EUR-Lex Access to European Union law
This document is an excerpt from the EUR-Lex website
Document 32007R1153
Council Regulation (EC) No 1153/2007 of 26 September 2007 amending Regulation (EC) No 2597/97 laying down additional rules on the common organisation of the market in milk and milk products for drinking milk
Regolament tal-Kunsill (KE) Nru 1153/2007 tas- 26 ta’ Settembru 2007 li jemenda r-Regolament (KE) Nru 2597/97 li jiddetta regoli addizzjonali dwar l-organizzazzjoni komuni fis-suq tal-ħalib u prodotti tal-ħalib għall-ħalib tax-xorb
Regolament tal-Kunsill (KE) Nru 1153/2007 tas- 26 ta’ Settembru 2007 li jemenda r-Regolament (KE) Nru 2597/97 li jiddetta regoli addizzjonali dwar l-organizzazzjoni komuni fis-suq tal-ħalib u prodotti tal-ħalib għall-ħalib tax-xorb
ĠU L 258, 4.10.2007, p. 6–6
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 30/06/2008; Impliċitament imħassar minn 32007R1234
|
4.10.2007 |
MT |
Il-Ġurnal Uffiċjali ta’ l-Unjoni Ewropea |
L 258/6 |
REGOLAMENT TAL-KUNSILL (KE) Nru 1153/2007
tas-26 ta’ Settembru 2007
li jemenda r-Regolament (KE) Nru 2597/97 li jiddetta regoli addizzjonali dwar l-organizzazzjoni komuni fis-suq tal-ħalib u prodotti tal-ħalib għall-ħalib tax-xorb
IL-KUNSILL TA' L-UNJONI EWROPEA,
Wara li kkunsidra t-Trattat li jistabbilixxi l-Komunità Ewropea, u b’mod partikolari l-Artikolu 37 tiegħu,
Wara li kkunsidra l-proposta mill-Kummissjoni,
Wara li kkunsidra l-opinjoni tal-Parlament Ewropew (1),
Billi:
|
(1) |
L-Artikolu 3 tar-Regolament tal-Kunsill (KE) Nru 2597/97 (2) jistabbilixxi l-prodotti li għandhom ikunu kkunsidrati bħala ħalib tax-xorb, b’mod partikolari rigward il-kontenut tagħhom ta’ xaħam. |
|
(2) |
Sabiex tkun iffaċilitata l-bidla minn regoli nazzjonali eżistenti qabel l-adeżjoni għal regoli Komunitarji, ġew adottati diversi derogi transizzjonali fl-okkażjoni ta’ adeżjonijiet reċenti. |
|
(3) |
B’kont meħud tad-diversi drawwiet tal-konsumaturi fi Stati Membri differenti kif ukoll id-derogi li qed jiskadu jidher xieraq li tkun permessa l-kummerċjalizzazzjoni, bħala ħalib tax-xorb, ta’ prodotti b’kontenut ta’ xaħam differenti mit-tliet kategoriji eżistenti. |
|
(4) |
Sabiex ikun hemm kjarezza għall-konsumaturi, tali ħalib madankollu m’għandux jissejjaħ ħalib sħiħ, ħalib nofsu xkumat jew ħalib xkumat iżda l-persentaġġ tal-kontenut tiegħu ta’ xaħam għandu jkun indikat b’mod ċar fuq l-imballaġġ. |
|
(5) |
Ir-Regolament (KE) Nru 2597/97 għandu jiġi emendat kif meħtieġ, |
ADOTTAT DAN IR-REGOLAMENT:
Artikolu 1
Fl-Artikolu 3(1) tar-Regolament (KE) Nru 2597/97 huwa miżjud it-tieni subparagrafu li ġej:
“Ħalib ittrattat bis-sħana li mhuwiex konformi mar-rekwiżiti ta’ kontenut ta’ xaħam stabbiliti fil-punti (b), (ċ) u (d) ta’ l-ewwel subparagrafu għandu jkun ikkunsidrat ħalib tax-xorb sakemm il-kontenut ta’ xaħam ikun indikat b’mod ċar b’deċimali waħda u jinqara b’mod faċli fuq l-imballaġġ f’forma ta’ ‘… % xaħam’. Tali ħalib m’għandux jiġi deskritt bħala ħalib sħiħ, ħalib nofsu xkumat jew ħalib xkumat.”.
Artikolu 2
Dan ir-Regolament għandu jidħol fis-seħħ fit-tielet jum wara l-pubblikazzjoni tiegħu fil-Ġurnal Uffiċjali ta’ l-Unjoni Ewropea.
Huwa għandu japplika mill-1 ta’ Jannar 2008.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, 26 ta’ Settembru 2007.
Għall-Kunsill
Il-President
J. SILVA
(1) Opinjoni tal-5 ta’ Settembru 2007 (għadha mhijiex pubblikata fil-Ġurnal Uffiċjali).
(2) ĠU L 351, 23.12.1997, p. 13. Regolament kif emendat bir-Regolament (KE) Nru 1602/1999 (ĠU L 189, 22.7.1999, p. 43).