32007R0847

Dieses Dokument ist ein Auszug aus dem EUR-Lex-Portal.

EUROPA
EUR-Lex-Startseite
Regolament - 847/2007 - DE - EUR-Lex

Hilfe

Suchtipps

Brauchen Sie weitere Suchoptionen? Nutzen Sie die Erweiterte Suche

Dokument 32007R0847

Hilfe

Regolament tal-Kummissjoni (KE) Nru 847/2007 tat- 18 ta’ Lulju 2007 li jimplimenta r-Regolament (KE) Nru 808/2004 tal-Parlament Ewropew u tal-Kunsill dwar l-istatistiċi tal-Komunità dwar is-soċjetà ta’ l-informazzjoni (Test b’relevanza għaż-ŻEE)

ĠU L 187, 19.7.2007, S. 5-19 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

(HR)
⏵Dan id-dokument ġie ppubblikat f’edizzjoni(jiet) speċjali (HR)
Edizzjoni speċjali bil-Kroat: Kapitolu 16 Volum 001 P. 199 - 213

Rechtlicher Status des Dokuments In Kraft

ELI: http://data.europa.eu/eli/reg/2007/847/oj

HTML

PDF

Amtsblatt

19.7.2007

Il-Ġurnal Uffiċjali ta’ l-Unjoni Ewropea

L 187/5

REGOLAMENT TAL-KUMMISSJONI (KE) Nru 847/2007

tat-18 ta’ Lulju 2007

li jimplimenta r-Regolament (KE) Nru 808/2004 tal-Parlament Ewropew u tal-Kunsill dwar l-istatistiċi tal-Komunità dwar is-soċjetà ta’ l-informazzjoni

(Test b’relevanza għaż-ŻEE)

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat ir-Regolament (KE) Nru 808/2004 tal-Parlament Ewropew u tal-Kunsill tal-21 ta’ April 2004 dwar l-istatistiċi tal-Komunità dwar is-soċjetà ta’ l-informazzjoni, u b’mod partikolari l-Artikolu 8 tiegħu (1),

Billi:

(1)	Ir-Regolament (KE) Nru 808/2004 stabbilixxa qafas komuni għall-produzzjoni sistematika ta’ statistika Komunitarja dwar is-soċjetà ta’ l-informazzjoni.

(2)	Skond l-Artikolu 8(1) tar-Regolament (KE) Nru 808/2004 jinħtieġu miżuri ta’ implimentazzjoni biex tiġi ddeterminata d-data li trid tiġi pprovduta għat-tħejjija ta’ l-istatistika ddefinita fl-Artikoli 3 u 4 ta’ dak ir-Regolament u l-iskadenzi għat-trażmissjoni tagħha.

(3)	Il-miżuri stipulati f’dan ir-Regolament huma skond l-opinjoni tal-Kumitat tal-Programm Statistiku, stabbilit mid-Deċiżjoni tal-Kunsill 89/382/KEE, Euratom (2),

ADOTTAT DAN IR-REGOLAMENT:

Artikolu 1

Id-data li trid tiġi trażmessa għall-produzzjoni ta’ l-istatistika Komunitarja dwar is-soċjetà ta’ l-informazzjoni kif stipulat fl-Artikoli 3(2) u 4 tar-Regolament (KE) Nru 808/2004 għandha tkun kif hemm speċifikat fl-Annessi I u II ta’ dan ir-Regolament.

Artikolu 2

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu fil-Ġurnal Uffiċjali ta’ l-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, 18 ta’ Lulju 2007.

Għall-Kummissjoni

Joaquín ALMUNIA

Membru tal-Kummissjoni

(1) ĠU L 143, 30.4.2004, p. 49. Ir-Regolament kif emendat bir-Regolament (KE) Nru 1893/2006 (ĠU L 393, 30.12.2006, p. 1).

(2) ĠU L 181, 28.6.1989, p. 47.

ANNESS I

MODULU 1: L-INTRAPRIŻI U S-SOĊJETÀ TA’ L-INFORMAZZJONI

1. IS-SUĠĠETTI U L-KARATTERISTIĊI TA GĦHOM

(a) Is-suġġetti li jridu jiġu koperti għas-sena ta’ referenza 2008, magħżula mil-lista fl-Anness I tar-Regolament (KE) Nru 808/2004 huma dawn li ġejjin:

—	Is-sistemi ta’ ICT u l-użu tagħhom fl-intrapriżi;

—	L-użu ta’ l-Internet u netwerks elettroniċi oħrajn mill-intrapriżi;

—	Il-proċessi e-Commerce u e-Business;

b) Għandhom jinġabru l-karatteristiċi li ġejjin marbuta ma’ l-intrapriżi:

Sistemi ta’ ICT u l-użu tagħhom fl-intrapriżi

Karatteristiċi li jridu jinġabru għall-intrapriżi kollha:

—	L-użu tal-kompjuter

Karatteristiċi li jridu jinġabru għall-intrapriżi li jużaw il-kompjuters:

—	(Mhux obbligatorju) Il-perċentwali ta’ persuni impjegati li jużaw il-kompjuters ta’ l-anqas darba fil-ġimgħa.

—	L-użu ta’ netwerk intern tal-kompjuters (eż. LAN)

—	L-użu ta’ homepage interna (intranet)

—	L-eżistenza ta’ extranet

—	L-użu ta’ applikazzjonijiet dedikati għall-impjegati biex ikollhom aċċes għas-servizzi tar-riżorsi umani (eż. isibu postijiet tax-xogħol battala, jitolbu l-frank annwali, jaraw jew iniżżlu l-karti tas-salarju, jew servizzi oħrajn)

—	(Mhux obbligatorju) Il-grad ta’ titjib permezz ta’ proġetti ICT: riorganizzazzjoni u semplifikazzjoni tar-rutini tax-xogħol

—	(Mhux obbligatorju) Il-grad ta’ titjib permezz ta’ proġetti ICT: il-ħruġ ta’ riżorsi

—	(Mhux obbligatorju) Il-grad ta’ titjib permezz ta’ proġetti ICT: iktar qligħ għall-intrapriża

—	(Mhux obbligatorju) Il-grad ta’ titjib permezz ta’ proġetti ICT: żvilupp ta’ prodotti u servizzi ġodda

Karatteristiċi li jridu jinġabru għall-intrapriżi li jużaw netwerk intern tal-kompjuters (eż. LAN):

—	L-użu ta’ aċċess bla wajers għan-netwerk intern tal-kompjuters (eż. LAN)

Karatteristiċi li jridu jinġabru għall-intrapriżi li jużaw l-intranet:

—	(Mhux obbligatorju) L-użu ta’ l-intranet għal tqassim: politika ġenerali jew strateġija ta’ l-intrapriża

—	(Mhux obbligatorju) L-użu ta’ l-intranet għal tqassim: aħbarijiet ta’ kuljum jew ittri bl-aħbarijiet interni tal-kumpannija

—	(Mhux obbligatorju) L-użu ta’ l-intranet għal tqassim: dokumenti ta’ ħidma/ġurnata b’ġurnata (eż. għal laqgħa)

—	(Mhux obbligatorju) L-użu ta’ l-intranet għal tqassim: manwali, gwidi jew materjal ta’ taħriġ

—	(Mhux obbligatorju) L-użu ta’ l-intranet għal tqassim: katalogi tal-prodotti jew tas-servizzi

L-użu ta’ l-Internet u netwerks elettroniċi oħrajn mill-intrapriżi

Karatteristiċi li jridu jinġabru għall-intrapriżi li jużaw il-kompjuters:

—	Aċċess għall-Internet

Karatteristiċi li jridu jinġabru għall-intrapriżi li għandhom aċċess għall-Internet:

—	Perċentwali ta’ persuni impjegati li jużaw kompjuters mqabbda mal-World Wide Web ta’ l-anqas darba fil-ġimgħa

—	Konnessjoni ma’ l-Internet: Modem tradizzjonali jew ISDN

—	Konnessjoni ma’ l-Internet: DSL

—	Konnessjoni ma’ l-Internet: Konnessjoni fissa oħra ma’ l-Internet

—	Konnessjoni ma’ l-Internet: Konnessjoni mowbajl

—	Użu ta’ l-Internet bħala konsumatur għal servizzi bankarji u finanzjarji

—	Użu ta’ l-Internet għal taħriġ u edukazzjoni

—	Użu ta’ l-Internet f’interazzjoni ma’ l-awtoritajiet pubbliċi, fis-sena kalendarja ta’ qabel

—	Użu ta’ websajt

Karatteristiċi li jridu jinġabru għall-intrapriżi li interaġixxew ma’ awtoritajiet pubbliċi permezz ta’ l-Internet, fis-sena kalendarja ta’ qabel:

—	Użu ta’ l-Internet għal ksib ta’ tagħrif minn websajts ta’ l-awtoritajiet pubbliċi, fis-sena kalendarja ta’ qabel

—	Użu ta’ l-Internet għal ksib ta’ formoli mill-websajts ta’ l-awtoritajiet pubbliċi, fis-sena kalendarja ta’ qabel

—	Użu ta’ l-Internet biex jintbagħtu lura l-formoli mimlija lill-awtoritajiet pubbliċi, fis-sena kalendarja ta’ qabel

—	Użu ta’ l-Internet għat-trattament ta’ proċedura amministrattiva kollha b’mod elettroniku mingħajr ma jinħtieġ iktar xogħol fuq karti, fis-sena kalendarja ta’ qabel

—	Użu ta’ l-Internet biex jintbagħtu l-proposti f’sistema elettronika ta’ l-offerti (kuntratti pubbliċi b’mod elettroniku), fis-sena kalendarja ta’ qabel

Karatteristiċi li jridu jinġabru għall-intrapriżi li għandhom websajt:

—	Provvista tal-faċilità li ġejja: katalgi tal-prodotti u listi tal-prezzijiet

—	Provvista tal-faċilità li ġejja: possibilità għall-viżitaturi biex jippersonalizzaw jew jiddisinjaw il-prodotti

—	Provvista tal-faċilità li ġejja: faċilità biex tordna, tirriżerva jew tibbukkja onlajn

—	Provvista tal-faċilità li ġejja: ħlas onlajn

—	Provvista tal-faċilità li ġejja: kontenut personalizzat għal viżitaturi regolari/repetuti

—	Provvista tal-faċilità li ġejja: riklamar ta’ postijiet tax-xogħol battala jew applikazzjoni għal xogħol onlajn

Proċessi e-Commerce u e-Business

Karatteristiċi li jridu jinġabru għall-intrapriżi li jużaw il-kompjuters:

—

Użu ta’ skambju awtomatizzat ta’ data (ADE) definit bħala skambju ta’ messaġġi (eż. ordnijiet, fatturi, tranżazzjonijiet ta’ ħlas jew deskrizzjoni ta’ prodotti) permezz ta’ l-Internet jew netwerks oħra bil-kompjuter f’format maqbul li jippermetti l-ipproċessar awtomatiku tiegħu (eż. XML, EDIFACT eċċ.) mingħajr ma l-messaġġ individwali jkun ittajpjat manwalment.

—	Tqassim elettroniku ta’ tagħrif dwar il-ġestjoni tal-katina tal-provvista mal-konsumaturi u l-fornituri

—	Tqassim b’mod elettroniku u awtomatiku ta’ tagħrif rilevanti dwar l-ordnijiet tal-bejgħ li waslu (elettronikament jew le) bil-ġestjoni tal-livelli ta’ l-inventarju

—	Tqassim b’mod elettroniku u awtomatiku ta’ tagħrif rilevanti dwar l-ordnijiet tal-bejgħ li waslu (elettronikament jew le) bil-kontijiet

—	Tqassim b’mod elettroniku u awtomatiku ta’ tagħrif rilevanti dwar l-ordnijiet tal-bejgħ li waslu (elettronikament jew le) bil-ġestjoni tas-servizzi u l-produzzjoni

—	Tqassim b’mod elettroniku u awtomatiku ta’ tagħrif rilevanti dwar l-ordnijiet tal-bejgħ li waslu (elettronikament jew le) bil-ġestjoni tad-distribuzzjoni

—	Tqassim b’mod elettroniku u awtomatiku ta’ tagħrif rilevanti dwar l-ordnijiet ta’ xiri li ntbagħtu (elettronikament jew le) bil-ġestjoni tal-livelli ta’ l-inventarju

—	Tqassim b’mod elettroniku u awtomatiku ta’ tagħrif rilevanti dwar l-ordnijiet tal-bejgħ li waslu (elettronikament jew le) bil-kontijiet

—	L-użu ta’ pakkett ta’ softwer ERP biex jitqassam tagħrif dwar il-bejgħ u/jew xirjiet ma’ oqsma funzjonali interni (per eżempju, il-finanzi, l-ippjanar, il-kummerċjalizzazzjoni, eċċ.)

—	L-użu ta’ kwalunkwe applikazzjoni ta’ softwer għall-ġestjoni tat-tagħrif dwar il-klijenti (l-hekk imsejjaħ CRM) biex jaqbad, jaħżen u jagħmel għad-dispożizzjoni ta’ funzjonijiet oħrajn tan-negozju t-tagħrif dwar il-klijenti tagħha

—

Użu ta’ kwalunkwe applikazzjoni ta’ softwer għall-ġestjoni ta’ tagħrif dwar il-klijenti (l-hekk imsejħa CRM) biex l-analiżi ta’ dan it-tagħrif dwar il-klijenti għal finijiet ta’ kummerċjalizzazzjoni (jitfasslu l-prezzijiet, issir il-promozzjoni tal-bejgħ, jingħtażlu l-kanali ta’ distribuzzjoni, eċċ.)

—	Użu ta’ esplojtazzjoni ħielsa jew b’sors miftuħ, bħal (jiġifieri bil-kodiċi tas-sors disponibbli, l-ebda spiża ta’ drittijiet ta’ l-awtur, u l-possibilità biex timmodifika u/jew tqassamha (mill-ġdid)

—	Użu ta’ firma diġitali fi kwalunkwe messaġġ mibgħut, jiġifieri metodi ta’ kodifikazzjoni li jiżguraw l-awtentiċità u l-integrità tal-messaġġ (marbut unikament ma’ u kapaċi jidentifika l-firmatarju u fejn kwalunkwe bidla fil-messaġġ ikun individwabbli)

Karatteristiċi li jridu jinġabru għall-intrapriżi li jużaw skambju awtomatizzat tad-data:

—	Użu ta’ ADE biex: Jintbagħtu l-ordnijiet lill-fornituri

—	Użu ta’ ADE biex: Jiġu rċevuti fatturi elettroniċi

—	Użu ta’ ADE biex: Jiġu rċevuti ordnijiet mill-klijenti

—	Użu ta’ ADE biex: Jintbagħtu fatturi elettroniċi

—	Użu ta’ ADE biex: Jintbagħat jew jiġi rċevut tagħrif dwar il-prodott

—	Użu ta’ ADE biex: Jintbagħtu jew jiġu rċevuti dokumenti tat-trasport

—	Użu ta’ ADE biex: Jintbagħtu struzzjonijiet ta’ ħlas lill-istituzzjonijiet finanzjarji

—	Użu ta’ ADE biex: Tintbagħat jew tiġi rċevuta data lil/minn awtoritajiet pubbliċi

—	(Mhux obbligatorju) Użu tal-format ADE: EDIFACT jew standards simili

—	(Mhux obbligatorju) Użu tal-format ADE: Standards ibbażati fuq l-XML

—	(Mhux obbligatorju) Użu tal-format ADE: standards proprejetarji maqbula bejn l-intapriża u organizzazzjonijiet oħrajn

Karatteristiċi li jridu jinġabru għall-intrapriżi li jużaw il-kompjuters u ma jużawx skambju awtomatizzat tad-data:

—	(Mhux obbligatorju) Ostakli għall-ADE: L-ebda interess fl-użu ta’ skambju awtomatizzat tad-data minħabba nuqqas ta’ rilevanza għan-negozju

—	(Mhux obbligatorju) Ostakli għall-ADE: Nuqqas ta’ għarfien espert fi ħdan il-kumpannija għall-implimentazzjoni tagħha

—	(Mhux obbligatorju) Ostakli għall-ADE: Redditu fuq l-investiment baxx wisq jew mhux ċar

—	(Mhux obbligatorju) Ostakli għall-ADE: Nuqqas ta’ soluzzjonijiet ta’ softwer adatti għas-settur/daqs speċifiku ta’ l-intrapriża

—	(Mhux obbligatorju) Ostakli għall-ADE: Diffikultà fil-qbil ta’ standards komuni mas-sħab tan-negozju

—	(Mhux obbligatorju) Ostakli għall-ADE: Inċertezza dwar l-istat legali tal-messaġġi skambjati

Karatteristiċi li jridu jinġabru għall-intrapriżi li jaqsmu tagħrif dwar il-ġestjoni tal-katina tal-provvista mal-konsumaturi u l-fornituri:

—	Skambju ta’ tagħrif mal-fornituri dwar il-livelli ta’ l-inventarju, il-pjanijiet ta’ produzzjoni jew it-tbassir tad-domanda

—	(Mhux obbligatorju) Skambju ta’ tagħrif mal-fornituri dwar it-tbassir tad-domanda

—	(Mhux obbligatorju) Skambju ta’ tagħrif mal-fornituri dwar il-livelli ta’ l-inventarju

—	(Mhux obbligatorju) Skambju ta’ tagħrif mal-fornituri dwar il-pjanijiet ta’ produzzjoni

—	Skambju ta’ tagħrif mal-fornituri dwar il-progress tal-konsenji

—	Skambju ta’ tagħrif mal-klijenti dwar il-livelli ta’ l-inventarju, il-pjanijiet ta’ produzzjoni jew it-tbassir tad-domanda

—	(Mhux obbligatorju) Skambju ta’ tagħrif mal-klijenti dwar it-tbassir tad-domanda

—	(Mhux obbligatorju) Skambju ta’ tagħrif mal-klijenti dwar il-livelli ta’ l-inventarju

—	(Mhux obbligatorju) Skambju ta’ tagħrif mal-klijenti dwar il-pjanijiet ta’ produzzjoni

—	Skambju ta’ tagħrif mal-klijenti dwar il-progress tal-konsenji

—	Skambju ta’ tagħrif mal-fornituri jew mal-klijenti permezz ta’ websajts

—	Skambju ta’ tagħrif mal-fornituri jew mal-klijenti permezz ta’ skambju awtomatizzat ta’ data

Karatteristiċi li jridu jinġabru għall-intrapriżi li jużaw il-kompjuters, u li mhumiex ikklassifikati fit-Taqsima J tan-NACE Rev. 1.1:

—	Irċevew ordnijiet għal prodotti jew servizzi permezz ta’ netwerks tal-kompjuter, fis-sena kalendarja ta’ qabel

—	Bagħtu ordnijiet għal prodotti jew servizzi permezz ta’ netwerks tal-kompjuter, fis-sena kalendarja ta’ qabel

Karatteristiċi li jridu jinġabru għall-intrapriżi li rċevew ordnijiet permezz ta’ netwerks tal-kompjuter, u li mhumiex ikklassifikati fit-Taqsima J tan-NACE Rev. 1.1:

—	Perċentwali tal-fatturat totali li jirriżulta minn ordnijiet li jaslu permezz ta’ l-Internet, fis-sena kalendarja ta’ qabel

—	(Mhux obbligatorju) Perċentwali tal-bejgħ e-commerce li jirriżulta minn ordnijiet li jaslu permezz ta’ websajts, fis-sena kalendarja ta’ qabel

—	(Mhux obbligatorju) Perċentwali tal-bejgħ e-commerce li jirriżulta minn ordnijiet li jaslu permezz ta’ skambju ta’ data minn fuq l-Internet, fis-sena kalendarja ta’ qabel

—	(Mhux obbligatorju) Perċentwali tal-bejgħ e-commerce li jirriżulta minn ordnijiet li jaslu permezz ta’ skambju awtomatizzat ta’ data minn netwerks oħrajn tal-kompjuter, fis-sena kalendarja ta’ qabel

—	Użu ta’ protokolli sikuri (SSL/TLS) fir-riċeviment ta’ l-ordnijiet bl-Internet

Karatteristiċi li jridu jinġabru għall-intrapriżi li bagħtu ordnijiet permezz ta’ netwerks tal-kompjuter, u li mhumiex ikklassifikati fit-Taqsima J tan-NACE Rev. 1.1:

—	Perċentwali tal-valur tax-xiri totali li jirriżulta minn ordnijiet magħmula permezz tal-kompjuter, fi klassijiet ta’ perċentwali, fis-sena kalendarja ta’ qabel ([0;1[, [1;5[, [5;10[, [10;25[, [25;100])

2. KOPERTURA

Il-karatteristiċi definiti fl-intestaturi 1(b) ta’ dan l-Anness għandhom jinġabru u jinkisbu għall-intrapriżi kklassifikati fl-attivitajiet ekonomiċi li ġejjin, tad-daqs ta’ intrapriża li ġej u bl-ambitu ġeografiku li ġej.

(a) Attività ekonomika: intrapriżi kklasifikati fil-kategoriji li ġejjin tan-NACE-Rev. 1.1:

Kategorija NACE	Deskrizzjoni
Taqsima D	“Manifattura”
Taqsima F	“Bini”
Taqsima Ġ	“Bejgħ bl-ingrossa u bl-imnut; tiswija ta’ vetturi motorizzati, muturi u oġġetti personali u tad-dar”
Gruppi 55.1 u 55.2	“Lukandi” u “Siti għall-kampeġġ u servizzi oħra ta’ akkomodazzjoni għal żmien qasir”
Taqsima I	“Trasport, ħażna u komunikazzjoni”
Klassi 65.12	“Intermedjazzjoni monetarja oħra”
Klassi 65.22	“Għoti ta’ kredtu ieħor”
Klassi 66.01	“Assigurazzjoni fuq il-Ħajja”
Klassi 66.03	“Assigurazzjoni Mhux fuq il-Ħajja”
Taqsima K	“Bejgħ ta’ proprjetà, kiri u attivitajiet ta’ negozju”
Gruppi 92.1 u 92.2	“Attivitajiet ċinematografiċi u ta’ vidjo” u “Attivitajiet tar-radju u tat-televiżjoni”

Intrapriżi kklasifikati fil-kategoriji li ġejjin tan-NACE-Rev. 1.1 għandhom jiġu koperti b’mod mhux obbligatorju:

Kategorija NACE	Deskrizzjoni
Taqsima E	“Provvista ta’ l-elettriku, gass u ilma”
Gruppi 55.3, 55.4 u 55.5	“Ristoranti”, “Barijiet” u “Kantins u catering”
Gruppi 92.3 sa 92.7 inklussiv	“Attivitajiet ta’ rikreazzjoni, kulturali u sportivi”, għajr għal “Attivitajiet ċinematografiċi u ta’ vidjo” u “Attivitajiet tar-radju u tat-televiżjoni”
Diviżjoni 93	“Attivitajiet ta’ servizz oħrajn”
Klassijiet 67.12, 67.13, 67.2	“Attivitajiet awżiljarji għall-intermedjazzjoni finanzjarja”, għajr għal “Amministrazzjoni ta’ swieq finanzjarji”

(b) Daqs ta’ l-intrapriża: intrapriżi b’10 persuni impjegati jew aktar; Intrapriżi b’anqas minn 10 persuni impjegati għandhom jiġu koperti b’mod mhux obbligatorju;

(ċ) Ambitu ġeografiku: intrapriżi li jinsabu fi kwalunkwe parti tat-territorju ta’ l-Istat Membru.

3. PERJODI TA’ REFERENZA

Il-perjodu ta’ referenza hija s-sena 2007 għall-karatteristiċi li jirreferu għas-sena kalendarja ta’ qabel. Il-perjodu ta’ referenza huwa Jannar 2008 għall-karatteristiċi l-oħra.

4. TQASSIM

Is-suġġetti u l-karatteristiċi tagħhom elenkati fl-intestatura 1(b) ta’ dan l-Anness għandhom jiġu pprovduti b’mod separat bit-tqassim li ġej.

(a) Tqassim ta’ l-attività ekonomika: skond l-aggregati NACE Rev. 1.1 li ġejjin. (Il-karatteristiċi għandhom jiġu provduti għad-Diviżjoni 22 b’mod mhux obbligatorju.)

Aggregazzjoni NACE

DA + DB + DĊ + DD + DE

DF + DG + DH

DI + DJ

DK + DL + DM + DN

40 + 41 (mhux obbligatorju)

55.1 + 55.2

55.3 + 55.4 + 55.5 (mhux obbligatorju)

60 + 61 + 62 + 63

65.12 + 65.22

66.01 + 66.03

70 + 71 + 73 + 74

92.1 + 92.2

92.3 sa 92.7 (mhux obbligatorju)

93 (mhux obbligatorju)

22 (mhux obbligatorju)

67.12 + 67.13 + 67.2 (mhux obbligatorju)

(b) Tqassim tal-klassi tad-daqs: Id-data għandha titqassam skond il-klassijiet tad-daqs li ġejjin ta’ l-għadd ta’ persuni impjegati.

Klassi tad-Daqs

Anqas minn 10 persuni impjegati (mhux obbligatorju)

Anqas minn 5 persuni impjegati (mhux obbligatorju)

5 sa 9 persuni impjegati (mhux obbligatorju)

10 persuni impjegati jew aktar

10 sa 49 persuna impjegata

50 sa 249 persuna impjegata

250 persuna impjegata jew aktar

(ċ) Tqassim ġeografiku: Id-data għandha titqassam skond il-gruppi reġjonali li ġejjin:

Grupp Reġjonali

Reġjuni ta’ Konverġenza (inklużi reġjuni ta’ tneħħija gradwali)

Kompetittività Reġjonali u reġjuni ta’ l-Impjiegi (inklużi reġjuni ta’ inklużjoni gradwali)

5. PERJODIĊITÀ

Id-data għandha tiġi provduta darba għas-sena 2008.

6. SKADENZI

(a) Id-data aggregata, fejn meħtieġ immarkata bħala kunfidenzjali jew mhux attendibbli, imsemmija fl-Artikolu 6 tar-Regolament (KE) Nru 808/2004 għandha tintbagħat lill-Eurostat qabel il-5 ta’ Ottubru 2008. Sa dak in-nhar, il-ġabra ta’ data għandha tkun iffinalizzata, ikkonvalidata u aċċettata. Il-format skedat ta’ trażmissjoni li jinqara minn kompjuter għandu jsegwi l-istruzzjonijiet pprovduti mill-Eurostat.

(b) Il-metadata msemmija fl-Artikolu 6 tar-Regolament (KE) Nru 808/2004 għandhom jintbagħtu lill-Eurostat qabel il-31 ta’ Mejju 2008. Il-metadata għandha tkun skond il-mudell użat għar-rapporti provduti mill-Eurostat.

(c) Ir-rapport dwar il-kwalità msemmi fl-Artikolu 7(4) tar-Regolament (KE) Nru 808/2004 għandu jintbagħat lill-Eurostat sal-5 ta’ Novembru 2008. Ir-rapport dwar il-kwalità għandu jkun skond il-mudell użat għar-rapporti pprovduti mill-Eurostat.

ANNESS II

MODULU 2: INDIVIDWI, DJAR U S-SOĊJETÀ TA’ L-INFORMAZZJONI

1. IS-SUĠĠETTI U L-KARATTERISTIĊI TAGĦHOM

(a) Is-suġġetti li jridu jiġu koperti għas-sena ta’ referenza 2008, magħżula mil-lista fl-Anness II tar-Regolament (KE) Nru 808/2004, huma dawn li ġejjin:

—	aċċess u użu tas-sistemi ta’ l-ICT minn individwi u/jew fid-djar,

—	użu ta’ l-Internet għal finijiet differenti minn individwi u/jew fid-djar,

—	(mhux obbligatorju) kompetenza fl-ICT,

—	ostakli għall-użu ta’ l-ICT u l-Internet.

(b) Għandhom jinġabru l-karatteristiċi li ġejjin:

Aċċess u użu tas-sistemi ta’ l-ICT minn individwi u/jew fid-djar

Karatteristiċi li jridu jinġabru għad-djar kollha:

—	aċċess għal kompjuter id-dar,

—	aċċess għall-Internet id-dar, sew jekk jintuża sew jekk le.

Karatteristiċi li jridu jinġabru għal djar b’aċċess għall-Internet id-dar:

—	strumenti użati għall-aċċess għall-Internet mid-dar: desktop-kompjuter,

—	strumenti użati għall-aċċess għall-Internet mid-dar: kompjuter portabbli (laptop),

—	strumenti użati għall-aċċess għall-Internet mid-dar: strumenti mobbli oħrajn,

—	(mhux obbligatorju) strumenti użati għall-aċċess għall-Internet mid-dar: permezz ta’ mowbajl li jista’ jaqbad ma’ l-Internet,

—	(mhux obbligatorju) strumenti użati għall-aċċess għall-Internet mid-dar: permezz ta’ kompjuter handheld,

—	strumenti użati għall-aċċess għall-Internet mid-dar: sett tat-TV bi strument speċifiku għall-Internet,

—	strumenti użati għall-aċċess għall-Internet mid-dar: console għal-logħob,

—	strumenti użati għall-aċċess għall-Internet mid-dar: mhux magħruf,

—	tip ta’ konnessjoni użata għall-aċċess għall-Internet mid-dar: modem jew ISDN,

—	tip ta’ konnessjoni użata għall-aċċess għall-Internet mid-dar: DSL (eż. ADSL, SHDSL, eċċ.),

—	tip ta’ konnessjoni użata għall-aċċess għall-Internet mid-dar: konnessjoni broadband oħra (eż. kejbil, UMTS, eċċ).

—	tip ta’ konnessjoni użata għall-aċċess għall-Internet mid-dar: mowbajl fuq in-narrowband (GPRS, eċċ.).

Karatteristiċi li jridu jinġabru għall-individwi kollha:

—	l-aktar użu reċenti tal-kompjuter (f’dawn l-aħħar tliet xhur; bejn tliet xhur u sena ilu; aktar minn sena ilu; qatt ma uża kompjuter),

—	użu ta’ mowbajl.

Karatteristiċi li jridu jinġabru għall-individwi li jkunu użaw kompjuter f’dawn l-aħħar tliet xhur:

—	frekwenza medja ta’ użu tal-kompjuter (kuljum jew kważi kuljum; ta’ l-inqas darba fil-ġimgħa (iżda mhux kuljum); ta’ l-inqas darba fix-xahar (iżda mhux kull ġimgħa); anqas minn darba fix-xahar),

—	fejn intuża l-kompjuter f’dawn l-aħħar tliet xhur: id-dar,

—	fejn intuża l-kompjuter f’dawn l-aħħar tliet xhur: fuq il-post tax-xogħol (għajr id-dar),

—	fejn intuża l-kompjuter f’dawn l-aħħar tliet xhur: fuq il-post tat-tagħlim,

—	fejn intuża l-kompjuter f’dawn l-aħħar tliet xhur: f’dar ħaddieħor,

—	fejn intuża l-kompjuter f’dawn l-aħħar tliet xhur: xi mkien ieħor (eż f’librerija pubblika, lukanda, ajruport, Internet café, eċċ).

Karatteristiċi li jridu jinġabru għall-individwi li użaw mowbajl:

—	Użu tal-mowbajl f’dawn l-aħħar tliet xhur għal finijiet privati biex wieħed jibgħat ritratti jew biċċiet tal-vidjow,

—	użu tal-mowbajl f’dawn l-aħħar tliet xhur għal finijiet privati biex wieħed itella’ ritratti jew biċċiet tal-vidjow mit-telefowns tiegħu għal websajts,

—	użu tal-mowbajl f’dawn l-aħħar tliet xhur għal finijiet privati biex wieħed jirċievi servizzi ta’ tagħrif bil-ħlas ta’ abbonament (pereżempju aħbarijiet, tbassir tat-temp, riżultati sportivi eċċ.),

—	użu tal-mowbajl f’dawn l-aħħar tliet xhur għal finijiet privati biex wieħed jibbrawżja l-Internet,

—	użu tal-mowbajl f’dawn l-aħħar tliet xhur għal finijiet privati biex wieħed jaqra l-emails,

—	użu tal-mowbajl f’dawn l-aħħar tliet xhur għal finijiet privati biex wieħed iniżżel u/jew jara t-TV jew vidjow,

—	użu tal-mowbajl f’dawn l-aħħar tliet xhur għal finijiet privati biex wieħed iħallas għal oġġetti jew servizzi (minflok bi flus jew karta ta’ kreditu),

—	użu tal-mowbajl fl-aħħar tliet xhur għal finijiet privati għal navigazzjoni personali (biex issib post jew indirizz), użu ta’ servizzi ta’ li jikkunsidraw il-lokalizzazzjoni (eż. biex tirċievi tagħrif dwar vjaġġar, xiri u avvenimenti fil-qrib),

—	użu ta’ ħlas minn qabel,

—	użu ta’ ħlas wara.

Karatteristiċi li jridu jinġabru għall-individwi li użaw mowbajl u ħlas wara:

—	(mhux obbligatorju) ħlas ta’ rata fissa għall-aċċess għall-Internet permezz tal-mowbajl tiegħek.

Użu ta’ l-Internet għal finijiet differenti minn individwi u/jew fid-djar

Karatteristiċi li jridu jinġabru għall-individwi kollha:

—	l-aktar użu reċenti ta’ l-Internet (f’dawn l-aħħar tliet xhur; bejn tliet xhur u sena ilu; aktar minn sena ilu; qatt ma uża l-Internet).

Karatteristiċi li jridu jinġabru għall-individwi li diġà jkunu użaw l-Internet:

—	l-aktar attività ta’ kummerċ bl-Internet reċenti għal użu privat (f’dawn l-aħħar tliet xhur; bejn tliet xhur u sena ilu; aktar minn sena ilu; qatt ma sar xiri jew ordni).

Karatteristiċi li jridu jinġabru għall-individwi li jkunu użaw l-Internet f’dawn l-aħħar tliet xhur:

—	frekwenza medja ta’ użu ta’ l-Internet f’dawn l-aħħar tliet xhur (kuljum jew kważi kuljum; ta’ l-inqas darba fil-ġimgħa (iżda mhux kuljum); ta’ l-inqas darba fix-xahar (iżda mhux kull ġimgħa); anqas minn darba fix-xahar),

—	fejn intuża l-Internet f’dawn l-aħħar tliet xhur: id-dar,

—	fejn intuża l-Internet f’dawn l-aħħar tliet xhur: fuq il-post tax-xogħol (għajr id-dar),

—	fejn intuża l-Internet f’dawn l-aħħar tliet xhur: fuq il-post tat-tagħlim,

—	fejn intuża l-Internet f’dawn l-aħħar tliet xhur: f’dar ħaddieħor,

—	fejn intuża l-Internet f’dawn l-aħħar tliet xhur: xi mkien ieħor,

—	(mhux obbligatorju) fejn intuża l-Internet f’dawn l-aħħar tliet xhur: librerija pubblika,

—	(mhux obbligatorju) fejn intuża l-Internet f’dawn l-aħħar tliet xhur: uffiċċju tal-posta,

—	(mhux obbligatorju) fejn intuża l-Internet f’dawn l-aħħar tliet xhur: uffiċċju pubbliku, muniċipju jew aġenzija tal-gvern,

—	(mhux obbligatorju) fejn intuża l-Internet f’dawn l-aħħar tliet xhur: għaqda tal-komunità jew volontarja,

—	(mhux obbligatorju) fejn intuża l-Internet f’dawn l-aħħar tliet xhur: Internet café,

—	(mhux obbligatorju) fejn intuża l-Internet f’dawn l-aħħar tliet xhur: hotspot (f’lukanda, ajruport, postijiet pubbliċi eċċ.),

—	użu ta’ strumenti mobbli biex taqbad ma’ l-Internet: mowbajl permezz tal-GPRS,

—	użu ta’ strumenti mobbli biex taqbad ma’ l-Internet: mowbajl permezz tal-UMTS (3G),

—	użu ta’ strumenti mobbli biex taqbad ma’ l-Internet: kompjuter ta’ l-id (palmtop, PDA),

—	użu ta’ strumenti mobbli biex taqbad ma’ l-Internet: kompjuter portabbli (laptop) permezz ta’ konnessjoni bla wajers mhux mid-dar jew mix-xogħol,

—	użu ta’ l-Internet f’dawn l-aħħar tliet xhur għal finijiet privati biex wieħed jibgħat u/jew jirċievi l-emails,

—	użu ta’ l-Internet f’dawn l-aħħar tliet xhur għal finijiet privati biex wieħed isib tagħrif dwar oġġetti u servizzi,

—	użu ta’ l-Internet f’dawn l-aħħar tliet xhur għal finijiet privati biex wieħed juża servizzi marbuta ma’ l-ivvjaġġar u l-akkomodazzjoni,

—	użu ta’ l-Internet f’dawn l-aħħar tliet xhur għal finijiet privati biex wieħed iniżżel softwer (ħlief softwer tal-logħob),

—	użu ta’ l-Internet f’dawn l-aħħar tliet xhur għal finijiet privati biex wieħed jaqra jew iniżżel aħbarijiet, gazzetti u rivisti ta’ l-aħbarijiet onlajn,

—	użu ta’ l-Internet f’dawn l-aħħar tliet xhur għal finijiet privati biex wieħed ifittex xogħol jew jibgħat applikazzjoni għal xogħol,

—	użu ta’ l-Internet f’dawn l-aħħar tliet xhur għal finijiet privati biex wieħed ifittex tagħrif dwar is-saħħa,

—	użu ta’ l-Internet f’dawn l-aħħar tliet xhur għal finijiet privati għall-użu ta’ servizzi bankarji fuq l-Internet,

—	(mhux obbligatorju) użu ta’ l-Internet f’dawn l-aħħar tliet xhur għal finijiet privati għall-bejgħ ta’ prodotti jew servizzi, eż. permezz ta’ irkanti,

—	użu ta’ l-Internet f’dawn l-aħħar tliet xhur għal finijiet privati biex wieħed ifittex tagħrif dwar offerti edukattivi, ta’ taħriġ jew ta’ korsijiet,

—	użu ta’ l-Internet f’dawn l-aħħar tliet xhur għal finijiet privati biex wieħed jagħmel kors onlajn (fi kwalunkwe suġġett),

—	użu ta’ l-Internet f’dawn l-aħħar tliet xhur għal finijiet privati biex wieħed jikkonsulta l-Internet għall-fini ta’ tagħlim,

—	użu ta’ l-Internet f’dawn l-aħħar tliet xhur għal finijiet privati biex wieħed jikseb tagħrif minn websajts ta’ awtoritajiet pubbliċi,

—	użu ta’ l-Internet f’dawn l-aħħar tnax-il xahar għal finijiet privati biex wieħed jikseb tagħrif minn websajts ta’ awtoritajiet pubbliċi,

—	użu ta’ l-Internet f’dawn l-aħħar tliet xhur għal finijiet privati biex wieħed iniżżel formoli uffiċjali minn websajts ta’ awtoritajiet pubbliċi,

—	użu ta’ l-Internet f’dawn l-aħħar tnax-il xahar għal finijiet privati biex wieħed iniżżel formoli uffiċjali minn websajts ta’ awtoritajiet pubbliċi,

—	użu ta’ l-Internet f’dawn l-aħħar tliet xhur għal finijiet privati biex wieħed jibgħat formoli mimlijin lill-awtoritajiet pubbliċi,

—	użu ta’ l-Internet f’dawn l-aħħar tnax-il xahar għal finijiet privati biex wieħed jibgħat formoli mimlijin lill-awtoritajiet pubbliċi,

—	użu ta’ l-Internet f’dawn l-aħħar tliet xhur għal finijiet privati biex wieħed iċempel minn fuq l-Internet,

—	użu ta’ l-Internet f’dawn l-aħħar tliet xhur għal finijiet privati għal telefonati viżivi (permezz ta’ webcam) minn fuq l-Internet, użu ta’ l-Internet f’dawn l-aħħar tliet xhur għal finijiet privati biex wieħed jibgħat messaġġi fuq chat sites, newsgroups jew forum ta’ diskussjoni onlajn,

—	użu ta’ l-Internet f’dawn l-aħħar tliet xhur għal finijiet privati għal messaġġi istantanji (komunikazzjoni fil-ħin attwali b’tipi oħra ta’ test ittajpjat),

—	użu ta’ l-Internet f’dawn l-aħħar tliet xhur għal finijiet privati għall-qari ta’ weblogs jew bloggati,

—	użu ta’ l-Internet f’dawn l-aħħar tliet xhur għal finijiet privati biex wieħed joħloq jew iżomm il-weblog jew il-bloggati tiegħu,

—	użu ta’ l-Internet f’dawn l-aħħar tliet xhur għal finijiet privati biex wieħed jisma’ r-radju u/jew jara t-televixin fuq il-web,

—	użu ta’ l-Internet f’dawn l-aħħar tliet xhur għal finijiet privati biex wieħed iniżżel u/jew jisma’ l-mużika (ħlief permezz ta’ radju fuq il-web),

—	użu ta’ l-Internet f’dawn l-aħħar tliet xhur għal finijiet privati biex wieħed iniżżel u/jew jara l-films (ħlief permezz ta’ TV fuq il-web),

—	użu ta’ l-Internet f’dawn l-aħħar tliet xhur għal finijiet privati għall-użu ta’ skambju ta’ fajls peer-to-peer għat-tpartit ta’ films, mużika, u fajls viżivi,

—	użu ta’ l-Internet f’dawn l-aħħar tliet xhur għal finijiet privati biex wieħed juża servizzi podcast biex jirċievi awtomatikament fajls awdjo jew viżivi li jinteressawh,

—	użu ta’ l-Internet f’dawn l-aħħar tliet xhur għal finijiet privati biex wieħed iniżżel il-logħob tal-kompjuter jew l-aġġornamenti tagħhom,

—	użu ta’ l-Internet f’dawn l-aħħar tliet xhur għal finijiet privati biex wieħed jilgħab logħob permezz ta’ netwerk ma’ oħrajn,

—	użu ta’ l-Internet f’dawn l-aħħar tliet xhur għal finijiet privati biex wieħed itella’ kontenut maħluq minnu stess (test, stampi, ritratti, vidjows, mużika eċċ.) għal kwalunkwe websajt biex jitqassam,

—	użu ta’ l-Internet f’dawn l-aħħar tliet xhur għal finijiet privati biex wieħed juża feeds ta’ l-aħbarijiet ibbażati fuq il-brawżer (eż RSS) għall-qari ta’ kontenut ġdid f’websajts,

—	ħlas ta’ kontenut awdjoviżiv onlajn f’dawn l-aħħar tliet xhur,

—	l-użu ta’ l-Internet għall-qari ta’ aħbarijiet onlajn ħa post il-qari ta’ aħbarijiet stampati, gazzetti, rivisti (ħafna; sa ċertu punt; lanqas xejn),

—	l-użu ta’ l-Internet għat-tniżżil ta’ fajls mużikali ħa post ix-xiri ta’ CDS (ħafna; sa ċertu punt; lanqas xejn),

—	l-użu ta’ l-Internet għat-tniżżil ta’ films u vidjos ħa post ix-xiri/kiri ta’ DVDS (ħafna; sa ċertu punt; lanqas xejn),

—	l-użu ta’ l-Internet biex wieħed jisma’ radju fuq il-web ħa post is-smigħ ta’ radju normali (ħafna; sa ċertu punt; lanqas xejn),

—	l-użu ta’ l-Internet għal kuntatti oħrajn ħa post kuntatti personali ma’ l-amministrazzjonijiet u s-servizzi pubbliċi (ħafna; sa ċertu punt; lanqas xejn).

Karatteristiċi li jridu jinġabru għall-individwi li jkunu użaw l-Internet f’dawn l-aħħar tliet xhur għal finijiet privati biex jaqraw jew iniżżlu aħbarijiet, gazzetti u rivisti ta’ l-aħbarijiet onlajn:

—	użu ta’ l-Internet f’dawn l-aħħar tliet xhur għal finijiet privati biex wieħed jaqra jew iniżżel aħbarijiet, gazzetti jew rivisti ta’ l-aħbarijiet onlajn li l-individwu jkun abbona għalihom biex jirċivihom regolarment.

Karatteristiċi li jridu jinġabru għall-individwi li jkunu użaw l-Internet f’dawn l-aħħar tliet xhur għal finijiet privati biex iċemplu minn fuq l-Internet u/jew jagħmlu telefonati viżivi (permezz ta’ webcam) minn fuq l-Internet:

—	it-telefonati bl-internet ħadu post it-telefonati bil-mowbajl (ħafna; sa ċertu punt; lanqas xejn),

—	it-telefonati bl-internet ħadu post it-telefown b’linja fissa (ħafna; sa ċertu punt; lanqas xejn),

—	it-telefonati bl-internet ħadu post l-użu ta’ l-emails (ħafna; sa ċertu punt; lanqas xejn),

—	it-telefonati bl-Internet ma ħallew l-ebda effett fuq mezzi oħra ta’ komunikazzjoni.

Karatteristiċi li jridu jinġabru għal individwi li użaw l-Internet fl-aħħar tliet xhur biex iniżżlu u/jew jisimgħu l-mużika u/jew iniżżlu u/jew jaraw films, films qosra jew fajls viżivi u/jew jużaw skambju ta’ fajls peer-to-peer għat-tpartit ta’ films, mużika fajls viżivi u/jew jużaw servizzi podcast biex jirċievu awtomatikament fajls awdjo jew viżivi li jinteressawhom:

—	frekwenza medja ta’ tniżżil ta’ mużika u/jew films f’dawn l-aħħar tliet xhur (kuljum jew kważi kuljum; ta’ l-inqas darba fil-ġimgħa (iżda mhux kuljum); ta’ l-inqas darba fix-xahar (iżda mhux kull ġimgħa); anqas minn darba fix-xahar; mhux applikabbli (sema' l-mużika u/jew ra films biss).

Karatteristiċi li jridu jinġabru għall-individwi li ma ħallsux għal kontenut awdjoviżiv onlajn f’dawn l-aħħar tliet xhur:

—	kienu jħallsu kieku ma kienx hemm kontenut disponibbli b’xejn,

—	kienu jħallsu kieku kien hemm dritt għal skambju ta’ kontenut protett mil-liġi,

—	kienu jħallsu kieku kien hemm metodi ta’ ħlas iktar konvenjenti,

—	kienu jħallsu kieku l-prezzijiet kienu iktar vantaġġjużi,

—	kienu jħallsu kieku l-kontenut imħallas kellu kwalità aħjar mis-servizz b’xejn,

—	kienu jħallsu kieku kien hemm firxa usa’ ta’ għażliet u/jew il-kontenut kien disponibbli b’inqas diffikultà,

—	ma kienu jħallsu għall-ebda waħda mir-raġunijiet imsemmija hawn fuq, imma għal raġunijiet oħrajn (eż. biex jappoġġaw xogħol l-artisti eċċ.),

—	mhumiex lesti jħallsu, u xejn mhu se jikkonvinċihom iħallsu.

Karatteristiċi li għandhom jinġabru għall-individwi li jkunu użaw l-Internet għal attivitajiet kummerċjali fuq l-Internet għal użu privat f’dawn l-aħħar tnax-il xahar:

—	użu ta’ l-Internet biex wieħed jordna l-ikel jew il-merċa fl-aħħar tnax-il xahar,

—	użu ta’ l-Internet biex wieħed jordna oġġetti tad-dar fl-aħħar tnax-il xahar,

—	użu ta’ l-Internet biex wieħed jordna films jew mużika fl-aħħar 12-il xahar (irid jiġi rrapurtat separatament: jekk ġiex ikkunsinjat onlajn),

—	użu ta’ l-Internet biex wieħed jordna kotba, rivisti, gazzetti jew materjal ta’ tagħlim elettroniku fl-aħħar 12-il xahar (irid jiġi rrapurtat separatament: jekk ġiex ikkunsinjat onlajn),

—	użu ta’ l-Internet biex wieħed jordna ħwejjeġ jew oġġetti sportivi fl-aħħar tnax-il xahar,

—	użu ta’ l-Internet biex wieħed jordna softwer tal-kompjuter jew aġġornamenti tas-softwer fl-aħħar 12-il xahar (irid jiġi rraportat separatament: jekk ġiex ikkunsinjat onlajn),

—	użu ta’ l-Internet biex wieħed jordna ħardwer tal-kompjuter fl-aħħar tnax-il xahar,

—	użu ta’ l-Internet biex wieħed jordna tagħmir elettroniku (inkl. kameras) fl-aħħar tnax-il xahar,

—	użu ta’ l-Internet għax-xiri ta’ ishma, servizzi finanzjarji jew assigurazzjonijiet fl-aħħar tnax-il xahar,

—	użu ta’ l-Internet biex wieħed jibbukkja akkomodazzjoni għal vjaġġ jew btala fl-aħħar tnax-il xahar,

—	użu ta’ l-Internet biex wieħed jordna biljetti għal avvenimenti fl-aħħar tnax-il xahar,

—	użu ta’ l-Internet biex wieħed jieħu sehem f’lotteriji jew jilgħab l-imħatri fl-aħħar tnax-il xahar,

—	użu ta’ l-Internet biex wieħed jordna oġġetti jew servizzi oħrajn fl-aħħar tnax-il xahar,

—	oġġetti jew servizzi mixtrija jew ordnati fl-aħħar tnax-il xahar minn bejjiegħa nazzjonali,

—	oġġetti jew servizzi mixtrija jew ordnati fl-aħħar tnax-il xahar minn bejjiegħa minn pajjiżi oħrajn ta’ l-UE,

—	oġġetti jew servizzi mixtrija jew ordnati fl-aħħar tnax-il xahar minn bejjiegħa mill-bqija tad-dinja,

—	oġġetti jew servizzi mixtrija jew ordnati fl-aħħar tnax-il xahar: il-pajjiżi ta’ l-oriġini tal-bejjiegħa mhux magħruf.

Kompetenza fl-ICT

Karatteristiċi li għandhom jinġabru għall-individwi li jkunu xi darba użaw kompjuter:

—	(mhux obbligatorju) l-aktar kors ta’ taħriġ reċenti ta’ mill-inqas tliet sigħat dwar kwalunkwe aspett ta’ l-użu tal-kompjuter (f’dawn l-aħħar tliet xhur; bejn tliet xhur u sena ilu; bejn sena u tliet snin ilu; aktar minn tliet snin ilu; qatt ma segwew kors wieħed).

Xkiel għall-użu ta’ l-ICT u l-Internet

Karatteristiċi li jridu jinġabru għal djar mingħajr aċċess għall-Internet mid-dar:

—	raġuni għan-nuqqas ta’ aċċess għall-Internet mid-dar: aċċess għall-Internet minn x’imkien ieħor,

—	raġuni għan-nuqqas ta’ aċċess għall-Internet mid-dar: ma jridux l-Internet (minħabba l-kontenut dannuż, eċċ.),

—	raġuni għan-nuqqas ta’ aċċess għall-Internet mid-dar: ma għandhomx bżonn l-Internet (minħabba li mhux utli, mhux interessanti, eċċ.),

—	raġuni għan-nuqqas ta’ aċċess għall-Internet mid-dar: l-ispejjeż tat-tagħmir huma għoljin wisq,

—	raġuni għan-nuqqas ta’ aċċess għall-Internet mid-dar: l-ispejjeż għall-aċċess huma għoljin wisq (telefown, eċċ.),

—	raġuni għan-nuqqas ta’ aċċess għall-Internet mid-dar: nuqqas ta’ ħiliet,

—	raġuni għan-nuqqas ta’ aċċess għall-Internet mid-dar: tħassib dwar sigurtà jew privatezza,

—	raġuni għan-nuqqas ta’ aċċess għall-Internet mid-dar: diżabilità fiżika,

—	raġuni għan-nuqqas ta’ aċċess għall-Internet mid-dar: l-ebda waħda minn dawn ta’ hawn fuq, iżda raġunijiet oħrajn.

2. KOPERTURA

(a) L-unitajiet statistiċi li jridu jiġu rappreżentati għall-karatteristiċi elenkati fl-intestatura 1(b) ta’ dan l-Anness li jikkonċernaw id-djar huma djar li fihom ta’ l-anqas membru wieħed fil-grupp b’età bejn is-16 u -74.

(b) L-unitajiet statistiċi li jridu jiġu rappreżentati għall-karatteristiċi elenkati fl-intestatura 1(b) ta’ dan l-Anness li jikkonċernaw l-individwi huma l-individwi b’età bejn is-16 u -74.

(ċ) L-ambitu ġeografiku għandu jkopri djar u/jew individwi li jkunu jgħixu fi kwalunkwe parti tat-territorju ta’ l-Istat Membru.

3. PERIJODU TA’ REFERENZA

Il-perjodu ewlieni ta’ referenza għall-istatistika li trid tinġabar huwa l-ewwel kwart ta’ l-2008.

4. TQASSIM

(a) Għas-suġġetti u l-karatteristiċi tagħhom elenkati fl-intestatura 1(b) ta’ dan l-Anness li għandhom x’jaqsmu mad-djar, għandom jinġabru l-karatteristiċi ta’ sfond li ġejjin:

—	ir-reġjun ta’ residenza (irid jinġabar skond il-klassifikazzjoni tar-reġjuni NUTS1),

—	(mhux obbligatorju) ir-reġjun ta’ residenza skond il-klassifikazzjoni NUTS2,

—	lok ġeografiku: għajxien f’Reġjuni ta’ Konverġenza (inklużi reġjuni ta’ tneħħija gradwali); għajxien f’Kompetittività Reġjonali u Reġjuni ta’ Impjiegi (inklużi reġjuni ta’ inklużjoni gradwali),

—	grad ta’ urbanizzazzjoni: għajxien f’żoni ta’ popolazzjoni densa; għajxien f’żoni ta’ popolazzjoni intermedja; għajxien f’żoni ta’ popolazzjoni skarsa,

—	tip ta’ familja: għadd ta’ membri fil-familja (irid jinġabar separatament: għadd ta’ tfal taħt is-16),

—	dħul nett fix-xhar tal-familja (irid jinġabar bħala valur jew bl-użu tal-kwartili).

(b) Għas-suġġetti u l-karatteristiċi tagħhom elenkati fl-intestatura 1(b) ta’ dan l-Anness li għandhom x’jaqsmu ma’ l-individwi, għandhom jinġabru l-karatteristiċi ta’ sfond li ġejjin:

—	ir-reġjun ta’ residenza (irid jinġabar skond il-klassifikazzjoni tar-reġjuni NUTS1),

—	(mhux obbligatorju) ir-reġjun ta’ residenza skond il-klassifikazzjoni NUTS2,

—	lok ġeografiku: għajxien f’Reġjuni ta’ Konverġenza (inklużi reġjuni ta’ tneħħija gradwali); għajxien f’Reġjuni ta’ Impjiegi u Kompetittività Reġjonali (inklużi reġjuni ta’ tneħħija gradwali),

—	grad ta’ urbanizzazzjoni: għajxien f’żoni ta’ popolazzjoni densa; għajxien f’żoni ta’ popolazzjoni intermedja; għajxien f’żoni ta’ popolazzjoni skarsa,

—	sess: raġel; mara,

—	età (irid jinġabar bħala valur jew bl-użu tal-gruppi ta’ l-età): taħt is-16 (mhux obbligatorju); minn 16 sa 24; minn 25 sa 34; minn 35 sa 44; minn 45 sa 54; minn 55 sa 64; minn 65 sa 74; ’il fuq minn 74 (mhux obligatorju),

—	l-ogħla livell ta’ edukazzjoni mitmum skond il-Klassifikazzjoni ta’ l-Istandards Internazzjonali tal-Livelli Edukattivi (ISCED 97): baxx (ISCED 0, 1 jew 2); medju (ISCED 3 jew 4); għoli (ISCED 5 jew 6),

—	sitwazzjoni ta’ l-impjieg: impjegat jew jaħdem għal rasu inklużi dawk ħaddiema tal-familja; qiegħed; studenti li mhumiex fil-forza tax-xogħol; oħrajn li mhumiex fil-forza tax-xogħol,

—	impjieg skond il-Klassifikazzjoni ta’ l-Istandards Internazzjonali ta’ l-Impjiegi (ISCO-88/ISCO-08): ħaddiema ta’ l-idejn, ħaddiema mhux ta’ l-idejn; ħaddiema ta’ l-ICT, ħaddiema mhux ta’ l-ICT.

5. PERJODIĊITÀ

—	Id-data għandha tiġi pprovduta darba għas-sena 2008.

6. SKADENZI GĦAT-TRASMISSJONI TAR-RIŻULTATI

(a) Id-data aggregata, fejn meħtieġ immarkata bħala kunfidenzjali jew mhux attendibbli, imsemmija fl-Artikolu 6 tar-Regolament (KE) Nru 808/2004 għandha tintbagħat lill-Eurostat qabel il-5 ta’ Ottubru 2008. Sa dakinho, il-ġabra ta’ data għandha tkun iffinalizzata, ikkonvalidata u aċċettata. Il-format skedat ta’ trażmissjoni li jinqara minn kompjuter għandu jsegwi l-istruzzjonijiet ipprovduti mill-Eurostat.

(b) Il-metadata msemmija fl-Artikolu 6 tar-Regolament (KE) Nru 808/2004 għandha tintbagħat lill-Eurostat qabel il-31 ta’ Mejju 2008. Il-metadata għandha tkun skond il-mudell użat għar-rapporti pprovduti mill-Eurostat.

(ċ) Ir-rapport tal-kwalità msemmi fl-Artikolu 7(4) tar-Regolament (KE) Nru 808/2004 għandu jintbagħat lill-Eurostat qabel il-5 ta’ Novembru 2008. Ir-rapport tal-kwalità għandu jkun skond il-mudell użat għar-rapporti pprovdut mill-Eurostat.

nach oben

Wählen Sie die experimentellen Funktionen, die Sie testen möchten.