Edizzjoni speċjali bil-Kroat: Kapitolu 14 Volum 003 P. 71 - 71
English
Select your language
Official EU languages:
Access to European Union law
EUR-Lex
Access to European Union law
This document is an excerpt from the EUR-Lex website
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Need more search options? Use the
Advanced search
Document 32007R1305
Commission Regulation (EC) No 1305/2007 of 7 November 2007 amending Regulation (EC) No 883/2006 laying down detailed rules for the application of Council Regulation (EC) No 1290/2005 as regards the keeping of accounts by the paying agencies, declarations of expenditure and revenue and the conditions for reimbursing expenditure under the EAGF and the EAFRD
Regolament tal-Kummissjoni (KE) Nru 1305/2007 tas- 7 ta’ Novembru 2007 li jemenda r-Regolament (KE) Nru 883/2006 li fih modalitajiet ta’ applikazzjoni tar-Regolament (KE) Nru 1290/2005 tal-Kunsill, f’dak li għandu x’jaqsam maż-żamma tal-kontijiet ta’ l-entitajiet li jħallsu, id-dikjarazzjonijiet ta’ l-ispejjeż u tad-dħul u l-kundizzjonijiet għall-ħlas lura ta’ l-ispejjeż fil-qafas ta’ FAEGG u tal-FAEŻR
Regolament tal-Kummissjoni (KE) Nru 1305/2007 tas- 7 ta’ Novembru 2007 li jemenda r-Regolament (KE) Nru 883/2006 li fih modalitajiet ta’ applikazzjoni tar-Regolament (KE) Nru 1290/2005 tal-Kunsill, f’dak li għandu x’jaqsam maż-żamma tal-kontijiet ta’ l-entitajiet li jħallsu, id-dikjarazzjonijiet ta’ l-ispejjeż u tad-dħul u l-kundizzjonijiet għall-ħlas lura ta’ l-ispejjeż fil-qafas ta’ FAEGG u tal-FAEŻR
ĠU L 290, 8.11.2007, p. 17–17
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
No longer in force, Date of end of validity: 03/09/2014; Imħassar b' 32014R0907
Language
HTML
PDF
Official Journal
|
8.11.2007 |
MT |
Il-Ġurnal Uffiċjali ta’ l-Unjoni Ewropea |
L 290/17 |
REGOLAMENT TAL-KUMMISSJONI (KE) Nru 1305/2007
tas-7 ta’ Novembru 2007
li jemenda r-Regolament (KE) Nru 883/2006 li fih modalitajiet ta’ applikazzjoni tar-Regolament (KE) Nru 1290/2005 tal-Kunsill, f’dak li għandu x’jaqsam maż-żamma tal-kontijiet ta’ l-entitajiet li jħallsu, id-dikjarazzjonijiet ta’ l-ispejjeż u tad-dħul u l-kundizzjonijiet għall-ħlas lura ta’ l-ispejjeż fil-qafas ta’ FAEGG u tal-FAEŻR
IL-KUMMISSJONI TAL-KOMUNITAJIET EWROPEJ
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat ir-Regolament tal-Kunsill (KE) Nru 1290/2005 tal-21 ta’ Ġunju 2005 dwar il-finanzjament tal-politika komuni agrikola (1), u b’mod partikolari l-Artikolu 42(7) tiegħu,
Billi:
|
(1) |
L-Artikolu 16(2) it-tielet subparagrafu, tar-Regolament tal-Kummissjoni (KE) Nru 883/2006 (2) jipprovdi li l-ħlasijiet minn quddiem mill-Istati Membri li jkun saru taħt ir-responsabbiltà tagħhom qabel l-approvazzjoni tal-programmi ta’ żvilupp rurali tal-perjodu 2007-2013 iridu jiġu ddikjarati globalment flimkien ma’ l-ewwel dikjarazzjoni ta’ l-ispejjeż wara l-adozzjoni ta’ dawn il-programmi. Din ir-regola kienet ġiet ipprovduta għall-programmi mhux approvati qabel il-31 ta’ Marzu 2007. |
|
(2) |
L-approvazzjoni ta’ għadd imdaqqas ta’ programmi ma tistax isseħħ ħlief wara s-16 ta’ Ottubru 2007. Jidher minn dan li għas-sena 2007, l-ewwel sena tal-perjodu ta’ programmazzjoni, il-biċċa l-kbira tal-ħlasijiet minn quddiem li saru mill-Istati Membri ma jistgħux ikunu dikjarazzjoni ta’ spejjeż fi żmien li jippermetti l-kunsiderazzjoni tagħhom għas-sena 2007. |
|
(3) |
Sabiex tiġi ffaċilitata l-ġestjoni finanzjarja tal-programmi ta’ żvilupp rurali, jeħtieġ tiġi ffissata skadenza ġdida li tippermetti lill-Istati Membri, b’deroga mill-Artikolu 16(2), l-ewwel subparagrafu, tar-Regolament (KE) Nru 883/2006, jistabbilixxu dikjarazzjoni ta’ l-ispejjeż speċifika kumplimentari għall-ħlasijiet minn qabel li jkunu saru f’isem il-programmi approvati mill-Kummissjoni bejn il-15 ta’ Ottubru u t-12 ta’ Diċembru 2007. |
|
(4) |
Jeħtieġ li r-Regolament (KE) Nru 883/2006 jigi emendat skond dan. |
|
(5) |
Il-miżuri pprovduti f’dan ir-Regolament huma skond l-opinjoni tal-Kumitat għall-Fondi Agrikoli, |
ADOTTAT DAN IR-REGOLAMENT:
Artikolu 1
It-test li ġej jiżdied ma’ l-Artikolu 16(2), it-tielet subparagrafu, tar-Regolament (KE) Nru 883/2006:
“Barra min hekk, b’deroga mill-ewwel subparagrafu ta’ dan il-paragrafu, għall-programmi ta’ żvilupp rurali approvati mill-Kummissjoni bejn il-15 ta’ Ottubru u t-12 ta’ Diċembru 2007, l-ispejjeż mħallsa minn qabel mill-entitajiet li jħallsu sal-15 ta’ Ottubru 2007 inkluż, huma soġġetti għal dikjarazzjoni ta’ l-ispejjeż speċifika sa mhux aktar tard mit-12 ta’ Diċembru 2007.”
Artikolu 2
Dan ir-Regolament għandu jidħol fis-seħħ l-għada tal-pubblikazzjoni tiegħu fil-Ġurnal Ufficjali ta’ l-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, 7 ta’ Novembru 2007.
Għall-Kummissjoni
Mariann FISCHER BOEL
Membru tal-Kummissjoni
(1) ĠU L 209, 11.8.2005, p. 1. Ir-Regolament kif emendat bir Regolament (KE) Nru 378/2007 (ĠU L 95, 5.4.2007, p. 1).
(2) ĠU L 171, 23.6.2006, p. 1.