifikata taħt id-dokument numru C(2008) 1587) Test b’relevanza għaż-ŻEE
ĠU L 115, 29.4.2008, p. 35–38
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 31/07/2010; Impliċitament imħassar minn 32010R0605
29.4.2008 |
MT |
Il-Ġurnal Uffiċjali ta’ l-Unjoni Ewropea |
L 115/35 |
DEĊIŻJONI TAL-KUMMISSJONI
ta’ l-24 ta’ April 2008
li temenda l-Anness I tad-Deċiżjoni 2004/438/KE fir-rigward ta’ ħalib mhux ipproċessat u ta’ prodotti bbażati fuq ħalib mhux ipproċessat mill-Awstralja, ħalib u prodotti bbażati fuq il-ħalib mis-Serbja u li taġġorna l-inklużjoni ta' l-Iżvizzera f'dak l-Anness
(notifikata taħt id-dokument numru C(2008) 1587)
(Test b’relevanza għaż-ŻEE)
(2008/338/KE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat id-Direttiva tal-Kunsill 2002/99/KE tas-16 ta' Diċembru 2002 li tistabbilixxi r-regoli sanitarji għall-annimali u li jiddeterminaw il-produzzjoni, l-ipproċessar, id-distribuzzjoni u l-introduzzjoni ta' prodotti li joriġinaw mill-annimali u li huma għall-konsum mill-bniedem (1), u b'mod partikolari l-Artikolu 8(1) u (4) tagħha,
Wara li kkunsidrat ir-Regolament (KE) Nru 854/2004 tal-Parlament Ewropew u tal-Kunsill tad-29 ta’ April 2004 li jistabbilixxi regoli speċifiċi għall-organizzazzjoni tal-kontrolli uffiċjali fuq prodotti ta’ oriġini ta’ annimali maħsuba għall-konsum mill-bniedem (2), u b'mod partikolari l-Artikolu 11(1) tiegħu
Billi:
(1) |
Id-Deċiżjoni tal-Kummissjoni 2004/438/KE tad-29 ta’ April 2004 li tistipula kondizzjonijiet ta' ċertifikazzjonijiet ta' saħħa ta' l-annimali u saħħa pubblika u dawk veterinarji għad-dħul fil-Komunità ta' ħalib trattat bis-sħana, prodotti bbażati fuq il-ħalib u ħalib mhux ipproċessat maħsuba għall-konsum mill-bniedem (3), tistabbilixxi lista, fl-Anness I għal dik id-Deċiżjoni, ta' pajjiżi terzi li minnhom huwa awtorizzat id-dħul fil-Komunità, suġġett għal xi kundizzjonijiet, ta’ ħalib mhux ipproċessat u prodotti bbażati fuq il-ħalib mhux ipproċessat. Barra minn hekk, il-kunsinji ta’ ħalib u ta’ prodotti ibbażati fuq il-ħalib li huma konformi mar-rekwiżiti tas-saħħa ta' l-annimali stipulati f'dik id-Deċiżjoni jistgħu jgħaddu mill-Komunità għal pajjiżi terzi oħra. |
(2) |
L-Awstralja hi inkluża fil-lista ta’ pajjiżi terzi li minnhom hu awtorizzat id-dħul fil-Komunità ta’ ħalib u prodotti tal-ħalib. L-importazzjoni ta’ ħalib u ta’ prodotti tal-ħalib mill-Awstralja hi limitata għall-prodotti li jkunu għaddew mill-proċess ta’ pasturizzazzjoni jew ta’ sterilizzazzjoni. L-Awstralja talbet li tiġi awtorizzata tesporta wkoll ħalib mhux ipproċessat u prodotti bbażati fuq ħalib mhux ipproċessat għall-konsum mill-bniedem. |
(3) |
It-trattamenti stipulati fid-Deċiżjoni 2004/438/KE huma applikati għall-ħalib u għall-prodotti tal-ħalib sabiex jiġi mħares l-istat tas-saħħa ta’ l-annimali tal-Komunità. Fid-dawl tas-sitwazzjoni tas-saħħa ta’ l-annimali fl-Awstralja, u b’mod partikulari l-istat ħieles tagħha mill-marda ta’ l-ilsien u d-dwiefer sa mill-1872, meta faqqset il-marda l-aħħar darba, l-importazzjoni ta' dawk il-prodotti minn dak il-pajjiż terz għandha tiġi awtorizzata minħabba li din ma tirrappreżentax riskju għal saħħet l-annimali. |
(4) |
L-inklużjoni ta’ l-Awstralja għall-ħalib mhux ipproċessat u prodotti bbażati fuq il-ħalib mhux ipproċessat fil-kolonna A tal-lista ta’ l-Anness I għad-Deċiżjoni 2004/438/KE għandha għalhekk tiġi emendata kif inhu xieraq. |
(5) |
Is-Serbja talbet li tiġi inkluża fil-lista ta’ pajjiżi terzi li minnhom hi awtorizzata l-importazzjoni tal-ħalib trattat bis-sħana u prodotti bbażati fuq il-ħalib, biex b’hekk ikun awtorizzat it-tranżitu ta' dawn il-prodotti mit-territorju tal-Komunità, bid-destinazzjonijiet finali jkunu f’pajjiżi terzi oħra. |
(6) |
Fis-Serbja saru verifiki tal-Kummissjoni Ġenerali fuq saħħet l-annimali u l-aktar waħda reċenti kienet f’Ġunju 2007. Dan juri li l-awtoritajiet kompetenti jistgħu jagħtu garanziji li s-sitwazzjoni ta’ saħħet l-annimali f’dak il-pajjiż tista’ tiġi kkunsidrata bħala waħda sodisfaċenti. |
(7) |
Għaldaqstant, fejn jidħlu l-aspetti li jikkonċernaw is-saħħa ta’ l-annimali, il-ħalib trattat bis-sħana u prodotti bbażati fuq il-ħalib minn dak il-pajjiż terz għandhom jiġu awtorizzati. |
(8) |
Qabel ma l-istabbilimenti jitniżżlu fil-lista ta’ importazzjoni għal ġol-Komunità għandha ssir missjoni oħra sabiex jiġu eżaminati l-aspetti ta’ saħħa pubblika. Madankollu, sadattant, it-tranżitu ta’ dawn il-prodotti għandu jiġi awtorizzat. |
(9) |
L-inklużjoni tas-Serbja għall-ħalib trattat bis-sħana u prodotti bbażati fuq il-ħalib għall-konsum mill-bniedem għandha għalhekk tidher fil-kolonni B u ċ fil-lista fl-Anness I. |
(10) |
Barra minn hekk, huwa xieraq li tiġi aġġornata nota f’qiegħ il-paġna f’dak l-Anness għall-Iżvizzera sabiex ikun hemm referenza għall-Ftehim bejn il-Komunità Ewropea u l-Konfederazzjoni Żvizzera fir-rigward tal-kummerċ fi prodotti agrikoli. |
(11) |
L-Anness I tad-Deċiżjoni 2004/438/KE għandu għalhekk jiġi emendat skond dan. |
(12) |
Il-miżuri stipulati f’din id-Deċiżjoni huma skond l-opinjoni tal-Kumitat Permanenti dwar il-Katina Alimentari u s-Saħħa ta’ l-Annimali, |
ADOTTAT DIN ID-DEĊIŻJONI:
Artikolu 1
L-Anness I tad-Deċiżjoni 2004/438/KE huwa mibdul bit-test fl-Anness ta' din id-Deċiżjoni.
Artikolu 2
Din id-Deċiżjoni għandha tapplika minn 1 ta' Mejju 2008.
Artikolu 3
Din id-Deċiżjoni hija indirizzata lill-Istati Membri.
Magħmula fi Brussell, 24 ta’ April 2008.
Għall-Kummissjoni
Androulla VASSILIOU
Membru tal-Kummissjoni
(1) ĠU L 18, 23.1.2003, p. 11.
(2) ĠU L 139, 30.4.2004, p. 206; verżjoni bil-korrezzjonijiet fil-ĠU L 226, 25.6.2004, p. 83. Regolament kif emendat l-aħħar mir-Regolament tal-Kunsill (KE) Nru 1791/2006 (ĠU L 363, 20.12.2006, p. 1).
(3) ĠU L 154, 30.4.2004, p. 72. Id-Deċiżjoni kif emendata l-aħħar mir-Regolament (KE) Nru 1792/2006 (ĠU L 362, 20.12.2006, p. 1).
ANNESS
“ANNESS I
‘+’ |
: |
il-pajjiż hu awtorizzat |
‘0’ |
: |
il-pajjiż mhux awtorizzat |
Il-Kodiċi ISO tal-pajjiż terz |
Pajjiż Terz |
Kolonna A |
Kolonna B |
Kolonna Ċ |
AD |
Andorra |
+ |
+ |
+ |
AL |
L-Albanija |
0 |
0 |
+ |
AN |
L-Antilli Olandiżi |
0 |
0 |
+ |
AR |
L-Arġentina |
0 |
0 |
+ |
AU |
L-Awstralja |
+ |
+ |
+ |
BR |
Il-Brażil |
0 |
0 |
+ |
BW |
Il-Botswana |
0 |
0 |
+ |
BY |
Il-Belarus |
0 |
0 |
+ |
BZ |
Il-Beliże |
0 |
0 |
+ |
BA |
Il-Bożnja-Ħerzegovina |
0 |
0 |
+ |
CA |
Il-Kanada |
+ |
+ |
+ |
CH |
L-Iżvizzera (*) |
+ |
+ |
+ |
CL |
Iċ-Ċilì |
0 |
+ |
+ |
CN |
Iċ-Ċina |
0 |
0 |
+ |
CO |
Il-Kolumbja |
0 |
0 |
+ |
CR |
Il-Kosta Rika |
0 |
0 |
+ |
CU |
Kuba |
0 |
0 |
+ |
DZ |
L-Alġerija |
0 |
0 |
+ |
ET |
L-Etjopja |
0 |
0 |
+ |
GL |
Greenland |
0 |
+ |
+ |
GT |
Il-Gwatemala |
0 |
0 |
+ |
HK |
Ħong Kong |
0 |
0 |
+ |
HN |
Il-Ħonduras |
0 |
0 |
+ |
HR |
Il-Kroazja |
0 |
+ |
+ |
IL |
L-Iżrael |
0 |
0 |
+ |
IN |
L-Indja |
0 |
0 |
+ |
IS |
L-Iżlanda |
+ |
+ |
+ |
KE |
Il-Kenja |
0 |
0 |
+ |
MA |
Il-Marokk |
0 |
0 |
+ |
MG |
Il-Madagaskar |
0 |
0 |
+ |
MK (**) |
L-ex-Repubblika Jugoslava tal-Maċedonja |
0 |
+ |
+ |
MR |
Il-Mawritanja |
0 |
0 |
+ |
MU |
Il-Mawrizju |
0 |
0 |
+ |
MX |
Il-Messiku |
0 |
0 |
+ |
NA |
In-Namibja |
0 |
0 |
+ |
NI |
In-Nikaragwa |
0 |
0 |
+ |
NZ |
New Zealand |
+ |
+ |
+ |
PA |
Il-Panama |
0 |
0 |
+ |
PY |
Il-Paragwaj |
0 |
0 |
+ |
RS |
Is-Serbja (***) |
0 |
+ |
+ |
RU |
Ir-Russja |
0 |
0 |
+ |
SG |
Is-Singapor |
0 |
0 |
+ |
SV |
L-El Salvador |
0 |
0 |
+ |
SZ |
Is-Sważilandja |
0 |
0 |
+ |
TH |
It-Tajlandja |
0 |
0 |
+ |
TN |
It-Tuniżija |
0 |
0 |
+ |
TR |
It-Turkija |
0 |
0 |
+ |
UA |
L-Ukraina |
0 |
0 |
+ |
US |
L-Istati Uniti |
+ |
+ |
+ |
UY |
L-Urugwaj |
0 |
0 |
+ |
ZA |
L-Afrika ta’ Isfel |
0 |
0 |
+ |
ZW |
Iż-Żimbabwe |
0 |
0 |
+ |
(*) Ċertifikati skond il-Ftehim bejn il-Komunità Ewropea u l-Konfederazzjoni Żvizzera (kif emendat l-aħħar) dwar il-kummerċ fi prodotti agrikoli, (ĠU L 114, 30.4.2002, p. 132).
(**) Il-kodiċi proviżorju li bl-ebda mod ma jippreġudika n-nomenklatura definittiva għal dan il-Pajjiż, li jrid jintlaħaq ftehim fuqu wara l-konklużjoni ta' negozjati li qegħdin iseħħu bħalissa fuq dan is-suġġett fin-Nazzjonijiet Uniti.
(***) Li ma tinkludix il-Kosovo, kif definit mir-Riżoluzzjoni tal-Kunsill tas-Sigurtà tan-Nazzjonijiet Uniti 1244 ta’ l-10 ta’ Ġunju 1999.”