26.10.2007   

MT

Il-Ġurnal Uffiċjali ta’ l-Unjoni Ewropea

L 282/3

(1)

Ir-Regolament tal-Kunsill (KE) Nru 2040/2000 tas-26 ta’ Settembru 2000 dwar id-dixxiplina tal-baġit (3) jistipula regoli maħsuba sabiex jiżguraw il-ġestjoni korretta ta’ l-infiq tal-Komunità, kemm fir-rigward tat-Taqsima dwar il-Garanzija tal-Fond Agrikolu Ewropew dwar Gwida u Garanzija kif ukoll fir-rigward tar-riżervi għal operazzjonijiet esterni, skond il-prinċipji ta’ amministrazzjoni finanzjarja tajba miftiehma stabbiliti fil-Ftehim Interistituzzjonali tas-6 ta’ Mejju 1999 bejn il-Parlament Ewropew, il-Kunsill u l-Kummissjoni dwar id-dixxiplina baġitarja u t-titjib tal-proċedura baġitarja (4).

(2)

Fir-rigward tal-Parti I tar-Regolament (KE) Nru 2040/2000, dwar in-nefqa fuq l-agrikoltura, il-limiti stabbiliti fil-qafas finanzjarju 2007-2013 stabbilit fl-Anness I tal-Ftehim Interistituzzjonali bejn il-Parlament Ewropew, il-Kunsill u l-Kummissjoni dwar id-dixxiplina tal-baġit u l-amministrazzjoni finanzjarja tajba tas-17 ta’ Mejju 2006 (5) (il-“Ftehim Interistituzzjonali ta’ l-2006”) jipprekludu l-ħtieġa li tinżamm il-linja gwida dwar l-agrikoltura stipulata fih.

(3)

Id-dispożizzjonijiet l-oħra li jikkonċernaw id-dixxiplina baġitarja għall-agrikoltura fil-Parti I tar-Regolament (KE) Nru 2040/2000 ġew superati mill-Artikoli 18, 19 u 20 tar-Regolament tal-Kunsill (KE) Nru 1290/2005 tad-21 ta’ Ġunju 2005 dwar il-finanzjament tal-politika agrikola komuni (6);

(4)

Rigward il-Parti II tar-Regolament (KE) Nru 2040/2000, dwar ir-riżervi għal operazzjonijiet esterni, m’għadx hemm il-ħtieġa ta’ dispożizzjonijiet u miżuri speċifiċi li jkunu eċċezzjonali fil-kuntest tas-sistema ta’ riżorsi proprji għall-finanzjament tal-Fond ta’ Garanzija u tar-riżerva għall-Għajnuna ta’ Emerġenza. Ir-riżerva għall-garanziji fuq is-self inbidlet fil-qafas finanzjarju 2007-2013 tal-Ftehim Interistituzzjonali ta’ l-2006 b’linja tal-baġit taħt l-intestatura 4 “l-UE bħala attur globali”. Il-prinċipji ewlenin rigward ir-riżerva għall-Għajnuna ta’ Emerġenza jinsabu fir-Regolament tal-Kunsill (KE, Euratom) Nru 1605/2002 tal-25 ta’ Ġunju 2002 dwar ir-Regolament Finanzjarju applikabbli għall-baġit ġenerali tal-Komunitajiet Ewropej (7), filwaqt li l-ammont u l-kondizzjonijiet ta’ l-użu jinsabu stipulati fil-Ftehim Interistituzzjonali ta’ l-2006. Billi m’hemmx involuti direttament interessi ta’ partijiet terzi, m’hemmx il-ħtieġa li dawn ta’ l-aħħar jiġu inkorporati f’regolament.

(5)

Għaldaqstant, id-dispożizzjoniet kollha stipulati fir-Regolament (KE) Nru 2040/2000 saru obsoleti.

(6)

Ir-Regolament tal-Kunsill (KE) Nru 2040/2000 għandu għalhekk jitħassar,