EUR-Lex Access to European Union law
This document is an excerpt from the EUR-Lex website
Document 32007R0245
Commission Regulation (EC) No 245/2007 of 8 March 2007 amending and adapting Annex II to Regulation (EC) No 998/2003 of the European Parliament and of the Council as regards Bulgaria, Romania and Malaysia (Text with EEA relevance)
Regolament tal-Kummissjoni (KE) Nru 245/2007 tat- 8 ta’ Marzu 2007 li jemenda u jadatta l-Anness II tar-Regolament (KE) Nru 998/2003 tal-Parlament Ewropew u tal-Kunsill fir-rigward tal-Bulgarija, r-Rumanija u l-Malasja Test b'rilevanza għaż-ŻEE
Regolament tal-Kummissjoni (KE) Nru 245/2007 tat- 8 ta’ Marzu 2007 li jemenda u jadatta l-Anness II tar-Regolament (KE) Nru 998/2003 tal-Parlament Ewropew u tal-Kunsill fir-rigward tal-Bulgarija, r-Rumanija u l-Malasja Test b'rilevanza għaż-ŻEE
ĠU L 73, 13.3.2007, p. 9–9
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
No longer in force, Date of end of validity: 28/12/2014; Imħassar b' 32013R0576
13.3.2007 |
MT |
Il-Ġurnal Uffiċjali ta’ l-Unjoni Ewropea |
9 |
REGOLAMENT TAL-KUMMISSJONI (KE) Nru 245/2007
tat-8 ta’ Marzu 2007
li jemenda u jadatta l-Anness II tar-Regolament (KE) Nru 998/2003 tal-Parlament Ewropew u tal-Kunsill fir-rigward tal-Bulgarija, r-Rumanija u l-Malasja
(Test b’rilevanza għaż-ŻEE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat it-Trattat ta’ Adeżjoni tal-Bulgarija u r-Rumanija, u b'mod partikolari l-Artikolu 4(3) tiegħu,
Wara li kkunsidrat l-Att ta’ Adeżjoni tal-Bulgarija u tar-Rumanija, u b’mod partikolari l-Artikolu 56 tiegħu,
Wara li kkunsidrat ir-Regolament (KE) Nru 998/2003 tal-Parlament Ewropew u tal-Kunsill tas-26 ta’ Mejju 2003 dwar il-ħtiġijiet rigward is-saħħa ta' l-annimali li japplikaw għall-moviment mhux kummerċjali tal-pets u li jemenda d-Direttiva tal-Kunsill 92/65/KEE (1), u b'mod partikolari l-Artikoli 10 u 19 tiegħu,
Billi:
(1) |
Ir-Regolament (KE) Nru 998/2003 jistabbilixxi l-ħtiġijiet rigward is-saħħa ta' l-annimali li japplikaw għall-moviment mhux kummerċjali tal-pets u r-regoli applikabbli għall-kontrolli ta' tali movimenti. |
(2) |
Ir-Regolament (KE) Nru 998/2003 jistabbilixxi li fil-Parti C ta’ l-Anness II ta’ dan ir-Regolament għandha tiġi stipulata lista ta’ pajjiżi terzi li minnhom jista’ jiġi awtorizzat il-moviment ta’ annimali domestiċi lejn il-Komunità, dejjem jekk jiġu sodisfatti ċerti rekwiżiti. |
(3) |
Il-lista fil-Parti C ta’ l-Anness II tar-Regolament (KE) Nru 998/2003 tinkludi pajjiżi u territorji terzi li huma ħielsa mill-idrofobija u pajjiżi u territorji terzi fejn ir-riskju li tidħol l-idrofobija fil-Komunità bħala riżultat ta’ movimenti minn dawn il-pajjiżi u territorji terzi nstab li mhuwiex ikbar mir-riskju assoċjat mal-movimenti bejn l-Istati Membri. |
(4) |
Mit-tagħrif mogħti mill-awtoritajiet kompetenti tal-Malasja, jidher li r-riskju li l-idrofobija tidħol fil-Komunità bħala riżultat ta’ movimenti ta’ annimali domestiċi minn dan il-pajjiż mhuwiex ikbar mir-riskju assoċjat mal-movimenti ta’ annimali domestiċi bejn l-Istati Membri jew minn pajjiżi terzi diġà elenkati fir-Regolament (KE) Nru 998/2003. Għalhekk il-Malasja għandha tiġi inkluża fil-lista stipulata fil-Parti C ta’ l-Anness II tar-Regolament (KE) Nru 998/2003. |
(5) |
Minħabba li l-Bulgarija u r-Rumanija ilhom Stati Membri mill-1 ta’ Jannar 2007, fl-interess taċ-ċarezza tal-leġiżlazzjoni Komunitarja huwa meħtieġ li jitneħħew ir-referenzi għal dawn il-pajjiżi mill-Parti C ta’ l-Anness II tar-Regolament (KE) Nru 998/2003 b'effett mid-data tas-sħubija. |
(6) |
Ir-Regolament (KE) Nru 998/2003 għandu għalhekk jiġi emendat skond dan. |
(7) |
Il-miżuri previsti f'dan ir-Regolament huma konformi ma' l-opinjoni tal-Kumitat Permanenti dwar il-Katina Alimentari u s-Saħħa ta' l-Annimali, |
ADOTTAT DAN IR-REGOLAMENT:
Artikolu 1
Fir-Regolament (KE) Nru 998/2003, il-Parti C ta’ l-Anness II huwa emendat kif ġej:
(1) |
L-iskrizzjonijiet li ġejjin għandhom jitneħħew: “BG – il-Bulgarija RO – ir-Rumanija”. |
(2) |
Għandha tiddaħħal l-iskrizzjoni li ġejja: “MY – il-Malasja” |
Artikolu 2
Dan ir-Regolament għandu jidħol fis-seħħ fit-tielet jum wara dak tal-pubblikazzjoni tiegħu fil-Ġurnal Uffiċjali ta ' l-Unjoni Ewropea.
L-Artikolu 1(1) għandu jibda japplika mill-1 ta' Jannar 2007.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, 8 ta’ Marzu 2007.
Għall-Kummissjoni
Markos KYPRIANOU
Membru tal-Kummissjoni
(1) ĠU L 146, 13.6.2003, p. 1. Ir-Regolament kif emendat l-aħħar bir-Regolament tal-Kummissjoni (KE) Nru 1467/2006 (ĠU L 274, 5.10.2006, p. 3).