Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 32007L0061

Direttiva tal-Kunsill 2007/61/KE tas- 26 ta’ Settembru 2007 li temenda d-Direttiva 2001/114/KE rigward ċertu ħalib ippriservat disidratat in parti jew kollu għall-konsum tal-bniedem

ĠU L 258, 4.10.2007, p. 27–28 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

⏵Dan id-dokument ġie ppubblikat f’edizzjoni(jiet) speċjali (HR)

Legal status of the document In force

ELI: http://data.europa.eu/eli/dir/2007/61/oj

4.10.2007   

MT

Il-Ġurnal Uffiċjali ta’ l-Unjoni Ewropea

L 258/27

DIRETTIVA TAL-KUNSILL 2007/61/KE

tas-26 ta’ Settembru 2007

li temenda d-Direttiva 2001/114/KE rigward ċertu ħalib ippriservat disidratat in parti jew kollu għall-konsum tal-bniedem

IL-KUNSILL TA' L-UNJONI EWROPEA,

Wara li kkunsidra t-Trattat li jistabbilixxi l-Komunità Ewropea, u b’mod partikolari l-Artikolu 37 tiegħu,

Wara li kkunsidra l-proposta mill-Kummissjoni,

Wara li kkunsidra l-opinjoni tal-Parlament Ewropew (1),

Billi:

(1)

Fid-dawl tal-ħtieġa dejjem akbar għall-armonizzazzjoni fil-kummerċ internazzjonali tal-ħalib u tal-prodotti tal-ħalib, għandha ssir dispożizzjoni li tippermetti l-istandardizzazzjoni tal-kontenut ta’ proteina f’ċertu ħalib ippriservat disidratat in parti jew kollu għal kontenut minimu ta’ 34 %, bl-użin, espress fuq materjal niexef bla xaħam.

(2)

Filwaqt li tkun permessa l-istandardizzazzjoni, huwa neċessarju li jkunu definiti materji primi kif ukoll il-kompożizzjoni tal-materji primi użati għall-aġġustament tal-proteini.

(3)

Ir-Regolament (KE) Nru 1925/2006 tal-Parlament Ewropew u tal-Kunsill ta’ l-20 ta’ Diċembru 2006 dwar iż-żieda ta’ vitamini u minerali u ta’ ċerti sustanzi oħra ma’ l-ikel (2) jimmira li jirregola ż-żieda ta’ tali sustanzi ma’ l-ikel u jistabbilixxi l-lista ta’ vitamini u minerali li jistgħu jiżdiedu ma’ l-ikel. Għaldaqstant id-Direttiva tal-Kunsill 2001/114/KE (3) għandha tkun emendata biex tippermetti ż-żieda ta’ vitamini u minerali kif previst mir-Regolament (KE) Nru 1925/2006.

(4)

Id-Direttiva 2001/114/KE għandha tiġi emendata kif meħtieġ,

ADOTTA DIN ID-DIRETTIVA:

Artikolu 1

Id-Direttiva 2001/114/KE hija b’dan emendata kif ġej:

(1)

L-Artikolu 2 għandu jitħassar.

(2)

L-Anness I għandu jiġi emendat skond l-Anness għal din id-Direttiva.

Artikolu 2

1.   L-Istati Membri għandhom idaħħlu fis-seħħ il-liġijiet, ir-regolamenti u d-dispożizzjonijiet amministrattivi neċessarji biex ikunu konformi ma’ din id-Direttiva sal-31 ta’ Awwissu 2008. Huma għandhom jikkomunikaw immedjatament lill-Kummissjoni t-test ta’ dawk il-liġijiet, ir-regolamenti u d-dispożizzjonijiet amministrattivi flimkien ma’ tabella ta’ korrelazzjoni bejniethom u din id-Direttiva.

Meta jiġu adottati mill-Istati Membri, dawn il-miżuri għandhom ikollhom referenza għal din id-Direttiva jew għandhom ikunu akkumpanjati b’tali referenza fl-okkażjoni tal-pubblikazzjoni uffiċjali tagħhom. Il-metodi kif issir tali referenza għandhom jiġu stabbiliti mill-Istati Membri.

2.   L-Istati Membri għandhom jikkomunikaw lill-Kummissjoni t-test tad-dispożizzjonijiet ewlenin tal-liġi nazzjonali li huma jadottaw fil-qasam kopert b’din id-Direttiva.

Artikolu 3

Din id-Direttiva għandha tidħol fis-seħħ fit-tielet jum wara dak tal-pubblikazzjoni tagħha fil-Ġurnal Uffiċjali ta’ l-Unjoni Ewropea.

Artikolu 4

Din id-Direttiva hija indirizzata lill-Istati Membri.

Magħmul fi Brussell, 26 ta’ Settembru 2007.

Għall-Kunsill

Il-President

J. SILVA

(1)  Opinjoni tal-5 ta’ Settembru 2007 (għadha mhijiex pubblikata fil-Ġurnal Uffiċjali).

(2)  ĠU L 404, 30.12.2006, p. 26.

(3)  ĠU L 15, 17.1.2002, p. 19. Direttiva kif emendata mill-Att ta’ Adeżjoni ta’ l-2003.

ANNESS

L-Anness I għad-Direttiva 2001/114/KE huwa b’dan emendat kif ġej:

1.

Fil-punt 1 “Ħalib imnixxef minn parti mill-ilma”, l-ewwel subparagrafu għandu jiġi mibdul b’dan li ġej:

“Dan ifisser li l-prodott likwidu, kemm jekk magħmul ħelu jew le, miksub bit-tneħħija parzjali ta’ l-ilma mill-ħalib, minn ħalib xkumat in parti jew kollu jew minn taħlita ta’ dawn il-prodotti, li jista’ jkollhom taħlita miżjuda ta’ krema jew ta’ ħalib imnixxef kollu mill-ilma jew tat-tnejn, iż-żieda tal-ħalib imnixxef kollu mill-ilma ma taqbiżx, fil-prodotti lesti, 25 % tas-solidi totali tal-ħalib.”

2.

Fil-punt 2 “Ħalib imnixxef kollu mill-ilma”, l-ewwel subparagrafu għandu jiġi mibdul b’dan li ġej:

“Dan ifisser il-prodott solidu, fejn il-kontenut ta’ l-ilma ma jaqbiżx 5 % bl-użin tal-prodott lest, miksub bit-tneħħija ta’ l-ilma mill-ħalib, minn ħalib xkumat kollu jew in parti, minn krema jew minn taħlita ta’ dawn il-prodotti.”

3.

Il-punt 3 “Trattamenti” għandu jiġi emendat kif ġej:

(a)

Fil-punt (b), il-kliem tad-daħla għandhom jiġu mibdula b’dan li ġej:

“Mingħajr preġudizzju għar-Regolament (KE) Nru 853/2004 tal-Parlament Ewropew u tal-Kunsill tad-29 ta’ April 2004 li jistabbilixxi ċerti regoli speċifiċi ta’ iġjene għall-ikel li joriġina mill-annimali (*), għandha tinkiseb il-preservazzjoni tal-prodotti msemmija fil-paragrafi 1 u 2:

(*)  ĠU L 139, 30.4.2004, p. 55. Korrett mill-ĠU L 226, 25.6.2004, p. 22.”;"

(b)

Il-punt li ġej għandu jiġi miżjud:

“(ċ)

Mingħajr preġudizzju għall-ħtiġiet ta’ kompożizzjoni tal-punti 1 u 2 ta’ dan l-Anness il-kontenut ta’ proteina tal-ħalib jista’ jiġi aġġustat għal kontenut minimu ta’ 34 % bl-użin (espress fuq materjal niexef bla xaħam), biż-żieda u/jew bit-tneħħija ta’ kostitwenti tal-ħalib b’tali mod li ma jinbidilx il-proporzjon bejn il-proteini tax-xorrox u l-kaseina tal-ħalib li jkun qed jiġi aġġustat.”

4.

Il-punt 4 “Żidiet awtorizzati” għandu jiġi mibdul b’dan li ġej:

“4.   Żidiet awtorizzati u materji primi

(a)

Vitamini u minerali skond ir-Regolament (KE) Nru 1925/2006 tal-Parlament Ewropew u tal-Kunsill ta’ l- 20 ta’ Diċembru 2006 dwar iż-żieda ta’ vitamini u minerali u ta’ ċerti sustanzi oħra ma’ l-ikel (**).

(b)

Il-materji primi awtorizzati għal finijiet ta’ l-aġġustament tal-proteini msemmija fil-punt 3(ċ) għandhom ikunu kif ġej:

(i)

Retentat tal-ħalib

Ir-retentat tal-ħalib huwa l-prodott miksub bill-konċentrazzjoni tal-proteini tal-ħalib permezz ta’ ultra-filtrazzjoni tal-ħalib, ta’ ħalib parzjalment xkumat, jew ta’ ħalib xkumat;

(ii)

Permeat tal-ħalib

Il-permeat tal-ħalib huwa l-prodott miksub bit-tneħħija tal-proteini tal-ħalib u tax-xaħam tal-ħalib minn ħalib, ħalib parzjalment xkumat, jew ħalib xkumant permezz ta’ ultra-filtrazzjoni; u

(iii)

Lattosju

Il-lattosju huwa kostitwent naturali tal-ħalib normalment miksub mix-xorrox li b’kontenut ta’ lattosju anidruż ta’ mhux anqas minn 99,0 % m/m fuq bażi niexfa. Huwa jista’ jkun anidruż jew ikun fih molekula waħda ta’ ilma ta’ kristallizzazzjoni jew ikun taħlita taż-żewġ forom.

(**)  ĠU L 404, 30.12.2006, p. 26.”"

Top