Edizzjoni speċjali bil-Kroat: Kapitolu 03 Volum 026 P. 233 - 234
EUR-Lex Access to European Union law
This document is an excerpt from the EUR-Lex website
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Need more search options? Use the
Advanced search
You are here
Document 32007R0491
Commission Regulation (EC) No 491/2007 of 3 May 2007 laying down detailed rules for implementing Council Regulation (EC) No 1947/2005 as regards the communication of data concerning seeds
Regolament tal-Kummissjoni (KE) Nru 491/2007 tat- 3 ta’ Mejju 2007 li jistabbilixxi regoli dettaljati għall-implimentazzjoni tar-Regolament tal-Kunsill (KE) Nru 1947/2005 dwar il-komunikazzjoni tad- data dwar iż-żrieragħ
Regolament tal-Kummissjoni (KE) Nru 491/2007 tat- 3 ta’ Mejju 2007 li jistabbilixxi regoli dettaljati għall-implimentazzjoni tar-Regolament tal-Kunsill (KE) Nru 1947/2005 dwar il-komunikazzjoni tad- data dwar iż-żrieragħ
ĠU L 116, 4.5.2007, p. 3–4
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
No longer in force, Date of end of validity: 30/06/2013; Imħassar b' 32013R0565
Language
HTML
PDF
Official Journal
|
4.5.2007 |
MT |
Il-Ġurnal Uffiċjali ta’ l-Unjoni Ewropea |
L 116/3 |
REGOLAMENT TAL-KUMMISSJONI (KE) Nru 491/2007
tat-3 ta’ Mejju 2007
li jistabbilixxi regoli dettaljati għall-implimentazzjoni tar-Regolament tal-Kunsill (KE) Nru 1947/2005 dwar il-komunikazzjoni tad-data dwar iż-żrieragħ
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat ir-Regolament tal-Kunsill (KE) Nru 1947/2005 tat-23 ta’ Novembru 2005 dwar l-organizzazzjoni komuni tas-suq fiż-żrieragħ u li jħassar ir-Regolamenti (KEE) Nru 2358/71 u (KEE) Nru 1674/72 (1), u partikolarment l-Artikolu 11 tiegħu,
Billi:
|
(1) |
L-Artikolu 1 tar-Regolament tal-Kummissjoni (KE) Nru 2081/2004 tas-6 ta’ Diċembru 2004 li jistabbilixxi r-regoli għall-komunikazzjoni ta’ l-informazzjoni neċessarja għall-implimentazzjoni tar-Regolament tal-Kunsill (KEE) Nru 2358/71 dwar l-organizzazzjoni komuni tas-suq fiż-żrieragħ (2), jirreferi għal speċijiet u gruppi ta’ varjetajiet elenkati fl-Anness tar-Regolament tal-Kunsill (KEE) Nru 2358/71. Dawn issa huma inklużi fl-Anness XI tar-Regolament tal-Kunsill (KE) Nru 1782/2003 tad-29 ta’ Settembru 2003 li jistabbilixxi r-regoli komuni għall-iskemi ta’ appoġġ dirett skond il-politika agrikola komuni u jistabbilixxi ċerti skemi ta’ appoġġ għall-bdiewa (3). |
|
(2) |
Fid-dawl tar-riforma tas-settur taż-żrieragħ huwa xieraq li l-komunikazzjoni ta’ l-informazzjoni neċessarja għall-implimentazzjoni tar-Regolament (KE) Nru 1947/2005 tkun riveduta. Għal finijiet ta’ ċarezza, ir-Regolament (KE) Nru 2081/2004 għandu jitħassar u jiġi ssostitwit minn Regolament ġdid. |
|
(3) |
Il-miżuri li għalihom jipprovdi dan ir-Regolament huma bi qbil ma’ l-opinjoni tal-Kumitat għall-Ġestjoni taż-Żrieragħ, |
ADOTTAT DAN IR-REGOLAMENT:
Artikolu 1
Għal kull speċi u grupp ta’ varjetajiet elenkati fl-Anness XI tar-Regolament (KE) Nru 1782/2003, l-Istati Membri għandhom jikkomunikaw lill-Kummissjoni permezz ta’ trażmissjoni elettronika, l-informazzjoni elenkata fl-Anness ta’ dan ir-Regolament mid-dati speċifikati fih.
Artikolu 2
Ir-Regolament (KE) Nru 2081/2004 huwa mħassar.
Artikolu 3
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu fil-Ġurnal Uffiċjali ta’ l-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, 3 ta’ Mejju 2007.
Għall-Kummissjoni
Mariann FISCHER BOEL
Membru tal-Kummissjoni
(1) ĠU L 312, 29.11.2005, p. 3.
(2) ĠU L 360, 7.12.2004, p. 6.
(3) ĠU L 246, 5.11.1971, p. 1. Ir-Regolament kif emendat l-aħħar bir-Regolament (KE) Nru 1782/2003 (ĠU L 270, 21.10.2003, p. 1).
ANNESS
Id-data li trid tiġi kkommunikata mill-Istati Membri skond l-Artikolu 1:
|
Nru |
In-natura ta' l-informazzjoni (skond l-ispeċi u l-grupp tal-varjetà) |
Id-data li fiha għandha tiġi provduta l-informazzjoni |
|
|
Is-sena tal-ħsad |
Is-sena kalendarja wara l-ħsad |
||
|
1 |
It-total taż-żona aċċettata għaċ-ċertifikazzjoni (f'ettari) |
Il-15 ta’ Novembru |
|
|
2 |
Il-15 ta’ Novembru |
|
|
|
3 |
It-total tal-kwantitajiet maħsuda (f'tunnellati) (3) |
|
L-1 ta' Ottubru |
|
4 |
L-istokkijiet li kellhom il-bejjiegħa bl-ingrossa fl-aħħar tas-sena tat-tqegħid fis-suq (f'tunnellati) (3) (4) |
|
L-1 ta' Ottubru |
(1) Din id-data tapplika biss għaż-żerriegħa bażika u ċertifikata.
(2) Il-figuri għall-kwantitajiet taż-żerriegħa aċċettati għaċ-ċertifikazzjoni.
(3) Il-figuri għall-kwantitajiet biex jirrelataw għall-ħtieġa taċ-ċertifikazzjoni.
(4) Is-sena ta' tqegħid fis-suq kif speċifikat fl-Artikolu 2 tar-Regolament tal-Kunsill (KE) Nru 1947/2005 (ĠU L 312, 29.11.2005, p. 3).