Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 32007R0377

Regolament tal-Kummissjoni (KE) Nru 377/2007 tad- 29 ta’ Marzu 2007 dwar il-klassifikazzjoni ta' ċerti merkanziji fin-Nomenklatura Maqgħuda

ĠU L 94, 4.4.2007, p. 20–22 (BG, ES, CS, DA, DE, ET, EL, EN, FR, IT, LV, LT, HU, NL, PL, PT, RO, SK, SL, FI, SV)
ĠU L 56M, 29.2.2008, p. 258–260 (MT)

⏵Dan id-dokument ġie ppubblikat f’edizzjoni(jiet) speċjali (HR)

Legal status of the document In force

ELI: http://data.europa.eu/eli/reg/2007/377/oj

29.2.2008   

MT

Il-Ġurnal Uffiċjali ta’ l-Unjoni Ewropea

258

REGOLAMENT TAL-KUMMISSJONI (KE) Nru 377/2007

tad-29 ta’ Marzu 2007

dwar il-klassifikazzjoni ta' ċerti merkanziji fin-Nomenklatura Maqgħuda

IL-KUMMISSJONI TAL-KOMUNITAJIET EWOPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat ir-Regolament tal-Kunsill (KEE) Nru 2658/87 tat-23 ta' Lulju 1987 dwar in-nomenklatura ta’ l-istatistika u tariffarja u dwar it-Tariffa Doganali Komuni (1), u partikolarment l-Artikolu 9(1)(a) tiegħu,

Billi:

(1)

Sabiex tiġi żgurata l-applikazzjoni uniformi tan-Nomenklatura Magħquda annessa mar-Regolament (KEE) Nru 2658/87, jeħtieġ li jiġu adottati miżuri li jirrigwardaw il-klassifikazzjoni ta' l-oġġetti riferiti fl-Anness ma' dan ir-Regolament.

(2)

Ir-Regolament (KEE) Nru 2658/87 stipula r-regoli ġenerali għall-interpretazzjoni tan-Nomenklatura Magħquda. Dawn ir-regoli japplikaw ukoll għal kull nomenklatura oħra li hi kompletament jew parzjalment ibbażata fuqha jew li żżid xi sottodivizjoni addizzjonali magħha u li hi stabbilita permezz ta' dispożizzjonijiet Komunitarji speċifiċi, bil-ħsieb ta’ l-applikazzjoni ta’ tariffa jew miżuri oħra dwar il-kummerċ merkantili.

(3)

Skond dawn ir-regoli ġenerali, il-merkanziji deskritti fil-kolonna 1 tat-tabella ppreżentata fl-Anness għandhom ikunu kklassifikati taħt il-kodiċi NM indikata fil-kolonna 2, bis-saħħa tar-raġunijiet ippreżentati fil-kolonna 3.

(4)

Hu xieraq li jkun stiplulat li informazzjoni tat-tariffa li torbot li nħarġet mill-awtoritajiet tad-dwana ta' l-Istati Membri rigward il-klassifikazzjoni ta' merkanzija fin-Nomenklatura Magħquda iżda li mhijiex skond dan ir-Regolament tista', għal perjodu ta' tliet xhur, tkompli tkun evokata mid-detentur, skond l-Artikolu 12(6) tar-Regolament tal-Kunsill (KEE) Nru 2913/92 tat-12 ta' Ottubru 1992 li jistabbilixxi l-Kodiċi Doganali tal-Komunità (2).

(5)

Il-miżuri previsti f’dan il-Regolament huma skond l-opinjoni tal-Kumitat tal-Kodiċi Doganali,

ADOTTAT DAN IR-REGOLAMENT:

Artikolu 1

L-oġġetti deskritti fil-kolonna 1 tat-tabella imniżżla fl-Anness għandhom ikunu kklassifikati fi ħdan in-Nomenklatura Magħquda taħt il-kodiċi tan-NM indikat fil-kolonna 2 ta' dik it-tabella.

Artikolu 2

Informazzjoni tariffarja li torbot maħruġa mill-awtoritajiet tad-dwana ta' l-Istati Membri, li mhijiex skond dan ir-Regolament, tista' tkompli tiġi evokata għal perjodu ta' tliet xhur skond l-Artikolu 12(6) tar-Regolament (KEE) Nru 2913/92.

Artikolu 3

Dan ir-Regolament għandu jidħol fis-seħħ fl-għoxrin jum wara l-pubblikazzjoni tiegħu fil-Ġurnal Uffiċjali ta' l-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, 29 ta’ Marzu 2007.

Għall-Kummissjoni

László KOVÁCS

Membru tal-Kummissjoni

(1)  ĠU L 256, 7.9.1987, p. 1. Ir-Regolament kif emendat l-aħħar bir-Regolament tal-Kunsill (KE) Nru 301/2007 (ĠU L 81, 22.3.2007, p. 11).

(2)  ĠU L 302, 19.10.1992, p. 1. Ir-Regolament kif emendat l-aħħar bir-Regolament (KE) Nru 1791/2006 (ĠU L 363, 20.12.2006, p. 1).

ANNESS

Deskrizzjoni ta’ l-oġġetti

Klassifikazzjoni

(Kodiċi-NM)

Raġunijiet

(1)

(2)

(3)

1.

Preparazzjoni ta’ ġellewż magħmula minn taħlita ta’ ġellewż u zokkor, ippreżentata fil-forma ta’ frak (% bl-użin) (*),

Qlub tal-ġellewż

40

Zokkor miżjud

60

Il-qlub tal-ġellewż huma nkaljati f'temperatura ta' 140oĊ għal 20-25 minuta. Iz-zokkor ikun inkaljat separatament fl-istess temperatura għal 15-17-il minuta. Il-ġellewż u z-zokkor inkaljati mbagħad jitħalltu u jkunu nkaljati flimkien għal 12-15-il minuta. Il-preparazzjoni imbagħad tkun imkessħa u mqatta’ f’partiċelli ta' daqs ta’ 1-4 mm. Imbagħad tkun ippakkjata f'boroż ta' mill-inqas 10kg għal bejgħ bl-ingrossa.

Din il-preparazzjoni hija prodott intermedjarju, u mhijiex intenzjonata għal konsum immedjat iżda għal użu fil-manifattura ta’ ċikkulati, ġelati, ħelu u prodotti moħmija.

2008 19 19

Il-klassifikazzjoni hija ddeterminata mir-Regoli Ġenerali 1 u 6 għall-interpretazzjoni tan-Nomenklatura Magħquda (NM), il-kliem tal-kodiċi NM 2008 , 2008 19 u 2008 19 19 .

Dan il-prodott mhux ikklassifikat f’Kapitlu 17 minħabba li huwa preparazzjoni ta' l-ikel biz-zokkor magħmula minn taħlita ta’ ġellewż u zokkor (NSSA għal Kapitlu 17, Ġenerali, paragrafu (b)).

It-titlu 1704 ma japplikax għal din il-preparazzjoni ta' ġellewż biz-zokkor għax mhijex immarkittjata jew intenzjonata għal użu bħala prodott tal-ħelu fiha innifisha (NSSA għal titlu 1704 , l-ewwel paragrafu).

Dan il-prodott huwa kopert minn Kapitlu 20 għax huwa ppreparat jew ippreservat b'mod mhux speċifikat f’Kapitlu 8 (Nota 1 (a) għal Kapitlu 20 u NSNM għal subtitli 2008 11 10 sa 2008 19 99 ).

Billi huma ġellewż imħallta biz-zokkor u billi għaddew minn preparazzjoni (inkaljar), dan il-prodott huwa kklassifikat fis-subtitlu 2008 19 19 (NSNM għal subtitli 2008 11 10 sa 2008 19 99 )

2.

Preparazzjoni ta’ ġellewż magħmula minn taħlita ta’ ġellewż u zokkor ippreżentata fil-forma ta’ trab (% bl-użin) (**),

Qlub tal-ġellewż

40

Zokkor miżjud

60

Il-qlub tal-ġellewż huma nkaljati f'temperatura ta' 140oĊ għal 20-25 minuta. Iz-zokkor ikun inkaljat separatament fl-istess temperatura għal 15-17-il minuta. Il-ġellewż u z-zokkor inkaljati mbagħad jitħalltu u jkunu nkaljati flimkien għal 12-15-il minuta. Il-preparazzjoni imbagħad tkun imkessħa u mqatta’ f’partiċelli ta' daqs ta’ 1-4 mm qabel ma jkunu mitħuna f'daqs ta' 20-30 microns. Imbagħad tkun ippakkjata f'boroż ta' mill-inqas 12,5kg għal bejgħ bl-ingrossa.

Din il-preparazzjoni hija prodott intermedju, u mhijiex intenzjonata għal konsum immedjat iżda għal użu fil-manifattura ta’ ċikkulati, ġelati, ħelu u prodotti moħmija.

2008 19 19

Il-klassifikazzjoni hija ddeterminata mir-Regoli Ġenerali 1 u 6 għall--interpretazzjoni tan-Nomenklatura Magħquda, il-kliem tal-kodiċi NM 2008 , 2008 19 u 2008 19 19 .

Dan il-prodott mhux ikklassifikat f’Kapitlu 17 minħabba li huwa tħejjija ta' l-ikel biz-zokkor magħmula minn taħlita ta’ ġellewż u zokkor (NSSA għal Kapitlu 17, Ġenerali, paragrafu (b)).

Titlu 1704 ma japplikax għal din il-preparazzjoni, għax hija prodott semi-manufatturat, li mhuwiex trasformata direttament f'ċertu tip ta' prodott tal-ħelu ta' dan it-titlu (NSNM għall-titlu 1704 , l-ewwel paragrafu, ix, u NSNM għal subtitli 1704 90 51 sa 1704 90 99 , it-tieni paragrafu).

Dan il-prodott huwa kopert minn Kapitlu 20 għax huwa ppreparat jew ippreservat b'mod mhux speċifikat f’Kapitlu 8 (Nota 1 (a) għal Kapitlu 20 u NSNM għal subtitli 2008 11 10 sa 2008 19 99 ).

Billi huma ġellewż imħallta biz-zokkor u billi għaddew minn preparazzjoni (inkaljar), dan il-prodott huwa kklassifikat fis-subtitlu 2008 19 19 (NSNM għal subtitli 2008 11 10 sa 2008 19 99 )

3.

Preparazzjoni ta’ ġellewż magħmula minn taħlita ta’ ġellewż u zokkor ippreżentata fil-forma ta’ pejst (% bl-użin) (***),

Qlub tal-ġellewż

40

Zokkor miżjud

60

Il-qlub tal-ġellewż huma nkaljati f'temperatura ta' 140oĊ għal 20-25 minuta. Iz-zokkor ikun inkaljat separatament fl-istess temperatura għal 15-17-il minuta. Il-ġellewż u z-zokkor inkaljati mbagħad jitħalltu u jkunu nkaljati flimkien għal 12-15-il minuta. Il-preparazzjoni imbagħad tkun imkessħa u mqatta’ f’partiċelli ta' daqs ta’ 1-4 mm qabel ma jkunu mitħuna f'daqs ta' 20-30 microns. Il-preparazzjoni mitħuna mbagħad tkun imħallta sa ma tieħu l-forma ta' pejst omoġenea. Imbagħad tkun ippakkjata f'boroż ta' mill-inqas 20kg għal bejgħ bl-ingrossa.

Din il-preparazzjoni hija prodott intermedju, mhijiex intenzjonata għal konsum immedjat iżda għal użu fil-manifattura ta’ ċikkulati, ġelati, ħelu u prodotti moħmija.

2008 19 19

Il-klassifikazzjoni hija ddeterminata mir-Regoli Ġenerali 1 u 6 għall-interpretazzjoni tan-Nomenklatura Magħquda, il-kliem tal-kodiċi NM 2008 , 2008 19 u 2008 19 19 .

Dan il-prodott mhuwiex ikklassifikat f’Kapitlu 17 minħabba li hija tħejjija ta' l-ikel biz-zokkor magħmula minn taħlita ta’ ġellewż u zokkor (NSSA għal Kapitlu 17, Ġenerali, paragrafu (b)).

Titlu 1704 ma japplikax għal din il-preparazzjoni, għax hija prodott semi-manufatturat, li mhuwiex trasformat direttament f'ċertu tip ta' prodott tal-ħelu ta' dan it-titlu (NSSA għal titlu 1704 , l-ewwel paragrafu, ix, u NSNM għal subtitli 1704 90 51 sa 1704 90 99 , it-tieni paragrafu).

Dan il-prodott huwa kopert minn Kapitlu 20 għax huwa ppreparat jew ippreservat b'mod mhux speċifikat f’ Kapitlu 8 (Nota 1 (a) għall-Kapitlu 20 u NSNM għal subtitli 2008 11 10 sa 2008 19 99 ).

Billi huma ġellewż imħallta biz-zokkor u billi għaddew minn preparazzjoni (inkaljar), dan il-prodott huwa kklassifikat f’subtitlu 2008 19 19 (NSNM għal subtitli 2008 11 10 sa 2008 19 99 )
Image Image Image

(*)  Ir-ritratt Nru 1 huwa purament għall-informazzjoni.

(**)  Ir-ritratt Nru 2 huwa purament għall-informazzjoni.

(***)  Ir-ritratt Nru 3 huwa purament għall-informazzjoni.

Top