1.   Għall-iskopijiet ta’ dan ir-Regolament, prodott-A għandu jfisser prodott ipproċessat li jaqa’ fi ħdan il-kodiċi NM 1602 10 , 1602 50 31 , 1602 50 39 jew 1602 50 80 , li ma jkunx fih laħam għajr dak ta’ annimali bovini, bi proporzjon ta’ kollaġen/proteina ta’ mhux aktar minn 0,45 u li bil-piż ikun fih ta’ l-inqas 20 % ta’ laħam dgħif bl-esklużjoni ta’ l-intern u x-xaħam li l-piż nett tiegħu għandu jkun magħmul ta’ l-inqas minn 85 % laħam u ġelatina.

L-ammont tal-kollaġen se jitqies bħala l-ammont ta’ idrossiprolina (hydroxyproline) immultiplikat bil-fattur 8. L-ammont ta’ idrossiprolina (hydroxyproline) għandu jiġi determinat skond il-metodu ISO 3496-1994.

L-ammont ta’ laħam dgħif ta’ l-annimali bovini minbarra x-xaħam għandu jiġi determinat skond il-proċedura stipulata fl-Anness tar-Regolament tal-Kummissjoni (KEE) Nru 2429/86 (11).

L-intern jinkludi dan li ġej: ir-ras u biċċiet minnha (inklużi l-widnejn), is-saqajn, id-denb, il-qalb, il-bżieżel, il-fwied, il-kliewi, l-animelli (it-timu [thymus glands]), il-frixa, il-moħħ, il-pulmun, il-gerżuma, il-falda, il-milsa, l-ilsien, il-mindil, is-sinsla, il-ġilda li tista’ tittiekel, l-organi riproduttivi (jiġifieri, l-utru, l-ovarji u t-testikoli), it-tirojde, il-glandola pitwarja.

Il-prodott għandu jkun suġġett għal trattament ta’ sħana li jkun biżżejjed biex jiżgura koagulazzjoni tal-proteini tal-laħam fil-prodott kollu kemm hu li jista’ ma juri l-ebda traċċa ta’ likwidu fir-roża fuq wiċċ il-qatgħat meta l-prodott jinqata’ f’linja li tgħaddi mill-eħxen parti tiegħu.

2.   Għall-iskopijiet ta’ dan ir-Regolament, prodott-B għandu jfisser prodott ipproċessat li fih iċ-ċanga, għajr:

Madankollu, għandu jitiqes bħala prodott-B, prodott ipproċessat li jaqa’ fi ħdan il-kodiċi NM 0210 20 90 li tnixxef jew ġie ffumikat sabiex il-kulur u l-konsistenza tal-laħam frisk ikunu għebu għal kollox u jkollu proporzjon ta’ ilma/proteina li ma jaqbiżx 3,2.

1.   Il-kwantità ġenerali msemmija fl-Artikolu 1 għandha tinqasam f’żewġ kwantitajiet:

2.   Il-kwota għandu jkollha dawn in-numri ta’ l-ordni:

3.   Id-dazji doganali fuq l-importazzjoni li għandhom japplikaw għaċ-ċanga ffriżata huma stipulati fl-Anness I.

1.   Il-kwota għandha tkun amministrata billi d-drittijiet ta’ l-importazzjoni jiġu attribwiti bħala l-ewwel pass u l-ħruġ ta’ liċenzji ta’ l-importazzjoni bħala t-tieni pass.

2.   Għandhom japplikaw ir-Regolamenti (KE) Nru 1445/95, (KE) Nru 1291/2000 u (KE) Nru 1301/2006, għajr meta pprovdut xorta oħra f’dan ir-Regolament.

1.   B’deroga mill-Artikolu 5 tar-Regolament (KE) Nru 1301/2006, minflok parteċipazzjoni fil-kummerċ ma’ pajjiżi terzi kif imsemmi fl-Artikolu, l-applikanti għad-drittijiet ta’ l-importazzjoni għandhom jagħtu prova li huma stabbilimenti ta’ l-ipproċessar approvati skond l-Artikolu 4 tar-Regolament (KE) Nru 853/2004 u għandhom juru li kienu attivi fil-produzzjoni ta’ prodotti pproċessati li fihom iċ-ċanga matul kull wieħed miż-żewġ perjodi ta’ referenza msemmija fl-Artikolu 5 tar-Regolament (KE) Nru 1301/2006.

Stabbilimenti ta’ l-ipproċessar fil-Bulgarija u fir-Rumanija li ma kinux ġew approvati skond l-Artikolu 12 tar-Regolament (KE) Nru 854/2004 biex jesportaw fil-Komunità qabel il-31 ta’ Diċembru 2006, u li kienu attivi fil-produzzjoni ta’ prodotti pproċessati li fihom iċ-ċanga matul kull wieħed miż-żewġ perjodi ta’ referenza msemmija fl-Artikolu 5 tar-Regolament (KE) Nru 1301/2006, jistgħu japplikaw għal drittijiet ta’ l-importazzjoni skond il-kwota.

Applikazzjoni għad-drittijiet ta’ l-importazzjoni ma tistax taqbeż l-10 % ta’ kull kwantità msemmija fl-Artikolu 3(1).

2.   L-evidenza tal-konformità mal-kundizzjonijiet stipulati fil-paragrafu 1 għandha titressaq flimkien ma’ l-applikazzjoni għad-drittijiet ta’ l-importazzjoni.

B’deroga mit-tieni paragrafu ta’ l-Artikolu 5 tar-Regolament (KE) Nru 1301/2006, l-awtorità nazzjonali kompetenti għandha tiddeċiedi x’inhu aċċettabbli bħala evidenza dokumentata tal-konformità ma’ dawk il-kundizzjonijiet.

1.   Kull applikazzjoni għad-drittijiet ta’ l-importazzjoni ta’ prodotti-A jew prodotti-B se tiġi espressa f’ekwivalenti ta’ laħam bl-għadam.

Għall-iskop ta’ dan il-paragrafu, 100 kilogramma ta’ laħam bl-għadam huwa ekwivalenti għal 77 kilogramma ta’ laħam bla għadam.

2.   L-applikazzjonijiet għad-drittijiet ta’ l-importazzjoni għall-produzzjoni jew ta’ prodotti-A inkella ta’ prodott-B għandhom jiġu ppreżentati mhux iktar tard mis-13:00, ħin ta’ Brussell, nhar t-8 ta’ Ġunju 2007.

3.   Garanzija ta’ EUR 6 għal 100 kg għandha titressaq flimkien ma’ l-applikazzjoni għad-drittijiet ta’ l-importazzjoni.

4.   Mhux iktar tard mis-13:00, ħin ta’ Brussell, fit-tieni Ġimgħa wara tmiem il-perjodu għas-sottomissjoni ta’ l-applikazzjonijiet imsemmija fil-paragrafu 2, l-Istati Membri għandhom jinnotifikaw lill-Kummissjoni bil-kwantitajiet totali li saret applikazzjoni għalihom għal kull waħda miż-żewġ kategoriji ta’ prodotti.

1.   Id-drittijiet ta’ l-importazzjoni għandhom jingħataw mis-seba’ jum tax-xogħol iżda mhux iktar tard mis-16-il jum tax-xogħol wara tmiem il-perjodu għan-notifiki msemmi fl-Artikolu 6(4).

2.   Jekk l-applikazzjoni tal-koeffiċjent ta’ l-allokazzjoni msemmi fl-Artikolu 7(2) tar-Regolament (KE) Nru 1301/2006 tirriżulta f’inqas drittijiet ta’ l-importazzjoni għall-allokazzjoni milli tressqu applikazzjonijiet għalihom, il-garanzija ppreżentata skond l-Artikolu 6(3) ta’ dan ir-Regolament, għandha tkun irrilaxxata proporzjonalment mingħajr dewmien.

1.   Ir-rilaxx fiċ-ċirkolazzjoni ħielsa tal-kwantitajiet mogħtija skond il-kwota huwa suġġett għall-preżentazzjoni ta’ liċenzja ta’ l-importazzjoni.

2.   L-applikazzjonijiet għal-liċenzja ta’ l-importazzjoni għandhom ikopru l-kwantità totali allokata. Dan l-obbligu għandu jikkostitwixxi rekwiżit primarju skond it-tifsira ta’ l-Artikolu 20(2) tar-Regolament (KEE) Nru 2220/85.

1.   L-applikazzjonijiet għal-liċenzja jistgħu jiġu ddepożitati biss ma’ l-Istat Membru fejn l-applikant applika u kiseb drittijiet ta’ l-importazzjoni li jaqgħu taħt il-kwota.

Kull ħruġ ta’ liċenzja ta’ l-importazzjoni għandu jirriżulta fi tnaqqis korrispondenti fid-drittijiet ta’ l-importazzjoni miksuba u l-garanzija ddepożitata skond l-Artikolu 6(3) għandha tiġi rrilaxxata proporzjonalment mingħajr dewmien.

2.   Liċenzji ta’ l-importazzjoni għandhom jinħarġu f’isem l-operatur li jkun kiseb id-drittijiet ta’ l-importazzjoni.

3.   L-applikazzjoni għal-liċenzja u l-liċenzja għandu jkun fihom l-informazzjoni li ġejja:

4.   Il-liċenzji għall-importazzjoni għandhom ikunu validi għal 120 jum mid-data tal-ħruġ attwali fi ħdan it-tifsira ta’ l-Artikolu 23(2) tar-Regolament (KE) Nru 1291/2000.

1.   Garanzija trid tiġi ddepożitata ma’ l-awtorità kompetenti malli ssir l-importazzjoni sabiex jiġi żgurat li l-proċessur, li ġewlu allokati d-drittijiet ta’ importazzjoni, jipproċessa l-kwantità kollha tal-laħam impurtat fil-prodotti kompluti fl-istabbiliment tiegħu speċifikat fl-applikazzjoni għal-liċenzja, fi żmien tliet xhur minn jum l-importazzjoni.

L-ammonti tal-garanzija huma stabbiliti fl-Anness III.

2.   Il-garanzija msemmija fil-paragrafu 1 għandha tiġi rrilaxxata fi proporzjon mal-kwantità li għaliha, fi żmien seba’ xhur minn jum l-importazzjoni, tkun ingħatat prova li tissodisfa l-awtorità kompetenti bil-fatt li l-laħam impurtat kollu jew parti minnu ġie pproċessat fil-prodotti rilevanti fi żmien tliet xhur wara jum l-importazzjoni fl-istabbiliment magħżul.

Madankollu, jekk l-ipproċessar ikun seħħ wara l-limitu ta’ tliet xhur imsemmi fl-ewwel subparagrafu, il-garanzija trid tiġi rrilaxxata bi tnaqqis ta’ 15 % flimkien ma’ 2 % tal-bqija ta’ l-ammont għal kull estensjoni b’jum tal-limitu ta’ żmien.

Jekk ikun hemm prova ta’ l-ipproċessar qabel ma jiskadu s-seba’ xhur msemmija fl-ewwel subparagrafu u din il-prova tiġi pprovduta fi żmien 18-il xahar wara dawk is-seba’ xhur, l-ammont ċedut, nieqes 15 % ta’ l-ammont tal-garanzija, għandu jintradd lura.

3.   L-ammont mhux rilaxxat tal-garanzija msemmija fil-paragrafu 1 għandu jiġi ċedut.