This document is an excerpt from the EUR-Lex website
Document 32007R0342
Commission Regulation (EC) No 342/2007 of 29 March 2007 amending Regulation (EC) No 489/2005 as regards determining the intervention centres and the taking over of paddy rice by the intervention agencies as a result of the accession of Bulgaria and Romania to the European Union
Regolament tal-Kummissjoni (KE) Nru 342/2007 tad- 29 ta' Marzu 2007 li jemenda r-Regolament (KE) Nru 489/2005 rigward id-determinazzjoni taċ-ċentri ta' l-intervent u t-teħid tar-ross fil-ħliefa ( paddy ) mill-aġenziji ta' l-intervent wara l-adeżjoni tal-Bulgarija u tar-Rumanija fl-Unjoni Ewropea
Regolament tal-Kummissjoni (KE) Nru 342/2007 tad- 29 ta' Marzu 2007 li jemenda r-Regolament (KE) Nru 489/2005 rigward id-determinazzjoni taċ-ċentri ta' l-intervent u t-teħid tar-ross fil-ħliefa ( paddy ) mill-aġenziji ta' l-intervent wara l-adeżjoni tal-Bulgarija u tar-Rumanija fl-Unjoni Ewropea
ĠU L 90, 30.3.2007, p. 23–25
(BG, ES, CS, DA, DE, ET, EL, EN, FR, IT, LV, LT, HU, NL, PL, PT, RO, SK, SL, FI, SV)
ĠU L 56M, 29.2.2008, p. 229–231
(MT)
No longer in force, Date of end of validity: 31/08/2009; Impliċitament imħassar minn 32009R0670
|
29.2.2008 |
MT |
Il-Ġurnal Uffiċjali ta’ l-Unjoni Ewropea |
229 |
REGOLAMENT TAL-KUMMISSJONI (KE) Nru 342/2007
tad-29 ta' Marzu 2007
li jemenda r-Regolament (KE) Nru 489/2005 rigward id-determinazzjoni taċ-ċentri ta' l-intervent u t-teħid tar-ross fil-ħliefa (paddy) mill-aġenziji ta' l-intervent wara l-adeżjoni tal-Bulgarija u tar-Rumanija fl-Unjoni Ewropea
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat ir-Regolament tal-Kunsill (KE) Nru 1785/2003 tad-29 ta' Settembru 2003 dwar l-organizzazzjoni komuni tas-suq tar-ross (1), u b'mod partikolari l-Artikolu 6(3) u l-Artikolu 7(5) tiegħu,
Billi:
|
(1) |
L-Artikolu 6(2) tar-Regolament (KE) Nru 1785/2003 jistipula li l-elenku taċ-ċentri ta' l-intervent għat-teħid tar-ross fil-ħliefa (paddy) għandu jiġi ddeterminat mill-Kummissjoni wara konsultazzjoni ma' l-Istati Membri. Dan l-elenku jidher fl-Anness I tar-Regolament tal-Kummissjoni (KE) Nru 489/2005 tad-29 ta' Marzu 2005 dwar regoli ddettaljati għat-twettiq tar-Regolament tal-Kunsill (KE) Nru 1785/2003 rigward id-determinazzjoni taċ-ċentri ta' l-intervent u t-teħid tar-ross fil-ħliefa (paddy) mill-aġenziji ta' l-intervent (2). Wara l-adeżjoni tal-Bulgarija u tar-Rumanija fl-Unjoni Ewropea fl-1 ta' Jannar 2007, jinħtieġ li jiġu ddeterminati ċ-ċentri ta' l-intervent għal dawn l-Istati Membri l-ġodda u li jkunu inklużi fl-elenku msemmi. |
|
(2) |
L-Artikolu 7(1) tar-Regolament (KE) Nru 1785/2003 jillimita għal 75 000 tunnellata l-kwantitajiet li jistgħu jinxtraw mill-aġenziji ta' l-intervent mal-Komunità kollha. Biex din il-kwantità titqassam b'mod ġust, il-kwantitajiet għal kull Stat Membru produttur ġew stabbiliti mir-Regolament (KE) Nru 489/2005, fil-qies taż-żoni bażi nazzjonali stabbiliti mir-Regolament tal-Kunsill (KE) Nru 1782/2003 tad-29 ta' Settembru 2003 li jistabbilixxi regoli komuni għal skemi diretti ta' appoġġ fi ħdan il-politika agrikola komuni u li jistabbilixxi ċerti skemi ta' appoġġ għall-bdiewa (3), kif ukoll il-medji tal-produzzjoni li jingħataw fl-Anness VII ta' l-istess Regolament. Wara l-adeżjoni tal-Bulgarija u tar-Rumanija, jinħtieġ li dan it-tqassim bejn l-Istati Membri produtturi jiġi rrivedut, billi jiġu applikati l-istess kriterji ta' tqassim użati fl-adozzjoni tar-Regolament (KE) Nru 489/2005, iżda billi jittieħed kont ukoll taż-żoni bażi tal-Bulgarija u tar-Rumanija. |
|
(3) |
Għaldaqstant, huwa f'loku li r-Regolament (KE) Nru 489/2005 jiġi emendat. |
|
(4) |
Il-miżuri previsti f'dan ir-Regolament huma skond l-opinjoni tal-Kumitat ta' Ġestjoni għaċ-Ċereali, |
ADOTTAT DAN IR-REGOLAMENT:
Artikolu 1
Ir-Regolament (KE) Nru 489/2005 huwa emendat kif ġej:
|
1) |
L-Anness I huwa emendat skond l-Anness I ta' dan ir-Regolament. |
|
2) |
L-Anness V huwa mibdul bit-test ta' l-Anness II ta' dan ir-Regolament. |
Artikolu 2
Dan ir-Regolament jidħol fis-seħħ fil-jum tal-pubblikazzjoni tiegħu fil-Ġurnal Uffiċjali ta' l-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, 29 ta' Marzu 2007.
Għall-Kummissjoni
Mariann FISCHER BOEL
Membru tal-Kummissjoni
(1) ĠU L 270, 21.10.2003, p. 96. Ir-Regolament kif emendat bir-Regolament (KE) Nru 797/2006 (ĠU L 144, 31.5.2006, p. 1).
(2) ĠU L 81, 30.3.2005, p. 26.
(3) ĠU L 270, 21.10.2003, p. 1. Ir-Regolament kif emendat l-aħħar bir-Regolament (KE) Nru 2013/2006 (ĠU L 384, 29.12.2006, p. 13).
ANNESS I
Fl-Anness I tar-Regolament (KE) Nru 489/2005, jiżdiedu l-punti 7 u 8 li ġejjin:
“7. Il-Bulgarija
|
Ir-Reġjuni |
L-ismijiet taċ-ċentri ta' l-intervent |
|
Пазарджишка област |
Пазарджик |
|
Пловдивска област |
Пловдив |
|
Старозагорска област |
Стара Загора |
8. Ir-Rumanija
|
Ir-Reġjuni |
L-ismijiet taċ-ċentri ta' l-intervent |
|
Ialomita |
Slobozia” |
ANNESS II
“ANNESS V
Tranche nru 1 imsemmija fl-Artikolu 5
|
L-Istat Membru |
Tranche nru 1 |
|
Il-Bulgarija |
584 t |
|
Il-Greċja |
4 636 t |
|
Spanja |
20 320 t |
|
Franza |
4 148 t |
|
L-Italja |
40 432 t |
|
L-Ungerija |
305 t |
|
Il-Portugall |
4 549 t |
|
Ir-Rumanija |
26 t” |